بنات ابي دكاترة زينين تضمنين عندهم الa
للمقرارات التالية
تاريخ حضارة
جمال الزنكي ارشحه لج بقوة يهبل اسلوبه وطريقته منظم انسان جاي يعطيج قيم وما عنده اي مشكله يعطي ايه ودايما كلمته لطلبته وراح تسمعينها اذا خذتيها عنده
يقول لو اشوف كل الطلبه اللي عندي يستحقون الايه ما اتردد اني اعطيهم ياها بس حضور اجتهاد منج يعطيج وخاصه اللي ما يغيبون يقدرهم الدكتور سعود العصفور يمدحونه او بالاحرى يعطي قريدات وعبدالرحمن عبدالغني يقولون زين وباقي الاسامي غسلي ايدج ماحب اذم باحد بس اتحفظ على كلامي منهم اللي متعصب
واللي مزاجي الله يعينكم
تاريخ الكويت
مادري لا تعليق ههههههههههه المهم وخري عن الحريم افهميها دكاترة التاريخ من اصعب ماراح تصادفين بجامعة كويت وتذكري كلامي
تعليم اساليت تفكير
هالمادة تمنيت اخذها اهيا مادة رفع معدل مادري اذا صارت الزاميه الحين بس دكاترتها روعه اذا ما خاب ظني علي الهولي وبعد دكاتره حريم كلهم زينين
اصول التربية
ملفي المطيري
جلايلي حمامه
ووخري عن صادق اسماعيل هذا كرهني بجامعة الكويت ما عطاني حقي ما اغيب وجايبه 27 من 30 بالميد تيرم وفاينل شديت حيلي اخرتها بي ليش طموحي للايه
كنت ابي ايه علشان يكون معدلي بالجامعه 4 بس انقهرت وصرت ما ادرس خير شر من سواته
التربية الاسرية
اغلبهم ماسكين ايدهم عن الايه ومزاجيين طلعي نفسج بالمحاضره يحبون اللي تناقش وتتكلم انا نوعي هاديء جدا جدا مفروض اخذ الايه عند الخليفي بس ما عطاني
عطاني بي بلاس مع الاسف انقهرت مع ان بالاختبار الاول انا الوحيده بالكلاس اللي اعلى قريد كنت بس مو حابني الظاهر المهم ما يمنع اني امدحه لج وانا احترمه جدا ابراهيم الخليفي الباقي ما تعاملت معاهم
التربية الحركية ( شنو هالمقرر)
لا اعرف بس حق اللي تخصصهم رياض اطفال اذا ما خاب ظني !!
بيولوجيا انسان
لا اعرف
ثقافة اسلامية
الدكتور المحترم الرائع اللي استفدت منه الكثير اللي تتلمذ على ايد اهل العلم دكتور جميل المنيع قبل لا تفكرين مجرد تفكير تسجلين عنده اذا كنتي من هواة الغياب
او التأخير اذا التزمتي بالحضور والغياب الايه بيدج واختباراته سهله من اسهل ما يكون يعطيج اسئله تحفظينهم وتدشين اختبار مهيئه نفسيا له
الرجل الوحيد بهالجامعه اللي اثر بشخصيتي باخلاقه واسلوبه في بنات يتضايقون منه علشان سالفة الحضور والغياب لانه لا يقبل اي عذر لا طبي ولا غيره
وباقي الدكاترة المادة كلهم حبوبين
