اختكم من دبي في خدمتكم

[لؤلؤة دبي]

الله يعافيج اختي حجزنا انا وزوجي فندق مادري شنو المارينا نسيت اسمه

شنو الاماكن الحلوه القريبه منه سواء مشي او بسياره !؟

وشكثر يكفي المصرف لمده ٤ ايام مصرف حق مطاعم وتمشي وتكاسي

اختي حددي الفندق بالضبط عشان اقولج شو الاماكن السياحية القريبة منه

 

[TBOOLA]

حبيبتي انا باجر بسافر لدبي يومين
بغيت اعرف قي رمضان السوق متى يسكر ويفتح؟

 

[alhnan]

لو سمحتي عجمان قريبه من دبي او بعيده كم مسافتها بالسياره ؟ يقولون هناك خياييط مغربي و عبي ودراريع ارخص من دبي صج هالكلام ؟ او راح اتعنى عل فاضي ما يفرق السعر حييل؟ و شنو اسم هالسوق شقول للتكسي؟

 

[لؤلؤة دبي]

حبيبتي انا باجر بسافر لدبي يومين
بغيت اعرف قي رمضان السوق متى يسكر ويفتح؟

المراكز التجارية مفتوحة لين الساعة 2 تقريبا والمطاعم مفتوحة لين الساعة 3 الفجر

 

[لؤلؤة دبي]

لو سمحتي عجمان قريبه من دبي او بعيده كم مسافتها بالسياره ؟ يقولون هناك خياييط مغربي و عبي ودراريع ارخص من دبي صج هالكلام ؟ او راح اتعنى عل فاضي ما يفرق السعر حييل؟ و شنو اسم هالسوق شقول للتكسي؟

حبيبتي عجمان تقريبا ساعة ونصف الى ساعتين خلال الزحمة وهي اتكون ارخص عن دبي

و محلات العبي وخياييط المغربي والمخاوير بجانب سوق الذهب في عجمان يعني قولي للتاكسي ابغي سوق الذهب في عجمان

 

[omabood]

السلام اختي الحبيبه لؤلؤه دبي
بقيت اسأل اشرايج. بفندق سيتي سيزن وشنو الاشياء القريبه منه
ولك جزيل الشكر

 

[versace@]

ياحياتي الله يجزاج خير على هالموضوع

ماعليج أمر

بغيت محلات عبي للمناسبات
أرقى المحلات ؟؟؟ شنووو

وشووووكرن مقدما

 

[لؤلؤة دبي]

السلام اختي الحبيبه لؤلؤه دبي
بقيت اسأل اشرايج. بفندق سيتي سيزن وشنو الاشياء القريبه منه
ولك جزيل الشكر

الفندق قريب من مركز ديرة سيتي سنتر وخور دبي ومحطة المترو

 

[لؤلؤة دبي]

ياحياتي الله يجزاج خير على هالموضوع

ماعليج أمر

بغيت محلات عبي للمناسبات
أرقى المحلات ؟؟؟ شنووو

وشووووكرن مقدما

حبيبتي مركز دبي مول شي عدة محلات للعبي الراقية

 

[رولكس ذهبيه]

السلام عليكم اختي ابي اعرف البخور المميز والحلو من الامارات مثل سمعت في بخور ابو غزالين وين احصله بالضبط

وابي انواع مو موجوده بالكويت يعني بس في دبي

 

[نعومة عسل]

السلام اشلونج حبيبتي انا بسافر لدبي بالعيد وبعيد عندكم ان شاء الله

بغيت محلات العبايات الي فيها قصات و خامات على العبايه وتكون راقيه وحلوه

وابي احسن سفينه سياحيه تفتر ع البحر وتكون كبيره شنو تنصحيني ؟

وابي شواطئ ع البحر وتكون هاديه وحلوه واحسن المطاعم وبس ؟

 

[omabood]

حبيبتي يعني ماقلتيلي عن فندق سيتي سنتر زين ويصلح للعائلات
واشلون نرووح للمولات مثل دبي مول والسوق الصيني
وشنو الاشياء الحلوه والرخيصه اللي يمكن ناخذها من دبي
والربيان اليابس والزعفران ارخص مكان
الدراريع الحلوه المطرزه حق الصوغه من ةين

 

[نعومة عسل]

ياليت تقوليلي وين احسن مكان ناخذ من البجايم النوم والملابس البيت ودراعات وتكون رخيصه وحلوه ؟

 

[نعومة عسل]

حبيبتي يعني ماقلتيلي عن فندق سيتي سنتر زين ويصلح للعائلات
واشلون نرووح للمولات مثل دبي مول والسوق الصيني
وشنو الاشياء الحلوه والرخيصه اللي يمكن ناخذها من دبي
والربيان اليابس والزعفران ارخص مكان
الدراريع الحلوه المطرزه حق الصوغه من ةين

فندق سيتي سنتر حلووو انا ساكنه فيه مره وجربته حلو ونظيف وتحته مجمع سيتي سنتر روعه ومحلات وجمعيه ومطاعم وسينمااا

 

[حلوة الروح]

مرحبا

انشالله عالعيد مسافره دبي اذا الله اراد

بغيت رقم سياره مع سايق ويكون مضمون

وشكرا

 

[احلى برتقالة]

حبيتي انا ان شالله بسافر دبي 9/1 وحجزت في فندق اسمه برج رقم واحد
الشي الوحيد الي اعرفه انه بشارع شيخ زايد وابي اعرف شنو المراكز التجاريه الي قريبه منه
انا قبلها سكنت بالموفنبك الي بالجي بي ار وحده عجيب وراقي

 

[لؤلؤة دبي]

السلام عليكم اختي ابي اعرف البخور المميز والحلو من الامارات مثل سمعت في بخور ابو غزالين وين احصله بالضبط

وابي انواع مو موجوده بالكويت يعني بس في دبي

محل انفاسك دخون ومحل الياس وموجودين هالمحلات في المراكز التجارية

 

[لؤلؤة دبي]

حبيبتي يعني ماقلتيلي عن فندق سيتي سنتر زين ويصلح للعائلات
واشلون نرووح للمولات مثل دبي مول والسوق الصيني
وشنو الاشياء الحلوه والرخيصه اللي يمكن ناخذها من دبي
والربيان اليابس والزعفران ارخص مكان
الدراريع الحلوه المطرزه حق الصوغه من ةين

حبيبتي دبي مول والسوق الصيني وايد بعيدين عن الفندق ودبي مول يبالج تقريبا نص ساعة والسوق الصيني تقريبا ساعة بالسيارة

والربيان والزعفران اتحصلينه في الجمعيات التعاونية المنتشرة في دبي

والدراييع اتحصلينه في سوق عكاظ ومرشد والسوق القديم في الشارقة

 

[حلوة الروح]

محد عطاني خبر اذا تعرفون سايق مع سياره
بليييز عشان يمديني احجز

لؤلؤة دبي اذا تعرفين شركات مضمونة ياريت تفيدينا

 

[لؤلؤة دبي]

السلام اشلونج حبيبتي انا بسافر لدبي بالعيد وبعيد عندكم ان شاء الله

بغيت محلات العبايات الي فيها قصات و خامات على العبايه وتكون راقيه وحلوه

وابي احسن سفينه سياحيه تفتر ع البحر وتكون كبيره شنو تنصحيني ؟

وابي شواطئ ع البحر وتكون هاديه وحلوه واحسن المطاعم وبس ؟

بالنسبة للعبايات انصحج اتروحين مركز ابوهيل واحسن سفينة انصحج اتروحين قرية البوم السياحية وشواطى ع البحر عندج شاطى الممزر حلو وراقي واحلى المطاعم عندج صدف وقيصر وليلى وبتيل ومطاعم دبي مول ومردف سيتي سنتر