ممكن رد؟؟

[moog78]

السلام عليكم
عندي وايييييييييييييييييييييييييييييييد كلام واول مرة اتكلم في اي مكان او لاي احد سواء اعرفة او ما اعرفة دايما اتكلم مع نفسي هي اقرب احد لي ..بس اليوم انا مليت وتعبت وحابة اطلع الي بقلبي
انا احس بملل وزهق من كل شي حياتي شغل وبيت وبس..ممكن احد يعطيني راية شنو اسوي؟؟؟

 

[ضي الدنيا]

الله يسعدچ ياارب


مو عيب انه الوحده تكلم نفسها او تشكي حالها لنفسها يمكن ما تثق باللي حواليها



شووفي ياا غناااتي فضفضي لحد قريب منچ اختچ او امچ او خالتچ او صديقتچ ..


لا تكتمين وتخلين بقلبچ .،


ومالوچ انچ حاسه بملل لانه الروتين اليومي مملل


نصيحه سشوي لچ مشروع او اشغلي نفسچ باي شي


غيري روتينچ لانچ راح تمرين بحاله نفسيه وراح تصيرين عصبيه ماراح تتحملين اي احد ينتقدچ



اول شي تغير الروتين .. ابدي مشروع شنو الشي اللي تحبينه وتبدعين فيه .، سويه وخلي طريقه الطلب بمواقع الايفوان بالواتس اب صدقيني راح تلهين



ويتغير الروتين وتستانسين خصوصا اذا كنتي تحبين هالمجال ..



وخلي لچ يوم بالاسبوع ويك اند اطلعي شمي هوا نفسج عليج حق



ويوم بالاسبوع زوري اهلج صديقاتچ



وانا مستعده اساعدچ اي مساعدچ حياچ ؏ الخاص



الله يسعدچ ياا غناااتي

 

[جذابه بنت ذيابه]

حبوبه


يوميا صلي قيام الليل وادعي من كل قلبج


و اذا نفسيتج تعبانه .. غيري من غرفتج اشتري اثاث جديد و غيري ملابسج كلها و ابدي حياه ثانيه دشي دورات تحبينها
و سوي حمام مغربي سوي نيولوك تتغير نفسيتج و استغلي وقتج بشي يفيدج

بتتغير حياتج للافضل اذا غيرتي من نفسج وساعدتي نفسج

وعسى ربي يفرج همج

 

[شوAشو]

امبييه نفس حاالتي انا كنت من النوع اللي يضحك وينكت ويفرفش ع طول بس ما ادري شفيني تغيرت
مثل ما قالت الاخت صرت ما احب احد ينتقدني واتهاوش اربعه وعشرين ساعه واتنرفز انا طول عمري شغلت عمري بالدراسه
وقفت كورس الصيفي ما اخذت والكورس الجاي بأذن الله اخر كورس بس اتوقع من الملل صار جذي ان شاء الله بشغل نفسي بشي خصوصا
ان عرسي قريب ويمكن من جذي بعد توترت بس حبيبتي هذي حاله تصيب الكل وحلها بأنج تشغلين عمرج

 

[el.mlkaa]

مادري الله يعين القللللب

 

[moog78]

تسلمين حبيبتي بس ما ادري شسوي ولا شنو الي يبسطني ولا الي يشغلني ما ادري..كنت افكر اروح النادي اشترك بس ما ادري كل ما افكر اروح ما اقدر اطلع من ضيقت الخلق

 

[moog78]

تسلمين حبيبتي انشالله

 

[moog78]

الله يوفقك يا رب والفال لي انشالله تسلمين على الرد

 

[cramela]

يا قلبي هذا الفراغ حطي لج هدف في حياتج دخلي دورات تنميه الشخصيه او دورات كمبيوتر او حتي مكياج طبخ اذا عندج ميزانيه روحي خيطي هدوم وبيعي يعني حاولي تشغلين عمرج انا كنت نفسج بس دخلت الجامعه وتزوجت واشتغلت امبيه ماعندي وقت انسدح حتي والله وكيلج بالليل ما اصدق انسدح ابي انام قبل لا احط راسي اللا مشخره نمي مواهبج او في طريج فادني وسبحان الله من سويته تبطلت لي ابواب هالدنيا اللا اهو طريج الله قمت اصلي وادعي واستغفر سبحان الله تسهلت اموري وكثر ما حمدت ربي الحمدلله والشكر الف مليون ترليون مره ما احس ان كافي تري انا مودينه ولا منقبه البس بنطلونات وكل شئ بس. قمت اعرف واجباتي انا خالقي لا اله اللاالله

 

[om MaRyooM]

خير صديق القران والكتب

ورح تلاقين نفسج متغيرة بعد فترة حتى نفسيتج غير

واشتركي بنادي

 

[@تاج الراس@]

الروتين يملل معاج حق
ولما تعيشين كل يوم نفس الي قبله ماكو اي اكشن او شي غير
جًددي حياتج
هواية اهتمام بصحتج
رياضه نادي
زوارات
انترنت
صديقات
جددي هذي بعض الافكار
صلاة ادعية استغفار

 

[ŦSЩД3УФИУ]

ماقصـروا البنـآات
ومثل ماقالوا حاولي تلهين نفسج بشي
مفيد .. تثقفي اقري كتب و تعمقي بالقرآن و
اذا تحبين هوآية معينة مارسيها مالم تخالف الدين
و اطلعي رَوْحـي عن نفسـج .. امممم تقدرين بعد مثلاً
تشتركين بنوادي رياضة و جـــذي
و موفقـــةة ان شآاءالله





..





​

 

[ككوته]

اشتركي بنادي اشتركي بدورات طبخ دورات لغه دورات منى الغريب للطاقه
سوي اشتراكات بصالونات جابلي عمرج زوري اهلج رفيجاتج

 

[نونه المنكوشه]

البنات ماقصروا والله يشرح صدرج ويسرامرج

 

[فووشيه كول]

اي والله ملل شالحل

 

[فوفو22]

الانسان بس يبتعد عن طاعه الله

تجي له اعراض
مثل
ضيقه خلق بدون سبب

طلعه وناسه بس ما تستمتعين فيها

حزن بنهايه كل يوم بدون سبب مباشر

حبيبتي

العلاج سهل

صلي الفروض والسنن....كثري الصدقات....طهري قلبك ......بادري باعمال خير

تلاقين الانشراح والسرور يملا قلبك

فوفو

 

[ضي الدنيا]

تسلمين حبيبتي بس ما ادري شسوي ولا شنو الي يبسطني ولا الي يشغلني ما ادري..كنت افكر اروح النادي اشترك بس ما ادري كل ما افكر اروح ما اقدر اطلع من ضيقت الخلق

اي يا غناااااتي جربي اللي بقوله لج

اهم شي تتقربين من ربچ وتصلين فروضچ وصلاة الشفع والوتر واقري قران


قال تعالى " الا بذكر الله تطمئن القلوب "

اذا فكرتي بتطلعين مالج خلق من ضيقه الخلق لانه في بالج انه اذا رديتي نفس حالة كل يوم





بس شوفي يا غناتي طلعي وتعوذي من ابليس وصدقيني راح تغيرين الجو راح تشوفين الناس وتقولين وانا حابسع عمري



طلعي وصدقيني بتغير حالتج


الله يرزقج سعاده و فرحه تغير مجرى حياتج عاجلا غير اجلا يااارب

 

[عادت ذكرياتي]

غيري روتينج اليومي


روحي نادي أو مركز تحفيظ قرآن


روحي حدايق ...إلخ

 

[HmS al JaLiD]

‏ٲييّ ‏ۆاللَّہ مثل الحاله

 

[حصة2010]

انا موجودة دخلى على الخا ص وحياكى الله