منو اخذت كلوميد وحملت؟؟تجاربكم....

[ميمي الحلوه]

مراحب كويتيات

عيدكم مبارك مقدما:krkrkr:

بغيت اسال منو اخذت كلوميد وحملت؟؟

وبنفس الشهر تحملين؟؟باذن الله..

لان اعرف حريم ياخذونهم من غير استشاره يشترونهم من الصيدليه

وماشاءالله هالحبه تقولين وحده بوحده ههههه

وتحمل

عطونا تجاربكم ومنو اللي نفع معاها واللي مانفع سمعتي احد ماخذهم

لانس قريت هني موضوع عن الكلوميد حيل يمدحونه

دردشوو


يارب فرح كل ام مشتاقه للضنا قبل العيد ويكون عيدها عيدين ياكريم...​

 

[مناوووي]

السلام عليكم


عسي ربي يفرح قلبج


انا قبل جربت سبحان الله مافادني مع اني انا وزوجي سليمين بس الله ماكتب


راجعي عند دكتوره شاطره قبل الكلوميد تصبر عليج وتشوف تبويضج وكلشي قبل الكلوميد


وتمشي معاج خطوه جطوه


عسي ربي يسهل امورج

 

[د.أطفال]

انا 6 مرات ما نفع معاي مع ان ما عندي مشااكل ولا حتى زوجي
الصبغة بعد ما نفعتني مع انها سليمة الانابيب
الحمدلله على كل حال

اعرف غيري حملو عليهم بعد فضل الله

 

[ميمي الحلوه]

مناووووي

سبحان الله ...التاخير له خيره...اكيد

الله يرزقج يارب..





د اطفال ...يالله ...ربج كريم

مع اني مستغربه ليش الصيغه مانفعت مع ان في حريم وااايد من يسونها يحملون سبحان الله..

ربي يرزقج

 

[عسل حدي]

انا لا تلقيح نفعني ولا كلوميد ولا صبغه نفعتني وعلى الله ناطره

 

[مناوووي]

انيصبغه وطلعت سليمه وكل شي سليم حمد لله


حملت يوم صار علي زواجي سنتين ونص


طبيعي بس حمدلله الله ماتمم حملي واجهضت


وحملت بعد سنه وشي الله يتمه يارب


وعسي ربي يفرح قلوبكم

بس المسأله مسالة صبر

 

[رووح ابووها]

ديري بالج تاخذينه بدون مراجعات للدكتوره
لان يخلي بعض البنات رحمهم خفيف حيل

 

[عادي من قلبي أشيلك]

اخذته تقريبا 4 مرات مانفع

الحمدلله على كل حال

 

[هيبة ملك]

شكثر بنات حملو عليه وجابو توم تبارك الله

نفسي أخذه هالشهر


شلون طريقته أي يوم؟؟

 

[Glamour Bride]

انا أراجع عند د. ليلى أشكناني ..

و قبل لا تصرف لي كلوميد ..

جيكت على بويضاتي و عطتني تحاليل هرمونات ..

و عقب ما شافت نتايج التحاليل و الفحوصات و تأكدت ان ماعندي تكيّس صرفت لي كلوميد

و قالت ثاني يوم من الدورة اليايه آخذ حبة كل يوم لمدة 5 أيام

و من يوم 12 بعد الدورة أراجع كل يوم عشان تشوف وضعي


و الحين ناطرة الدورة ..
انشالله احمل بدونهم

و الله كريم

 

[floragucci]

مرت اخوي خذته بدايه السنه واللحين تبي تولد من غير استشاره طبيب

وهي حملها شوي صعب

 

[الأميرة جوري]

اللي احلا منه السيروفين

 

[عسل حدي]

ربي لا تذرني فردا وانت خير الوارثين

 

[ميمي الحلوه]

انيصبغه وطلعت سليمه وكل شي سليم حمد لله


حملت يوم صار علي زواجي سنتين ونص


طبيعي بس حمدلله الله ماتمم حملي واجهضت


وحملت بعد سنه وشي الله يتمه يارب


وعسي ربي يفرح قلوبكم

بس المسأله مسالة صبر

باعمري ربي يتمم عليج يارب

ديري بالج تاخذينه بدون مراجعات للدكتوره
لان يخلي بعض البنات رحمهم خفيف حيل

تدرين عاد استخرت واخذتها ؟!!

بس متفائله وايد

اخذته تقريبا 4 مرات مانفع

الحمدلله على كل حال

يارب يفرحج الشهر الجاي باذن واحد احد

شكثر بنات حملو عليه وجابو توم تبارك الله

نفسي أخذه هالشهر


شلون طريقته أي يوم؟؟

امممم والله انا ما غامرت الا لما شفت نماذج قدامي واستخرت واخذته
مثل ماقالت لي عمتي ام زوجي نفس الطريقه اللي قالها لي الصيدلي
اخر يوم من الدوره تبدين تاكلين حبتين..حبه الصبح وحبه بالليل يعني كل 12ساعه لماتخلصين الظرف على خمس ايام

بس ديربالج .مايكون في جماع الا بيوم اخر حبه تاكلينه

يعني اخر حبه تاكلينه تشحطين زوجج وين مايكون يجي:krkrkr::krkrkr:لازم
ههههههههههههههههههههه

انا أراجع عند د. ليلى أشكناني ..

و قبل لا تصرف لي كلوميد ..

جيكت على بويضاتي و عطتني تحاليل هرمونات ..

و عقب ما شافت نتايج التحاليل و الفحوصات و تأكدت ان ماعندي تكيّس صرفت لي كلوميد

و قالت ثاني يوم من الدورة اليايه آخذ حبة كل يوم لمدة 5 أيام

و من يوم 12 بعد الدورة أراجع كل يوم عشان تشوف وضعي


و الحين ناطرة الدورة ..
انشالله احمل بدونهم

و الله كريم

يااارب تدخلين تبشرينا ياكريم

مرت اخوي خذته بدايه السنه واللحين تبي تولد من غير استشاره طبيب

وهي حملها شوي صعب

والله طقتي مثل طقت مرت اخوج خخخخخخخخخخخ اخذنا من غير اسشاره والله كريم


وربي يسهل عليها وتولد بالسلامه يارب.....

اللي احلا منه السيروفين

هلا جوري

يعني اهو نفس نظام الكلوميد؟؟انتي جربتيه ؟؟ياليت تفيدينا لو عندج اي معلومه

ربي لا تذرني فردا وانت خير الوارثين

ربي يرزقج يالغلا
​

 

[هيبة ملك]

هههههه


الله يرزقنا يارب وكل من تبي الحمل

 

[ميمي الحلوه]

امين يارب

 

[عسل حدي]

ربي لا تذرني فردا وانت خير الوارثين

 

[المزن]

ربي لا تذرني فردا وانت خير الوارثين
دعواتكم حبايبي لي تكفوون

والله يرزقكم باالايام المباركه ويرزق جميع المسلمين
اللهم صلي وسلم ع نببنا محمد وعلى اله وصحبه اجمعين

 

[حساسة مصر]

يا حبيبيتي ناس كتير بتاخده بس بتابع مع دكتورة
اول مرة اسمع حد ياخده من غير استشارة دكتورة

انا كذا مرة اشوف قصص عنه كدة ويحملو بتوام ماشاء الله
جربي و الله يرزقك بالذرية الصالحة يارب

 

[عسل حدي]

ربي لا تذرني فردا وانت خير الوارثين