نبي هالموضوع يكون مرجع شامل لكل رواتب المدنيين

[ChuNKy]

سلام عليكم


انا فكرت فكره غير عن المواضيع الي كانت هني بالمنتدى عن الرواتب


و من خلال بحثي عن الرواتب بالحكومه تبين لي ان الرواتب تختلف حتى بالراتب الاساسي

معلومه: الراتب الاساسي اهو الي يعتمد عليه الموظف لما بتقاعد

فانا حبيت نعرف عن الهيئات عن الرواتب ككل وعن الراتب الاساسي خصوصا

مثل الهيئه العامه للبيئه
الهيئه العامه للصناعه وغيرهم

وعن المؤسسات العامه مثل التامينات والاسكان
وعن الادارات الحكومه وغيرهم


راح ابين لكم الراتب الاساسي لبعض الجهات


الوزارات ككل الراتب الاساسي للجامعي يبدأ من 260 درجه رابعه
وينتهي 580 درجه أ الي اهي اعلى درجه


والراتب الاساسي بالنفط الي سبب كل مشاكل التفاوت بين الرواتب يبدأ للجامعي اول تعيين 504
وينتهي 5338 عند الدرجه 20
ترا مو غلط خمس الاف



فحبيت من كل وحده تبين لنا الراتب الاساسي للجهه الي تشتغل فيها وشنو البدلات الي تتقاضاها للجامعي




انا راح ابدي من ناحيتي

انا بوزاره اشتغل

الراتب الاساسي للجامعي يبدي من 260 اول تعيين للجامعي

ويوصل اعلى حد 580 للدرجه أ الي اهي اعلى درجه

البدلات

بدل شاشه 30 للي يشغل عالشاشه ويتعامل مع الجمهور
و20 للي عالشاشه بس

وفي بدل التخصص مثل محاسبه و نظم معلومات 220 دينار للجامعي


وفي بدلات ثانيه مثل بدل انتقال 90 للي يستخدمون سيارتهم

صافي الراتب للجامعي بالوزاره مع بدل تخصص المحاسبه مثلا 900 للاسف

وبالنفط صافي الراتب 1500 للجامعي اول تعيين ويوصل نهايته اكثر من 6000 دينار اذا وصل اخر درجه

المهم ما علينا النقابات بيسوون اضرابات ورا العيد يقولون بسبب التفاوت الرهيب بالرواتب

بعرف عن الهيئات والمؤسسات العامه جم الراتب الاساسي للجامعي

وشنو البدلات ال يتقاضونها وجم البدل

والمميزات

واتمنى يكون هالموضوع مرجع كامل بالتفصيل للراتب من حيث الراتب الاساسي والبدلات وغيرهم

 

[ChuNKy]

اب اب اب

 

[ريـ 1985ـم]

رفع

 

[دولنغا]

ChuNKy وعليكم السلام ورحمة الله وبركاته

صراحة ماشاء الله عليج عارفه امور ناس وايد ما تعرفها

وخاصة يوم قلتي عن فرق الوزارات والبترول صار عيوني كبر ويهي :krkrkr:

يعني قصدج الجامعيه الي تشتغل بالوزاره لما تتقاعد يكون معاشها التقاعدي 580 ؟؟ :eh_s(2):

والجامعيه الي تشتغل بالنفط لما تتقاعد يكون معاشها التقاعدي 5338 ؟؟ :23_asmilies-com:

:jumpon: احتج

الله حي :n2006107: الله حي :n2006107:الله حي :n2006107:وحدووووووووووووه

شوفي اختي بالنسبه لسؤالج الهيئات والمؤسسات كلها لها كوادر تختلف عن الوزارات بس على حسب

يعني على سبيل مثال المؤسسه العامه للرعايه السكنيه أكثر من المؤسسه العامه للتأمينات

وعندج وزارة الماليه لها كادر

واعتقد الهيئات كلها ما عدا الهيئه العامه للزراعه

وشوفي انت كل مره روحي مكانين او ثلاث اماكن تحبين تروحين لهم وخل تكون معاج شهادة الراتب وروحي عند العلاوات وقولي لهم انج تبين تنقلين عندهم جم يصير راتبج وخليهم يشوفون شهادة الراتب مالتج

 

[mi corazon]

ياختي والله عليهم بالعافيه

بس ناضلينا يالمدرسات عالكادر ولي يومكم ما شفناه .. يالله خل الناس تلهى عنا عبالهم احنا اقوى معاش بالديره

اهو فعلا ... ولد خالتي بالنفط مهندس معاشه 4000 وشي ماشالله وماصار بعده مدير

ولما ناقشناهم يقولون انتو المدرسات ماتسوون شي ... حسسني انه مندفن تحت بير النفط وقاعد يفر العتله بيده واعليه بشمس الظهر مو جه بمكتب طول اليوم والفلبن والهنود اهما اللي يشتغلون


يبه عليهم بالعافيه

مدرسه اول تعيين 830 على ايامي الحين اعتقد 930 وكل سنه يزيد 10 دنانير


اقوى معاش اهو الناظر اتوقع 3000 شي جذي

 

[ChuNKy]

chunky وعليكم السلام ورحمة الله وبركاته

صراحة ماشاء الله عليج عارفه امور ناس وايد ما تعرفها

وخاصة يوم قلتي عن فرق الوزارات والبترول صار عيوني كبر ويهي :krkrkr:

يعني قصدج الجامعيه الي تشتغل بالوزاره لما تتقاعد يكون معاشها التقاعدي 580 ؟؟ :eh_s(2):

والجامعيه الي تشتغل بالنفط لما تتقاعد يكون معاشها التقاعدي 5338 ؟؟ :23_asmilies-com:

:jumpon: احتج

الله حي :n2006107: الله حي :n2006107:الله حي :n2006107:وحدووووووووووووه

لا فهمتيني غلط

التأمينات اذا بتصرف للموظف راتب تقاعد يعتمدون على 3 اشياء

1- الراتب الاساسي : يعني لو انا راتبي الاساسي لما بتقاعد 580 يعطوني راتب تقاعد اقل من الي راتبه الاساسي 5338
فالي راتبه 5338 يعطونه اقصى حد لراتب التقاعد
اما بو 580 يعطونه اقل من نص راتب الي يتقاعد بالنفط سواء كان اداري او فني


2- العلاوه الاجتماعيه

3- علاوة الاولاد


التامينات قصتهم معقده بس الي بوصل له ان الي تتقاعد من وزاره يعطونها راتب تقاعد اكثر شي 1000 تقريبا لان الراتب الاساسي ضعيف حيل للموظف الحكومي

اما الي بالنفط يعطونه اعلى راتب تقاعد الي اهو 1500 و 1250

يعني التوتال 2750 راتبهم التقاعدي اول اقل على حسب شهادته وخبرته لان راتبهم الاساسي اكثر من 7 اضعاف الراتب الاساسي للموظف الحكومي


في ظلم اكثر من هذا ؟


على فكره ترا رواتبهم صارت جذي من شهر 10 الي طاف

من بعد شهر 10 -2011 صار التفاوت بالرواتب بين الكويتيين شي مو طبيعي

موظف حكومه اعلى راتب يقدر يوصل له 1700

وموظف النفط اعلى راتب يقدر يوصل له اكثر من 7 الاف

 

[ChuNKy]

ياختي والله عليهم بالعافيه

بس ناضلينا يالمدرسات عالكادر ولي يومكم ما شفناه .. يالله خل الناس تلهى عنا عبالهم احنا اقوى معاش بالديره

اهو فعلا ... ولد خالتي بالنفط مهندس معاشه 4000 وشي ماشالله وماصار بعده مدير

ولما ناقشناهم يقولون انتو المدرسات ماتسوون شي ... حسسني انه مندفن تحت بير النفط وقاعد يفر العتله بيده واعليه بشمس الظهر مو جه بمكتب طول اليوم والفلبن والهنود اهما اللي يشتغلون


يبه عليهم بالعافيه

مدرسه اول تعيين 830 على ايامي الحين اعتقد 930 وكل سنه يزيد 10 دنانير


اقوى معاش اهو الناظر اتوقع 3000 شي جذي

على بالهم ان اعلى راتب راتب المدرسه

مايدرون عن رواتب النفط الي زادوهم شهر 10 الي طاف

شوف هذا جدول رواتب النفط بدون البدلات يعني الراتب اكثر من هالجدول

والجامعي يتعين على قريد 11 اذا كان اداري

واذا كان مهندس قريد 12

شوووفووووا الظلم


شوفووووا الطامه الكبرى

شوفوا الجدول الي خاشينه عن المواطنين عشان محد يدري عنهم

 

[ChuNKy]

تخيلوا راتب موظف شهادته رابعه ثنوي له خدمه بالنفط 6 سنين 2600 دينار

وراتب الدكتور وطبيب الاسنان اقل منه بالف دينار

والباحث القانوني (جامعي) اقل من الي شهادته رابعه ثنوي موظف بالنفط بـ 1700 دينار
لا واعلى راتب يقدر يوصله القانوني بالحكومه اذا وصل اعلى درجه أ يصير 1700

ورابعه ثنوي بالنفط يترفع لاكثر 3 الاف دينار

في ظللللللللللللللللللللللم اكثر من جذي

لا حول ولاقوة الا بالله

 

[L A T T E]

سؤال يعني الجامعي من غير كادر بالوزارات جم معاشه!!

وصج صارت زيادة؟

وجم معاش الجامعي بعد الزيادة؟

 

[ChuNKy]

سؤال يعني الجامعي من غير كادر بالوزارات جم معاشه!!

وصج صارت زيادة؟

وجم معاش الجامعي بعد الزيادة؟

الجامعي بوزاره من غير كادر 800

والجامعي بالنفط 1600

مافي فرق بينهم الفرق خفيف اهو ان الثانيه دبل معاش الاولى بس

منو يقول ماكو عداله بالرواتب ؟

اتوقع غلطانيين الي يقولون جذي

 

[دولنغا]

عاد قلنا فرق بس مو جذيه يلا الله يهنيهم ماشاء الله لا اله الا الله عليهم ويارب يرزقنا

 

[بنت احلام]

انا اقول لاتحطون عيونكم على معاشات غيركم وارضو بما قسمه الله لكم بتكونون اسعد الخلق

ليش محترين ليش بتموتون ؟؟امبي خرغتوني بردودكم وخاصتا صاحبه الموضوع تكفين هدي لايوقف قلبج

 

[ChuNKy]

انا اقول لاتحطون عيونكم على معاشات غيركم وارضو بما قسمه الله لكم بتكونون اسعد الخلق

ليش محترين ليش بتموتون ؟؟امبي خرغتوني بردودكم وخاصتا صاحبه الموضوع تكفين هدي لايوقف قلبج

يا اختي احنا مو حاسدينهم ورب الكعبه

لكن الظلم هذا كله من ديوان الخدمة ليش لما نتخرج انا وانتي من كليه وحده ونفس التخصص
انا راتبي اول تعيين 1600 دينار وتأمين صحي 10 الاف دينار بكل المستشفيات الخاصه كل سنه ولي تذاكر سنويه
ويوصل نهاية راتبي الى اكثر من 7 الاف

وانتي راتبج اول تعيين 800 بدون تامين ولاتذاكر
واعلى راتب تقدرين توصلين له 1500 واذا لج بدل الي يقصونا علينا يسمونه كادر توصلين حدج الى 1700

بذمتج شنو يكون موقفج

البلا كله من ديوان الخدمة واحنا مانحسدهم الله يهنيهم

بس ليش هالفرق الي حسسنا اننا وافدين بوطنا

 

[lilly&berry]

واذا كان غير كويتي ما هي تفاصيل راتبه

 

[ms_5ajoola]

حسبي الله ونعم الوكيل على الظلم

 

[حنانو 89]

انا حبيبت ارفع الموضوع لان انا الحين موظفة وفعلا حاسه بظلم باختلاف الرواتب وترا بالاخير كلنا كويتين ليش هذا الاختلاف الكبير والله ظلم
وترا انا ما احسد احد وبالعافية علي الكل بس صج الفرق كبير وان شاء الله يزيدون رواتبنا قريب ياااااارب

 

[زبــــــــدة]

ايييييييي والله