الخدامة وقت الدوام

[MISS HARROOODS]

شلونكم بنات
انا راح اقددم على خدامة لان تعبت من الشغل الببيت والعيال
بس شايلة هم الدوام
زوجي دوامة باللاشغال يعني نظام توقيع ويرد البيت طول النهار وبتكون الخدامة موجودة فمابي اخرب بيتي بيدي ومابي اوسوس وافكرررررررر
عطوني اراااىكم ونصايح
اول كنت اوديها مع بنتي لاهلي على ايام خدامتي القديمة
هالسنة بودي بنتي الحضانة الحين لو بودي الخدامة لاهلي بيصير لاي سبب
شقول لاهلي

 

[زوجة عزيز]

احسن حل تودين الخدامه لاهلج وقت دوامج وخليها تخلص كل شغلها بالليل والله احسن لج من التفكير الله يعينج

 

[ام حسون24]

ترى هاذي مجرد وساوس
اما اذا انتي مو واثقه بريلج هذا كلام ثاني

 

[Miss Eteket]

لآ تفكرين جذي ..

 

[لمى الهاجري]

شوفي امممممم معاج حق تخافين الافضل تجبين خدامة الي تشتغل نص يوم تجي تخلص اشغالج وتروح احسن لج دام بنتج بالحضانة لا تجبين خدامه تسكن معاكم شرايج بالحل

 

[هيبة ملك]

قطيعه تقطع الخدم

والله حتى لو واثقه من زوجج هم مايخلون الواحد بحاله والشيطان شاطر

ديري بالج

 

[حبيبي مالكني]

قولي بوديها اول الايام بيت هلي عشلن تتعلم
ومع الوقت بتعرفين اخلاق خدامتج
اذا كانت زينه يعني مافي خوف انج تخلينها في البيت
اما اذا انتي مو واثقه من ريلج او في قلبج ذرة شك وخوف
بس كل يوم وديها
وماردج بتحملين وعقب تودين الياهل مع الخدامه بيت هلج
يعني راح تحصلين عذر لا تحاتين

 

[RowTow]

دوريلج حل حبيبتي.
الخادمه مهما كانت مرا غريبه, ما يجوز أصلا تخلينها بروحها مع زوجج و ما معاهم ثالث. الله ما يرضى.
و المسأله مو مسألة شك و تفكير, المسأله مسألة حلال و حرام.

 

[MISS HARROOODS]

قطيعه تقطع الخدم

والله حتى لو واثقه من زوجج هم مايخلون الواحد بحاله والشيطان شاطر

ديري بالج

فعلا هيبه احاتي هالشي لان مايخلوون احد بحالة
واانا تعبت ابي الخدامة تشيل عني شغل البيت
ومابي اشوف شي مايسرني واقلعها وتدرون الخدامة مانعرف اللي بقلبها
الله يستر

 

[mannawy]

اي شي؟! شنو خدامه وريلي؟ ريلج اذا ماعنده شخصيه وماتهابه الخدامه نقول معقوله بس شنو اخاف منهم الاثنين اذا انتي تحاتين ييبيلج وحده سحت ومتينه عشان ترتاحين ولا عيوز مقرفطه وانتي خدميها. مادري بصراحه احنا ماتعودنا الخدامه تتميلح حق المعزب واذا حسينا في شي اصلا بروحه الريال ينزرها وانتي من اول ماتيي خليها تخاف منه ولاحتى تمر جدامه اذا موجود. واذا الاخ موعاجبه ونوعه طيب والله خل ريلج يستريح بدوامه ويشتغل واذا ماكو يقعد عند امه يزروها ويتكي عندها يشرب جاي لين يخلص دوامه.

 

[mannawy]

وبعدين خليها بالبيت تكرف وتخلصه عشان اذا رديتي ترتاحين مو تقعدين ماسكه هالياهل لين تخلص المدام شغلها! شكو يايبتها اذا بعد بيظيع باجي اليوم عشان تنظيف!
اول كانت حياتي جذي تعبت ومليت، الطلعه ويكند والقعده براحه علي بالحسره مع ريلي لييييييش؟!
الزم ماعلي راحتي تقعد تكرف طووول النهار ومن ايي تكون خالصه تمسك بنتي ساعه اريح فيها واتغدى وتالي العب مع بنتي شوي وتروح تاكل المدام وتالي تقعد مع بنتي بغرفه الالعاب والباب مبطل والكاميرا فوقها واخلي بنتي تشوف البباي وتسرح وتمرح من الصاله لي الدار ومن الدار لي الصاله واذا كان فيني نشاط وودي العب مع بنتي اخليها تسوي اي شي بالمطبخ بس ماتقعد فاضيه عشان ماتتسمع ولا تتفقق. وقلاص الجاي بيدها اذا تبي وبس.

 

[رزه وكشيخه]

الخدم مشاكلهم ما تخلص

وإذا خليتيها بالبيت بروحها ممكن تغازل وتدخل رجال غريب للبيت وممكن الشيطان يغري زوجج ويغويهم ( ما اختلا رجل بإمرأه إلا كان ثالثهما الشيطان )
وممكن تسرق من أغراض البيت وممكن تحط سحر وممكن تكفخ الأطفال ...الخ

مابي أزيد الشك عندج لكن الحذر واااجب

الخدامه ما يصير تخلونها بالبيت بروحها لأي ظرف كان

وأعرف وحده مركبه كاميرات مراقبه بالبيت بكل مكان بالمطبخ والصاله وغرف النوم وكل مكان وقالت للخدامه ترى أنا أشوفج حتى لو كنت بالدوام والبيت كله كاميرات , حتى بالدوام تحاتي وتطلع جهاز صغير تشوف شنو قاعده تسوي الخدامه بالبيت واذا شافت شيء خطأ اتصلت عليها وزفتها لأن عندها بنتها الصغيره بالبيت

وأعرف حريم يخلون الخدم عند أهلهم أو أهل الزوج مع عيالهم الصغار

وأعرف حريم يدخلون عيالهم حضانه عشان تأمن على عيالها من شر الخدم والخدامه تبقى بالبيت بروحها تطبخ الغدا والله أعلم شنو تسوي بالبيت وهل الطبخ نظيف أو لا

حلات المرأه ببيتها ومعاشها يمشي وتامر وتنهي ويلبون طلباتها ههههههه أحلام اليقظه


أنا أقول ودي الخدامه لأهلج وارتاحي وقولي السبب مابي أخليها بالبيت بروحها أخاف تسرق أو تواعد هندي

أو قولي لزوجج يداوم وإذا سألج ليش ؟! لا تقولين عشان الخدامه قولي لأن فلوسك كلها حراااااام وكل المشايخ يقولون ما يجوز سالفة اللي يطق كرت ويروح البيت ومعاشه يمشي ! حتى لو المدير سمح لهم ما يجوووز ! أنا سامع الفتوى بنفسي
واسإلي شيخ أفضل وطرشي لزوجج الفتوى وخوفيه

الله يحفظ بيوتنا من شر الخدم

 

[mannawy]

نسيت اقولج شغله واااااايد مهمه. انا شخصيا عندي غرفه مغلقه بالبيت هذي مستحيل تكون مفتوحه دوم اقفلها فيها كل شي مهم اوراقنا جوازاتنا ملابسنا ذهبي اغراض عيالي الغالين كل شي اخاف عليه حاطته فيها. وحاطه سله فيها الملابس الوصخه اطلعها لها بس بالويكند تغسلهم جدامي وتكوي ايام الاسبوع وعندها هانقر بغرفتها من تخلص تكوي تعلقهم وتالي اخذهم واحطهم بالكبتات بالغرفه المغلقه
وشغله ثانيه خدامتي ماعندها مفتاح الشقه وانا حاطه سبير المفتاح بمكان سري ماتدري عنه. فماكو مجال تلوث بالشوراع ولا في مجال تدخل احد عرفتي؟ غرفتي النوم فيها بس سرير والكمودينه والتسريحه بس ماكو ولا شي وااايد غالي بمتناول ايدها. باختصار حاكرتها من كل الجوانب والكاميرات بكل مكان واهيا تدري في كاميرات بس ماتدري وين.

 

[MISS HARROOODS]

اي شي؟! شنو خدامه وريلي؟ ريلج اذا ماعنده شخصيه وماتهابه الخدامه نقول معقوله بس شنو اخاف منهم الاثنين اذا انتي تحاتين ييبيلج وحده سحت ومتينه عشان ترتاحين ولا عيوز مقرفطه وانتي خدميها. مادري بصراحه احنا ماتعودنا الخدامه تتميلح حق المعزب واذا حسينا في شي اصلا بروحه الريال ينزرها وانتي من اول ماتيي خليها تخاف منه ولاحتى تمر جدامه اذا موجود. واذا الاخ موعاجبه ونوعه طيب والله خل ريلج يستريح بدوامه ويشتغل واذا ماكو يقعد عند امه يزروها ويتكي عندها يشرب جاي لين يخلص دوامه.

حبيبتي انتي وين جبتي هالكلام
اقري عدل
ورجلي زين ماشفت منة شي شين
بس الموضوع مابي اجيب خدامة تقعد طول الدوام ورجلي موجود
شنو مايصير اطلب منكم اقتراحات
والخدامة جدامي ماراح تتجرا تسوي شى غلط
ورجلي موخبل الا صاحي
اللي صار جديد ان اصغر عيالي خلاص كبر بيدش الحضانة ولاطوووول عمري اوديها لاهلي مع خدامتها
الحين شنو عذري عشان اوديها

وهذا من حررررصي

 

[لمى الهاجري]

شوفي امممممم معاج حق تخافين الافضل تجبين خدامة الي تشتغل نص يوم تجي تخلص اشغالج وتروح احسن لج دام بنتج بالحضانة لا تجبين خدامه تسكن معاكم شرايج بالحل

اقري اقتراحي

 

[MISS HARROOODS]

وبعدين خليها بالبيت تكرف وتخلصه عشان اذا رديتي ترتاحين مو تقعدين ماسكه هالياهل لين تخلص المدام شغلها! شكو يايبتها اذا بعد بيظيع باجي اليوم عشان تنظيف!
اول كانت حياتي جذي تعبت ومليت، الطلعه ويكند والقعده براحه علي بالحسره مع ريلي لييييييش؟!
الزم ماعلي راحتي تقعد تكرف طووول النهار ومن ايي تكون خالصه تمسك بنتي ساعه اريح فيها واتغدى وتالي العب مع بنتي شوي وتروح تاكل المدام وتالي تقعد مع بنتي بغرفه الالعاب والباب مبطل والكاميرا فوقها واخلي بنتي تشوف البباي وتسرح وتمرح من الصاله لي الدار ومن الدار لي الصاله واذا كان فيني نشاط وودي العب مع بنتي اخليها تسوي اي شي بالمطبخ بس ماتقعد فاضيه عشان ماتتسمع ولا تتفقق. وقلاص الجاي بيدها اذا تبي وبس.

واللة الصراحة اقنعتيني

 

[lolo.qtr]

يبيلج الخدامه الي تشتغل بالساعات
انتي احددين متى اتيي ومتى تروح وتخلص شغلج وانتي بارد قلبج

 

[كـ غلا ــلي]

انا ماني عارفه انتي ليش شاكه بريلج وخايفه من الخدامه ليش صاير لج موقف من قبل ؟؟

المهم اذا انتي عارفه طبع ريلج واثقه في زين شيلي الافكار هاذي من راسج عشان لا تنبهينه على شي اهوا غافل عنه

ولا توسوسين واايد واحتياط واجب اخذيها جيكره وكبيره اكيد نفسه ما راح تروح عليها

 

[صمت المرافئ]

شيلي هالأفكار من راسج
إذا ريلج زين مثل ما تقولين
راح تتعبين إذا هذا تفكيرج ...
لراحة قلبج ييبي خدامة كبيرة بالعمر وجيكرة سحت
علشان ترتاحين ...
والخدم من عمرنا نخليهم بالبيت واحنا بالدوام ...
يغسلون ... ينظفون ... يطبخون اللي نبي ...
ومن نرد كل شي تمام التمام ... مرتاحين
لا أروح بيت أهلي آخذ الخدامة ...
ويطول الدرب علي ...
ويحوشني اكتئاب وآنا أنطر الخدامة تنظف ...
وتكرف لا هي ارتاحت ولا آنا ارتحت
وفوق هذا يمكن خدم أهلي يخربونها علي ...
آخر شي ... قلب المؤمن دليله ...
أي خدامة صغيرة والا كبيرة ...
حلوة والا جيكرة ...
إذا شكيت فيها لأي سبب ... مجرد شك ...
ما تقعد عندي بالبيت ... ومن خاف سلم

​

 

[ديانا سبنسر]

مع لمى الهاجري