ماذدتي الرمضانية .... من يدي بوبا

[Mjnont '3lay]

هذي الصموونة وصفتها قبل




دياي مقطع مثل الشاورما بالشوكة

يعني يا اتيبين صدور دياي او دياية كاملة و نتفيها بالشوكة


بعدين حمسيها بالبهارات و البصل و الثوم و الطماط


بعديين انييب صمون باجيت جذي

انا اشيل العجين اللي بالوسط


بعديين ييبي الخلاط و حطي فيه فطر و زيتون اسود و و زيت زيتون و ملح و فلفل و سماق و ليمون


خليها الخلاط تفرم و تخلط



يطلعلج صووص لوونه رمادي على بني جذي


و دهني فيه الصموون و حطي الديااي

بعدين بالشواية


يمي يمي يمي


جنها صمون دياي مال مطعم لينوتغ





و بس

مافهمت !!
يعني جم ملعقه ماذكرتي
وجم ليمونه نحط !!
المفروض تقولين عشان مايطلع عندنا حامض زوود ولا مافيه نكهه
وصمون باجيت لاهنتي صوري لنا شكله لو ماعليج كلافه ومن وين اخذتيه !!

والدجاجه نشويها ولا نفوحها وننتفها علطول ولا شنو بالضبط

 

[Mjnont '3lay]

http://www.q8yat.com/



لحم شرايح فرش

مثل طريقة المرق بس شلون


اتخلينه يفووور لين يقل الماي بعدين اتزيدين كمية الماي

وجذي اتسوين هالطريقة 3 مرات اتزيدين الماي ويقل و اتزيدين


اخر شي اخر خمس دقايق حطي فاصوليا حمرا



و تاكلينها مع العيش او الخبز او بروحها

مافهمت كلللش هالطريقه !!


السموحه حبيبتي ياليت ماتزعلين مني بس شرحج سريع ومو واضح ابد
وتسلم ايدج كلنا جذي ببيت اهالينا مانمسك قلاص الماي وببيت رياجيلنا نطبخ وننظف ونسوي كل شي بيدنا
الله يعطيج العافيه وعليكم بالعافيه
ولج الاجر ان شاءالله موفقه يارب :eh_s(17):

 

[جارة القمر]

تسلم ايدج



وكل عام وأنت بخير حبيبتي

 

[PuPa^^SWeeT]

مشاءالله تسلم ايدج

الله يسلمج ياقلبي

 

[PuPa^^SWeeT]

حبيبتي لو ماعليج كلافه اطباقج تهبل بس شرحج سريييع يعني العليميه اللي بتدش وتقرا شرحج اللي بسرعة الصاروخ مرح تفهم شي
ممكن لاهنتي تحطين المقادير والطريقه عدل
لاني قريت كلامج وكلش مافهمت شي

بالبشاميل قلتي نحمس لحم مفروم انزين نحمسه مع شنو وجم ملعقه بهارات نستخدم !! وشنو معكرونه حمرا مافهمت
وبعدين قلتي نصب الصوص فوق اللحم وبعدين مفهمت يعني نقدمه جذي ولا ندخله فرن ولا شنو بالضبط !!

حياااتي

الحيين اقووولج


شوفي اول شي اتسويينه

اتيبين جدر فييه ماي و اتحطين فيه رشة ملح و روز ماري اتلاقينه صوب البهارات



تغليين الماااي

بعديين اتيبين المعكرونية و اتحطينها بالجدر ( الكمية اللي تبينها )


لمدة 12 دقيقة



بعديين اتصفين المعكروونية عدل عدل من الماااي



الحيين اتقصصين نص بصلة ( انا ماحب البصل وايد انتي على راحتج و الحجم اللي تبينه انا اسويهم صغااااار نتف ) و طماطة كاملة و فصين ثوم



اتقسمين اللي قصيتيه من البصل و الطماط و الثوم نصين

الحيين اتيبين جدر مرة ثانية ( نفسه اللي طبختي فيه اذا اتحبين )


اتحطين قفشة زيت زيتون وحدة و اتحطين بصل و طماط و ثوم و اتحركين بالقفشة الخشب


يعني لاتطولين علشان الزيت مايحترق


سيدة كبي المعكرونية مع البصل و الحمسة و حركي و خلطي بعديين ييبي كمون و لومي و سماق و رشة فلفل ( انا احط باطراف اصابعي ) من جذي ماعرف المقادير عدل يعني مقدار اللي تشيلينه من اطراف اصابعج السبابة و الابهام



بعدين ييبي قوطي معجون طماط و كبي فوقهم و تمي حركي ليييين اتصير معكرونية حمراا


وبعديين شيليها من الجولة ....... و حطيها بالبايركس صفيها عدل مرتبة




الحيين انيي للحم المفروم

انيي للبصل و الطماط و الثوم اللي قسمناهم من قبل


انا اسوي بنفس الجدر كل شي

قفشة زيت زيتون مع البصل و الثوم و الطماط و نحرك شوي بعديين حطي اللحم المفروووم


و حركي لييين اتحسين لونه صااار بني شوي

ييبي نفس البهارات كركم و كمون و لومي و سماق و نفس الشي باصابعج رشي عليهم


و بس لييين اتحسين اللحم استوااا



و صفييه فوق المعكروونية بترتييب



الحيين ييبي بادية و حطي فيها قيمر ( اذا انتو عايلة علبتين ) و قفشة جبن ( اذا عايلة قفشتين ) وبسسس خلطييهم و ردي عالبايركس صبي عليها بترتيب



و بس بالفرن لييين يعجبج لوووونها









حبيبتي سامحيني اذا اختصرت


بس اذا دشيت المطبخ اطبخ على فالي مو على ورقة ولا شي من جذي عبالي الكل مثلي ))





باجي الاطباق بارد اعصر مخي شسويت و ارد اكتبهم

 

[PuPa^^SWeeT]

تسلم ايدج



وكل عام وأنت بخير حبيبتي

الله يسلمج و انتي بالف خييير

 

[PuPa^^SWeeT]

مافهمت !!
يعني جم ملعقه ماذكرتي
وجم ليمونه نحط !!
المفروض تقولين عشان مايطلع عندنا حامض زوود ولا مافيه نكهه
وصمون باجيت لاهنتي صوري لنا شكله لو ماعليج كلافه ومن وين اخذتيه !!

والدجاجه نشويها ولا نفوحها وننتفها علطول ولا شنو بالضبط

صمون الباجييت هممممممم اتحصلينه بجيان صووب الخبز و الصموون


انا اخذه من هناك كل مرة صموون طويل اسمرر حيييل



المقادير والله ما اذكر المقادير عدل


شوفي باييبلج من ذاكرتي

الليمون انا اشتري عصير ليمون جاهز يعني مقدار 3 قفشات




البهارات مقدار رشة من اصابعج مثل ماقلت



الفطر ربع علبة و الزيتون الاسود نفس الكمية بالضبط يعني مثلن طلعتي 6 حبات فطر مقصصة يعني 6 حبات زيتون


و ملعقتين زيت زيتون

 

[PuPa^^SWeeT]

مافهمت كلللش هالطريقه !!


السموحه حبيبتي ياليت ماتزعلين مني بس شرحج سريع ومو واضح ابد
وتسلم ايدج كلنا جذي ببيت اهالينا مانمسك قلاص الماي وببيت رياجيلنا نطبخ وننظف ونسوي كل شي بيدنا
الله يعطيج العافيه وعليكم بالعافيه
ولج الاجر ان شاءالله موفقه يارب :eh_s(17):

هذي الطبخة يكوون اكتشفتها ههههههه



شووفي انا ببالي بسوي مرق لحم بس شرايح من غير عظم


رحت شريت لحم شرايح شاورما ينباع عند الملحمة



شوفي انا طريقتي باللحم لاني اخاااف من طبااخه لازم well done


افووح اللحم نص ساعة كاملة اطير اللزفر و الدم منه


بعديين ارووح اصفيييه


و احطه على جنب



اييب نص بصلة ا قصصها ( عندي ماكينة لها اتقصصها صغاااااااااااااااااااااااااااااااااااااااااااااااار )



و طماطة بعد صغار و ثومة وحدة مبشوورة بالة الثوم


نحمس بقفشة زيت زيتون


انحط البصل و الطماط و الثوم و نحرك بعديين انييب اللحم و انحرك ليين يقلب شوي لوونه


انحط باطراف اصابعنا رشة لومي و سماق و كركم و كمون و ملح و فلفل


و نحمس



بعديين انييب معجووون طمااط و نحمس شوي


بعديين انصب ماااي ( المرق لازم اترس الجدر ماي هذا حطييته شوية مادري :ggdw::ggdw:



يعني نص الجدر ترسي


و رشي ملح مرة ثانية باطراف اصابعج


و انخلييه على ناار عالية


راح اتلاقين الماي يقل كل شوي


زيدي كمية الماي



بتقل مرة ثانية


زيدي كمية الماي


وهكذا لين اتكملين ساعة و نص كاملة


بعديين صبي علييه فاصوليا راح اتلاقين المرق ثقييل و اللحم ترفففففففف




شيليه بعد خمس دقايق من حطة الفاصوليا




و بسسسسس


طلعت طبخة يديييدة


:eh_s(9)::eh_s(9)::eh_s(9):
:eh_s(9)::eh_s(9):
:eh_s(9):

 

[manoooram]

تسلم الأيادي ما شالله

 

[PuPa^^SWeeT]

الله يسلمج يالغالية

 

[Mjnont '3lay]

مشكوووووره حياتي ماقصرتي :***

 

[noor salam]

بالعافية

 

[PuPa^^SWeeT]

بالعافية

الله يعافيج

 

[PuPa^^SWeeT]

مشكوووووره حياتي ماقصرتي :***

العفووو ياقلبي



حياج الله