منو بداوم باجر.... دخلوا لو سمحتوا للخبيرات

[منار 22]

بنات انا افكر اخذ اجازة مرضية باجر ساعات اقول ما تسوى بس مالي خلق دوام باجر

المهم اختكم غشيمة ما جربت الاجازات المرضية لان توني متوظفة صارلي 3 شهور

فبعرف يعطون اجازة يومين بسهالات ولا اروح خاص

وشنو لازم اسوي ادق على الديوان وابلغهم من وين الطبية ايبها؟

والسؤال الاهم : هل مطلوب مني ابلغ مسئولتي اني باخذ مرضية ( اجباري ولا اختياري)؟

انتظر ردودكم

 

[ريـ 1985ـم]

تقدرين تاخذين طبيه من اول يوم داومتي اصلا بس اللي ماتقدرين تاخذينه اهو الطارئه الا بعد٦ شهور من تعيينج اللي اهم ٤ طارئات لج بالسنه الحين لج١٥ طبيه حق هالسنه اخذي يومين بس باجر دقي علي ١٨٢٨٨٨٨ بعدها رقم٢ وبعدها رقم٧ للطبيات هذا اذا انتي مسجله بالديوان ولج رقم سري عشان تعرفين جم طبياتج واجازاتج وكل شي يعلمونج وبعدها تروحين للطبين بنفس اليوم اللي دقيتي لازم ان طاف خلاص راحت عليج الطبيه وبس تاخذين حق يومين اداومين الاحد بس ماله داعي تبلغين مسؤلتج بهالشي اتتي وكيفج

 

[منار 22]

مشكوووورة حبيبتي على الرد ما قصرتي

 

[منار 22]

انزين بالنسبة للطبية المستوصف على اي اساس يعطي يومين شنو اقولهم في دكاترة بعد من كيفهم ما يرضون يعطون بس يوم واحد انا ابي يومين
شنو العذر؟
وشنو الافضل المستوصف ولا الخاص؟ يقولون بشددون على هالامور

 

[Day Dreamer]

دام توج متعينه ليش ما تداومين؟ مامداج تقولين مليت من الشغل و اذا ماكو شغل مالج عذر
اولا مايجوز تاخذين طبية اذا انتي مو فعلا مريضة
ولاحد يقص عليج يقولج تتصدقين بمعاش هاليوم هم مايجوز
ثانيا شفيها ان داومتي اليومين؟ كلهم يومين و وراهم ويك اند؟
عطلة و عطلتوا و عيدتوا و استانستوا ليش ما تداومون
داومي و تعوذي من ابليس لاتتعودين على هالطبع

 

[فـــخـــر]

العطله مو 4 ايام شلون باجر دوام ؟!

 

[jekara_maziona]

انا بعد صارلي 3 شهور متعينه وباجر ماني مداومه باخذلي طبيه يومين

 

[jekara_maziona]

العطله مو 4 ايام شلون باجر دوام ؟!

لا حبيبتي العطله 3 ايام بس

 

[منار 22]

Jekara

زين لقيت احد نفسي ازرني شوي

شنو ناوية تسوين بتروحين خاص ولا حكومة علشان الطبية؟



الي اقول لا تاخذين اجازة مو شرط امل من الدوام علشان اخذ اجازة كل واحد وادارته وبعدين انا ما قلت مافي شغل
ثانيا شنو ما يجوز سالفة حرام وحلال يعني ؟
الحين كل الي ياخذون مرضيات فعلا تعبانين!!!!

 

[manoooram]

باجر دوام والدوام لله

بس للحين ما قررت طبيه أو أستأذان

 

[جروح ودموع]

بداوم غصب عني خلصت مرضياتي برمضان ههههههه

 

[منار 22]

بنات شنو الاحسن اخذ طبية يومين من الخاص ولا الحكومة؟

مستوصف الحكومة يعطي يومين عادي... بليز جاوبوني

 

[غزلان الكويت]

نصيحه يابنات ترا طبيه وانتي مافيج شي حرام معاشج بهالطبيه حرام والله كلنا مالنا خلق بس شنسوي يابنات ولانتمنى المرض والله يجزاكم خير وكله يونين وتروح

 

[ريـ 1985ـم]

اي يعطي يومين وحتي٣ ايام دام طبياتج وايد وموماخذه شي منهم ماله حق يمنعج بس اذا شاف طبياتج مخلصتهم مو باجي منهم الا ٥ طبيات ماظن يعطيج اكثر من يوم واحد انا لاحظت هالشي فيهم هالدكاتره؟ وانا اشوف دام انج قادره اداومين داومي ترا هالطبيات ينفعونج بوقت الحاجه وانتي كيفج

 

[Huda alotaibi]

غداً هو العمل غداً وظيفتي غداً الأمل غداً الاجتهاد غداً الاستثمار غداً تحليل الراتب اسأل الله توفيق بكل خطوه اخطو بها وتيسير الامر ♥