انا وا لبواسير بليز بنات ساعدوني

[برنسيسه ورده]

السلام عليكم

بنات اسفه بدخل مباشره في الموضوع لاني حيل متضايقه قبل فتره نزلت لكم موضووع

http://www.q8yat.com/t1081985.html#post31215590

لاني اعاني الالام عند التبرز اكرمكم الله

المهم اكلت حبوب السنا مكي ومرت بالضبط ع اخر الام 13 يوم
ورجع قبل امس
بس لاحظت ظهور حبوب
المشكله ان وزني مب كثر انه يكون سببب حق الحبوب والحبوب اشوفه يكثر
وكل ما اتخلص من وحده تتطلع الثانيه


بجد تضايقت مع اني المنطقه الحساسه نظييييييييييفه وانشفها

لاحظت اليوم الدم ولاحظت اني مب قادره امشي عدل

دخلت اسوي بحث في النت

اكتشفت اني اعاني مرحله الاولى من البواسير _ اكرمكم الله

والسبب عارفته انا بصراحه اطوول ع النت لاني اشتغل مصممه لشركات :eh_s(2):
وجلستي خاطئه كنت اجلس ع الارض لاني ما اشتريت طاوله وكرسي ولا احب اقعد بسريري:eh_s(16)::eh_s(16)::eh_s(16)::eh_s(16):

انا عمري22 وللحين صغيره ما خبرت احد ابداا
بس انا قربت للزواج وتملكت من فتره وباقي ع زواجي سنتين

بس اخاف يقدم العرس
شو اسوي بنات

كيف اتصرف وش اكل والله خايفه فريت قوقل كله ولقيت حلول وبحاول اطبق
بس اللي طبقت شي نفعها او تعرف بليز تخبرني

وكمان لقيت لا تجلس كثير ولا توقف كثير ولازم رياضه مشي

بمشي اوك بس كم المده وكيف الجلسه الصحيحه ووكم المده اللي اجلس عليها ع الجهاز عشان شغلي

او كيف اجلس وهل اذا اشتريت طاوله وكرسي راح تتحسن المشكله

بنات حدي خايفه نفسيتي متدمره
شو اسوي علووومني تكفوووون

حاليا اعاني حبوب بس قادره اسيطر عليها لاني نظيفه وكمان الالام عند التبرز اكرمكم الله
وايضا دم وانا عارفه اني مسختها بس كيف اتصرف وكيف ارتب جدولي وشغلي



وكم الفتره اللي امشي فيها بليز سااعدوني بنات والله لادعي لكم من قلبي :eh_s(16)::eh_s(16)::eh_s(16):

 

[Altoot]

..




ما تشوفين شر حبيبتي ..
بنت عمي كان فيها وحطت ماي دافي + ملح وخلته يذوب
وقعدت فيه 10 دقايق تقريباً ..


حبيبتي الأفضل والأحسن تستشيرين دكتوره روحي
لـ مستشفى الراشد وراح يفيدونج حيل


الله يشافيج وألف لا باس عليج


​

 

[كتكوته نورة]

الله يعينج

اللي اعرفه لازم تتجنبين الإمساك وبعدي عن الفلفل ولا تقعدين على شي يابس في مثل مخده طبيه من الصيد ليه أخذي ها لج تريح بالقعده

ومن المستوصف في تحاميل زينه ..والله يشفيج يا قلبي

 

[برنسيسه ورده]

..




ما تشوفين شر حبيبتي ..
بنت عمي كان فيها وحطت ماي دافي + ملح وخلته يذوب
وقعدت فيه 10 دقايق تقريباً ..


حبيبتي الأفضل والأحسن تستشيرين دكتوره روحي
لـ مستشفى الراشد وراح يفيدونج حيل


الله يشافيج وألف لا باس عليج


​

امين فديتك
اي سويت كذا ابتداء من اليوم
بس انا مب كويتيه ياقلبي
والمرض في المرحله الاولى افضل اعالجه في البيت استحي اروح مستشفى :eh_s(16):

 

[برنسيسه ورده]

الله يعينج

اللي اعرفه لازم تتجنبين الإمساك وبعدي عن الفلفل ولا تقعدين على شي يابس في مثل مخده طبيه من الصيد ليه أخذي ها لج تريح بالقعده

ومن المستوصف في تحاميل زينه ..والله يشفيج يا قلبي

امين مشكوره حبيتي باخذ لي مخده طبيبه واحاول اكل الياف عشان الامساك :eh_s(2):

 

[غـلآوي ّ ~]

البوآسير اذا طآلع لي برئ لآزم عمليه يشيلونه لج افضل

و يسبب لجّ امسااك راح تتعبين حرام . . كثري من شرب المآآي

وِ حطي مره وِ خوآ جوآ < من العطار
علئ النار حركيهٌم و حطيهٌم بـ شاش او شئ و حطيهٌم علئ مكان البوآسير بس خليهٌم يكونون حار بدرجه تحملينهااا
مرتين باليٌوم اذا قدرتي . . بسس ديري بآلج رآح تدمر ملآبسج وريحـة المره والخوآ جوآ بتكون فآيحه

مـآآلجّ شر ان شاء الله

 

[ديانا سبنسر]

ياحبيتي اللي اعرفه ان عملية البواسير يوم واحد وترجعين تمارسين حياتج طبيعية ليه تحملين الالم والعلاج موجود لاتستحين لامن الطبيب ولامن اهلج هذا مرض يعني بيدج ولا سويت العملية على خير ان شاء الله تجنبي الاسباب اللي جابت لج البواسير علشان ماترجع لج

 

[ربيع_الروح]

نصييييييييييييحه شرب الماي ثم شرب الماي ثم شرب الماي
وخاصة على الريق أول ما تقومين من النوم شربي قلاص أو قلاصين ماي

ولأن انتي الحين ينزل منج دم مري المستوصف إخذي تحاميل جلسرين
وفي أعشاب تلهمينها مع الماي تلين الخروج (سوري)

بس ديري بالج تستمرين عليهم فترة طويله بس لحد ما تخف حالتج وتبدي تتحسن وبعدين وقفي


ترى كثرة الملينات تسبب خمول للأمعاء وبعدين تبدي تطلع عندج مشاكل ثانية




وآخر شي كثري من الخضار والفواكة وابتعدي عن البطاط والموز لأنهم يسببون الإمساك









جربي هالنظام لمدة اسبوع وراح تدعين لي

 

[ربيع_الروح]

وفي شغله بعد إذا استمر معاج الموضوع روحي الأميري طواريء الباطنية أو الجراحة مو ذاكرة بالظبط

يعطونج جل مهديء ومخفف للألم ومطهر (معقم للمكان)
وأكيد راح يعطونج تحميلة الجلسرين بعد واللهوم



وماكو الا العافية
ونصييييييحة لا تنسين شرب الماي على الريق
وآسفة على الإطالة

 

[عـيّــآره]

ياحبيبتي عرسج قريب وانتي جربتي الاشيا الطبيعيه من النت لاتشوفين حلول حق مشاكل غيرج انتي تقولين

مراحل اولى بالمرض يعني علاجها يكون اسهل من الحالات المتقدمه روحي الطبيب ولاتضيعين وقتج بالتجارب

وعلى فكره واحد من اهلي كان بمرحله صعبه وايد وبعمليه وحده رجعت حياته لاتتحملين ولاتاخذين حلول
من النت بمشكله جذي والنصايح خذيها من الطبيب الي يعرف حالتج

الله يشفيج يارب ​