(( رحلتي إلى لندن ، مانشستر ،برمنغهام ، برايتون ، بلاك بول تاريخ 24/6/2012

[UniquẼ ♥ ώomaN]

تسلميييييييين عالتقرررير
نايس

 

[foshia girl]

الف شكر لج صاحبة الموضوع عن التقرير المفصل والمجهود اللي سويتيه بالموضوع ,,
يعطيج العافيه

 

[وحدة من الناس *]

أشـــــكركم على متــــابعتكم للتقرير ​

 

[وحدة من الناس *]

السلام عليكم

اشلونكم عساكم بخير :eh_s(17):

بعد ما خلصنا من مانشستر و رحلاتها قررنا نرجع لندن وتمينا فيها اسبوع

قررنا نروح ويست فيلد القديم + شبردبوش ماركت + الدنجوان


عشان نروح ويست فيلد نروح حق محطة ماربل ارتش وناخذ الخط الاحمر لمحطة شبردبوش




ويست فيلد ميزته ان ما في زحمة وايد ويفتح لين العشر بليل والشي اللي تبينه بمحل معين وما لقيتي مثلا المقاس تلقينه موجود بالمجمع يعجبني فيه هاوس اوف فريزر صج ان في باكسفورد بس اهناك يعجبني اكثر




وفي محلات ماركات عالميه خذيت منه قلب تيفاني يطلع 320 باوند وشريت منهم كريم حق الوي والايد والاظافر وشامبو فيه مادة كيراتين اسم الشركه soap& co

وفي مطعم عربي واحد بالدور الاول

لما تصعدون الدري المتحرك اللي يكون صوب سنوغ يوغارت تاخذين على ايدج اليمين المطعم

يبيع تبوله ورق عنب كبه برغل فلافل ومن هالاشياء

بس ناسيه اسمه لان كان بالانجلش

عقب ما خلصنا من المجمع رحنا حق شبردبوش ماركت




لما تنزلين من محطة القطار على يمينج ويست فيلد ويسارج تاخذين لفة عاليمين وتكملين كله سيدا تلقين شبردبوش ماركت يفتح يوميا ماعدا السبت والاحد




يمكن قايلين لكم ان موشي هالمكان والهنود والبضاعه مو كواليتي

بس بصراحه يعجبني شريت لي من اهناك جواتي ماركة كرلاكس و ميك اب ماركة ماكس فاكتور من وحدة هندية وشريت لي باجيم مختوم عليه من ماركس سبنسر





واختي شرت من وحدة هندية اسمها سلمى دراريع مخمل ودراريع حق البيت مشيرة واقطان



يعني في اشياء تسوى بس لازم تدورين صح


في مكان اكتشفته بالصدفه اهوا مكان يرجعون لكم فلوس التاكس فري:eh_s(1): بس في له شروط اول شي لازم يكون عندج كريدت كارت ولازم التاكس يكون من 30 باوند وطالع !!! بس مع الاسف ما كان عندنا هالكريدت كارت ( المكان اللي بالصورة لافته زرقة لما تطلعين من المحطة على يمينج)



بعد ما خلصنا رحنا حق دنجوان يسمونه قصر الرعب




المكان فيه مشي وظلمة جنا نفق وكل طوفه فيها منظرة تشوفين نفسج وتخترعين ههههههه وباي لحظة يطلع واحد ويخوفج:eh_s(2): بس تكونين مع قروب وفي تمثيلة عن قصص الاعدام واكو كرسي يصعد فوق وينزل تحت يعني اعدام وفي كاميرا اهناك عاد تضحك الاصور

انصح في هالمكان و بقوة ​

 

[برنسيسة زمااني]

اختي عليج بالعافيه

 

[كريستال]

يعطيج الف عافه حبيبتي على التقرير المفصل

وايد مفيد

 

[عزاااه]

حبيت اسالج عن طريقه جناط سفر شريتي من اهناك او شنو شلون على شحن اي شركه شحنتي او لا

 

[منيرة خالد]

مشكووووره عالتقرير روووعه

 

[مشتطـه]

انا بلندن حاليا

صح ويستفيلد رووعه يهبل كل شي فيه


قصر الرعب شوقتيني عليه بس مالي خلق تخوف


بالنسبة لشبربوش رحت له مو حلو وماعجبني
وسلمى خذيت لامي منها


مالقيت بجايم ماركس سبنسر

 

[وحدة من الناس *]

اختي عليج بالعافيه

الله يعافيج حبيبتي :eh_s(17):

يعطيج الف عافه حبيبتي على التقرير المفصل

وايد مفيد

تسلمين مشكورة عالمشاركة :eh_s(17):

حبيت اسالج عن طريقه جناط سفر شريتي من اهناك او شنو شلون على شحن اي شركه شحنتي او لا

شرينا من اهناك وماخذين جناط ملوت اول المبكرة لووول وشحنها بعد :eh_s(11): وخذو علينا وزن بالمطار ههههههههههههه

مشكووووره عالتقرير روووعه

شكرا على مشاركتج الاروع :eh_s(17):

انا بلندن حاليا

صح ويستفيلد رووعه يهبل كل شي فيه


قصر الرعب شوقتيني عليه بس مالي خلق تخوف


بالنسبة لشبربوش رحت له مو حلو وماعجبني
وسلمى خذيت لامي منها


مالقيت بجايم ماركس سبنسر

يا بختج انا ودي اروح :eh_s(11): بس ماكو اجازة الا بعيد الاضحى يمكن:bbbiu:

انا احب المغامرات فرحت له بس لما تطلعين بتضحكين على روحج بتقولين مو رعب ولا شي مال يهال هههههههههههه

انا ما قلت حلو واينن بس في اشياء لقطة ترا خامة الاقطان انجليزيه بس انصنعوا بالهند

البجايم بالخش والدس ما يورون احد الا اذا احد سألهم

 

[kenda]

ماشالله عليج تقريرج وايد حلو وممتع وشيق عليج بالعافيه

عاد انا بروح شهر 10 وخذيت منج معلومات تفيدني بالسفره وان شالله لي سافرت راح انزل تقريري ^_^

 

[كويتيه=)]

خوش تقرير واهم شي ان بالتفصيل الممل

كملي ناطرينج

 

[وحدة من الناس *]

شكرا كينده وكويتيه عالمتابعه

هالجزء بيكون الاخير

عشان قبل ما تبدي الدراسه​

 

[وحدة من الناس *]

نسيت اقول لكم ان سكنا بعد مارجعنا من مانشستر بفندق كمبرلاند



بنص شارع اكسفورد يعني وسط اللويه

للاسف ما صورت داخل الغرف لان صار المكان عفيسه

المهم خذينا غرفتين وحده سويت لنا والثانيه حق اختي وريلها

بالنسبه للسويت طلع علينا الف دينار وشي لمدة عشر ايام

خل اتكلم لكم عن اهم شوارع لندن

عندنا اكسفورد ستريت



اهم الاماكن الحلوة اللي فيه عندنا بريمارك وااايد حلووو هالسنه ما اطلع منه الا ب200 باوند



عندكم بعد سلفردج اشهر من نار على علم اهم ما يميزه الماركات وبالذات العطور الحصريه احلى العطور ارماني وجومالون لندن توم فورد ترش وحتى جوتشي و شانيل وديور في عندهم عطور حصريه ما تنزل عندنا غير سلفردج عندكم هاوس اوف فريزر ودبنهامز روعه غير عن اللي عندنا 180 درجه

و جوني لويس



المحلات الثانيه هم حلو مثل دورثي و نيو لوك ونكست انصح في عطوراتهم بقوه روايحهم عجيبه وما تيي عندنا و ريفير ايلاند صج كان يومها استوكات بس والله اسعارهم حلوة واذا دورتي عدل بتلقين اشياء حلووة و توب شوب روعه ميك اب مالهم ايين وملابسهم تهبل يعني بعد بريمارك شريت من توب شوب ملابس زارا ومانغو وH&mكان روووعه




هذا بالنسبه لشارع اكسفورد



عند لفة زارا اللي باكسفورد في شارع اسمه بوند ستريت رحت هالمكان مخصوص لمحل اسمه فيونيك وحزته كان في تنزيلات وشريت منه بدله العيد ماركه انجليزيه خامته على شيفون ايننن بالعيد الكل سألني عنه بس غالي خذيته 399 باوند تقريبا وفي ماركات ثانيه




بعد باوند ستريت في اكسفورد سيركس اهناك توب شوب عجيييييييييييييييب لا تطوفونه



اهم شي عندنا هامليز لالعاب اليهال


ومحل cos هم عنده ملابس روعه خذيت منه جم قطعه واهم شي هالمحل مو موجود عندنا



قبل ما تروحون هامليز في لفه هاللفه في


مكان اسمه كارنبي ستريت







وايد حلووو وتلقين اهناك بينفت




شارع اجوررود شارع المطاعم العربيه الحلال



في محلين اعجبوني واحد تبيع فيه وحده عراقيه الملابس عندها حلوه بس ناسيه اسم المحل وفي مكان ثاني بنفس الشارع محل ايبيع جناط هم حلوة وغريبه بس ما صورت ولا حفظت اسم المحل !!!



شارع بيكادلي ستريت رحنا عن طريق الاندر قراوند



من محطه ماربل ارتش الى بوند ستريت عالخط الاحمر

ومن بوند ستريت الى غرين بارك عالخط الرمادي

ومن غرين بارك الى بيكادلي عالخط الازرق الغامج



في مكان اسمه ليلي وايت على ما اعتقد حلوووو والمكان اهناك عجيب وهادي



ساحه بيكادلي



وهم رحنا متحف صدق او لا اهناك بصراحه ما افكر ارجع له مره ثانيه لان مو وايد واااو عادي جدا



هذي اهم الشوارع اللي نقدر نروح لها مشي

يتبع ،،،​

 

[وحدة من الناس *]

هذي الاشياء موجودة بمتحف صدق او لا ​

لعبة المتاهه على هيئة منظرة ​

​

​

في اهناك لعبه جسر تعبرينه ويصورونج بس ما عندي صورته الا فيديو ​

من الاشياء اللي في المتحف​

​

​

​

http://www.m5zn.com/out.php?code=a5c072ebb00907f​

http://www.m5zn.com/out.php?code=47accb57ef8acbc​

في متحف صدق او لا تصدق في اي ماكس قيمته 5 باوند بس اربع اشخاص يدخلوونه ​

وايد حلوووو يكون بالمكان نفسه وفي داخل مجمع صغير يبيعون اشياء صينيه ​

​

خل اتكلم لكم عن رحلة البيغ باص​

​

حجزنا التذاكر من السفاره بالكويت الكبار 9 دنانير والصغار 8 دنانير​

​

وتشمل رحلة بحريه عالنهر التايمز ​

بيغ بن​

​

جسر لندن حزتها مزينينه بالالومبياد​

​

معلومه سموو هالساعه بهالاسم لان اللي سواها واحد متين وعايلته اسمها بن​

سفينه للرحلات البحريه​

​

وحجزنا بعد ​

​

متحف الشمع​

​

 

[وحدة من الناس *]

ومن الشخصيات في متحف الشمع ​

​

​

​

​

قصر الرعب​

​

اليهال يمكن يخافون منه بس عن نفسي كل ما ادخل له واطلع اضحك هههههههههه​

بهذي السياره بمتحف الشمع تشرح اشلون انبنت لندن وشنو الاحداث اليل صارت لها ​

​

​

من ضمن رحلة الباص قطنا عن عين لندن ​

ما حجزنا حق عين لندن لان شايفينها ​

بس حجزنا للاكواريوم​

​

ولكن مع الاسف لما دشيناه شحن تيلفون خلص فما صورت داخله ​

مبنى ماربل ارتش​

​

حديقة الهايد بارك​

​

هذي بحيرة هايد بارك​

​

اذا بغيتو تروحون سوق السبت ​

​

عن طريق اجورد رود مشي عشر دقايق من اكسفورد ستريت​

​

​

هذا الجسر اللي يودي للمكان​

وهذا كل شي وسلامتكم

اي استفسار انا حاضرة​

 

[عزاااه]

روعه

 

[مشتطـه]

تسلميييييييييييين

 

[أم*سلمان]

رووعه عليج بالعافيه

 

[هناء - Hana]

روووووووووووعه صراااحه ودي اروح لها ان شاءالله بالعطله هذي باذن الله شوقتيني ..وتسسسلمين ياعمري..