وين تحطون جناطكم الماركات؟؟

[Roty]

السلام عليكم

وعيدكم مبارك

بنات وين تحطون جناطكم الماركات ؟؟؟
انا صار عندي ضيق ومادري وين احطهم

حاليا حاطتها بجيستهم الخام وداخل جيس المحل وحاطتهم بالارض بداري ماكو مكان داخل الكبت

عطوني اقتراحات وياليت صور

مشكورين​

 

[manoooram]

عساج من العايدين الفايزين حبي
حاليا انا أحطهم بأكياسيهم وشريت لي صندوق كبير وحطيتهم داخله صفيتهم شكه ذرب
ان شالله نستفيد من أفكار البنات

up up up up up

 

[الباسمه]

بدرج كبير عندي شويه
وهمن ماكو مجال لو بشتري وحده زياده بيصير ضيج الدرج

 

[Roty]

مانورام والباسمه مشكورين حبايبي

من من حبي من وين شريتي الصندوق شلون شكله

 

[_زينه_]

نفس الحاله \

انا اصفهم عالشفنيره من فوق

 

[PuPa^^SWeeT]

رووتي


انا حاليا مفضية رف كاامل للجناط الماركات داخل الكبت


كل جنطة بالدست باق و تارستها جرايد علشان اتحافظ على استدارتها



الجناط العادية داخل رف بروحهم



اذا اتحبين


روحي ايكيا

اتلاقين سلة كبيرة لها غطا


عند ركن الحدايق و النباتات



اخذيلج وحدة ولا ثنتين و صفيهم داخله

 

[manoooram]

Roty
البوكس الكبير مال الجناط من داخل مبطن بخام خذيته من بنتا تقريبا ب 5.500
بس راهي وحلو حق جناطي وعندهم أشكال ثانيه حلوين ملونين كول بس للأسف ان السايت مالهم مغلق للصيانه
جان حطيت لج وللبنات اللنك

وخذيت من بوتري بارن بس حجم أصغر مو مبطن بخام حق شيلاتي القطن
لأن المبطنين خالصين ومعاه غطى على شان أسكره طلع على ب 10.500
هاللنك لأنواع البوكسات اللي موجوده عندهم حلوين

Decorative Storage Baskets & Woven Trays | Pottery Barn

 

[BubbLe87]

واي انا احذفهم يمين و يسار لا جيس ولا شي ودي احافظ عليهم بس مادري شلون

 

[Roty]

رووتي


انا حاليا مفضية رف كاامل للجناط الماركات داخل الكبت


كل جنطة بالدست باق و تارستها جرايد علشان اتحافظ على استدارتها



الجناط العادية داخل رف بروحهم



اذا اتحبين


روحي ايكيا

اتلاقين سلة كبيرة لها غطا


عند ركن الحدايق و النباتات



اخذيلج وحدة ولا ثنتين و صفيهم داخله

حياااتي منورة موضوعي
مشكورة عالفكره الحلوة مثلج ان شالله بروح اشوف:eh_s(7):

 

[Roty]

roty
البوكس الكبير مال الجناط من داخل مبطن بخام خذيته من بنتا تقريبا ب 5.500
بس راهي وحلو حق جناطي وعندهم أشكال ثانيه حلوين ملونين كول بس للأسف ان السايت مالهم مغلق للصيانه
جان حطيت لج وللبنات اللنك

وخذيت من بوتري بارن بس حجم أصغر مو مبطن بخام حق شيلاتي القطن
لأن المبطنين خالصين ومعاه غطى على شان أسكره طلع على ب 10.500
هاللنك لأنواع البوكسات اللي موجوده عندهم حلوين

decorative storage baskets & woven trays | pottery barn

مشكووووووووووووورة حياتي فديتج بروح اشوفهم
بس بسالج البوكسات اللي حاطتهم باللنك مايطلعون ريحه لانهم قش؟

 

[manoooram]

Roty
حبيبتي اللي باللنك لا ما يطلعون ريحه حبي
شوفي اللي عند بنتا اذا تبين مبطنين بخام وفي أحجام حبي
واللي بـ بوتري بارن اللي لقيتهم مو مبطنين لأن المبطنين خالصين مري عليهم يمكن يابو منهم

 

[manoooram]

حبيبتي هذا الصندوق واخترت أحط معاه أحجام مختلفه من الأكياس
فيهم مشترياتي لووول على شان تقارنين
كيس ال СH كبير مو صغير وشوفي شكله على البوكس
تراه كبير البوكس وراهي هذا اللي من بنتا ب 5.500 تقريبا

 

[شقاوتي غير]

حبيبتي روحي ايكيا تلقين ارفف راقيه وحلوه تكون على زاويه وطويل وضعيف

وفي حركات حلوه بعد او روحي ابيات ​

 

[مروقه على الكوفي]

احطهم
في منظم الشنط العلاق جوه الدولاب
ومفصله دولاب للجزم والشنط واحطهم في صناديق اوكيس داخل الدولاب
وممكن تحطينهم بصندوق تحت السرير لوماعندك مكان

 

[Mjnont '3lay]

منظم جنط

 

[بكيزة هانم]

تعليق

 

[yam_yam]

شاريه من تروفاليوو كبت كله ارفف
و حاطته بالغرفه و صفيت عليه الشنط عليها
حلو و مرتب حييييل

 

[روض الجنه]