طلبات الموجهين

[كـــكـــاوة]

السلام عليكم ومبارك عليكم باقي الشهر وعسي الله يكتبنا وياكم من عتقاء هذا الشهر ويبلغنا ليلة القدر

علي إني تحملت موجهتنا واسلوبها القاسي في التوجيه وانتقادها لى في كل حصة بالرغم من شهادة الجميع لي بالكفاءة من المديرة ورئيسة القسم وحتى من سبقها من الموجهين إلا إني كنت أتقبل رأيها وأتحمل وأسكت لكن الموضوع وصل حده خلااااااااص

الموجهة طالبه من رئيسة القسم انه نشتري من ميزانية القسم إللي كلها طول العام 200 دينار داتاشو واجباري وإلا ماراح تحط درجه كامله في العام القادم ، علي فكره أنا شاريه واحد خاص فيني بس مومكفيها تقول إذا غابت يتوقف الشغل !!! بالرغم أنه المعلمات يستخدمون غرف العروض ومختبر الحاسوب في بعض الدروس ، بس أهي تحب إذا انقالت كلمة تتنفذ وطبعا المديره موافقه ولما ناقشت رئيسة القسم بالموضوع وقلت إذا الميزانية كلها انصرفت عالداتاشو واحتجنا أشياء ثانية شلون تقول الموجهة قالت دفعو من عندكم كلنا كنا ندفع !!!

بصراحه حيييييييييييييل متضايقه من هالإسلوب والطريقة وأدري هالموجهة قاعدة معانا هالسنة وطبعا أهي جديدة وما تتعامل إلا باسلوب الأوامر ...

بنات شرايكم شنو الحل ؟؟ وكل ما أتذكر أنه هالسنه بتكون معانا أتعب نفسيا وأتذكر طريقتها وطلباتها يضيق خلقي ..

أدري أحنا بالعشر الأواخر والمفروض ما أفكر بشي بس اليوم وصلني المسج من رئيسة القسم وتقولي جم شغله فتذكرت وقلت أفضفض لكم

 

[#الخشف#]

ميزانية القسم بالعااده تندفع للاوراق والاقلام والحبر ...انتي اشتري اغراضج ووبس ان شاء الله ماراح تكلفج...والحمدلله داتاشو عندج واحد خاص فيج ...

وبعدين مالج الا ان تكيفين نفسج على طريقتها وادعي الله انه يسخرها لج..

والله ييسر امورج كلهاا

 

[جمونه حبي]

اللهم اجعلنا من عتقاء النار اعتقد ان المدرسه توفر لكم الاوراق واحنا من عمر نصور من فلوسنا الخاصه ومافيها شي اذا اشترتوا داتا وايد مهم وفي بند يمنع انج تشترين الاوراق او الاحبار ولا تتوقع الفاتوره والداتا يغني عن الاوراق انا مع معلماتي كلهم عندهم داتا وما نقدر نستغنى عنا مافي شي اذا تحاطتو وشريتو اوراق او واعدي الاداره توفر لكم هذي السنه اوراق وترونها لهم السنه اليايه واوراقي للسنه كلها اربعين دينار

 

[كويتية222]

الله يعينج يارب، تحاشي الصدام وياها.
وسالفة دفعوا من جيبكم ماكو انا مستغربة من هالشي شكو تدفعون وفي ميزانية
الميزانية 200 تكفي للاوراق وبالغصب للحبر
ونصيحة اهتمي بمستواج وشغلج وطالباتج واسلوب راقي بالتعامل مع الزميلات وبتمشي امورج
​

 

[كـــكـــاوة]

ميزانية القسم بالعااده تندفع للاوراق والاقلام والحبر ...انتي اشتري اغراضج ووبس ان شاء الله ماراح تكلفج...والحمدلله داتاشو عندج واحد خاص فيج ...

وبعدين مالج الا ان تكيفين نفسج على طريقتها وادعي الله انه يسخرها لج..

والله ييسر امورج كلهاا

--------------------------------------------------------------------------------------------
والله أنا قلت جذيه بكيف نفسي عالوضع وخلاص وبشتري أغراضي ، بس هم الإنسان يحتاج للكلمة الطيبه اللي تدفعه للعمل .. عموما مشكوره عالرد وماقصرتي

 

[كـــكـــاوة]

اللهم اجعلنا من عتقاء النار اعتقد ان المدرسه توفر لكم الاوراق واحنا من عمر نصور من فلوسنا الخاصه ومافيها شي اذا اشترتوا داتا وايد مهم وفي بند يمنع انج تشترين الاوراق او الاحبار ولا تتوقع الفاتوره والداتا يغني عن الاوراق انا مع معلماتي كلهم عندهم داتا وما نقدر نستغنى عنا مافي شي اذا تحاطتو وشريتو اوراق او واعدي الاداره توفر لكم هذي السنه اوراق وترونها لهم السنه اليايه واوراقي للسنه كلها اربعين دينار

----------------------------------------------------------------------------------------------
للأسف الإدارة تاخذ بعد مبلغ من الميزانية حق الأوراق لأنه تكلف ن وتعرفين سالفه المدارس والتلاعب بالفواتير بدال االحبر يكتبون أي شي مسموح ، ومثل ماقلت المشكله مو بس بالداتاشو المشكله البعض مايدفع أو تخربه لأنه مو خاص فيها .. الله يعين ، مشكوره حبيبتي عالرد

 

[كـــكـــاوة]

الله يعينج يارب، تحاشي الصدام وياها.

وسالفة دفعوا من جيبكم ماكو انا مستغربة من هالشي شكو تدفعون وفي ميزانية
الميزانية 200 تكفي للاوراق وبالغصب للحبر
ونصيحة اهتمي بمستواج وشغلج وطالباتج واسلوب راقي بالتعامل مع الزميلات وبتمشي امورج ​

والله أختي نفس ماقلتي أنا أهم شي أطور من نفسي وأفيد طالباتي كثر ما أقدر بس نبقي احنا بشر نحب نسمع الكلام الطيب والمدح وهذا اللي يدفعنا للتطوير .. الله المستعان ومشكوره حبيبتي

 

[هيبة ملك]

الله يعينج حتى احنا طليت منا الناظرة والله قطينا وشرينا شنسوي بعد هذا شغلنا ومضطرين نتعامل مع هالنوعيات من البشر

 

[#الخشف#]

معاج حق الانسان يحتاج يسمع كلمه طيبه تدفعه للحماس اكثر بالشغل..

 

[omaseel]

ربنا يصبرنا

 

[¤§ زيتونة §¤]

حبيبتي
اجرج على رب العالمين والله يعطيج العافيه ويوفقج ويسخر لج كل من حولج ولا يضيع تعبج


انا اقول اشترو الجهاز وافتكو
ومبلغ الاوراق والحبر قطو له قطيه خاصه وتلاقون محلات يراعون المدارس ويعطونكم باسعار حلوة
ياحياتي شتسوين بعد دام انج منتي ناقله وعارفه انه الموجهه نفسها نفسها عليكم تحاشي المشاكل ولا تكونين معاديه لها لا خلج حالج حال المعلمات
مافي مفر لانه بينحسب عليج كل شي واول شي بند التعاون باجر بتفقدينه على هالشغله ؟؟ حرام والله

الله يوفقج وييسر اموركم وانتي منتي خسرانه شي بالنسبة للجهاز خل يشترون وانتي خليج على جهازج الخاص

انا والله مفتكه اطبع واجهز كل شي وللصف كله ببيتنا واروح شغلي جاهز ومطبوع تحاشيا لاي طارئ ممكن توقف الطابعه تطفي الكهربا السكرتاريه ما يرضون يصورون لنا ساعات سبحان الله

 

[كارلوفي فاري]

تبين الصراحه الداتا شو حيييل ضروري واحنا مانطرنا احد يجبرنا تقاططنا بالقسم والله حتى الابلات المصريات حطوا معانا لانهم مقتنعين انه ضروره. كل وحده حطت قريب ١٢ دينار وشريناه وركبناه بالنادي وعلى فكره عندنا بالمختبر واحد بس مو ملحق لانه كل قسمنا ماشالله عليهم كل حصه عندها عرض واذا صار تضارب يحجزون غرفة العروض
شفتي شلون الداتا شووو ضروري. فخليكم بالسليم وانتوا اشتروه ماراح يكلف خصوصا انه اسعاره ارخصت

 

[نونا 3000]

حلاتها عندي هالموجهه اطنشها يبه معاشي نازل فيها ومن غيرها اهم شي ارضي ربي ونفسي اشتبي ترا هالنوعيه تلقينها ايام ماكنت مدرسه ماتعرف كوعها من بوعها بس من صارت موجهه بطلع شطارتها عليكم اخذيها مني طنااااااااااش وارضي ربج بشرحج وشغلج وبس

 

[كـــكـــاوة]

حلاتها عندي هالموجهه اطنشها يبه معاشي نازل فيها ومن غيرها اهم شي ارضي ربي ونفسي اشتبي ترا هالنوعيه تلقينها ايام ماكنت مدرسه ماتعرف كوعها من بوعها بس من صارت موجهه بطلع شطارتها عليكم اخذيها مني طنااااااااااش وارضي ربج بشرحج وشغلج وبس

-----------------------------------------------------------------------------------------
والله يا أختي أنا أسوي اللي يرضي ربي أول شي ويهمني أمر طالباتي قبل كل شي وما أفكر باحد لأنهم بناتي ، بس أرجع وأقول نبقي بشر والكلمة تاثر فينا والله كريم ومشكوره عالرد وعيدج مبارك:eh_s(7):

 

[كـــكـــاوة]

تبين الصراحه الداتا شو حيييل ضروري واحنا مانطرنا احد يجبرنا تقاططنا بالقسم والله حتى الابلات المصريات حطوا معانا لانهم مقتنعين انه ضروره. كل وحده حطت قريب ١٢ دينار وشريناه وركبناه بالنادي وعلى فكره عندنا بالمختبر واحد بس مو ملحق لانه كل قسمنا ماشالله عليهم كل حصه عندها عرض واذا صار تضارب يحجزون غرفة العروض
شفتي شلون الداتا شووو ضروري. فخليكم بالسليم وانتوا اشتروه ماراح يكلف خصوصا انه اسعاره ارخصت

------------------------------------------------------------------------------------------
والله أدري انه ضروري والدليل أنا شاريه واحد علشان أفك نفسي ولا أحد يجبرني وهم ما خلصت ن وتبقي اصابع إيدج مو وحده والله كريم وتسلمين عالرد وعيدج مبارك:eh_s(7):

 

[كـــكـــاوة]

حبيبتي
اجرج على رب العالمين والله يعطيج العافيه ويوفقج ويسخر لج كل من حولج ولا يضيع تعبج


انا اقول اشترو الجهاز وافتكو
ومبلغ الاوراق والحبر قطو له قطيه خاصه وتلاقون محلات يراعون المدارس ويعطونكم باسعار حلوة
ياحياتي شتسوين بعد دام انج منتي ناقله وعارفه انه الموجهه نفسها نفسها عليكم تحاشي المشاكل ولا تكونين معاديه لها لا خلج حالج حال المعلمات
مافي مفر لانه بينحسب عليج كل شي واول شي بند التعاون باجر بتفقدينه على هالشغله ؟؟ حرام والله

الله يوفقج وييسر اموركم وانتي منتي خسرانه شي بالنسبة للجهاز خل يشترون وانتي خليج على جهازج الخاص

انا والله مفتكه اطبع واجهز كل شي وللصف كله ببيتنا واروح شغلي جاهز ومطبوع تحاشيا لاي طارئ ممكن توقف الطابعه تطفي الكهربا السكرتاريه ما يرضون يصورون لنا ساعات سبحان الله

---------------------------------------------------------------------------------------------
مشكوره حبيبتي عالرد والنصايح الطيبة والدعاء الحلو ولج مثله ياااااارب:eh_s(7):وعيدج مبارك

 

[نماين]

دام انتي شارية ما عليك لا تحاتين
المفروض رئيسة القسم والمديرة يحاتون ويفكرون بدالك مو انتم
لانه مهددتهم عساس ما بتعطيهم درجة حلوة
بس صج انك معلمة دايم المعلمة تحاتي و تفكر بكل شي

 

[اريج الجوري]

والله الموجهات ما يعجبهم شي ويا ما قطينا من فلوسنا ولا حمدا ولا شكورا ،،،

اتمنى يشيلون التوجيه ويفكونا منهم او يقللون من صلاحياتهم ويريحونا مايصير يرتبط مصيرنا بموجات اغلبهم مايراعون ضمائرهم واهم لاعبين لعب لما كانوا معلمات ..

 

[كـــكـــاوة]

دام انتي شارية ما عليك لا تحاتين
المفروض رئيسة القسم والمديرة يحاتون ويفكرون بدالك مو انتم
لانه مهددتهم عساس ما بتعطيهم درجة حلوة
بس صج انك معلمة دايم المعلمة تحاتي و تفكر بكل شي

------------------------------------------------------------------------------------
أي والله صدقتي المعلمه دايم تحاتي ، وادري ماراح نخلص من الطلبات اللي مالها داعي ومثل ماقلتي رئيسة القسم والمديرة يبون الدرجة الزينه واحنا علينا التنفيذ .. الله المستعان

 

[كـــكـــاوة]

والله الموجهات ما يعجبهم شي ويا ما قطينا من فلوسنا ولا حمدا ولا شكورا ،،،

اتمنى يشيلون التوجيه ويفكونا منهم او يقللون من صلاحياتهم ويريحونا مايصير يرتبط مصيرنا بموجات اغلبهم مايراعون ضمائرهم واهم لاعبين لعب لما كانوا معلمات ..

----------------------------------------------------------------------------------------------
والله أختي أريج في موجهات تحطينهم عالجرح يبري قمة في الاخلاق والتعامل والنصح وتحسين الهدف من زيارتها أنها تفيدج وتحسن من الأداء وتعطيك الملاحظات اللي فعلا مهمة وضرورية بس دوام الحال محال لازم نصادف نوعيات مختلفة ... شكرا عالمرور والرد والله يوفق الجميع