عملية الحاجز الأنفي

[الأيـــام]

السلام عليكم بنات

بنات انا عندي انحراف بالحاجز الانفي
ومسببلي حساسيه مزمنه و بلغم


جربت وايد ادويه لكن ما نفع وياي

ودي اسوي عملية انحراف الحاجز الأنفي و خايفة من الاثار و اذا كان فعلا يعالج مشكلتي او لا ؟

مكان العملية بمستشفى دار الشفاء عند الدكتور ايمن محسن ضاحي جنسيته سوري


اتمنى تفيدوني و شكرا

 

[njoom]

سويت انا عملية انحراف الحاجز الأنفي
لاني كنت ما أقدر أتنفس أبدا
والحمدلله بعد ما سويتها وااايد ارتحت
صار نفسي ممتاز
بس ما كنت أعاني وقتها حساسية بالأنف وبلغم مثلج

 

[أسعد وحدة]

وعليكم السلام ورحمة الله وبركاته
إستشيري كثييير وإستخيري والله ييسر أمرك حبيبتي

 

[الأيـــام]

سويت انا عملية انحراف الحاجز الأنفي
لاني كنت ما أقدر أتنفس أبدا
والحمدلله بعد ما سويتها وااايد ارتحت
صار نفسي ممتاز
بس ما كنت أعاني وقتها حساسية بالأنف وبلغم مثلج

مشكووره اختي صج كنت محتاجه راي ايجابي شوقتيني ودي اسويها و ارتاح

عند اي دكتور سويتيها ؟ و شنو اثار ما بعد العمليه ؟

يزاج الله خير

و سامحيني على كثرة الأسئلة

 

[الأيـــام]

وعليكم السلام ورحمة الله وبركاته
إستشيري كثييير وإستخيري والله ييسر أمرك حبيبتي

قاعدة استخير كل يوم .. عسا الله يكتبلي اللي فيه الخير

ادعيلي اشفى و ارتاح

 

[njoom]

حبيبتي سويتها عند الدكتور/ علي صفر

ومالها آثار بعد العملية

اللهم انج ما تقدرين تتنفسين لمدة اسبوع

وبعد الاسبوع الدكتور ينظف الخشم ويصير بعدها كل شي طبيعي

وتحسين بالفرق بنفس الوقت

 

[الأيـــام]

مشكوره حبيبتي ما قصرتي

 

[njoom]

العفو قلبي

 

[الأيـــام]

سوي العملية عند دكتور أيمن - دار الشفا

و الحمدلله نجحت و تنفسي الحين احسن


ما خاب من استخار

 

[ام الغالين]

الحمدالله على سلامتج

 

[$نرجس$]

الحمدالله على سلاامتج

 

[آهآت روح]

خو ماتغير شكل خشمج عقب العمليه ؟

آنه هم عندي انحراف خاف اسويها ويتغير
انزين يألم او لا وشلون عن التنفس عقب ماتسوينها