تقريباً چم بيكلفني؟؟

[طـير7]

السلام عليكم

بنات انا ساكنه بشقه عند اهل زوجي .. (غرفه-صاله-حمام-مطبخ)

والمكان صغير يعني
غرفتي 4×5
الصاله4×4.5
والحمام تقريبا3×3.5
والمطبخ العجيب4×1.5

المهم اني الحمدلله مرتاحه ومستقره بس يوم عن يوم اغراضي تزيد احتياجاتي تزيد
واتوهق ماعندي مكان حق تخزين او مساحه حق اغراضي

وانا شقتي بالدور الثاني ولها درج خارجي ومقابل شقتي مساحه فاضيه (جني قاعده عالسطوووح ههههه)

فـ ودي ابني المساحه الفاضيه واسويلي مطبخ اكبر وتكرمون حمام ثاني وصاله عالاقل اتوسع بدال الضيج اللي قاعده فيه

فبغيت اعرف تقريباً چم بيكلفنه هالبنيان؟؟ مع التمديدات؟؟

واذا تعرفون بناي زين وثقه وشغله نظيف ياريت تعطوني رقمه

ريلي يقول ماله داعي نييب عامل يشوف الحين خل يكون عندنه مبلغ بعدها نفكر

بس المفروض نشوف چم يكلف عشان نحسب حسابنا

ومشكورين مقدماً عالمساعده

 

[طـير7]

ممكن مساعدتكم؟؟

 

[بنت الاحلام]

شوفي مو اقل من الفين اختي

 

[اميره1980]

ما ينفع احنا نقول حبيبتي
على حسب التخطيط و المساحة و التمديدات الكهربائية و المائية
جيبي عامل و يقولج
بس اكيد يكلف بالالاف بس ما ادري جم بالضبط

 

[طـير7]

مشكورين بنات عالردود
بس اتوقع اكثر من الفين يعني يوصل4الاف صح؟؟

 

[نماين]

الحمام بروحه الي بتزيدنه الف اذا مو اكثر
يعني حطي ببالك 5 الاف

 

[Maybe_87]

حبوبة ما عندي فكرة للأسف..!

بس الأفضل اتييبين البناي

 

[كـويتية]

حبيبتي لازم نشوف المساحة والتخطيط والتفصيل بعدين نعرف جم

يبيلج الطابوق ع حسب المساحة مع الانابيب وتمديدات الكهرب غير تمديدات الصحية والمغاسل والديكور غير السيراميك والاصباغ والاثاث والبيبان

لاننسى المهم اللي هو المهندس اللي يرسم المخطط مالكم

اتوقع 5 الاف وتحت

 

[مسؤولة تعيين]

اختي انا قاعده في بيت اهل زوجي بعد وشقتي بالضبط نفس شقتج وبدش 7 سنوات زواج قرر زوجي يكبر المكان عشان ايب بيبي ثاني وبنالي غرفه مع حمام مع غرفة صغييييييره منزع وغرفه صغيييييره ثانيه حق الغسيل ويادوب تكفي غساله ونشافه كلفنا تقريبا 7 الاف اذا مو اكثر
الحين قررت احط لي سلم حديد واسكر الباب الي بيني وبينهم واخلي دخلتي ةنزلتي فقط من الباب الي على الحوش وبكبر المطبخ شوي ونبي نبني بعد غرفه عشان نوسع على روحنا لاان مضطرين نسكن لين يطلع لنا بيت والحين ريلي بيقط هم 3 ونص على كل هذا ولاحظي السلم حديد مو بنيان

ترا كلللللل هذا بدون تأثيث الله يعينكم الصراحه صج صج كل شي غالي

 

[عجينه]

ما عندي فكره والله يكون بعونكم

ررررفع

 

[ام متلق]

شوفي احنا بس بدلنا بايبات حمامنا ومواد صحيه جديده وسيراميك وشغل مع ان الحمام موجود وخالص بس سويناله تجديد الي دفعناه 700 دينار انتي بتبنين يعني حطي ابالج الف وميتين او الف وميه اقل شي غرفه صغيره مع مواد البناء والسمنت والطابوق والرمل وشغل العامل والديكور والصبغ حتي لو بسيط وساده حطي في بالج الف اقل شي وتبين مطبخ كبير نفس الشي طابوق سمنت عازل سيراميك برسلان ديكور ستيل او حتي المنيوم واكيد تبين تمديدات وسباكه وبايبات ومدخنه ووووووالخ حطي في بالج مو اقل من الفين اذا ماكان اكثر يعني هذا بدون اثاث ومكيفات بس تشطيب يعني اذا مامعاكم 5 او 6 الاف لاتوهقون

 

[انتاج كويتي]

ماعتقد يكلف شي

 

[طـير7]

الحمام بروحه الي بتزيدنه الف اذا مو اكثر
يعني حطي ببالك 5 الاف

5 زين
مشكورة عالرد

 

[طـير7]

حبوبة ما عندي فكرة للأسف..!

بس الأفضل اتييبين البناي

مشكورة حبيبتي عالاهتمام

 

[طـير7]

حبيبتي لازم نشوف المساحة والتخطيط والتفصيل بعدين نعرف جم

يبيلج الطابوق ع حسب المساحة مع الانابيب وتمديدات الكهرب غير تمديدات الصحية والمغاسل والديكور غير السيراميك والاصباغ والاثاث والبيبان

لاننسى المهم اللي هو المهندس اللي يرسم المخطط مالكم

اتوقع 5 الاف وتحت

اكيد بالشوف غير وحسب التمديدات

وانا حاطه ببالي بهالحدود 5 او 6

 

[رحيل المرافيء]

ليش تبنين مطبخ وسعي المطبخ اللي عندج وسوي مخزن
وصالة عندج وغرفتج كافي وبالمستقبل اذا بتبنون غرفة زيادة للعيال سووها
بس الحين خلج على توسعة المطبخ ومخزن اوفر بس سووا حساب غرفة زيادة

 

[طـير7]

ليش تبنين مطبخ وسعي المطبخ اللي عندج وسوي مخزن
وصالة عندج وغرفتج كافي وبالمستقبل اذا بتبنون غرفة زيادة للعيال سووها
بس الحين خلج على توسعة المطبخ ومخزن اوفر بس سووا حساب غرفة زيادة

مشكورة اختي عالرد

وانر مطبخي مافيه مجال توسعه لانه صاير داخل الصاله وغير جذي اهوه ياي بالطول 4امتار والعرض متر ونص يعني اذا بوسعه لازم بالعرض وغرفة نومي صايره يمه كللللللش ماكو مجال يتغير فدامه صغير ببني مطبخ بره بالمساحه اللي قبال شقتي ومطبخي الحالي اخليه مخزن اغراض مثل السلم والمكنسه والمنشره وهالسوالف

وصالتي صغيرة كلش مافيها مجال اعزم احد
يادوب اذا بيزوروني 3اشخاص

فبسوي صاله بالمياحه الخارجيه والصاله الحاليه غرفة يهال بالمستقبل وعلى ما اييون اخليها مكتب وغرفه اوتي

 

[طـير7]

اسفه عالبدليات كتبت الرد من التليفون

 

[أدريانا.]

ما ينفع احنا نقول حبيبتي
على حسب التخطيط و المساحة و التمديدات الكهربائية و المائية
جيبي عامل و يقولج
بس اكيد يكلف بالالاف بس ما ادري جم بالضبط

كلامهآ صحيح 100 في الميه !

 

[q8m442]

مساء الخير

عطيني المساحه الفاضيه بالضبط اسويلج مخطط و احسبلج التكلفه