بنات لها دعوه مني بظهر الغيب الى تساعدني

[جوهانة]

بنات بدخل بالموضوع ع طول لاني حدي متضايقه ومو عارفه شسوي . مشكلتي بختصار اني ودي اكمل دراستي بس نسبتي ضعيفه مره 58 انا من داخلي مااحب الدراسه بس قرايبي الى حواليه كل وحده ماشاء الله ال معيده والى مبتعثه والى مقدمه ع بعثه يعني كلهم معاهم شهادات الا انا ثانويه انا الحمد لله موظفه بس وضيفتي اول مااتزوج افكر اتركها وتفرغ لبيتي بس مااحب اني اكون اقل من غيري يعني لما نجتمع كل وحده تتكلم عن شهادتها والا منصبها حتى وحده من قريباتي عمرها 25 ماشاء الله ومتزوجه وعندها ولد وهذي هي بتقدم ع بعثه بنات شورو علي اكمل دراستي واخذ الشهاده والا اقتنع بواقعي وانتضر رزقي واتزوج واصير ست بيت وهذا حلمي
ابي اعرف رايكم خاصة المتزوجات ويشتغلون . تحسون براحه وانتم بين الشغل والبيت والعيال . والا التفرغ للبيت احسن . ريحوني لو بكلمه

 

[جوهانة]

وينكم

 

[FDET NFSY]

ااااااااااااااااااااااااب


ما اعرف في هذي الاموور

وحبييت ارفع لج

 

[جامعيه كويتيه]

؛

والله يالغاليه راي مافي احلى من الشهاده ترز البنت اناا اشجع للدراسه بس اخذي تخصص حلوو

اذا عندج مجال وامكانيه ليييش ماتدرسين .. شنو اللي رادج .. ادرسي الشي اللي تقدرين عليه وفق امكانياتج

بعدين
مافيهاا شي اذا البنت متزوجه ومتوظفه او تدرس .. الحياه جذي ماشيه
والله يوفقج ويسر امرج

 

[لآلئ وردية]

؛

والله يالغاليه راي مافي احلى من الشهاده ترز البنت اناا اشجع للدراسه بس اخذي تخصص حلوو

اذا عندج مجال وامكانيه ليييش ماتدرسين .. شنو اللي رادج .. ادرسي الشي اللي تقدرين عليه وفق امكانياتج

بعدين
مافيهاا شي اذا البنت متزوجه ومتوظفه او تدرس .. الحياه جذي ماشيه
والله يوفقج ويسر امرج

:eh_s(15):

و لا تنسين الاستخـاره

و الله يوفقـج

​

 

[عسل سل]

تفرغين للبيت !!شخباري !! كملي بوظيفتج
يعني يا ظلما يا سراجين ! القناعه حلوووه ودام انج متوظفه ليش تقعديءن بالبيت شي احسن من لا شيء

 

[~المآس~]

لا تتركي الوظيفة ابدا .... شنو اللي يمنع انج متزوجه ومتوظفه تقدرين توفقين بين الاثنين
لا تتنازلي عن الوظيفه ... وعموما الرياييل مالهم امان ... فالوحدة ما تترك الوظيفة تطير من ايدها
الله يسعدج ويوفقج في الوظيفه وبالزوج الصالح

 

[لمى الهاجري]

اذا اهلج عندهم خير ممكن تبدين تجارة

 

[Alias]

حبيبتي زيدي ثقتج بنفسج. حاولي تسألين مستشار اظاهر مشكلتج ثقة بالنفس

 

[شذونه]

تزوجي وخليك ع وضيفتك
وبماانك ماتحبي الدراسه انصحك ماتدرسين خليك ع الوضيقه وترقي

 

[فراشة البساتين]

لا يكلف الله نفس الا وسعها
شتسوين اذا هذا مستواك
العلم نور والدراسه حلوه كملي ليما ربي يرزقك واذا تزوجتي شوفي اذا حابه قعدت البيت قعدي
بس لازم يكون عندك نظام في بيتك تقسمين وقتك بين البيت والزوج وقرائة الكتب النافعه

لانك را ح تقعدين في مجالس يكون فيها نقاش وحوار
هم لازم تشاركين وما تحسين نفسك اقل منهم

وهالشي تقدرين تحصلين عليه بعد الاستعانه بالله بالقرائه
والعلم نور يالحبيبه

 

[معزوفة عشق&]

الشهاده هي العزوة في هالزمن كملي دراستك نصيحه مني حبيبتي وحبي الدراسه عشان تتوفقين فيها اتركي عنك العبارات السلبيه

 

[(كويتيه عسل)]

افا عليج انا اشجعج وأعلمج


ادعي لي الله يهدي زوجي ويسخر قلبه لي :eh_s(2): لان انا وياه متهاوشين ومانكلم بعض :eh_s(2):

لا تتركين وظيفتج

شوفي الصبح داومي في دوامج

و المغرب درسي في جامعه خاصه واخذي بكالريوس

وعدلي وضعج في الدوام يزيدون معاشج ومسماج الوظيفي

وممكن تنتقلين وزارة فيها مميزات احسن

وترى المعاش يرزج مايخليج معتازه لاحد

الحين الرياييل يبون اللي تشتغل علشان تساعدهم مايبون بطاليه

لا تقولين صعب الدراسه اذا عندج اراده تقدرين

ولا تقولين ويبيلي سنوات واتخرج ومالي خلق ترى الايام تركض بسرعه

ولا تقولين شلون الصبح بالدوام والمغرب ادرس تقدرين تاخذين معاج كتبج في الدوام تدرسين

ولا تقولين الفلوس اغلب الجامعات الخاصه عندهم اقساط وممكن الله يكتبلج تدرسين في التطبيقي مايحتاج فلوس

اذا تبين تشوفين الجامعات الخاصه في الكويت روحي التعلم العاالي

في شرق مجابل اشارة سوق شرق برج تسنيم

وسألي دوامج اللي تبي تكمل دراستها وتعدل وضعها شلون الطريقه شنو الشروط

وسأليهم شنو التخصصات المطلوبه

وشوفي بعد التطبيقي تقدرين تقدمين عندهم وتدرسين دبلوم او في الترية الاساسيه

اعرف وحده سكرتيرة في وزارة التربية عندها دبلوم الحين تدرس في التربية االاساسيه

اذا تبين تدرسين برا اعلمج الطريقه

وصدقيني اذا تخرجتي ريلج بيفتخر فيج عند اهله وانتي بتفتخرين بنفسج عند الناس

 

[ككوته]

حبيبتي الشهاده طوح وانا انصحج فيها لنفسج لارضاء ذاتج اما مساله القعده بالبيت على حسب الزوج اذا بغاج تقعدين قعدي بس لاتهملين مستواج الثقافي واذا كان عادي عنده تشتغلين اشتغلي بس في الوقت الحالي لا كملي وطوري من نفسج
ادعلي الله يفرج همي