عسي الي تفرج علي الله يفرجلها دنيا واخرة

[حبي عبودي]

شلونكم بنات

والله من الضيقه ماني عارفه من وين ابتدي

امس رحت مراجعتي عند الدكتور والحمدالله كل شي تمام بس ضيق خلقي بشغلتين

قالي انه وزن البيبي صغير كيلوين ومية وانا بأخر الثامن وقالي فيني فقر دم ما كان فيني بس الحين بعد ما شاف التحاليل شاف انه نسبة دمي قليله

والله طول الطريج بس ابجي صكت فيني الدنيا

قولولي بنات عفية شنو الاكل الي يزيد نسبة الدم بقوة خلال اسبوع لانه مراجعتي الاسبوع الجاي وحيل خايفه يقولي مانبي بالعملية يصير فقر دم

وشنو الاكل الي يزيد وزن البيبي باسبوع

التمر زين جم حبة اكل باليوم

الله يخليكم ساعدوني حيل مضايقه

 

[Koka_alotaibi]

الله يشفيج حبيبتي انا اختي توها والد ماخلصت الاربعين والبيبي جا وزنه كيلوين ونص مع انها ماخذاا شهرها كامل
لاتحاتين يقلبي انا سمعت ان الشهر التاسع بسرعه يكبر البيبي
واعتقد بالنسبه لفقر الدم الي معاج
يعطون ابر حديد تعوض الدم بسرررعه انا ارفيجتي كله تاخذها بحمالها وماعليها الا العافيه
تطمني دام كل شي زين ماعليج الا العافيه ان شاء الله
ولاتلعبين بنفسيتج
ولاتنسيني بدعاء وان الله يثبت حملي

 

[جوويره]

دوا الطبيب لا تهملينه اخذي الحبوب اللي يكتبها لج و اكلي خضار ورقيه مثل الخس والجرجير والبقدونس على طول وراح تلاحظين الفرق باسبوع

 

[حبي عبودي]

الله يشفيج حبيبتي انا اختي توها والد ماخلصت الاربعين والبيبي جا وزنه كيلوين ونص مع انها ماخذاا شهرها كامل
لاتحاتين يقلبي انا سمعت ان الشهر التاسع بسرعه يكبر البيبي
واعتقد بالنسبه لفقر الدم الي معاج
يعطون ابر حديد تعوض الدم بسرررعه انا ارفيجتي كله تاخذها بحمالها وماعليها الا العافيه
تطمني دام كل شي زين ماعليج الا العافيه ان شاء الله
ولاتلعبين بنفسيتج
ولاتنسيني بدعاء وان الله يثبت حملي

بعد قلبي طمنتيني انا خفت انه ما يروح هالشي
بس ما قلتيلي التمر زين

ربي يفرج عليج ويثبت حملج ويرزقج كل خير يالغاليه

 

[حبي عبودي]

دوا الطبيب لا تهملينه اخذي الحبوب اللي يكتبها لج و اكلي خضار ورقيه مثل الخس والجرجير والبقدونس على طول وراح تلاحظين الفرق باسبوع

الله يسمع منج يارب ويكون الفرق حيل كبير
من قالي الدكتور وانا مو قاعده اكل الا هالاشياء يارب اجيب نتيجة

حياااتي ربي يوفقج ما قصرتي

 

[q8helwa]

انتي يمكن مومغذيه نفسج عدل اكلي
خضراوات وحليب وفيتامين الحامل
لاتهملينهم وكالسيوم وحديد
وعسالله يشفيج يارب

 

[سحايب برنس]

شوفي فيه د بلغاريه بمركز الضامر التخصصي بالجهرا
وصفت لي عسل لان البيبي كان صغير وماخذيته ووصفته لحماة اختي خذته
وماشالله كبر وزن البيبي باسبوعين لاتخافين واذا ع الحديد
قبل الولاده اخذي درب حديد ودرب كالسيوم ومافيج الا العافيه
والله يسهل مابقى لج يارب

 

[غرام القمة]

لا تحاتين من اليوم ظبطي التغدية عندج واسبوع يزيد الدم والجاهل لا تحاتين بيزيد وزنه
اللهيقومج بالسلامة

 

[فساتين فخمه]

من تجارب كثيييييييييييييييير الزبيب الاسود اليماني غسليه زين ونقعيه بمويه حاره بالليل والصبح بالخلاط اوكليه زي المكسرات وبتدعيلي

 

[ام عبدالله زوزو]

شوفي حبيبتي لاتحافين انا رحت بنص الثامن وزن البيبي كيلو وقالت تمام وزن البيبي بشهر تاسع يزيد من نص كيلو الى كيلو يلي يزيد وزن البيبي هو حليب والمز والشوكولا خلطي على خلاط كهربائي موز مع حليب بالنسبة لفقر الدم اني كان معي شوي عليكي باكل الخس والسبانخ والجرجير لانها في كمية حديد لا تحاتين ان شاء الله ماعليكي الا العافية وانا كمان باخر اسبوع بالثامن الله يسهل عليك وعلى جميع حوامل

 

[ام عبدالله زوزو]

عفوا كليوين

 

[م مرتاحه احبك]

لو سالي دكتورج احسسسسسسن راح يفيدج اكثر منا
الله يهون عليج ان شاءالله ولا تحاتين اللي الله كاتبه لج بيصير

 

[F6oom.f]

الله يقومج السلامة و تشوفين البيبي بحضنج بصحة و عافية

 

[مناوووي]

الله يقومج بالسلامه

بالنسبه للوزن

أڼــ♡ــٱ خواتي عيالهم علي كيليوين
والي كيلو و٨٠٠
وهذا هم مافيهم الا العافيه وكبار

الله يسهل عليج ويطمن قلبج

 

[Aloe Vera]

حساب و زن البيبي بالسونار موو دقيق

و حتى لو كان مزنه كيلوين و شوي عادي وايد ناس عيالهم يطلعون اوزناهم صغيره بس صحتهم زينة

دكتورج ما عنده سالفة خرعج عالفاضي

بس على فقر الدم عالجي الموضوع و انا ما اعرف شلون بالظبط الله يسهل عليج

 

[جـــواهر]

لبن وتمر

والله يسهل عليج

 

[مصممةتقنيات]

حبيبتي حليب كي دي دي الازرق وبقدونس وجبده للحديد وايد زين

 

[ربي يفرج لي]

هلا اختي كثري من النشويات لبيبي والككاو والدم عندج الاشيا الحمرا كلها مفيده الجبده والشمندر والمشمش الطماط والربتقال

 

[حبي عبودي]

الله يجزاكم الف الف خير ربي يوفقكم ويهون عليكم يارب

والله ارتحت من كلامكم

موعدي الاسبوع الجاي وحدي خايفه الله يخليكم لا تنسوني ادعولي يروح فقر الدم

 

[ملاك ^ الحب]

حبيبتي عن تجربه والله الي يزيد نسبه الدم وبقوه

الفلفل الاخضر البارد كثري منه كثر ماتقدرين
الشمندر
السبانخ يرفع نسبه الدم بشكل خيالي

بس انا فيني فقر دم لي درجه ماقدر اوقف والله صارلي يومين اكل فلفل اخضر لاني احبه واليوم الحمد الله

يعني اكل باليوم 4 حبات او 5 عادي كاملين اشيل الي بالنص واكلهم

مع اني كنت اخذ حبوب حديد والله مافاد وياي ظليت 3 اسابيع مارتفع دمي
بس كليت الفلفل الاخضر ماشالله احس بفرق