عسي الي تفرج علي الله يفرجلها دنيا واخرة

[funkia cool]

أنا مثلج كنت وتداركت هالشي بخطوتين الاولى دربات حديد مرتين بالأسبوع مع أدوية حديد نوعين أخذ براقنابلان وهيموفيت والشي الثاني حطي حيلج بالحليب كامل الدسم مال كي دي دي و حليب المراعي شربي 3باليوم شوفي وزنه بيزيد ان شاء الله بأسبوعين يزيد قريب 800 قرام الى كيلو اذا شربتي اكثر بيزيد اكثر

 

[نماين]

في حبوب حديد اسمها تراي هوميك 600
اكليها مرتين مع عصير برتقال مخلوط بزبيب اسود بالخلاطة
وتكونين منقعه الزبيب قبلها فترة و ان قدرتي تضيفين شووي شمندر يعطيك نتيجة فظيعة وسريعه باذن الله
وعقب اسبوع تعالي بشريني و بتدعيلي باذن الله

 

[زهور المحبة]

من تجارب كثيييييييييييييييير الزبيب الاسود اليماني غسليه زين ونقعيه بمويه حاره بالليل والصبح بالخلاط اوكليه زي المكسرات وبتدعيلي

كلامها صحيح مية بالمئة عليييييج فيييييه وانا كنت بقولج عنه بس لقيتها
جزاها الله خير سابقتني
روحي للرفاعي واخذي منه ترا وحده بوحده

الشي الثاني دايما اخذي لج فليفله خضره مو الملونه
واكليها جنج تاكلين تفاحه
ترا نسبه الحديد اللي فيها كبيره

الشي الثالث الجبده ترا ممتازه كثير منها
والله يشافيج ويقومج بالسلامه

 

[سحايب برنس]

ديري بالج لاتكثرين اكل نشويات وحلويات ديري بالج الوزن بيصير فيج
بس انتي سوي مثل ماقالوا البنات اكل سبانخ وفلفل بارد وخضرا
واذا بالجهرا روحي للبلغاريه اللي بالضامر والله يسهل عليج

 

[عيون ملكيه]

السبانخ وحده بوحده

الملوخيه

الجرجير و البقدونس


كلها تزيد الحديد

الزهره فيها نسبة حديد و تقوي المناعه
اكليها فرش مع مايونيز و ليمون و زيت و ثوم نفس الطريقه اللبنانيه

البنجر او الشمندر يقوي الدم بقوه


بالنسبه لزيادة الوزن للبيبي هالشي بيزيد بىخر شهر بس انتي تغذي عدل بعدي عن الدهون و الدسم كثري لحم و دياي و الخضار الي قلتهم و الفواكه مهمه


والله يتمم عليج و تولدين بالسلامه

 

[بيبي غيرل]

حبيبتي حجم البيبي عادي بالعكس زين خصوصا لو بجريه بس شربي حليب وترا بالثامن والتاسع يزيد حجمه بسرعه ماشالله
لكن فقر الدم اكلي جبده مرتين بالالسبوع وشوفي دمج شلون يصير