يوميات و مناقشات حملة رشيقات العيد الاضحى ( الجزء الثاني )

[miss_IU]

الأسم: miss_Iu ( نسرين):eh_s(17):
العمر: 19:eh_s(17):
الحالة الاجتماعيه: عزباااء

الوضيفة: طالبة جامعية تخصصي ([FONT=&quot]الخرائط والتقنيات الجغرافية) >> دعواتكم :yaaaaaarb: !


مني قادرة استنى بكرآ يارب ينزل لو كيلو ع الاقل ! ماسكة نفسي ما ابغى اوزن ألين بكرآ :eh_s(22)::eh_s(22):
[/FONT]

 

[كويتيه سبيشل]

Aysha K


miss_IU

حباايبي عطوني وزنكم وطولكم ( الوزن عند الابتدااء )
عشاان اضيفكم

 

[miss_IU]

الطول : 158
الوزن : 51

 

[سارةة]

اول مااشتركت يمه كان ٧٢.٩
الطول اذا ماخاب ظني ١٦٠

 

[ديور اديكت]

حلوة فكرة البطاقة التعريفية


الأسم: ام حمودي
العمر: 29
الحالة الاجتماعيه: متزوجة
الوطيفة: معلمة
من أي دوله : الكويت ( سعودية متزوجة كويتي )

 

[شوكولاته&فانيلا]

مساء الخير

كاميليا سوري كلة اقرأ اسمج ككراميلا ومبروك النادي

باجي البنات عوافي عليكم

ريوقي صمونتين هوت دوق بالجبن

والغداء صدر دياي اكلتة بروحة

السناك حلاوتين مص +حبة غريبة

العشاء روب قليل الدسم مع 3 حبات رطبب+تفاحة خضرا​

 

[شوكولاته&فانيلا]

الأسم: شوكولاتة&فانيلا
العمر: 28
الحالة الاجتماعيه: متزوجة من شهرين
الوظيفة: مو موظفة
طبعا ترى كان وزني كبير وايد والحمد للة نزلت وثبتت وزني فترة ماشاء اللة وانخطبت وملجت وتزوجت​

عقب العرس اختربنا لووول فزاد الوزن وحبيت اشترك معاكم اتدارك الوضع وانزلة وربي يقدرني​

 

[washwoshh]

اليوم على الريج "عقب ما فرشت اسناني " :eh_s(4):
كوب كاباتيشنو

عقب ساعة : 2 توست + 2 جبن سلايز لايت + نسكافيه

و شربت ماي 500 مل

عقبها كليت جالكسي :rgewrg:

بعدين الغدا كان :
توستة وحدة من صينية التوست بالدجاج + ملّتين صغار شوربة فطر و خضار فيها [ بروكولي + ملفوف + جزر + فاصوليا + بازلاء خضراء + بطاطا + فليفلة ألوان + فطر ] لذييييييييذ

شربت كوفي العصر قبل ما اروح السباا حق الرياضة

:eh_s(9)::eh_s(9)::eh_s(9)::eh_s(9):
باركولي اخيرا بروح اسوي رياضة بالسبا احلى شي ، فنننن الرياضة مع البنات غيييييييير فرررررررق فررررررق عن الفيديوهات ف البيت
اتشجع زيادة :eh_s(9): عجييييب رهييييييب

سوينا زومبا مدة ساعة

و عقب بوافيكم بالعشا


شورو علي شرايكم بالتخفيف شو المفروض كنت اقلل منه ؟

ليش الجالكسي :rgewrg:

 

[washwoshh]

يومي
تريقت قهوه


الغدا

توست مع همبورجر مشوي

العشاء
توست مع لبنه


سناك
موكا قهوه

 

[washwoshh]

اي وشربت

شوربه فوريه

 

[*وهم*]

اكيد الواحد يمل وبلحظة ينفجر ...

شلونكم بنات سامحوني صرلي يومين ما اكتب يومياتي ..

اول امس الفطور كان لبن روب بالفواكه ونسكافيه , والغدا كان كورن فليكس والعشا كان سلطة روب بخيار

اما امس .. الفطور والغدا نفس الشي بس العشا خبصت شوي كان في فطاير واكلت منهم 4 او 5 صغار

واليوم الصبح الفطور نسكافيه ولبن فواكه وحبتين فطاير ...

رح اتم على التخفيف وارجع ابلش بالتمر والحليب من يوم الاحد ان شاءالله )

خيتو اكبر غلط تقولين ببدا يوم السبت ابداي من هذي اللحظه .. :bbbiu:

 

[*وهم*]

السلام عليكم ورحمة الله وبركاته



يومياتي لليوم وان شاء الله ما اكون نسيت شي :


سندويش جبن + حليب فراوله

كوب شاي احمر


حبتين كيوي

حبة سمبوسه


كوكتيل موز + حبه وحده من مثلثات كلاب ساندويش


وبس الحمدلله :yaaaaaarb:


صحح اختي كويتيه انا اذا ماقدرت ارسل رساله خاصه لج بكتب اهني وزني في هذا الموضوع

لان قبل كنت ناويه ارسل لعضوه ماصار لان مشاركاتي قليله


:eh_s(9)::eh_s(9)::eh_s(9)::eh_s(9):

واخيرا باجر الميزان

 

[كويتيه سبيشل]

وهم اي حبيبتي عاادي اللي ما يقدرون يكتبون هني

 

[كويتيه سبيشل]

اليوم تريقت توسته وحده وحبه وحده جبن سلايز وشراايح خيار وعصير كوكتيل صغير


الغدا ٣ م فاصوليا وخبزه وشريحة جبن وعصير برتقال kdd

والحمدالله
ماراح اتعشا لانه كثرت ع الغدا

اذا يعت حيل بااكل ذوب

 

[يابعدهم :$]

بنـــآت آليوم خبصت
وصآيره مآآتحممل آشوف آلاكل ومآ آكل
بسس ببدآ رجيم ثآنيي !!!

وبعد شوي بلعب ريآضـه !!

برب

 

[washwoshh]

كويتيه دزيتلج رساله على الخاص

 

[washwoshh]

يا بعدهم ليش خربطتي اليوم لا اجازه ولا شي يالله لا تكررينها

 

[كويتيه سبيشل]

ليش خربتي لو مخليتها بااجر تسووين لج وجبه مفتوووحه
اوكي زين سووي رياااضه احسن


washwoshh اي حبيبتي وصلت الرساله

 

[b6oo6a-56]

سلام بالعافيه على الجميع

عشاي كليت كبابه ونص مع شيء نفس بطاط بس مو بطاط نفس توست قالينه (المهم شيء لذيذ)+2عصير كوكتيل اصغير

بنات اانا ادمان بطاط ومطاعم اليوم اول مره اروح الافنيو وما اكل شيء :eh_s(22)::eh_s(9):


الهم ضعفنا على صحه والعافيه وسهل علينا الرجيم ووفقنا :yaaaaaarb:

 

[متنانه]

قووه بنات

اليوم كان فطوري قلاصين ماي مع 3 تمرات

وبعد نص ساعه تفطرت 2 شريحة همبورغر مع شوربه

وعلى ساعه 12 زبادي خالي الدسم

وعلى ساعه ثلاث راح اتسحر نفس امس صمونة هوت دوق بالجبن + حليب خالي الدسم

وش وش حبوب الايزي لاكس قبل الوجبه ولا بعدها؟ وجم حبه باليوم؟؟