سواد الرقبه و المنطقه الحساسه و الصدر و المؤخره بالحمل

[عيون ملكيه]

قوه بنات

مايقى شي واولد

و بصراحه

غير قلق الولاده
جروحها سواء قيصريه او طبيعي
النفاس و الحبسه فيه

احاتي جسمي
كله مبقع
رقبتي صايره رماديه :eh_s(2):

المنطقه الحساسه انقلبت سودا

لمن كنت بنت ماكانت غامجه حيل لمن اجهضت اول مره كانت مسمره الحين صايره غامجه حيل

يعني شنو اسوي عشان افتحها !!
:eh_s(16):
نفس الشي المؤخره

جوانب الصدر ... صاير مثل البقع فيه :eh_s(11):



بنات عفيه حطوو تجاربكم

كريمات خلطات شنو سويتوو بالضبط
دكتورات رحتوا لهم ووضفولكم الحل

تقشير و لا شنووو

يعني اكيد مريتووو بهالحاله بس ما اظن طلعتوا من النفاس و المكان مظلم

بعدين في شغله

اشلون تشيلون شيره

انا مو قادره الحين مع بطني ما اقدر و ما اتحمل


اشيل بموووس و احس هالشي ممكن يسود اكثر مع اني سويت ليزر و كنت اشيل موس بس صارلي مده و صراحه ما قاعده اشوف اليزر نفعني

مفكره ادور عياده اقوى لليزر



:yaaaaaarb: الله يوفقها اللي بتعلمني يارب يهون عليها و يرزقها يارب

 

[قلب راشد]

للرررفع

 

[worood82]

بالنسبه حق اليزر بالحمال وحتى بعد الولاده ما راح ينفع لان الهرمونات تكون متخربطه وغير انچ تاخذين فيتامينات هذا كله يقوي الشعر

 

[ام عبدالله زوزو]

انا بستعمل سنفرة

 

[عيون ملكيه]

بالنسبه حق اليزر بالحمال وحتى بعد الولاده ما راح ينفع لان الهرمونات تكون متخربطه وغير انچ تاخذين فيتامينات هذا كله يقوي الشعر

انا مفكره بعد الولاده


لأن كل اللي سويته ذهب مع الريح
يعني الاندر ارمز و المنطقه الحساسه رد الشعر فيهم العن من قبل

:eh_s(2):

 

[عيون ملكيه]

انا بستعمل سنفرة

سنفره عاديه و لا خلطه و لا شنووو

معقوله السنفره تشيل هالسواد


ماتنفع قبل الولاده ؟


انا ابي بعد الولاده شي مضمون


تجاربكم بنات وينكم؟

 

[شوارفسكيه حمره]

استخدمي الخلطه. الصابونيه

 

[شوارفسكيه حمره]

تلاقينها بالنت

 

[q8helwa]

سواد الرقبه راح يخف بعد الولاده
بس حطي سنفره زينه تساعد علا التفتيح

وعندج حمام مغربي بعد

روعه ينظف الجسم

 

[غرام القمة]

اب اب اب

 

[om-7asson]

حبيبتي جربي منتجات فير اند وايت من الصيدلية
وراح تفتحين مع الاستعمال ان شاء الله
وهذا غير السنفرات
واسوي حمام مغربي
وعسى الله يسهل عليج وتولدين بالسلامة

 

[شالعه ضرس العقل]

زيت اللوز المر تدهني فيه فترة النفاس واذا طاح الخياط ونظفتي رجعي علي الحمامات المغربيه و السنفرات وكل هذا راح يروح باذن الخالق

 

[غلآ نوآف]

ان شاء الله اختي كله بعد الولادة راح يروح بالتدريج
ويرد كل شي طبيعي ولونج الاولي
يحتاج فقط عناية بسيطة وتقشير سطحي للجلد الميت والترطيب المستمر بعد كل حمام بزيوت طبيعية
مثل زيت اللوز او السمسم او زيت زيتون او جنين القمح لوتخلطينهم مع بعض
مع شوية كركم جسم وسدر مطحون او كركم جسم مع سنفرة تفتيح
مثل سنفرة كاب او العروسة
ومع ملح الحليب وجلسات الحمام المغربي بالبخار
ان شاء الله كلها بتروح لاتخافي
والسمار هذا حق الحمال وكلنا فينا ونعاني منه بس يروح بعد الولادة بالاهتمام

واهتمي هم بعد باكلج وتدفيئة جسمج
وشرب الاشياء الساخنة
والمشي والاكل الصحي

 

[عيون ملكيه]

ما قصرتوو بنات

بعد بعد لايوقف طريقتكم و تجاربكم
الحين منتجات فير اند وايت قلتووو تنظف

و الحمامات المغربي بعد التئام الجرح

و زيت السمسم و اللوز


الصابونيه ما جربتها


بجربها ان شاء الله


الكركم اشلون استعمله ما فهمت !

 

[بيبي غيرل]

حبيبتي زيت اللوز وغير جذي احلا اشتراك حمامات مغربيه وملكيه وسنفرات بتردين نفس قبل واحسن ان شالله
احنا 9 اشهر لا حمام مغربي ولا شي واذا سبحنا الماي زين مو دافي ولا حار انا رقبتي جلحت والله بعد
وظهري نفر كله

 

[ناتشوو]

لا تكثرين الخلطات والوصفات عليج وتملين
انا بعد انصحج
بخلطات فير اند وايت
اللوشن الكبير ب14( انا اقول الاسعار لان منتجاته متشابهه )
وفي سيروم صغير ب10 وخردة
اخذي من اللوشن وحطي من السيروم
عليه وبعدين استخدميه عالجسم كله
والعناية خليها حتى لي بعد النفاس
وصج حتى لو ماتسوين شي اللون يخف بالتدريج

الخلطات الصابونية او اي صابونة تفتيح
لما تغسلين جسمج استخدميها وخليها ترغي جم دقيقة عالجسم قبل لا تغسلينها
علشان الجسم يستفيد من مواد التفتيح

ع نهاية الاربعين سوي تشقيرلجسمج
كله

وبالتوفيق

 

[أم ريم]

حبيبتي في خلطة زيوت انا كنت اسويها و الصراحة واااايد فرق لدرجة ان الكل كان يسألني عنها
الخلطة عبارة عن زيت اللوز المر للجسم و زيت الجلسرين للجسم و زيت الليمون للجسم مع زيت السمسم و زيت الكركم و زيت زيتون تخلطينهم كلهم بغرشة و كل كا ييتي تستخدمين منها صبي شوية و عصري عليه نص ليمونة و النص الثاني من الليمونة فركي فييه الاماكن الغاااامجة و خلي الخلطة بجسمج ساعتين او اكثر او نامي فيه بالليل اذا تقدرين و قبل ماتتسبحين حطي سنفرة ايطالية معروفة عند الحواي و خليها على جسمج ربع ساعة و بعدين فركيها و تسبحي و قبل كل سبحة سويها لي وقت طلعتج من النفاس ان شاء راح تلاحظين الفرق

 

[غلآ نوآف]

حبيبتي الكركم حق الجسم تخلطينه بالخلطة
مع السنفرات والزيوت الطبيعية
ممكن تسوين هالشي قبل الحمام بساعتين او ساعة
او بعد الشاور نصف ساعة بعد الحمام المغربي وتنتظري بالحمام
بس اكيد بالاربعين مالج خلق
ف افضل تنتظري قبل الحمام يعني وانتي مدفية
توزعي الخلطة ع جسمج وتنتظرين عليها ساعتين لنتائج افضل
وبعدها تتنظفي مرة وحدة
وترطبي جسمج بمرطب تفتيح مثل نيفيا عرق السوس او فازلين تجديد البشرة البنفسجي
مع شوية زيت لوز خفيف ........

انا ناوية ع جسمي ان شاء الله بعد الاربعين
ارد عمري عروس واحلى العرايس باذن المولى

لان صدق صدق صدق
ماتهنيت باهتمامي الي كان قبل العرس حق شهور
راح كله ف شهرين لماحملت مباشرة
الحمدلله ع كل حال وشي مكتوب

عسى ربي يسهل ولادتنا ونفرح فيهم

 

[أم معاذ الكندري]

حبيبتي الحين الصالونات مسوين عروض مثل عروض العروسه
بس يسمونها حق الولاده
وانا بعدها بروح عيادة الجلديه وبيضبطوني وبسوي فلر واكمل جلسات اليزر طبعا مع تنظيف البشره
انا من وجهة نظري خلي شغلج كله بالعيادات الطبيه اظمن
يمكن هالخلطات ما اطيح ع كل جسم وخصوصا اذا كان جسمج حساس فلاتعرضين نفسج حق هالشي
صح في بنات اطيح عليهم الخلطات بس مادري الوحده بالنفاس يالله يالله تعابل بالبيبي وبالادويه ولوية النفاس لج خلق خلطات ومادري شنو
بعد 25 يوم من نفاسج بلشي بعمرج تجديد
طبعا مع احترامي حق الخوات الي وصفو لج الوصفات

 

[ام الحلوااات]

نـــبـــي الــمـــزيـــــــد للـــفـــائـــــده


ااااااااااااااب