بنات تكفون فيدوني ضايق صدري (الكيراتين)

[روزسكاي]

مساء الخير بنات

بالمختصر

أنا توني مسويه كيراتين لشعري وشعري نوعيته وسط

بس انصدمت انه صار ناعم بزياده أحسه صار لازق في وجهي ومو منتفش نفس اول

مؤ عاجبني ابد

أبغى اسأل متى يخف الكيراتين ويرجع اساس شعري كم يبيله وقت

وهل يرجع شعري نفس ماكان هذا اهم شي واكثر شي أحاتيه بعضهم يقولون انه اذا راح بيخرب شعري

وش اسوي الحين عشان اقدر انفشه

ضايق خلقي بطلع من اربعيني وشعري مؤ عاجبني مادري وش اسوي فيه

فيدوني بنات تكفون

 

[a7вĸ мσσστ]

رد: بنات تكفون فيدوني ضايق صدري

بالعكس الكيراتين حلو للشعر
لو عملته عند صالون تقه
بكون علاجي وبنعم الشعر وبخليها حيويه
انا عملته مع انو شعري ناعم بس كان تعبان ومقصف
وليا 3 شهور
وكل فتره بخف من الشعر
بس بضل الشعر حيوي

 

[روزسكاي]

رد: بنات تكفون فيدوني ضايق صدري

هو حلو وصار ناعم ولامع وما عاد في تقصف

بس لازق على وجهي ناعم مره أبغى أنفشه حتى قصتي مؤ مبينه طبقاتها مضبوط وطايحه

أبغى أنفشه عالاقل

وأبغى اعرف اذا راح يرجع شعري نفس ماكان ولا لا اللي عندها خلفيه ولا جربت تقول لي

 

[a7вĸ мσσστ]

رد: بنات تكفون فيدوني ضايق صدري

برجع كل ماتحممتي بخف الكيراتين من شعرك

 

[ناني ام عبودي]

رد: بنات تكفون فيدوني ضايق صدري

اش هو الكيراتين اللي جربتيه

وبكم

وهل ينفع لبنت عمرها 12 سنة ..؟

وانا اعرف شي واحد ينفش الشعر

السدر وكمان الحناء

ممكن يفيدونك يالغلا

 

[روزسكاي]

رد: بنات تكفون فيدوني ضايق صدري

اجل راح أتروش في اليوم ثلاث مرات ههههههه ):

اللي استخدمته كيراتين برازيلي والله مادري اذا ينفع لبنت عمرها ١٢سنه ولا لا

المشكله أخاف استخدم هالأشياء وتعدم شعري وانا توني مسويته وبدال ماكحلها اعميها):

 

[Laidy n3ooma]

رد: بنات تكفون فيدوني ضايق صدري

انا ماحب الكيراتين والسبه هذا الموضوع ابببد مو حلوو لازق الشعر كانج فلبينيه

 

[سالم الروح]

رد: بنات تكفون فيدوني ضايق صدري

ينقل لقسم الاستفسارات الجماليه

مع اضافه ( الكيراتين ) لتوضيح العنوان​

 

[ناني ام عبودي]

رد: بنات تكفون فيدوني ضايق صدري

اجل راح أتروش في اليوم ثلاث مرات ههههههه ):

اللي استخدمته كيراتين برازيلي والله مادري اذا ينفع لبنت عمرها ١٢سنه ولا لا

المشكله أخاف استخدم هالأشياء وتعدم شعري وانا توني مسويته وبدال ماكحلها اعميها):[/\

طيب شسمه ؟؟

ومن وين اخذتيه ..؟؟

وبكم سعره ؟؟

معليش حغثك بالاسئلة

لان يقولون فيه اصلي وفيه تقليد وانا ماافرق بينهم

 

[غلآ نوآف]

ما ابي اصدمج

بس الكيراتين الاصلي مايكون في الصالونات
سعره غالي ويوجد فقط بالعيادات التجميلية الخاصة

اما الي يستخدم بالصالونات نوع تجاري
فيه نسبة فرد ليس خالص كله علاج
والفرد يسبب تساقط الشعر بعد سنة من عمله

والي اعرفه مفعول الكيراتين يخف كل ثلاث شهور
وممكن يختفي بعد 6 شهور من عمله
ويعتمد ع نوعية الكيراتين الي استخدمتيه

ما انصحج تستخدمي حنة وسدر
راح يجففون شعرج
وراح يخربونه

جربي سيرومات وكريمات تصفيف صانسيلك
الي تعطي حجم للشعر وتمويج ممكن يفعونج

او تروحي الصالون تسالينهم يساعدونج يشوفون لج حل
هذا عيبه الكيراتين يطيح الشعر وبعد يلزق ف الراس
يبين الشعر خفيف من كثر نعومته

 

[أم*سلمان]

آب

آب

لعيوونج

 

[روزسكاي]

كيراتين برازيلي مسويته عند مستوصف ١٢٠٠
أنا سمعت ان مع الكيراتين نستخدم شامبو خالي من كلوريد الصوديوم لان المادة هذي تزيل العلاج بسرعه

ففكرت أني استخدم شامبو فيه كلوريد الصوديوم مثل جونسون عشان يروح بسرعه
وش رأيكم؟

 

[غلآ نوآف]

اسالي افضل طبيبة جلدية
وخليها تساعدج في اختيار الشامبوالمناسب لشعرج
اخاف ااذا استخدمتي شامبو مضاد
يسبب لج اشياء ثانية معاه بوجود الكيراتين في شعرج

 

[سنيورة دبي]

انا مسوتنه شهر 4

والحين شعري رد مثل ما هو..

اذا اشتريتي الشامبو والبلسم مال الكراتين من يخلص من عندج بيرد شعرج مثل قبل

والحين شعري واااااااااااااااااااااااااااااايد وااااااااااااااااااااااااااااايد يطيح

 

[نعوووووومه]

الكيراتين صار معروف بدال مايعدل الشعر يخربه ويخليه يطيح بشكل غررريب
الله يعينج

 

[روزسكاي]

خوفتوووووني

أنا من زمان عن التساقط نسيته وشعري صار كثير:eh_s(16):

طيب والشعر يرجع يطول بشكل عادي نفس اول ولا بعد يأثر:eh_s(11):

 

[ـمبروكةـ]

حبيبتي انا نفس مشكلتك حتى منزله موضوع اسال نفس السؤال
صارلي تقريبا شهرين مسويته ، شعري ما رجع زي ما كان بس على الاقل صار يمسك التجعيد اذا جعدته
حاولي تغسلينه كل يوم انا كذا اسوي
و بالنسبه للطول لا تحاتين عادي يطول

 

[قطوووة]

اب ماعندي فكرة