اللــولب العــادي.. ظروري !!

[سيده نفسي]

عن تجربه ان اللولب وايد افضل من الحبوب

انا ركبته في مستشفي السلام والحمدالله مرتاحه

وتميت علي سنه ونص واول ما شلته حملت

بس في عيب واحد ان اول 7 ايام دوره العاديه

و3 ايام تعلقج بس نقط يعني 10 الدوره

 

[اخت خالتهم]

انا اختي حاطته و تمدحه
العادي طبعا مو الهرموني

ومفكرة ان شاءالله بعدين احطه

 

[noynoy]

انا مركبنه عند ناهده بعد قبل سنتين تقريبا
ارتحت عليه
بس يطول الدوره يخليها 10 ايام و تييج استحاضه
بس يعتمد على جسمج
و لازم تراجعين كل 6 اشهر عند دكتورتج اللي ركبته لان احتمال يتحرك
انا ما راجعت سنه و حملت عليه

 

[مشتطـه]

غيري حبوبج


ذبحتونا ذم بالحبوب واللولب بالله شنسوي

انا اقول حطيه وتوكلي على الله كل وحده تختلف

 

[هدفي الفردوس]

شرايكم بنات بالهرموني

 

[om MaRyooM]

مشكورين بناات ماقصرتو والله

 

[om MaRyooM]

هدفي الفردوس

محد يمدح الهرموني كلش حتن الدكاترة

ويمتن حييييل لأنه يحبس سوائل بالجسم

 

[om MaRyooM]

غيري حبوبج

وايد استخدمت انواع منها بيلارا وديان وياسمين وسليست
مافي شي والمني اللهم سيليست اخف واحد بس ماقمت اظعف

 

[om wahab]

حبيبتي ام مريوووم سوري انا ماقدرت ارد عليه على الخاص لان مشاركاتي شوي بس حبيت اقولج الدكتوره الي ركبتلي نداء بوخضور برويال حياة معروفه باللولب مايحتاج وتقريبا كلفني80 دينار وموفقه حبيبتي
اذا تبين اي سؤال انا حاضره​

[/right]

 

[ناتشوو]

جربي و مو شرط يناسبج
نفس الحبوب مو كل وحدة تناسبها
اعرف وحدة مركبة اللولب العادي مو مرتاحة بسبة الدم والنزيف الشديد
تقول وفي بعد دم بين الدورات فتقول متلخبطة من ناحية الصلاة مادري استحاضة ولادورة

واعرف وحدة حاطة الهرموني بس عادي مااشوفها متنت

الله ييسر امورج

 

[انا لها شمس]

انا مركبته قبل سنه
ويعتمد من جسم لجسم اول شي توقعي ان اول ٦ شهور في مشاكل
زيادة ايام الدوره وكميتها
اول يومين دم قليل مايل للاسود ويومين الى ٣ ايام مقارب للنزيف ويرجع باقي الاسبوع قليل

لانه جسم غريب الجسم ماراح يتقبله ع طوووول راح تحسين بمغص اول يومين مع نزول قطرات دم قليله
تستمر الى ١٠ ايام او اقل

تبتعدين عن المعاشره ١٠ ايام لين ياخذ مكانه السليم بالرحم ومايتحرك ويتاقلم عليه الجسم

وتهتميييييين بدورتج مثلج مثل النفاس عشان تقل الافرازات

وبعد ال٦ شهور راح تروح كل هالاعراض وماراح تحسين فيه ابداااااااا

وتختفي الافرازات وترجع دورتج طبيعيه مثل ماكانت

بس في عيب ان قبل الدوره تنتفخ بطنج بشكل كبير جنج حامل

وهذا كله اللولب العاااااادي مو الهرموني



الهرموني يحطونه اللي فوق ال٣٥ مانع للحمل وعيبه انه يوقف الدوره من لعدةال٤٠
ويخزن السوائل والدم الفاسد بالجسم ابتعدو عنه يابنات مو زين لكم

 

[om MaRyooM]

^
^

مشكورة حبيبتي

 

[нάγoηά cнεмίsтяγ]

الهرموني تاثيره نفس حبوب المانع ؟

 

[هدفي الفردوس]

يسبب فقر دم من كثر نزيف الدورة

 

[нάγoηά cнεмίsтяγ]

مو مشكله فقر الدم يتعوض ب حبوب الحديد بس اتوقع اللولب العادي اهو اللي يسبب نزيف مو الهرموني لان دكتورتي تقول الهرموني ماتنزل الدورة ؟

 

[ورد فاخر]

انا توني شلته من شهرين

ركبته من سنتين العادي
والحمد لله ماشكيت من شي

والدوره منتظمه كانت ولله الحمد

ابتعدي عن الهرموني

 

[ورد فاخر]

لا من ٣ شهور شلته

اسفه ع اللخبطه

 

[нάγoηά cнεмίsтяγ]

ورد فاخر ليش شفيه الهرموني ؟

 

[حشمه]

ركبته بعد ولادتي بشهر ونص والحمدالله ارتحت عليه وشلته بعد قريب السنتين

بس مشكلته معاي ان الدوره تطول على ما انظف ومو منتظمنه نفس الحبوب

الحبوب فرضا كل 28 يوم اما اللولب يوم تنزل بعد شهر ويوم تتاخر ويوم تبجر

 

[bedoorm]

ما أنصحك كلس ، أنا ركبته بعد ولادتي ب3 شهور و بعد شهرين حملت عليه تخيلي وولدي كان توه عمره 5 شهور