سويت عمليه تجميل لأنفي عند بور صادق وبليز محتاجه مساعدتكم ..

[maya61]

السلام عليكم ورحمة الله وبركاته ..
كيف حالكم خواتي العزيزات ...

انا من مدة سنه وانا ابحث في المنتديات عن دكتور شاطر في تجميل الانف لحد ما لقيت المديح من الاخوات للدكتور بور صادق وخصوصا الاخت ام حور لذا قررت اسويها ولله الحمد صارلي 19 يوم من سويتها ومبين الفرق بين قبل والحين بس عندي كم سؤال بليز للي تعرف ومسويه قبل ..

للحين خشمي مورم وبيألمني وحتى من اعطس فهذي مشكله الصراحه ما اقدر امسحه بمنديل لأنه يألمني حييييل ... صرت استعمل عيدان الاذن القطنيه لتنظيفه ... صارت عندكم هالحاله ولا لا ...؟؟ وكيف قدرتوا تنظفوه ...؟؟؟ طيب الورم بعد كم يختفي ....؟؟
وباقي فيه شوية دم جامد ولأنه بيألمني حيل ما اقدر انظفه فيه طريقه سهله لتنظيفه ..؟؟

واليوم شلت اللزقه (البلاستر) بس ظلت اثار من اللاصق اللي فيه حاولت ازيلها بمنظف وجه ومنديل وما نفع .. وحاولت بمي دافي وصابون وما نفع ... وش اسوي ..؟؟ خصوصا انه بيكون عازل للوضوء لما اريد اصلي ...

والدكتور قالي اني استعمل واقي شمس بعد ما اشيل البلاستر ... طيب يا بنات اقدر استعمل الميك اب فوق الواقي الشمسي او لا ..؟؟ وفي كريمات اساس فيها واقي شمس اقدر استعمله بدل الواقي الشمسي ..؟؟

والنتيجه النهائيه متى بتبين ..؟؟

بليز افيدوني انا ما مرتاحه وابي نصايحكم وخبرتكم ... واللي عندها نصيحه او ملاحظه اكون شاكره لها ..
واكون ممتنه جداااا لكم
اختكم ..
​

 

[شقاوتي غير]

الحمدالله على السلامة ياقلبي

النتيجه راح تبين طبيعيه بعد شهر من العملية ان شاء الله

اما باقي استفساراتج اتمنى احد يفيدج اكثر

بس سألي الدكتور اهو ابخص ويعرف حالتج اكثر وبيفيدج


اب

اب

لعيونج

 

[maya61]

ونسيت اكلكم ان في خيط لسه باقي من الجراحه الممرضه نست تشيله كيف اشيله بنفسي ولا اروح لطبيب ..؟؟
وبنات بليز انا بعد العمليه بقيت اسبوع ما غسلت وجهي بس الحين ومن يومها وجهي وخشمي صاير كله حبوب ناعمه جدا بحيث وجهي صاير خشن جدا شو استعمله حتى يرجع مثل الاول صافي وما بيه شي ...؟؟
افيدوني بليـــــــــــــــز


​

 

[maya61]

الحمدالله على السلامة ياقلبي

النتيجه راح تبين طبيعيه بعد شهر من العملية ان شاء الله

اما باقي استفساراتج اتمنى احد يفيدج اكثر

بس سألي الدكتور اهو ابخص ويعرف حالتج اكثر وبيفيدج


اب

اب

لعيونج

الله يسلمك حبيبتي ... بس شوي صعب ارجع اسأل الدكتور ... في وحده تعرف السايت الخاص به او بيج او اي شي على النت لأني دورت كتير وما لقيت ...

طيب الورم والالم متى بيروح لأنه يألمني حيل ...
بليز اخواتي افيدوني وردوا عليا واكون شاكره جداااا ...
انتظركم​

​

 

[كويتيه وبس]

الحمدالله على سلامتج
بشري اشلون النتيجة إن شاء الله اعجبتج؟
شوفي اللي يسوون عند بور صادق ويرجعون قبل لا يشيلون الجبيره يطرشهم عند الدكتور خالد زادة بمستشفي دار الشفاء
لانه يتعامل معاه انتي سالي عنه اذا ليلحين موجود لان هالكلام من زمان
هاذي تجربة العضوة مسويه عند بور ومكمله علاجها عند خالد زاده
http://www.q8yat.com/t669892.html​

 

[maya61]

هلا حبيبتي ... الحمد لله النتيجه احسن من قبل بكتير ... مع انه لسه وارم
بس قبل ان ارجع قالي الدكتور انه مافي داعي اروح لدكتور ثاني واقدر اشيل البلاستر وحدي بس شفت مواضيع العمليات هنا ان اللزقه بيحطوها لمده شهرين او ثلاث ... بس انا الدكتور ما قالي هالشي .... قال 10 ايام بس واشياها لذا شلتها اليوم هالشي عادي ولا لا ...؟؟​

 

[كويتيه وبس]

الحمدالله ان النتيجه اعجبتج الله يونسج بالعفو والعافيه يارب
وبصراحه انه ما اقدر افيدج بهالشي الافضل انج تسالين البنات اللي توهم مسويين عنده
بس الاحسن وحتى يرتاح بالج روحي للدكتور دام انه يعرف شغل بور ومتعامل معاه

 

[كويتيه وبس]

بسالج انتي توج مسويتها صح ؟
اشلون الاوضاع اهناك ؟
لاني باذن الله بسوي عنده انه رحتله من قبل بس ربي ما كتبلي لان طلع فيني فقر دم
رفض انه يسويها لي قالي تعالي بعد شهرين

 

[Emanii]

حبيبتي انا سويت عند بور صادق شهر واحد ... الورم راح يخف شوي شوي لا تحاتين و لا تستعملين الكلينكس لانه الدكتور قال انه مو زين و لا تنفخين كلش راح تخربينه .. و الواقي حطيه بعدين حطي مكياج عادي و طوووووول ٦ اشهر حطي الواقي لانه لو ما حطيتي راح يصير اسود مكان الخياط و يبين ... و حق اثر اللزقات حطي اسكينول انشالله يروح مع الوقت عادي و النتيجه النهائية تاخذ من ٦اشهر لي سنه و الله انا خشمي صار يهبل ماشالله و مو مبين انه تجميييييل كللللللش لا تخافين مدام مسويتها عند بور صادق حطي فبطنج بطيييخه صيفي

 

[maya61]

عزيزتي كويتيه وبس مشكوره للرابط واطلعت على الموضوع بأكمله لكن انا الدكتور ما كتبلي حبوب ولا جل ولا لصقات قالي 10 ايام وبتشيليها وما قال احطها بالليل ولا شي ... انا ابس كتبلي عصاره جل اسمها stratamed وقال اخليها بس على مكان الغرز (الخياط) يعني مو على الانف كله .... !!!!

انا احتاريت بليز المساعده يا بنات .. ​

 

[maya61]

بسالج انتي توج مسويتها صح ؟
اشلون الاوضاع اهناك ؟
لاني باذن الله بسوي عنده انه رحتله من قبل بس ربي ما كتبلي لان طلع فيني فقر دم
رفض انه يسويها لي قالي تعالي بعد شهرين

حبيبتي الاوضاع تمام توكلي على الله وسويها ...
وبالتوفيق ...​

​

 

[maya61]

حبيبتي انا سويت عند بور صادق شهر واحد ... الورم راح يخف شوي شوي لا تحاتين و لا تستعملين الكلينكس لانه الدكتور قال انه مو زين و لا تنفخين كلش راح تخربينه .. و الواقي حطيه بعدين حطي مكياج عادي و طوووووول 6 اشهر حطي الواقي لانه لو ما حطيتي راح يصير اسود مكان الخياط و يبين ... و حق اثر اللزقات حطي اسكينول انشالله يروح مع الوقت عادي و النتيجه النهائية تاخذ من 6اشهر لي سنه و الله انا خشمي صار يهبل ماشالله و مو مبين انه تجميييييل كللللللش لا تخافين مدام مسويتها عند بور صادق حطي فبطنج بطيييخه صيفي

هلا حبوبه ... مشكوره انك طمنتيني .... زين كتبلك جل او حبوب ..؟؟ واللصقات كم يوم وشلتيهم ..؟؟ ورجعتي تخليهم بالليل لو لا ..؟؟
انا ما قالي اخليهم بالليل ولا شي ...​

​

 

[maya61]

عزيزاتي ارجو الافاده​

 

[Emanii]

اللزقات حطيهم ١٠ ابام بعدين بس وقت النوم لمدة سهر

 

[maya61]

اللزقات حطيهم 10 ابام بعدين بس وقت النوم لمدة سهر

شكرا عزيزتي ... بس سؤال انا الدكتور اخر مره حطلي (بلاستر) يعني انا ايضا احط بلاستر ولا فيه لصقات خاصه ؟​

 

[Madrideya ~]

اب اب ان شاء الله البنات يفيدونج بس عندي لو طاقة الإبرة اللي تحدد الخشم أحسن من هالعمليات والدكتور وين صايره عيادته بالكويت ! ونصيحة مني استشيري الدكتور اهو اللي راح يفيدج لانه هو اللي سؤالج العملية ومحد راح يعرف لحالتج غيرة اهو اخبرررر من بنات المنتدى كله ؛/ والله يوفقج

 

[maya61]

اب اب ان شاء الله البنات يفيدونج بس عندي لو طاقة الإبرة اللي تحدد الخشم أحسن من هالعمليات والدكتور وين صايره عيادته بالكويت ! ونصيحة مني استشيري الدكتور اهو اللي راح يفيدج لانه هو اللي سؤالج العملية ومحد راح يعرف لحالتج غيرة اهو اخبرررر من بنات المنتدى كله ؛/ والله يوفقج

هلا فيج حبيبتي ... الدكتور عيادته بأيران وهو عطاني ايميله الخاص وبعثتله من اسبوع بس لحد الان ما رد عليا .. لذا انا محتاره وحبيت الاخوات يفيدوني​

 

[كلارا]

حبيبتي لاتقلقين توك مسويه العمليه انتظري اذكر اخوي جلس فتره مو بسيطه الوجه مورم والانف شاطح على فوق ونحيف بالعربي كان يخرع بس الحين اوكي

 

[maya61]

حبيبتي لاتقلقين توك مسويه العمليه انتظري اذكر اخوي جلس فتره مو بسيطه الوجه مورم والانف شاطح على فوق ونحيف بالعربي كان يخرع بس الحين اوكي

هلا عزيزتي ... صحيح انه مورم بس اليهمني وحابه استفسر عنه هو لازم يعني احط اللصقه وقت النوم ..؟؟ لأن الدكتور ما قالي هالشي قال 10 ايام بس وتشيليها وما قال اي شي ثاني ... وسمعت من البنات ان اللصقه ضروريه خلال فترة النوم ... صحيح هالشي ...؟؟ وشو اسم هذي اللصقه ..؟؟ يعني بلاستر طبي عادي واخليه فوق انفي ولا في لصقه معينه ..؟؟ ارجوكم اخواتي افيدوني ...؟؟؟ انا خايفه انفي يخرب وانا توي مسويته ..!! :eh_s(2):

 

[محمد اياد]

السلام عليكم
مرحبا اخواني خواتي
اني اسمي محمد ومقيم في الهند _نيو دلهي
واعمل في مستشفى يوجد فيه جميع التخصصات مثل الاعضام والركبة والقلب والعيون والاذن وكافة انواع التجميل والخ واكبر الاطباء يوجد فيه وعلما ان الهند اقوى وارخص علاج في العالم لذالك الى من لديه اي اسنفسار ع اي حالة ارجو مراسلتي ع الاميل الخاص بالتقارير ورقمي الجوال
[email protected]
00919910067443