My Healthy Self .. عالمي تحت سيطرتي :)

[م.بابونج]

السلام عليكم و رحمة الله و بركاته

اليوم راح أبدي حملتي الجديدة بعنوان
" My Healthy Self .. My World , My Rules "
في هذا القسم راح أهتم بأني أضع وجباتي اللي راح أكون طابختها بنفسي و راح أحرص إنها تكون صحية قدر الامكان و بنفس الوقت سهلة و أي أحد يقدر يسويها << إذا أنا أقدر أسويها أي أحد يقدر لووول
ما أوعد إني راح أدش الموضوع كل يوم .. عادي يمر اسبوع كامل ما أدش النت بكبره .. بس اللي أوعدكم إياه إني راح ألتزم التزام تام و ان شاء الله راح أكتب قصتي بعدين و تكون حافز لبنات ثانيين .. هذا حلمي

المهم ان شا ءالله البداية اليوم .. أطباق صحية + رياضة ست أيام بالاسبوع ان شاء الله و الراحة يوم الأحد
راح أحط نظامي الرياضي اللي تبي تتبعني و هو عبارة عن فيديوات من اليوتيوب سهلة و قصيرة ساعة كاملة


بسم الله نبدي
​

 

[م.بابونج]

السلام عليكم من جديد ..
حاليا الساعة 8:30 مساءا .. ما راح أتعشى لأن غداي كان متأخر , مرق دياي و أنا اللي مسويته فكان صحي و مافيه و لا نقطة زيت لووول
من باجر ان شاء الله راح أبدي أصور الأكلات و أحطها و أحط وصفات إذا قدرت .. ممكن شوية نصايح و أشياء تعلمتها من تجربتي

أنا طبيعتي ما أقدر أسوي رياضة الصبح لأن رياضة الصبح تتعبني حيل , فأنا أسويها بالليل قبل لا أنام .. و سألت عنها خبراء و أكدوا إن مو شرط الواحد يسوي رياضة الصبح أو بوقت معين .. عادي حتى لو الفير تقدرين تسوين رياضة .. بس المهم إنج تسوينها بذمة و ضمير , المدة ما تهم كثر التركيز و الانتباه على التمرين ..
هاذي رزنامة الرياضة اللي أنا ماشية عليها ..

هالرزمانة أنا ماخذتها من موقع بالنت اسمه blogilates.com واااااايد حلو هالسايت و راح تستفيدون منه وايد

 

[م.بابونج]

اليوم هو يوم البطن ..
راح أسوي التمارين من هالفيديوات ..
POP Pilates: Crazy Core Workout - Intense! Fun! (Full 10 min) Pilates Video - YouTube
You've Got Abs! Flat Abs Pilates Workout Challenge - YouTube

و الكارديو راح يكون
POP Kicks: Total Body Cardio Kickboxing Workout - YouTube

POP Cardio: Heart Throbber - YouTube

Kickboxing Cardio Sculpt & Burn Workout - YouTube

و راح أعيدهم لين تصير ساعة كاملة .. أعتقد كل فيديو يكون مرتين .. المهم راح أبلغكم شيصير معاي
سي يوووو:eh_s(7)::eh_s(7)::eh_s(7):

 

[د.ساره]

وعليكم السلام ورحمة الله وبركاته

التزمي بوعدج
وناطرين نتيجة حلوة منج

 

[د.ساره]

وعليكم السلام ورحمة الله وبركاته

التزمي بوعدج
وناطرين نتيجة حلوة منج

 

[م.بابونج]

وعليكم السلام ورحمة الله وبركاته

التزمي بوعدج
وناطرين نتيجة حلوة منج

مشكوووووووووووووووووووووورررررررررةةة على المرور و التشجيع .. و الله نسيت أحط جم وزني لأني حطيت الموضوع بالليل .. ان شاء الله باجر الصبح بس أقعد أقيسه

 

[م.بابونج]

ملخص اليوم :
1) بالنسبة للأكل كان أكلي صحي طول اليوم الحمدلله , أنا بادية من يوم الجمعة يعني صارلي ألحين 4 أيام الحمدلله ملتزمة 100%
بس اليوم كليت صبع كيت كات لأني حسيت صار فيني نقص سكر , بس الحمدلله ما كثرت شوية و هديته .. بحاول أصغر معدتي

2) الحمدلله الرياضة اليوم كانت ممتااااااااازززةةةة ساعة كاملة منهم 20 دقيقة كلها تمارين بطن حادة و الباجي كان ملاكمة << أموووتتت على تمارين الملاكمة أحسها فيها قوة

و ان شاء الله باجر أحط القياسات المضبوطة لي .. و أبدي أصور وجباتي عشان أفيد و أستفيد

أنا مو من النوع اللي كل ما حطت بحلجها شي رحت كتبته .. كل شي أكتبه بنهاية اليوم و راح يكون تحت "ملخص اليوم" أحط فيه الأشياء المهمة اللي صارت لي و صور الوجبات كاملة عشان ما أخربط شي و يصير موضوع مرتب .. راح أحاول أحسب الكالوريز , حاولت من قبل بس لأني آكل من أكل البيت فما كنت أقدر أحسب بس دام أنا اللي بطبخ ان شاء الله أقدر

تصبحون على خير:eh_s(7)::eh_s(7)::eh_s(7):

 

[م.بابونج]

السلام عليكم حبوبات شلونكم ؟؟
الحمدلله اليوم ماشي تمام إلى الآن .. ان شاء الله بالملخص راح أحط كل شي .. رياضتي اليوم راح تكون للجزء السفلي من الجسم ( الفخذ و المؤخرة )
هاذي الفيديوات اللي راح أستعملها باذن الله
POP Pilates: Super Butt Workout (Full 10 min) Pilates Video - YouTube

POP Pilates: Legs and Thighs Workout (Full 10 min) Pilates Video - YouTube

و بالنسبة للكارديو راح يكونون مثل فيديوات أمس .. يارب أقدر أكمل الساعة

 

[م.بابونج]

بسم الله الرحمن الرحيم

نبدأ اليوم الأول من
"ملخص اليوم "

بالنسبة لليوم كان يوم قصير بالنسبة لي لأني قضيت معظمه نايمة خخخ , قعدت من النوم الساعة 7 الصبح و رحت الدوام .. للأسف ما تريقت لأني ما كنت مشتهية و خفت آكل و أنغث طول اليوم .. بس شربت كوب شاي بالدوام ..

بعد ما رجعت البيت الساعة 1 الظهر , على طووووللل صليت و نمت لوووول , و ما قعدت إلا الساعة 7 الليل << الأخت صايرة الدب القطبي لوووول لما قعدت كليت وجبتي الأولى
عيش مشخول و مرق دياي .. بس أنا اللي مسويتهم و أنا مخليتهم صحيين كثر ما أقدر , خاصة إن المرق كله خضرة و دياي بروتين .. بالنهاية ما كليت إلا شوووويييةةة من العيش يمكن ثلاث قفشات بس شربت المرقة كاملة من غير خبز و لا شي

بعدها شربت عصير فراولة طبيعي أنا مسويته بنفسي

ان شاء الله الصور واضحة .. راح أحاول إني أوفر صور قدر الامكان , يمكن فيه أيام أنسى أصور الأكل بس راح أذكره .. بعدين قعدت أسوي الأشغال اللي ما سويتها طول اليوم , قعدت أرتب غرفتي و أقرا الكتب اللي بيدي ليييننن الساعة 11 بالليل , جان آكل تفاحة عشان أقدر أسوي رياضة
الساعة 2 الفير بديت أسوي الرياضة لمدة ساعة .. حطيت الفيديوات بالرد اللي قبله و ألحين أنا قاعدة أرجف من العوار لووووول

ألحين بروح آخذ شاور و بناااممممم :krkrkr::krkrkr: ما أتوب من النوم لووول
بس ان شا ءالله الأيام الياية أكون نشيطة أحسن من جذي لوول النوم معفوس حده


بالنسبة لوزني قسته اليوم الصبح ..
70.7 كج .. كنت بحط صورة بس مو واضحة كلش هدفي أبي 55 كج ان شاء الله أوصله بصحتي و عافيتي يااررب

اليوم ماكان صحي 100% .. بس على الأقل أحسن من إني أكون ماكلة وايد و مغثوثة حدي لووول

هذا ملخص اليوم .. و ان شاء الله نشوفكم بالمرة الياية :eh_s(7)::eh_s(7)::eh_s(7):
​

 

[م.بابونج]

بسم الله الرحمن الرحيم
" ملخص اليوم "

السلام عليكم بنات شلونكم اليوم شخباركم ؟؟ اليوم ثاني ملخص لي , كان يومي جيد و لو إني ما قدرت أسوي رياضة أتوقع إني راح أسويها حيل حيل متأخر , بس إلى الآن ما سويتها بس قلت أكتب الملخص و إذا سويتها أحطها بالملخص الياي ..

يومي كان جميل , قعدت الساعة 7و نص للدوام , تريقت سلطة فواكه ( تفاحة + 2 حبة كيوي + 2 حبة خوخ + 2 حبة قوج ) .. للأسف ما مداني أصورها لأن التلفون ما كان يمي بس كانت لذيذة oster_av1:

لما رجعت البيت قررت أطلع و أتغدى برة لأني من زمان مو طالعة و تغديت ساندويشة شاورما لحم متوسطة الحجم + ساندويشة فلافل و بطاط كبيرة الحجم << كثرت بسبب الرياضة اللي أمس و أكلي كان قليل جدا .. بعدين كليت آيس كريم ساندويش ( حلى اليوم ) و كوب قهوة من ستاربكس << يمكن زودتها اليوم شوي ؟؟


يمكن الآيس كريم ما كان له داعي , بس مو مشكلة كله تعوض لأني ما تعشيت لأني حدي حدي داااااايييخخخةة و فيني النوم , مع إني ما سويت رياضة بس تحركت وايد اليوم لأني تمشيت على البحر و صار حده فصلة و فلة و ركض و وناسة لوووول


ان شاء الله إذا سويت رياضة حقيقية راح أبلغكم

هذا ملخص اليوم و شكرا :eh_s(17)::eh_s(17):
​

 

[م.بابونج]

بسم الله الرحمن الرحيم

ملخص اليوم الثالث

اليوم كان ويك اند فقررت إني آكل شغلات من زمان مو ماكلتها عشان أقدر أتشجع و أكمل .. بالبداية نبدي بالوجبات ..
الفطور : لا يوجد
الغداء : 4 ملاعق عيش أبيض مشخول + بادية متوسطة مرق خضار
وجبة بعد الغداء : حبة معمول كبيرة + 2 حبة درابيل + 3 حبات بسكوت دايجستيف + كوب شاي
العشاء : تقريبا 20 حبة بطاطس مقلية + فطيرة لبنة
حلى بعد العشاء : آيس كريم فواكه من جيلاتو إيتاليانو << عجيييييييييييييييييييببببب حدي أنصح فيه

بالنسبة للرياضة اليوم ما سويت .. بس أنا ملاحظة من شنو قاعدة أكثر الأكل .. ماكو ريوق .. ان شاء الله من باجر راح أبدي أتريق و ان شا ءالله تكون أيامي أفضل .. أحسن شي باليوميات إني أعرف من وين الخطأ و أقدر أعرف المشكلة بسرعة لووول
باجر ان شاء الله بداية جديدة

و هذا ملخص اليوم و شكرا
​

 

[م.بابونج]

بسم الله الرحمن الرحيم
ملخص اليوم الرابع

اليوم أعتبر نفسي سويت انجاز عظيم جدا بالرغم من إني ما كليت ريوق للأسف .. بس بالغداء خففت أكل وايد إلى خمس ملاعق أرز + نصف صدر دجاج + حبتين ورق عنب .. بس قبلهم كليت بادية كبيرة سلطة خضار , و بعدها فنجان قهوة نسكافيه صغييييييييرررررر + بيالة شاي فما حسيت بالجوع طول فترة النهار
و بالليل رحت مطعم جوني روكتس مع أهلي بس لا تخافون ما طلبت شي دسم .. طلبت صمونة ديك رومي مدخن مع جبن و توست أسمر + ملك شيك إي صح و معاهم سلطة جكن كلب
طبعا مقارنة باللي كنت أطلبه قبل هذا تقدم حيل حيل كبير و حدي فخورة بنفسي .. للأسف ليلحين ماكو رياضة الظاهر من الويك اند مأثرة علي لأني أمس حاولت أسوي رياضة بس حسيت ما فيني طاقة كلش و ألحين دايخة حدي و أبي أنام لووول

و هذا ملخص اليوم .. نشوفكم باجر ان شا ءالله
​

 

[DietGirl]

برافوو
ومتابعينج شدي حيييلج

 

[م.بابونج]

بسم الله الرحمن الرحيم

أعتذر إني ما كتبت يومياتي لليوم الخامس أمس بس بكتبها ألحين

أمس أنا كنت قمة الخمول مادري شفيني .. بس أبي أناااااااامممم لدرجة إني أصحى و أنام زين إني كليت شي .. أول ما قعدت من النوم كليت 3 قطع بسكوت دايجستف + كوب شاي + 5 تمرات

الغداء كان متأخر و كان عبارة عن بطاطة مفيوحة , بعدها رحت الممشى و مشيت نص ساعة قلت يمكن إني أشيل الخمول عني بس ماكو فايدة رديت نفس الشي بس يوعانة لووول
العشا كان متأخر جدا تقريبا الساعة 12 بالليل كان عبارة عن صمونة رومي من مطعم البطريق بس شايلة منها المايونيز عشان ما تصير دسمة

الشي الزين كان إني قدرت أسوي رياضة لمدة نص ساعة فأحس بشعور أفضل , و قدرت أتريق .. بس ان شاء الله نظام يومي يتعدل و طاقتي ترجع

و هذا كان يومي و نشوفكم ان شاء الله قريب :eh_s(7)::eh_s(7)::eh_s(7):
​

 

[م.بابونج]

برافوو
ومتابعينج شدي حيييلج

مشكوووووووووووووووورررررررررررةةةة يا حياتي على التشجيع .. و ان شاءالله يومياتي يصير فيها نوع من التشجيع حق البنات عشان يقدرون يكملون مشوارهم و يعرفون أي أحد ممكن تكون له أيام سودة و أيام بيضة لوووووول :eh_s(7)::eh_s(7)::eh_s(7):

 

[ضــمــاد]

بالتوفيــــــــــــــــــق

 

[يحبنى الله *]

أنا داخلة ابى الأكل الصحى

ما شفت حبيبتى ..

حاولى تشوفين يوتيوب فتافيت فى وحدة تطبخ اكل صحى وعلمينا شنو احسن الوصفات ومن وين نشترى الأغراض

بينى وبينك الكل الصحى موجود فى ارض الطبيعة وشركة اليسر وفى مثل المكان بالجمعيات اللى يبيعون مأكولات من غير جيلاتين ودى فيها لسببن صحية ونبتعد عن شبهات مشتقات الجيلاتين المحرمة اللى ما ندرى عنها بس الله المستعان غالى حيل ما اقدر عليه


نبى اكل صحى بضمير وخاصة شلون نطبخ
مثلا خضروات مشلوقة


ومن وين الجيلاتين الأيطالى اللى قلتى عنه

 

[م.بابونج]

بالتوفيــــــــــــــــــق

حياج الله يا قلبي

 

[م.بابونج]

أنا داخلة ابى الأكل الصحى

ما شفت حبيبتى ..

حاولى تشوفين يوتيوب فتافيت فى وحدة تطبخ اكل صحى وعلمينا شنو احسن الوصفات ومن وين نشترى الأغراض

بينى وبينك الكل الصحى موجود فى ارض الطبيعة وشركة اليسر وفى مثل المكان بالجمعيات اللى يبيعون مأكولات من غير جيلاتين ودى فيها لسببن صحية ونبتعد عن شبهات مشتقات الجيلاتين المحرمة اللى ما ندرى عنها بس الله المستعان غالى حيل ما اقدر عليه


نبى اكل صحى بضمير وخاصة شلون نطبخ
مثلا خضروات مشلوقة


ومن وين الجيلاتين الأيطالى اللى قلتى عنه

فعلا كلامج مضبوط .. اللي صار إني أنا مرضت بهالاسبوع للأسف فما صار عندي وقت إني أطبخ أو أتفرغ للموضوع فقلت أحاول أسيطر على نفسي بالأكل لين أتشافى ان شاء الله و أقدر أكتب يوميات حقيقية .. اليوم الحمدلله قدرت أصور وجباتي و رجعت أطبخ من جديد .. و مشكووووووووووورررررررررررةةةةةةةةةة على وقتج و قراءتج ليومياتي و ان شاء الله ما تشوفين إلا اللي يطيب خاطرج

و على سالفة الجيلاتين الايطالي هذا مطعم آيس كريم مو شي تشترينه من السوبر ماركت بس كله طبيعي 100% لأن صاحب المطعم يسوي هالخلطات بنفسه و كلها طبيعية و حدددي أنصح فيه الآيس كريم خفيف و حلو

ان شاء الله يومياتي اليوم راح تونسج

 

[بـ سـ كـ وتـ ة]

كل يوم أدخل يومياتج وأقرا آخر مستجداتج

وعجبوني الفيديوات وايد وان شالله أستفيد منهم

بس حدي بخيلة ولا مرة رديت عليج

دايما تكون بنتي اسم الله عليها مشاغلتني فما أرد

ما شالله عليج ... استمري ودايما ان شالله راح أدخل أشجعج خصوصا إن نظامج مقارب لنظامي

يحبنى الله *

أعتقد حبيبتي إن صار عندج لبس بالموضوع

منتجات أرض الطبيعة خالية من الجلوتين مو الجيلاتين

الجلوتين مادة موجودة في المعجنات والمواد الغذائية اللي مصنوعة من القمح تكون مثل الصمغ تقريبا بس ما تشوفينها

شفتي عجينة الفطاير لما تسوينها؟ كلما عجنتيها أكثر كلما كانت العجينة أحلى لأن الروابط الجلوتينية تزيد

وايد ناس فيهم حساسية منها ومايدرون ووايد ناس من يقطعونها ينزل وزنهم

م.بابونج سوري حبيبتي دشيت عرض في موضوعج