۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

[! بــدويه وآآيــد !]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

،


ولدي ذبحه المغص والغازات مع اني ارضعه طبيعي ومايشرب صناعي كلش

اها الله يوفقج يارب انا ودي استغني عن وظيفتي بس خايفه اتحسف

وبنفس الوقت متعلقه بولدي حيييل


واهو اسم الله عليه يخرع ماكمل اسبوعين ويزحف يتكور على ؤوحه ويمد رجوله ويرد يتكور ويمدهم لما يزحف يزحف ويغير مكانه حتى امي متخرعه تقول اول مره اشوف بيبي جذي يخرع وعسر الله يخليه لج اليوم جيكت عليه وقعدت اكل توني قلت بسم الله والا امي تجي والا اهو زاحف وراسه داش بين المخده وحاجز السرير طايح تحت حبيبي بغى يختنق لولا امي يخرع وشيطان وعسر عسى ربي يهديه ويحفظه لي عشان جذي اخاف عليه حيل واخاف اخليه

 

[مدمنــــة قهــــوة]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ديري بالج بدوية وايد يمكن يسوي هالحركة من المغص والغازات

راقبيه بين فترة وفترة عسى ربي يحفظه لج يارب

وبالنسبة للمغص جزبي تغيرين حليبه يمكن من الحليب او في اكل تاكلينه يسبب غازات ؟

وجربي ماي الغريب او بيمبي قاز او اللي قالت عنه اختي فروحتي ،،

انا بنتي جربت لها بيمبي قاز ومشا الحمدلله


انا متعبني جرحي للان لما اغسل احس بتفخة عادي ؟؟

ياربي متى يطيب برتاح باهتم بنفسي

الحين لي عشر ايام تقريبا وخايفه اجيب ردادة بسبة الجرح ولا ربطت بطني !!

يااارب عوووووونك

 

[! بــدويه وآآيــد !]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

،



مدمنة قهوه لا اسم الله عليه هذي حركته من اول اسبوع يخرع يخرع ولدي امي جابت٥ ونفست خواتها وبنات عمها ماشافت مثل ولدي وانا حالفه ماشربه دوا اوديه المستوصف يشربونه لان مايحب طعمه وشرق فيه وقف نبضه اسم الله عليه مت وحييت يومها اودي مستوصف يشربونه ويردونه بس امي تشربه لا
ويخرع اذا شرق انفخ بوجهه يفز بعدين يغمض عينه حيل ولما يشوفني مخترعه واقعد اقولب فيه يتفل يطلع سعابيل لووول مسجينه امي تقول هالولد خلى عظامي تصب مليون مره وحيل حيل ضعفانه من الخرعات ومجابله وكل مابدلنا له حفاظته سواها علينا لووول ياحلوه وياحلو عوابته عسى ربي يهديه ويعيني عليه
اليوم ابوه يبوسه يضحك ولما بسته يعطيني تفله! الحين حدي فيني نوم بس موقادره انام وامي نايمه مع ان نايم بس اخاف عليه حيييل يتقلب ويتزحف وحالته حاله

والجرح ترى موزين اذا بارز اخاف ملتهب روحي جيكي عليه!! انا بنطر ٢٠ يوم بالضبط واهتم بجسمي باجر اكمل اسبوعين ودي الوقت يمر بسرعه واطلع من النفاس مليت اشتقت للنوم ولكل شي فقدته

 

[دلال و غلا]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

والله بنات انا كنت نفاس قبل كم شهر مو بعيد و بجر و ما سويت تجميلي لان ما يسوى
و الادويه ما اخذت بس كنت اشرب سواخن و فلفل اسود مع الاكل و تمر وشوي سمن و بديت اشرب عصير برتقال كي دي دي بعد 12 يوم من نفاس بس مو بارد كان ع حرارة الغرفه ع شان تكرمون الدم اللي راح مني والحمدلله رديت مثل اول ولا صار تغيير
حتى اذكر جدتي تقول بسبب كثرة الادويه المره تطول ما تنظف و الرحم ما ينشف بسرعه

و ان شاء الله طالعين من الشر

 

[دلال و غلا]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مدمنة قهوه الرداده تجيبينها من يوم ١٢ و ١٣ و ١٤ من نفاسج
انا لمن جبت الرداده ارتحت حييل بعدها

 

[كتكوته حبيبي]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

قوه بنات شلونكم طاليين من الشر يارب
يالله مابقى شي وننظم لكم ادعولنا

 

[كتكوته حبيبي]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

طاليين = طالعين

 

[وحيدة امى]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

بديد الله يخليه لج وربي يونس فديته هذا يكمل 9 شهور يججنج الله يخليه

يتربي بعزكم ويطرح فيه البركه

 

[فرزاشيهـ]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

والله بنات انا كنت نفاس قبل كم شهر مو بعيد و بجر و ما سويت تجميلي لان ما يسوى
و الادويه ما اخذت بس كنت اشرب سواخن و فلفل اسود مع الاكل و تمر وشوي سمن و بديت اشرب عصير برتقال كي دي دي بعد 12 يوم من نفاس بس مو بارد كان ع حرارة الغرفه ع شان تكرمون الدم اللي راح مني والحمدلله رديت مثل اول ولا صار تغيير
حتى اذكر جدتي تقول بسبب كثرة الادويه المره تطول ما تنظف و الرحم ما ينشف بسرعه

و ان شاء الله طالعين من الشر

الله يرزقج اللي تمنينه يااااارب :eh_s(9)::eh_s(9):
انا مثلج من خلصت 15 يوم مارست حياتي طبيعيه اشرب عصاير برتقال فرش و الادويه اللهوم 218 يوم و فلفل اسود و فلفل ابيض و اخر 10 ايام من صار لي 30 تقريبا دريت اكل طبيعي و من 35 لمن خلصت من اخت النفس اشرب اللي ابي و اكل اللي ابي و امي تقولي خلجج هلثي و مثل كلام جدتج المره ماتنظف من الادويه :rgewrg:

 

[بشوشه]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

الحين متئ تنزل الدوره بعد الاربعين ؟؟

 

[الــريــان]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

نفوسات طالعين من الشر يا رب عندي استفسار واللي يعافيكم ( هل الفلفل الاسود والزنجبيل اللي نشربه يأثر على حليب الام اللي يشربه الطفل ولا لا منو جربت هالشي ورفض طفلها يشرب من حليبها )

 

[نونة حبيبها]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

سلام ياحلوات
انا ولدت 26 اوغست يعني 25 يوم من النفاس
هي ثاني ولادة لالي..بالاول سوولي توسيع
هالمرة لانه طلق صناعي والي ولدتني هبلة وقت الولادة لما حسيت انه في شي بيطلع جلست اصرخ انه بولد ولا جابت خبر
لين جات كان البيبي خلاص راسه بيطلع مامداها تسويلي شي فصار تمزق ,,,كمان ماحطتلي قيصرية للبول الله يكرمكم قامت ترقع لي انه الجرح سطحي بس ظلت تخيطني فوق الساعة وشي ؟؟
حتى الم الخياطة كان غير عن ولادتي اول مرة
مررة مؤلم..وخايفة مررة
المفروض موعدي بعد اسبوعين وشي اخذت لي موعد يوم الاثنين ابي اتطمن على الخياطة
استخدمت كريم ميبو وكريم فوسدين وصابون افنت
بالنسبة لاهتمامي بنفسي ..اخذت حلبة يوم بس التزمت بشرب الاشياء الدافئة
هاليومين بشتري قشر القهوة وبسويه لي
بسالكم متى راح تبلشون بالاهتمام بنفسكم؟؟
انا انصدمت من سواد المنطقة بالنسبة للون بشرتي ماكانت كذا
ابي استخدم خلطات تبييض ...بس مدري متى ابلش

 

[مدمنــــة قهــــوة]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

هلا بنات شلونكم مع النفاس ؟؟

الاهتمام على حسب كل وحدة اللي تحس نفسها اوكي وجرحها تمام تبلش من اول اسبوع

واللي مثلي الجرح يعورها ناوية بإذن الله من اليوم العشرين ��

اختي نونة حبيبها ~> الله يعيني ويعينج عالجرح تلقين فوق او الصفحة اللي قبلها خلطات كاتبتخا شوفيلج خلطة استعمليها بس من برا المنطقه ..

وفي خلطة تهبل بس اذا ترضعين مااااا يصير تستعملينها (( دوكين - رتن اي - اليكوم او بيبانثين او افالون ))

 

[مدمنــــة قهــــوة]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ويي علق سوري

خل اكمل

حطي الخلطة بالليل وغسليها الصلح بعدين رطبي المنطقة بمرطب حلو بس بدون عطر عشان الجرح واساسا العطر يسود المتطقه


الحين انا بجرية شلون اعرف اذا خياطي مضبوط او لا

انا عندي موعد ثاني السبت ان شالله بس ابي اعرف من نفسي وخايفه اشوفه بالمنظرة ������

الله يوفق الجميع واي سؤال حاضرة ��

 

[al7reyaa]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

اشلونكم

طلبت خلطة مزيونه وشقرا الصابونيه توصلها اليوم انشالله سعرها مع التوصيل ب١٣
وطلبتمجموعة بيبي اولاد من عطورات سالم اتينن وصلوهم امس ب٦ دنانير

امس مادري اشياني احس ثقل برحمي وعوار الحين چني احسن انشالله
اليوم لي ٣٣ غدا شري انشالله
ودي اييب الصينيه بالويكند اتدهنني
لقيت بالانستجرام صالون مسوي باكيج حمام تركي وبديكير ومساج ب٢٠ بالويك اند ٦٦٢٢٦٠٢٢ رقمهم

ليلحين

 

[al7reyaa]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ماخذيت مانع الدكتوره قالت يا لولب هرموني او جل او لصقه شكلي بجرب

 

[مدمنــــة قهــــوة]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

اممم اللصقة ترا ممكن تحملين عليها

وحدة من جماعتنا حملت عليها

بس عمتي ما حملت !

يعني على حسب الجسم

امم بنات انا الحين لي اسبوعين

الجرح خف الحمدلله بس احسه شاد علي واحس بنغزات وتقرص قوي لدرجة افز من مكاني من العوار ؟

وللان اقعد على جنب !

اممم موعدي ان شالله السبت اخليها تشيل الخيوط ولا اخليها اطيح من نفسها ؟

اشتقت للحركة والله بنتي مهملتها قاطتها على امي وخواتي وماقمت ارضعها من صدري صارلي خمس ايام مارضعتها من صدري كلش حتى شفط ماشفط

لان اي شغله اسويها وانا واقفه ماقدر اقعد

اااه يارب يارب عونك ،، النفسية زيرووو بسبة الخياط

والصداع بنات وجسمي الم والله لما امشي احس المنطقه ثقيلة بطيح مادري شعور غريب ثقل وعوار

يمكن من ابرة الظهر ولا عشان بلاعيمي شابه علي و لا اخاف نفاسي غلط مع اني متدفيه و اكل ادوية

الله يقومنااا بالسلامة

>> ادري قرقت بفضفض تعبانه

 

[al7reyaa]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مدمنة قهوه
٥ ايام لا رضاعه ولا شفط !!!!! ليش اولا صدرج يعورج وجسمج كله بيعورج و٥ ايام خلاص وقف الحليب قميضه. عليه
وليش موعدج مو عقب ١٠ ايام تشيل الخيوط حركتك تصير اخف بدون الخيوط جدمي موعدج وخل تشيلهم وان جان فيج حليب اخذي شي يدره ويزيده بنتج صغيره الرضاعه ممتازه لج ولها

اليوم لي ٣٥ الحمدلله بس البيبي احس انه تعبان بلغم ونفر وغازات الله يكون بعونه

 

[نونة حبيبها]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

مدمنة قهووة
انا ارضع طبيعي وصناعي وحابة اكمل رضاعة طبيعية
ولدي بس رضع شهرين..ومناعته ضعيفة ..مو حابة اكررر هالشي
امس شريت لي المسك الاسود بس مو عارفة متى ابلش فيه
وموعدي يوم الاثنين قدمته لاني مرة خايفة من الخياطة الخيوط للحين ماطاحت وانا بكمل شهر
بديت اهتم ببشرتي ويوم الاثنين ببلش ريجيم متوازن
والاسبوع الجاي بسوي جلسة مساج ان شاء الله ..

 

[أم عزيـز]

رد: ۞ Җ ۞ Җ ⋘ تجمــع خـــاص للنفــــاس .. حياكم ⋙ Җ ۞ Җ ۞

ماخذيت مانع الدكتوره قالت يا لولب هرموني او جل او لصقه شكلي بجرب

الجل شلون طريقة استخدامه ووين يبيعيونه ؟
واللصقه وين احصلها ؟