مرحبا بنات
حابه افضفض لكم شوي عن حالتي بالدوام :eh_s(2):
انا شغلي نظام مكاتب ونظام اوبن يعني مجموعه مكاتب في منطقة وحده
وانا لاني خجولة ماحب الاختلاط بالشباب قعدت بمكتب مع زميلة لي تمينا سنين ويا بعض وهالشي خلا علاقتنا ببعض ومالنا شغل بباقي بنات الادارة او موظفينها يعني منعزلين عن اللي برا يوصل شغلنا نخلصه وخلاص ونسولف ويا بعض زميلتي دايما تتذمر ودها تطلع من المكتب تبي تقعد في المنطقة المفتوحه اللي كلها ريايل تقول عشان ابرز نفسي اني شغولة وانا معاج بالمكتب محد يدري عن جهدي وصاكين على عمرنا
طبعا كنت مستحمله نفسيتها الخايسه وانا لها صرت مثل الاخت اسمع مشاكلها كل يوم واواسيها واوجبها وكل مناسبة اخذ لها هديه ( هي ولا مرة اهدتني شي ) ومع ذلك غيورة حيل تغار مني وحاطتني منافسه لها بالعمل وماتحب الخير لي لو ياتني دورة تستخف لو حد مدحني ولعت بزيادة لو حد صادفها وقالها وصلي سلامي لفلانه اللي هي انا انقلب ويهها تغار بشكل فظيع اذتني وايد وهي معاي وكنت مستحمله لاني مابي اكون وحيده وعشان اتعايش معها مابي اسوي فضايح بالعمل وانا من النوع الهادي الساكت المؤدب لا عندي طولة لسان ولا قلة حيا غير انها تحسدني على كل شي رغم ربي منعم عليها من خيره عندها كل شي بالدنيا وتطالع ماعندي
تخيلو لو حتى فتحت لي شي ابي اكله خاصة ان دوامي طويل وابي اعوض طاقتي تنط علي ليش تاكلين بل اشكثر تاكلين ولا تمتنين ( متعقده هي من الوزن الزايد) واذا عزمت عليها ترفض وتجيب اكلها معاها ولا عمري قلت لها نفس ماتقول لي ( تتعمد تغثني) وان شربت شي قالت بل عليج اشكثر تشربين خلصتي كوب الماي !!! تدقق علي بشكل كبير وانا بس اضحك واعديها مرات انغث وألمح لها
ماقد بينت لها اني زعلت من كلامها مافي حد بالدنيا ممكن يستحمل شخصية نفس شخصيتها حسد وغيره ونفاق وحش بخلق الله
مع كل هذا كنت مضطره اتحملها واتحمل كل اذيتها لين جاء اليوم اللي قالت خلاص انا بنقل مكتبي وراحت نقلت مكتبها لمنطقة الريايل انا مستحيل اسوي نفسها وتميت بروحي بين اربع طوف صج طفشت ملييييت احس اني وحيده اروح الدوام بالغصب على كل اذيتها الا اني كنت احس بالحياة في العمل الحين بس اجي اسوي شغلي وارجع البيت والقهر ماعرف شنو يدور بالادارة ماعندي علاقة قوية بأحد اما هي مستانسه تعرف كل شي ومكتبها جنب المسؤل صار يعطيها الشغل وانا لا
صار اغلب وقتي فاضية وصار ينساني
غير انها صارت تشوه صورتي قدام المسؤل انها هي الشغولة وانا الكسولة حتى لواتصلت عليها ماتعطيني ويه ودها تسكر بسرعه تخاف اني بسألها ولا باخذ معلومة عن الشغل منها حسووووده بشكل فظيع لو شافتني بالممرات تتصدد
بصراحه مليت ومكتبي صرت ماحبه حاولت اغير شوي بالديزانين او احط اثاث جديد عشان شوي تنفتح نفسي لكن ماعرفت اختار شي
لو رن تلفوني حد من المراجعين افرح اخيرا بتكلم لاني اغلب الوقت صاااااااااامته
لدرجة اني احس اني اكسر الخاطر فيه موظفين شوي بعيدين عني بمكان بعيد واحد منهم لاحظ علي صار لما يتصل يسأل عن شغل يضحك ويقول احس من صوتج من زمان مو متكلمه ههههه لان فعلا اكون صامته اغلب الوقت
شي حلو اني افتكيت منها لكن بعد مدري ليش حسيت الدنيا فضت من حولي خاصة اني مو اجتماعيه ولا عندي ربع في الدوام ولا برا الدوام وبنفس الوقت احس اني خسرت وايد امور بالشغل صار الشغل لها والتدريب لها وصارت الكل في الكل
على فكرة قسمنا بس بنتين انا وهي ومسؤل فوقنا ماكو حد معانا
وفكرة اني انقل عندها مو حابة هالفكرة لان المكان مثل ماقلت كله ريايل مب حلوة في حق سمعتي اقعد وسطهم واني اتم بمكاني قهرررررررررر لاني صرت مهمشة ومتحطمه ودايما اتفشل لما حد من المراجعين يسأل عن شي واكون انا اخر من يعلم لان التواصل صار بينا مقطوع ماعرف شنو يسوون ولا حد يقول لي عن المستجدات
شنو اقتراحاتكم لاني والله مليت من حياتي وكرهت كل شي وكل يوم اصحى الصبح ودي ار جع انام واغيب عن الدوام وحاولت ادور شغل ثاني مالقيت حاولت انقل ادارة ثانيه كلها بنات رغم اني ماحب شخصياتهم شوي فالتات ومطيحين الميانه مع الموظفين وانا اكره اتعامل مع هالنوعيه من البنات الفالته بس شاسوي اقول لعل وعسى اتعرف على وحده وتصير لي صديقة
حابه افضفض لكم شوي عن حالتي بالدوام :eh_s(2):
انا شغلي نظام مكاتب ونظام اوبن يعني مجموعه مكاتب في منطقة وحده
وانا لاني خجولة ماحب الاختلاط بالشباب قعدت بمكتب مع زميلة لي تمينا سنين ويا بعض وهالشي خلا علاقتنا ببعض ومالنا شغل بباقي بنات الادارة او موظفينها يعني منعزلين عن اللي برا يوصل شغلنا نخلصه وخلاص ونسولف ويا بعض زميلتي دايما تتذمر ودها تطلع من المكتب تبي تقعد في المنطقة المفتوحه اللي كلها ريايل تقول عشان ابرز نفسي اني شغولة وانا معاج بالمكتب محد يدري عن جهدي وصاكين على عمرنا
طبعا كنت مستحمله نفسيتها الخايسه وانا لها صرت مثل الاخت اسمع مشاكلها كل يوم واواسيها واوجبها وكل مناسبة اخذ لها هديه ( هي ولا مرة اهدتني شي ) ومع ذلك غيورة حيل تغار مني وحاطتني منافسه لها بالعمل وماتحب الخير لي لو ياتني دورة تستخف لو حد مدحني ولعت بزيادة لو حد صادفها وقالها وصلي سلامي لفلانه اللي هي انا انقلب ويهها تغار بشكل فظيع اذتني وايد وهي معاي وكنت مستحمله لاني مابي اكون وحيده وعشان اتعايش معها مابي اسوي فضايح بالعمل وانا من النوع الهادي الساكت المؤدب لا عندي طولة لسان ولا قلة حيا غير انها تحسدني على كل شي رغم ربي منعم عليها من خيره عندها كل شي بالدنيا وتطالع ماعندي
تخيلو لو حتى فتحت لي شي ابي اكله خاصة ان دوامي طويل وابي اعوض طاقتي تنط علي ليش تاكلين بل اشكثر تاكلين ولا تمتنين ( متعقده هي من الوزن الزايد) واذا عزمت عليها ترفض وتجيب اكلها معاها ولا عمري قلت لها نفس ماتقول لي ( تتعمد تغثني) وان شربت شي قالت بل عليج اشكثر تشربين خلصتي كوب الماي !!! تدقق علي بشكل كبير وانا بس اضحك واعديها مرات انغث وألمح لها
ماقد بينت لها اني زعلت من كلامها مافي حد بالدنيا ممكن يستحمل شخصية نفس شخصيتها حسد وغيره ونفاق وحش بخلق الله
مع كل هذا كنت مضطره اتحملها واتحمل كل اذيتها لين جاء اليوم اللي قالت خلاص انا بنقل مكتبي وراحت نقلت مكتبها لمنطقة الريايل انا مستحيل اسوي نفسها وتميت بروحي بين اربع طوف صج طفشت ملييييت احس اني وحيده اروح الدوام بالغصب على كل اذيتها الا اني كنت احس بالحياة في العمل الحين بس اجي اسوي شغلي وارجع البيت والقهر ماعرف شنو يدور بالادارة ماعندي علاقة قوية بأحد اما هي مستانسه تعرف كل شي ومكتبها جنب المسؤل صار يعطيها الشغل وانا لا
صار اغلب وقتي فاضية وصار ينساني
غير انها صارت تشوه صورتي قدام المسؤل انها هي الشغولة وانا الكسولة حتى لواتصلت عليها ماتعطيني ويه ودها تسكر بسرعه تخاف اني بسألها ولا باخذ معلومة عن الشغل منها حسووووده بشكل فظيع لو شافتني بالممرات تتصدد
بصراحه مليت ومكتبي صرت ماحبه حاولت اغير شوي بالديزانين او احط اثاث جديد عشان شوي تنفتح نفسي لكن ماعرفت اختار شي
لو رن تلفوني حد من المراجعين افرح اخيرا بتكلم لاني اغلب الوقت صاااااااااامته
لدرجة اني احس اني اكسر الخاطر فيه موظفين شوي بعيدين عني بمكان بعيد واحد منهم لاحظ علي صار لما يتصل يسأل عن شغل يضحك ويقول احس من صوتج من زمان مو متكلمه ههههه لان فعلا اكون صامته اغلب الوقت
شي حلو اني افتكيت منها لكن بعد مدري ليش حسيت الدنيا فضت من حولي خاصة اني مو اجتماعيه ولا عندي ربع في الدوام ولا برا الدوام وبنفس الوقت احس اني خسرت وايد امور بالشغل صار الشغل لها والتدريب لها وصارت الكل في الكل
على فكرة قسمنا بس بنتين انا وهي ومسؤل فوقنا ماكو حد معانا
وفكرة اني انقل عندها مو حابة هالفكرة لان المكان مثل ماقلت كله ريايل مب حلوة في حق سمعتي اقعد وسطهم واني اتم بمكاني قهرررررررررر لاني صرت مهمشة ومتحطمه ودايما اتفشل لما حد من المراجعين يسأل عن شي واكون انا اخر من يعلم لان التواصل صار بينا مقطوع ماعرف شنو يسوون ولا حد يقول لي عن المستجدات
شنو اقتراحاتكم لاني والله مليت من حياتي وكرهت كل شي وكل يوم اصحى الصبح ودي ار جع انام واغيب عن الدوام وحاولت ادور شغل ثاني مالقيت حاولت انقل ادارة ثانيه كلها بنات رغم اني ماحب شخصياتهم شوي فالتات ومطيحين الميانه مع الموظفين وانا اكره اتعامل مع هالنوعيه من البنات الفالته بس شاسوي اقول لعل وعسى اتعرف على وحده وتصير لي صديقة
