** حــالتي تكســـــر الخاطر في الدوام **

[Ǻl.Ĝ₥ąl L3Ъẗў]

حبيبتي السوالف مع الموظفين في حدود العمل مطلوب ولا زم عشان ينجز العمل

انا ماقصد جذي

اقصد فيه نوعيه بنات وايد سوالفها تتعدى للحدود الشخصية تتكلم عن نفسها وحياتها ومشاكلها مع زوجها مع الموظف تمشي جنبه في المرات وضحكاتها عاليه تقوم تشوته بريولها وتسوي نفسها تمزح وهذا كله شفته قدام عيني مب كلام سمعته
قدام عيني يسوون حركات قليلة ادب وانا طالعه من الدوام تسوي روحها تعبت من الشنطه تقول لزميلها اللي يمشي معاها من اول الممر لنهايته حمود شوي امسك عني الشنطه !! وهو مثل الاهبل يشيل شنطتها !!!
حركات ثانية مثلا تقوله وااااو حلوة ريحة عطرك اليوم شنو اسم هالعطر !!
حركات مثل موظف يقول للموظفة اليوم فيج شي متغير ويهج متغير او عبايتج كشخه

وترا هالمكان يعتبر من انظف الاماكن يعني هالحركات على خفيف في اماكن اعبر واعبر

لا تقنعيني ان باماكن العمل المختلطة كل السوالف بين الموظفات والموظفين رسميه جدااااااا ...... طبيعي تصير تجاوزات وطبيعي تجي وحده تنشر كل بياناتها ويومياتها الشخصية للموظفين بحكم انه اخو او زميل عمل

انا ماحب هالشي ولاني رسمية ماسولف مع حد عن اموري الشخصية صار الكل واقف بعيد عني لما احتاج مساعدة مثل ترقية او شغل ااضافي او دورات محد يراكض لي حتى مسؤلي رغم ان له علاقات ويقدر يخلص لي اي شي ابيه بتلفون

انا معاج بهالنقطه لاني اعاني من زميلة عمل ريشه ومسببة لنا قلق انا وزميلاتي بالمكتب بخفتها وملاقتها وتجاوزها للادب مع باقي الزملا ، لدرجة انهم حسبالهم احنا نفسها لين وقفناهم عند حدهم وزفيناهم اشكره ، عاد من ذيج الجنسيه العربيه الكلكجيين وايد وماواطن اي زميل سواء كويتي او غيره انه يتجاوز ادبه معاي واوقفه عند حده بحدود الادب والاحترام وابني حواجز وحدود بينا ،
لان بعضهم يختبرون البنت ويشوفون ردت فعلها هالوقت ماكو شي اسمه سكتي ، مثال زميل عمل عندي كنت غايبه قبلها بيوم دقيت على مكتبه ابي شغله قالي اهلن ياعسل فينك الاداره مظلمه بدونج ـ رديت عليه قلت له : انت مثل اخوي صح قال ايوه قلت له لو سمحت مابي اسمع هالكلام مره ثانيه وياليت يكون في حدود للكلام بينا انا ماني مثل غيري من يومها واهو سيده معاي ويثمن كلامه قبل مايقوله
انا ماقلت لج صيري جذي بالعكس شخصيتج زينه وانصحج تتمين بمكانج لكن لاتسكتين عن حقج ابداً لان بالعمل بالذات القوي الي يثبت وجوده بالتميز بالعمل والطموح ، خلج طموحه وخلي علاقتج مباشره مع مسؤولج الي يقيمج واطلبي شغل زايد وطالبي بحقوقج لاتسكتين

موفقه :eh_s(7):

 

[الاستاذة نونو]

انا معاج بهالنقطه لاني اعاني من زميلة عمل ريشه ومسببة لنا قلق انا وزميلاتي بالمكتب بخفتها وملاقتها وتجاوزها للادب مع باقي الزملا ، لدرجة انهم حسبالهم احنا نفسها لين وقفناهم عند حدهم وزفيناهم اشكره ، عاد من ذيج الجنسيه العربيه الكلكجيين وايد وماواطن اي زميل سواء كويتي او غيره انه يتجاوز ادبه معاي واوقفه عند حده بحدود الادب والاحترام وابني حواجز وحدود بينا ،
لان بعضهم يختبرون البنت ويشوفون ردت فعلها هالوقت ماكو شي اسمه سكتي ، مثال زميل عمل عندي كنت غايبه قبلها بيوم دقيت على مكتبه ابي شغله قالي اهلن ياعسل فينك الاداره مظلمه بدونج ـ رديت عليه قلت له : انت مثل اخوي صح قال ايوه قلت له لو سمحت مابي اسمع هالكلام مره ثانيه وياليت يكون في حدود للكلام بينا انا ماني مثل غيري من يومها واهو سيده معاي ويثمن كلامه قبل مايقوله
انا ماقلت لج صيري جذي بالعكس شخصيتج زينه وانصحج تتمين بمكانج لكن لاتسكتين عن حقج ابداً لان بالعمل بالذات القوي الي يثبت وجوده بالتميز بالعمل والطموح ، خلج طموحه وخلي علاقتج مباشره مع مسؤولج الي يقيمج واطلبي شغل زايد وطالبي بحقوقج لاتسكتين

موفقه :eh_s(7):

مشكورة حبيبتي

وفعلا البنت الخفيفة واللي تطيح الميانه يحسبون الموظفين كل زميلاتها نفسها من نفس الطينه

وانا اكره ماعندي تطيح الميانه احب الكل رسمي بس اااااااخ ماعاد فيه حيا

والبنات يبون بهالطريقة والسوالف جذب انتباه الموظفين للمصلحة يا يعطونها دورات او يرقونها او اذا ترقوا يرفعونها معهم


ودي تتغير شخصيتي

 

[الاستاذة نونو]

مشكورات ياغاليات وايد استفدت من نصايحكم

وانا حابه ابادر واتحر ك من مكاني واخذ بنصايحكم بس فيه مشكلة صغيره

مثل ماقلت لكم البنت اللي كانت عندي راحت عند المسؤل حاطة مكتبها جنب مكتبه ( على فكرة اول مانقلت مكتبها عنده اتصل فيني المسؤل مسكين يقول والله مايصير احنا شباب ونغار على بناتنا شلون هي تنقل عندنا والمكان كله شباب ) يلمح لي انه مايبي بنات عنده بمكانه ( وهو صاج لان ماراح ياخذون راحتهم بالغشمره مع بعض وفيه عنصر نسائي موجود) بس بعد كلمته هاي خلتني اقعد بمكاني لانه مثل اللي حسسني انتي احسن منها انتي محترمة العادات والتقاليد وقاعدة بعيد عن الشباب

المهم الحين حتى لو بغيت امر عليه او اسأله بشغلة او اطلب شي خاص فيني ماقدر لانها قاطه اذنها عنده وبعد لما تشوفني بتشمت فيني بتقول ايه يوم شافتني رحت عنده صارت تبي ترز نفسها وهي سنين ماجات صوب مكتبه الحين بس يوم صرت عنده قامت تطلع لنا يعني بعد بيكون تفكيرها فيني شماته

حتى لو اي شي يخصني ابي اطلبه ماقدر اكلمه تلفون ولا اقدر حتى اروح له مكانه لان الاخت لاصقة فيه وهي غيورة وايد وعادي تتدخل في شي مايخصها يعني هي صارت تعرف اخباري وانا ماعرف ولا شي لا اخبارها ولا اخبار الشغل

تخيلوا لدرجة تتحاشى تكلمني تلفون عشان الشغل وتخلي السكرتاريه هم يكلموني تخاف اسألها عن اي شي يخص العمل واذا صادفتني ماتسلم وهي اللي كانت تحلف انها تحبني اكثر من اخت!!

 

[روح مووود]

لالالالالالالا والف لا انتي الصح انتي السنع والله انتى الصح ماعليييك
خلك على منتى عليييييييييه على فكره انا نفسك بالتمام ومعجبتنى شخصيتى
ماعلينا هذا جمال المراه الحييييييييييييييييييييييياء الى للأسف اختفى هاذى الأيام
حبيبتى انتى منتى غلط ابببببببد صدقينى وحمدلله فيه احد زييييييييييييك للحين حمدلله
اسجل اعجاببببى فيييييك ولا عليك من احد قوى شخصيتك وتكفين لا تفكرين تغيرين سترك ابد هذا هو الباقى

 

[futooosh]

الله يعطيج على قد نيتج

 

[Kocheko]

حبيبتي المشكلة فيج انتي مو بالناس او بالبنية
البنت لمن كانت عندج بالمكتب مو عاجبج و لمن اطلعت مكتب ثاني هم مو عاجبج
زميلتج حبت تثبت شخصيتها و عملها بالدوام و انتقلت و جاملتج بالبداية كثر ما تقدر لكنج انتي اللي تحبين العزلة
لاحظي بكلامج ان بنظرج كل البنات فالتات و يسولفون مع الرياييل ترا ما يجوز هالحجي و هذا عمل يعني فيه اخذ و عطا
الحل انج تنتقلين موليه من مكان دوامج الى قسم ثاني فيه بنات اكثر
سامحيني كلاماي قاسيب وياج بس انتي طلبتي اقتراحاتنا و آرائنا و انا هذا رايي
موفقة اختي

صحيح كلامها لازم تثبتين نفسج فالشغل وعلى فكره انتي تفرضين احترامج على الريايل ..

 

[الاستاذة نونو]

ادعوا لي تتسهل اموري ان شاء الله وانقل لشغل ثاني فيه رياضة وحركة او شكلي بهاجر بقدم على السفارات برا

 

[mrs.abk]

أختي أنا أهنيج .. لا تبيعين حياءج ابدا ابدا

لا تطلعين من المكتب .. راحتج وخصوصيتج لا تفرطين فيهم

بخصوص الشغل .. خلي لج يوميا دخلتين على مكتب المدير .. وحدة بداية الدوام تستلمين شغل يديد .. والثانية نص الدوام تشوفين الشغل كيف ماشي

استغلي نظام الايميل تواصلي مع الجميع بالايميل ..

محدثتج تشتغل في نظام مكاتب مفتوحة بس احنا كل القسم حريم ما عدا ريال واحد ومع ذلك سكوووووووووووووت ما نرمس كل شغلنا هدوء وايميلات نتواصل عن طريقها ..


لا تضحين بسمعتج وراحتج وتنخرطين في مجتمع الرياييل الوسخ .. لو قدامج هم محترمين والله من تعطينهم ظهرج وتمشين يعلقون على جسمج وملابسج ..

اقسم بالله إحنا في الامارات أغلبنا محجبات وبعبايات ساترة ومع ذلك الشباب يعلقون حتى على طريقة لفنا للشيلة بينهم وبين بعض ريلي وايد يحذرني من سوالف الرياييل اللي في الدوامات لأنه يسمع هواااايل

الله يخليج لا ترخصين نفسج بحجة الشغل ..

 

[شقرديه كويتيه]

لا ياقلبي انتي مافيج مشكله
انتي اصلا انثى نادر وجودج
الحين رفيجتج الي لصقت مكتبها بالمسؤول وبين الرياييل تاخذ وتعطي هي الايجابيه وانتي لان حياج صار نادر صرتي سلبيه
زمنا فعلا عجيب!!
انتي صح وهذا الصح ان الانثى تستحتي تقرب صوب ريال
وفعلا حداج الوقت تشتغلين في هالمكان
بس انا احيي فيج محافظتج ع الحياء النادر وع لبسج الشرعي الي بيكون ان شاء الله لله
نصيحتي لج عشان ماتخالفين فطرتج النظيفه الي للاسف البنات خلوها سلبيه هع فعلا عجب:
ان قدرتي تروحين لقسم كله بنات فخير وبركه وماعلى ربج عسير
وان ماقدرتي فهذي خلوه منحها الله لج تاخذين عليها اجر
احفظي القران ان خلصتي شغلج
صلي الضحى
تحدي نفسج بان كل يوم تقربين لله بتسبيح واستغفار اكثر
حبيبتي انتي الصح
وانتي الانثى
وانتي الحياء الي ندر بهالزمان
عسى الله يوفقج ويستر عليج ويرزقج من وافر خيرة يارب

هذا اللي كنت بقوله

 

[الاستاذة نونو]

mrs.abk

والله ياحيكم هالبيئة اللي انتي فيها هي صج بيئة عمل مب سوالف ومسخره وحركات حفر من تحت لتحت

بخصوص الريايل اكيد يسولفون عن البنات واذا الاغلبية كانوا من النوع اللي يطيح الميانه خلاص ياخذون فكرة ان الكل جذي

 

[برنسيسة2007]

بعض البنات ردهااااا جااااارح



حبيبتي انتي مو غلطااااانه ابداً
اولاً قبل ما اكلمج عن شغلج بالدوام بكلمج عن شغله غالباً البنت اللي مو متزوجه الوضيفه تصير كوكبها وعالمها حبيبتي حياة الحقيقيه مع اهلج الدوام كلها6ساعات وترجعين البيت!!!!!!>>لاتحطينه مصب اهتمامج

بس شغله وحده انتي كنتي متوقعه انها ممكن تاخذ كل شي عنج خاصه اذا ماعندها مصداقيه او ذمه وضمير وحاسه فيج هذا جو الحريم مايخافون الله

شيلي من بالج فكرة انج مسكينه لاحبيبتي انتي مو مسكينه انتي عزيتي نفسج ورزيتي نفسج في غرفه بروحج محشومه ومكرمه لامختلطه مع شباب ولامعرضه نفسج للاهانه علا فكره لاتوقعين الذكور الجريئه اللي محتكه فيهم يشوفونها احسن مايكون لاحبيبتي يشوفونها ولااااااااشي مع احترامي للسامعين

عموماً حطي في راسج هالنظريه اينما اكون فانا في صدر المجلس....
انتي بس تحتاجين المبادره
بادري بالشغل انتي اللي تفاني وقدمي لمرئوسج ..... وعطيها اووووم الطاف
وبخصوص انج ماتدرين شنو يدور بالاداره اذا امور شخصيه فلانه تزوجة وفلان تهاوش مع فلان وغيرها هذا مو مهم
اما اذا بخصوص الشغل
طالبي مديرج بنشرات لاي قرار يدور علجميع ويوقعون عليه او فاكس منه لج بخصوص اي شي يبيه
عموما انا مو عارفه طبيعة شغلج ولاكان بفيدج
لكن بادري وسوي انتي لاتنتظرين الشغل يجيج
مثلاً بداية الدوام مري مديرج بوفلان تامر علي شي
وانتي طالعه بوفلان في شغله ناقصه قبل ما اطلع وهكذا
ياريت توضحين طبيعة شغلج عشان نفيدج

 

[دلال و غلا]

فيه ردود ما لها داعي

حبيبتي انتي انسانه طبيعيه بنت و ملتزمه و محترمه و حيويه
هذي صفات البنت المحترمه و المتربيه واللي ترفع راس اهلها

بس ضايقتني كلمتج ( فكرت اقط النقاب ) عمر الستر و الالتزام باللبس المحتشم ما كان ازمه او شي يضايق ع اللي تلبسه

الغلط تدرين شنو انج تداومين بمكان ما يصلح لج و تداومين مع ناس عكسج تماما
اللي ممكن تسوينه تغيرين مكان شغلج او تأغلمين نفسج و لهي عمرج بالشغل و عندج كتب او اي شي والوقت بسرعه يمشي

موووووفقه*

 

[جوري قطرية]

الله يكون بعونج يااختي

 

[mrs.abk]

mrs.abk

والله ياحيكم هالبيئة اللي انتي فيها هي صج بيئة عمل مب سوالف ومسخره وحركات حفر من تحت لتحت

بخصوص الريايل اكيد يسولفون عن البنات واذا الاغلبية كانوا من النوع اللي يطيح الميانه خلاص ياخذون فكرة ان الكل جذي

هيه والله يا نونو .. الحمد لله أنعم علي بمكان فعلا ننتج ونشتغل فيه .. يسد الهدوء اللي تعودت عليه حتى نفسيتي ولله الحمد مرتاحة أسمع شكاوي البنات من دواماتهم واقول اللهم لك الحمد كما ينبغي لجلال وجهك وعظيم سلطانك