** تجمع الي مسوين جراحة الفك**

[RobyRose]

شلونكم بنات؟

الحمدلله الامور تسهلت..

رحت عيادة دسمان عند د. وائل الهزيم وشرحت له كل ظروفي واللي عانيته مع الدكتور الاولاني..

اخذني عند د. عبدالرحمن البديوي سوا لي قياسات وأشعة وكتب ملاحظات ويوم الاربعا ان شاء الله عندي موعد معاه يقول لي خطة العلاج

التقويم عندهم يكلف1500 .. طبعا شامل كل شي قبل وبعد الجراحة.. دفعة أولى 300 وشهريا 50 دينار
العيادة الاولانية كانوا طالبين 1600 حق تقويم قبل الجراحةوبعد الجراحة 600 دينار التوتال 2200 يعني بوق اشكره

وبالنسبة للعملية قال لي مبدئيا 5500 دينار بيسويها بالسيف مع د. عادل العصفور .. بس ان شاء الله اقدر آخذ منه خصم حلو..

الشغله اللي بطيتها بويه د. نائل و د. عبدالرحمن قلت لهم لا تستغلوني ماديا .. ترى والله انا انحشت من الدكتور الاولاني بسبة هالسالفة .. الحين قولوا لي شنو المصاريف كلها ... كانوا صريحين وعطوني كل شي ووعدوني ماراح تكون في مفاجآت مثل المفاجآت اللي كانت تطلع لي ببسمه كلينك.

حاليا حاسه نفسي متشجعه ومرتاحه .. وع الاسبوع الياي ان شاء الله ببلش التقويم ع أساس الخطة..

ومني للعملية الله يفرجها..

 

[الامل القريب]

RobyRose ربي يسهلك يارب ويكتبلك كل خيييير ياااارب ويعطيك النتيجه المرضيه ان شاءالله دكاترتك غنيين عن التعريف

 

[الامل القريب]

ربـــــــــــــي يتمم عليـــــــك غلاه

 

[الوفاا...]

السلام عليكم
كيف الحال ..

انا الحين صارلي خمس شهور من سويت العملية .. وللحين ويهي وارم حتى ذقني بعده .. [عمليتي كانت تقصير العلوي. و رفع السفلي بس]
للحين احس ضحكتي مو حلوه.
ابتسامتي قبل و بعد العملية حلوه مو قمي سمايل. المشكله كانت في ضحكتي.. وللحين بس اخف .. وشي ثاني شفتي العلويه احسها قصيره يعني ما اسكر حلجي بسهوله. وللحين حتى بعد العمليه. ماقدر اسكر. وايد متضايقه من هألشي ومخليني اندم اني تعبت نفسي و هلي 5 شهور و بدون ماشوف النتايج اللي تمنيتها. الحمدلله على كل حال. والحمدلله ان النتايج مو عكسيه او تشوه بعيد الشر.
متى يروح الور بشكل نهائي

وشي ثاني مابي الوع جبودكم. بس بقول و سامحوني خخخ. اللي مضايقني يوم آكل. الاكل يتجمع بين اخر ضرسين وخدودي !! مب وايد. شوي. هالشي عادي؟

واحس حلجي من داخل مبهدل. حتى اسناني ترتيبهم اخترب.

و يوم ابطل حلجي فكي من اليسار يطق. اسمع صوت طقه. مع ان قبل ما كان فيني هالشي. من امس بدا هالشي ؟؟؟!!

و شو الممنوعات من بعد العمليه لين سنه؟ من كل شي اكل الخ الخ

و من تعرف عن رياضات او حركات لازم نسويها عشان نقوي الفك؟
مره قريت ان وحده دكتورها قال لها بوزي كثر ماتقدرين عقب ابتسمي كثر ماتقدرين وكرري هالحركه!! صح جي؟

و كل وحده سوت العمليه قريب اقولها الحمدلله على السلامه.
والي بتسوي الله يقومج بالسلامه يا رب وشدي حيلج واصبري. بس لاتنسين ص?ه الاستخاره

 

[ملامح ناعمة]

بنات اشتقت لكم وايد
شخباركم ؟؟

انا صار لي خمس شهور من سويت العملية
والحين بسوي لي عملية ثانية واحس باحباط ماعرف شقول لكم

الدكتور ما سوا لي الفكين سوا لي الفك السفلي مع اني كنت احتاج الاثنين بس هو قال يمكن ما احتاج لان مايبي يكسر لي الفك العلوي
قال يمكن مع التقويم يتعدل

الحين ما تعدل والعملية الثانية قال بيشيل البراغي و بيسوي لي ترقيع من صوب الفك العلوي يعني يحط لي مثل العظم عشان تبرز الوجنات عندي وبيسوي رتوش على الذقن

خايفة مادري الي قاعد يسوية صح ولا شاف في خربطة من العملية الاولى ويبي يعدل عليها

 

[الامل القريب]

بنات اشتقت لكم وايد
شخباركم ؟؟

انا صار لي خمس شهور من سويت العملية
والحين بسوي لي عملية ثانية واحس باحباط ماعرف شقول لكم

الدكتور ما سوا لي الفكين سوا لي الفك السفلي مع اني كنت احتاج الاثنين بس هو قال يمكن ما احتاج لان مايبي يكسر لي الفك العلوي
قال يمكن مع التقويم يتعدل

الحين ما تعدل والعملية الثانية قال بيشيل البراغي و بيسوي لي ترقيع من صوب الفك العلوي يعني يحط لي مثل العظم عشان تبرز الوجنات عندي وبيسوي رتوش على الذقن

خايفة مادري الي قاعد يسوية صح ولا شاف في خربطة من العملية الاولى ويبي يعدل عليها

ياهلابك ياملامح عمليتك الثانيه تشبهني انا الحمدلله مسويه فكين ودقن وكل شيء تمام اللهم لك الحمد اولا واخيرا
بخصوص العمليه الثانيه بيحط لي عظم وجنه يمين ويسار وكمان طلبت يشيل الصفايح والعظم نصحني فيه من كلامه انه مناسب لانه قبل قال يمكن مانحتاج بس بعد العمليه احتجت:eh_s(10): الحمدلله على كل شيء وربي يسهل لي ولك ولجمييييع البنات:yaaaaaarb:

 

[الامل القريب]

الوفاا
ايييوه صحيح ان تسوين تبويز جدااا يفيد مجربه وكلامهم صح اللي قالوا تمرين التبويز والابتسامه انا للحين اسويها. تحسين عضلات وجهك تتأقلم. اول يصير يشد ومع الوقت تحسين الشد يخف انصحك فيها طبعآ من تجارب البنات استفدت كثيير

 

[ملامح ناعمة]

ياهلابك ياملامح عمليتك الثانيه تشبهني انا الحمدلله مسويه فكين ودقن وكل شيء تمام اللهم لك الحمد اولا واخيرا
بخصوص العمليه الثانيه بيحط لي عظم وجنه يمين ويسار وكمان طلبت يشيل الصفايح والعظم نصحني فيه من كلامه انه مناسب لانه قبل قال يمكن مانحتاج بس بعد العمليه احتجت:eh_s(10): الحمدلله على كل شيء وربي يسهل لي ولك ولجمييييع البنات:yaaaaaarb:

زين طمنتيني انتي الحين شتحسين بعد ماحط لج الصفايح

وشلون كانت العملية الثانية احسها اسهل من الاولى

:eh_s(17)::eh_s(17)::eh_s(17):

 

[الوفاا...]

الامل االقريب
مشكورة حبيبتي. انزين كيف اسوي التمرين بالضبط. وشو التمارين او الاشياء الثانية اللي استفدتي منها وعرفتيها

 

[الغاليا 88]

السلام عليكم جميعا...

حبيت اعرفكم علا نفسي بالاول انا عمري 23 سنه والصراحه منزمان المفروض اسوي عمليه الفك العلوي عندي بارز... لكن ظروف دراستي ماعندي مجال الا السنه اليايه (بعد التخرج) ان شالله

لكن حبيت اسآلكم حبايبي منو هو دكتور بيتر؟ ووين يشتغل؟ مستشفي او عياده؟ الله يخليكم اللي تعرف تقولي...

حبيت بعد اسال اللي عندهم خبره... انا رحت ل3 دكاتره تقويم وكلهم قالو انا مايحتاجلي تقويم لان اسناني مو طالعين بس الفك العلوي ف بهالحاله لازم احط تقويم قبل العمليه؟؟؟؟

شكرا للمساعده مقدماااا.

 

[الامل القريب]

زين طمنتيني انتي الحين شتحسين بعد ماحط لج الصفايح

وشلون كانت العملية الثانية احسها اسهل من الاولى

:eh_s(17)::eh_s(17)::eh_s(17):

ماحس فيهم بس لما المسهم او اضغط عليهم احس فيهم. فضلت انه يشيلهم بالعمليه الثانيه ان شاء الله ايوه قالي دكتوري انها اسهل من الاولى. ان شاء الله :eh_s(7):

 

[الامل القريب]

الامل االقريب
مشكورة حبيبتي. انزين كيف اسوي التمرين بالضبط. وشو التمارين او الاشياء الثانية اللي استفدتي منها وعرفتيها

التمرين
انه تبوزين اقوى شيء. وتبتسمين اقووووى شيء اسويها كل مااتذكرت يعني باليوم 5مرات واللي استفد ت منه كثير طريقة تمرين الفك قالي اياها الدكتور تميلين فكك السفلي يمين ويسار قبل لاتسوين هالتمرين سوي افتحي وسكري فمك وابدي تمرين يمين يسار تقديم السفلي يعني حركيه عشان عضلات تتأقلم هذا استفدت منه كثير:eh_s(15): سويه بس لاتضغطين ع فكك ابدي بشويش. مو تتحمسين وبعدين تدعين علي

 

[Hope..]

السلام عليكم جميعا...

حبيت اعرفكم علا نفسي بالاول انا عمري 23 سنه والصراحه منزمان المفروض اسوي عمليه الفك العلوي عندي بارز... لكن ظروف دراستي ماعندي مجال الا السنه اليايه (بعد التخرج) ان شالله

لكن حبيت اسآلكم حبايبي منو هو دكتور بيتر؟ ووين يشتغل؟ مستشفي او عياده؟ الله يخليكم اللي تعرف تقولي...

حبيت بعد اسال اللي عندهم خبره... انا رحت ل3 دكاتره تقويم وكلهم قالو انا مايحتاجلي تقويم لان اسناني مو طالعين بس الفك العلوي ف بهالحاله لازم احط تقويم قبل العمليه؟؟؟؟

شكرا للمساعده مقدماااا.

وعليكم السلام
ايه ضروري التقويم قبل الجراحه
يمديك الحين تحطينه والسنه الجايه بعد ماتتخرجين تسوين العملية
بالتوفيق يارب

 

[Hope..]

بنات اشتقت لكم وايد
شخباركم ؟؟

انا صار لي خمس شهور من سويت العملية
والحين بسوي لي عملية ثانية واحس باحباط ماعرف شقول لكم

الدكتور ما سوا لي الفكين سوا لي الفك السفلي مع اني كنت احتاج الاثنين بس هو قال يمكن ما احتاج لان مايبي يكسر لي الفك العلوي
قال يمكن مع التقويم يتعدل

الحين ما تعدل والعملية الثانية قال بيشيل البراغي و بيسوي لي ترقيع من صوب الفك العلوي يعني يحط لي مثل العظم عشان تبرز الوجنات عندي وبيسوي رتوش على الذقن

خايفة مادري الي قاعد يسوية صح ولا شاف في خربطة من العملية الاولى ويبي يعدل عليها

اهلا حبيبتي
اول شي الحمدلله على السلامه لو انها متاخره :d
انتي وش تقييمك لنتيجة ؟ عاجبتك ولاتحسين لسا فيه مشكله
عشان تطمنين اكثر تقدرين تستشيرين اي دكتور ثاني
بالتوفيق يارب

 

[الغاليا 88]

مشكوره علا الرد حبيبتي... انا اسناني كلش مو بارزين ف تتوقعين سنه مو وايد؟؟؟

وعندج فكره عن دكتور متخصص جراحه فك اسمه بيتر؟؟؟؟

 

[Hope..]

مشكوره علا الرد حبيبتي... انا اسناني كلش مو بارزين ف تتوقعين سنه مو وايد؟؟؟

وعندج فكره عن دكتور متخصص جراحه فك اسمه بيتر؟؟؟؟

ماودي احطمك بس ممكن تحتاجين اكثر من سنة بالتقويم ف ابدي من الحين احسن لك

والله كني سمعت فيه هنا
شيكي ع القائمه الحديديه يمكن بنات مسوين معاه وراسليهم

 

[الوفاا...]

بنات فكي. يطقطق. جهة وحده بس. شسوي

 

[RobyRose]

السلام عليكم

شلونكم بنات؟؟

الله يوفقكم كلكم وان شاء الله ترتاحون بعد العملية

انا رحت الاربعاء اللي فات حق عيدة دسمان عند د. عبدالرحمن عساس يركب لي الحديد ع الضروس الي ورى ويعطيني ورقة للاسنان اللي محتاجة اخلعهم لانه قلت له بشيلهم بالمستوصف

واهو قاعد يحط الحدايد حس صوب اليسار الضرس اللي قبل ضرس العقل قاعد يتحرك

راح نادى دكتور ثاني .. حط له شغله بين اللثه والضرس وانا صرخت من الالم

طلع الله يسلمكم انه جذور الضرس صغيرة ومرتخي .. وقالوا لي انه ما راح يقدرون يحطون التقويم لانه فيها مجازفة ويمكن اسناني اطيح

بعدها د. عبدالرحمن قعد معاي وقال لي ساعات في بكتيريا ممكن تصير باللثه تضعف الاسنان مو بسبة انج ما تنظفين او انه فيه عندج تسوس بس سبحان الله في ناس لثتهم تتعب من هالبكتيريا .. فلازم يشوفج اول دكتور لثه وبعدها نقرر اذا تقدرين تسوين التقويم او لا

طبعا انا قعدت اضحك قلت له دكتور شكله مو مكتوب لي اسوي هالعملية لانه كل مره تطلع لي سالفة .. بس غريبه شلون باجي الدكاترة ما لاحظوا؟! ولا حتى مبين بالاشعة .. اصلا انا عمره ما ياني الم ذاك الصوب والا شي نهائيا بس توه لما حطيتوا شغله داخل حسيت فيه..

قال وهذا اللي مستغرب منه بعد اهو.. فنطرنا دكتور نائل وعطاني موعد بعد اسبوعين قال تعالي اشوف لثتج لانه توه انا مسويه تنظيف ولازم اللثة تاخذ راحتها بعده ..

انا طلعت من العيادة حدي خايفة ,, اخاف لثتي فيها شي جايد ..

بنطر والله كريم

 

[Esraa.a]

السلام عليكم جميعا



بنات آسفه قريت اللي فاتني عالسريع ما انتبهت إذا فيه وحده سائلتني




في أي سؤال يا حلوات ؟؟؟؟

 

[Esraa.a]

السلام عليكم

شلونكم بنات؟؟

الله يوفقكم كلكم وان شاء الله ترتاحون بعد العملية

انا رحت الاربعاء اللي فات حق عيدة دسمان عند د. عبدالرحمن عساس يركب لي الحديد ع الضروس الي ورى ويعطيني ورقة للاسنان اللي محتاجة اخلعهم لانه قلت له بشيلهم بالمستوصف

واهو قاعد يحط الحدايد حس صوب اليسار الضرس اللي قبل ضرس العقل قاعد يتحرك

راح نادى دكتور ثاني .. حط له شغله بين اللثه والضرس وانا صرخت من الالم

طلع الله يسلمكم انه جذور الضرس صغيرة ومرتخي .. وقالوا لي انه ما راح يقدرون يحطون التقويم لانه فيها مجازفة ويمكن اسناني اطيح

بعدها د. عبدالرحمن قعد معاي وقال لي ساعات في بكتيريا ممكن تصير باللثه تضعف الاسنان مو بسبة انج ما تنظفين او انه فيه عندج تسوس بس سبحان الله في ناس لثتهم تتعب من هالبكتيريا .. فلازم يشوفج اول دكتور لثه وبعدها نقرر اذا تقدرين تسوين التقويم او لا

طبعا انا قعدت اضحك قلت له دكتور شكله مو مكتوب لي اسوي هالعملية لانه كل مره تطلع لي سالفة .. بس غريبه شلون باجي الدكاترة ما لاحظوا؟! ولا حتى مبين بالاشعة .. اصلا انا عمره ما ياني الم ذاك الصوب والا شي نهائيا بس توه لما حطيتوا شغله داخل حسيت فيه..

قال وهذا اللي مستغرب منه بعد اهو.. فنطرنا دكتور نائل وعطاني موعد بعد اسبوعين قال تعالي اشوف لثتج لانه توه انا مسويه تنظيف ولازم اللثة تاخذ راحتها بعده ..

انا طلعت من العيادة حدي خايفة ,, اخاف لثتي فيها شي جايد ..

بنطر والله كريم

سبحان الله لعلها خير >> ما تدرين وين الخيره



صلي صلاة الاستخارة مره قبل لا تروحين موعدج عند د.نائل بعد اسبوعين >> وان شاء الله إذا العمليه فيها خيره لج الله يسخرها .. وإذا فيها شر لج الله يبعدها عنج يااااااااااارب



وان شااااء الله مافيج إالا العافبه على موضوع اللثة :eh_s(17):