مساءكم ورررد ..
سوري امس ماسجلت عنايتي ابدااا >>بس حصل ظرف طارئ بالعايلة واضطريت اروح لاهلي >>اختي تعبت وارتفع عندها الضغط >>الله يسامح اللي كان السبب ومارديت الامتاخرة ومو رايقة لاحد ونمت ..
عنايتي كانت خفيفة ترطيب للجسم وغسولات للفيس +اليدين +القدمين للركب مع خلطات الترطيب مالتهم ..
ايلان حياتووو مشكوورة ي قلبي من ذوووقك
روح غلاها ماطلبتي شيء من عيووني اكتب الاغراض كلللهم .>>للامانه انا كنت اعتني من الاجازة الصيفية بس رمضان والعيد قطعت لاننا عيدنا عند جدي والجو جاااف مووت انقلبت بشكل قوووي بس الحمدلله عناية هالشهر ردت لي شكلي الاول ..
الفيس الحمدلله ماعندي اي مشاكل فقط جفاف واستخدمت كريم سيتافيل روووعه روووعه وناسبني حييل احطه عند النوم 3 مرات بالاسبوع ..
هالات خفيفة حييل لما انظم نووومي تتعدل >>وانا عندي املاح بالكلى هالشيء يجبرني اشرب ماي طوول اليوم >>اقل شيء لترين ونص الى 3 .
جسمي استخدم خلطة الزيوت مضاف لها اسكينول مذوب فيه قرص فيتامين سي اوقات اضيف عصير ليمون واوقات لا >>ي بنات جربووها رووعه احس لها مفعول التقشير كل ماافرك بالليفة تطلع لي بلاوي حتى لو متسبحة امس >>بس انا قريت ماينفع كل يووم استخدامها لانها قووية شوي عالجسم ..
صابونة البابايا اي نووع احب تكون اول خطوة بالاستحمام تنظف الجسم عددددل من الخلطات والزيوت ..
صابونية كريستين روووعه هذا الشيء اللي ما استغني عنها حتى لو بالسفرر ..
سنفرة الكيكة سويتها مرتين يعني صارلي تقريبا 8 اشهر عليها حلووة للشد والسيلوليت والخطوط >>السيلوليت عندي خفيف جدااااا واختفى معاها والخطوط خفوووا حيييييل معها ..
طبعا ماسك السدر وحليب البودر حلووو ومقشرر للجسم بس بشرتي جافه واحس يسبب لي جفاف اكثر >>اللي بشرتها دهنية بينفعها ..
الحمام المغربي كل اسبوعين مرة >>بالماسكات والسنفرة ..
اليدين خلطة دللع وان شاء الله اعتمدها على طوول بديل للصابون روووعه وكل يوم اسنفرها بالقهوة المطبوخة وارطبها باي مرطب >>عندي واحد بالشنطة وواحد عالسرير واحد بالصالة جنب التي في وارطب يديني تقريبا 5 الى 7 مرات باليوووم وهالشيء سااااعد بقووة على تفتيحها ..
خلطة ارام للرجول >>قلوب من هنا للكويت لمسووكة وهيبة عن جد رووعه كان عندي تشققات قوية بالكعب بس الحمدلله خفوا بنسبة 70% ..
الشفايف سنفرة انجل كات وووووبس >>مع اي مرطب يناسبج انا مسوية طريقة المرتاحة وزايدة عليها زبدة كاكاو وترطيبها رووووعه ..
الشعر >>هذا لوحدة حكاية لانه قبل تقريبا سنة وزيادة صبغت اسوود وشعري من يووومه محتررق يابنات والله كانه مقشة لا استشوار ينفع فيه ولاشيء ..
طبعا ركزت عالترطيب >>زيوت قبل الشاور بساعتين على الاقل +ماسك او بلسم بس الماسك افضل اثناء الشاور وبعد مايجف احط سيروم واسرررحه واحيانا كريم تسريح من فاتيكا وكانت النتيجة ملحووظة شوووي بس مارجع شعري الاولي الا من الله ثم السدر والحناء والله كنزز للشعر صرت احطه مرة بالاسبوع او 3 مرات بالشهر واغسله بماي بس واي بلسم او حمام زيت وثاني يوم احط زيت واغسله عادي بالشامبو ..
والحمدلله رد شعري مثل الاول واحسن حيوووي وفيه لمعه شعري بطبيعته كيرلي ناعم يعني على اي لف يتشكل .>وطلقت الصبغات بالثلاث ماوراها الا البلاوي
صج بنات باركوولي نحف 2 كيلو نص صار وزني 59 >>الحمدلله التخفيف جاب نتيجة للعلم انا مقاطعة الرز والمكرووونة تماماااااااا >>استبدلهم بخبز بر او اسوي لي خبز بالبيت بالبر ولما اسهر مااكل اي شيء انام وانا جوووعانه بس اعتمد عالعصاير والماي ..
وووبس اتمنى شرحت بالشكل المفهوووم واي سوال حاضرين للحلوووين ..
دعواتكم لاختي ربي يشفيها ويسهل امووورها
لي باك ان شاء الله بعناية اليوم :eh_s(7):
