بغيت شوركم لبنت الإمارات ...

[مريم الجسمي]

السلام عليكم ورحمة الله وبركاته

إشحالكم ؟!! عساكم بخير وعافيه ...

أنا حبيت أتكلم عن نفسي , عندي مشكله ومنقهره منها وايد .. ومب عارفه شو أسوي ..

مشكلتي الله يسلمكم عن ريلي .. صارله فتره كلا يسهر برع البيت ومايرد إلا الساعه 6 الفير .. وكل يوم ضرابه وياه ... عاملته بإسلوب حلو دلعته كالعاده قلت يمكن يودر هالطبع ( السهر برع البيت ) بس أشوفه قام يزيد في سهراته .. والمشكله يوم بيي يطلع يكشخ آخر كشخه من دخون ونعال يديد وغتره وعطور ويتحلق ولازم يوميا يغسل موتره .. ويوم أسأله وين ساير يقول لي عند ربعي .. هو كان وايد ملتزم مايسمع أغاني ومستحيل يودر صلاته ... ألحين كل مايدخل علي أسمعه يغني أغنية , ومب ملتزم مول بصلاته .. عادي مثلاً مايصلي العصر يوم يكون مشغول مايرد يقضيها ... أنا تعبت مابي أتكلم مع أهلي ولا أهله عشان كرامته .. أنا صارلي سنه معرسه وكنت حامل وسقطت في الشهر الخامس من خمس شهور .. وكنت اتعالج عشان أحمل مره ثانيه .. بس الحين من كمن يوم يقول لي ربيعي قال لي لاتخلي حرمتك تاخذ حبوب وجذي عشان الحمل ..مب زين لعها خل كل شي بإيد رب العالمين ..
أحس كلامه صاير غريب :eh_s(2): ... وصارلنا قريب الشهر ماصار جماع بينا .. ويوم أيي أكلمه بهالمواضيع كلا يزعل ويصارخ ويقول لي عايبنج الوضع تمي .. مب عايبنج برايج ...:eh_s(11):

أنا وايد أدلعه كل يوم أسويله :friends:حركات وأتغاضى عن الأمور إلي يسويها ..
وأخليه يكون ملك:fun: يوم يكون في البيت .. حتى اخوانه وخواته يقولون لي ليش ادلعينه كل هالدلع ...:eh_s(14):

ماعرف شو أسوي ساعدوني .. مابي اخسر بيتي ..

​

 

[ناتشوو]

رفع

 

[مريم الجسمي]

ولا رد

 

[حشمه]

الله يعينج اختي شوفي كل وحده فينها لها راي واسلوب حياتنه غير عنج

انتي شنو يناسبج سويه بس لو تبين النصيحه موضوع السهر خليه لاتسالينه

ولاتعاتبينه يمل ان شالله ويقلل لانج لو كلمتيه بياخذ الموضوع عناد

موضوع الدوانيه والربع شي اساسي عند الرياييل انتي حقريه وشغلي نفسج بالبيت

واما موضوع الحمل وراي صديقه قولي له هالموضوع يخصنه مايخص احد ثاني

وموضوع الجماع حاولي ماتبينين له ولاتذكرينه انتي لبسي وكشخي لاتحسسينه

هالشي عشان الحمال هالشيي ايي بمزاجه مايحب الريال يحس انه مجبور

 

[شموخي اتعبهم]

اااب ااب اااب لعيونج

 

[بــنـ زايد ــت]

حبيبتي ..

الله يعيينج ان شاء الله ..


الله يصلح الأحوال من بينكم ..

وتمي استغفري واايد وادعي الله يهدييه ..

 

[Mrs.Q]

انتي زوجته وانتي تعرفين بحدسج اذا وراه شي ولا بلوة او لا
واذا حدسج كان يقولج شي صدقيه ولاتدقرينه وتطمنين نفسج وبس
انقذي عمرج وزواجج قبل لايتطور الموضوع!

 

[مريم الجسمي]

يزاكن الله خير .. مثل ماقلتو بسوي الي قلتو لي عليه

 

[القصيدة]

السلام عليكم و رحمة الله و بركاته

حياتي اجلسي مع زوجك و صارحيه باللي في خاطرك ( السهر + الحمل ) و اسمعي وجهة نظره

أكثري من الدعاء انو الله يرده لك رداً جميلاً و يوفق بينكم

الله يهديه و يسخره لك يا الغالية :eh_s(17):​

 

[شادن33]

هلا بنت الامارااات الغاليه
حبيبتي ريلي انتكس 180 درجه كان ملتزم ومحافظ ع الصلاه بعدين صار يسمع أغاني !!!
هل هذا من رفقه السوء يعني بهالشكل ماثرين عليه
خلي الدلع الحين شكله ماياب فايده مع ريلج وصار يتغلى
كوني حازمه معاه شنو يعني اذا عاجبج عاجبج واذا مب عاجب كيفج هذا موكلام ريال شاري حرمته
يدور وين المشكله ويحاول يحلها !!!

شوفي من ناحيه العلاقه يمكن يعاني من مشكله او سالفه الانجاب موترته وخلاه يكره هالسالفه اعتقد
قعدي معاه بسهره مؤ رومانسيه سهره تفاهم وحوار شوفي شنو اللي قالبه فوق حدر جذي
اذا يبي يسهر اوكيه بس ما يتأخر الفجر وااايد الصراحه
وسالفه الحمال خليه الحين شوفي نفسيه زوجج بالاول وبالهداوه راح تنحل مشكلتج
والله يسر امووورج

 

[Tom ♥ Jerry]

,

اب اب

 

[Omhamood]

تبين راي اوقفي وقفه سنعه بوجه وقفيه عند حده

انتي الحين بدايه زواجج بينيله انج قويه وموهينه وماراح تسكتين عن حقج

كلميه اول شي بطيب اذا ماتعدل هدديه انج بتوصلين الموضوع حق اهلج خليه يخاف

ويحسب احسابج شنو سهر للفجر ومايعطيج حقج الشرعيً ومايصلي هذا الوضع كلش ماينسكت عليه

لانج اذا سكتي راح يتمادي ووايد عليج وراح يستقوي بزياده

ترا انتي موبس قاعد تحلين مشكله بزواجكم لا انتي الحين قاعد تضبطين

حياتج لي جدام عشان لايستهين فيج خلج قويه ياقلبي لان حياتج الزوجيه بخطر

بسً ياقلبي نصيحه اذا اهلج مومن النوع الي ينشد الظهر فيه سوري ع هالكلمه يعني لاتغامرين حلي الامر بشكل ودي يعني خلي

واحد من اهلج يهزه بالمكلام هزه قويه والله المستعان

 

[بكيزة هانم]

فاتحي اهله هو بالموضوع مو اهلج
لان بيكون يهمهم سمعة ولدهم
والله يكتبلج الخيره

 

[مريم الجسمي]

ماتقصرون والله الرب لاهانكم ..
اشوف الوضع شوي احسن عن قبل ... الحمدلله

 

[mannawy]

يا هلا وغلا ببنت الجواد والناس الطيبه
بعد قلبي حاولي تذكرينه بعقاب تارك الصلاة يعني مثلا حطيله ورقه على المنظره فيها عقاب تارك الصلاة وفوائد الاستغفار واثرها عالنفس والحياة. والله يسخرله لج

 

[مريم الجسمي]

ان شاء الله الغاليه
الله يجزيكن خير والله

 

[شووواقه]

الله يهديه ويرجعه لك
خبري اهله بينك وبين ابوه او امه
واصبري الصبر مفتاح الفرج

 

[Um Tuki]

حبيبتي كثرت الركضة ور.ى الريال اتطفشه
تعدلي و تزقرتي حق روحج
و لا تهتمين فيه و راقبي من بعيد لي بعيد
خليه يحس بأهمالج
خليه يركض وراج و انتي تغلي

مرة لبسي شورت جينز مع بلوزه ناعمه
مرة جلابية
مرة بجامه
مرة شورت و تي شيرت كيوت على هلو كيتي مثلا

نوعي

غيري ستايل شعرج و قذلتج

ش
شديه للبيت

عطري البيت باشياء ماتعود عليها

غيري عن البخور و العود
جربي المبخر الصيني اللي تنح تحته شمعه بعطنور رومانسية

لها تأثير ترى

دااااااايما ابتسمي خليه يستغرب من برودج

 

[كريستال]

الله يهديه ويصلح احوالكم عليج بالدعاء والاستغفار والصدقه وقيام الليل

 

[امـ خــزامـى]

تبين راي اوقفي وقفه سنعه بوجه وقفيه عند حده

انتي الحين بدايه زواجج بينيله انج قويه وموهينه وماراح تسكتين عن حقج

كلميه اول شي بطيب اذا ماتعدل هدديه انج بتوصلين الموضوع حق اهلج خليه يخاف

ويحسب احسابج شنو سهر للفجر ومايعطيج حقج الشرعيً ومايصلي هذا الوضع كلش ماينسكت عليه

لانج اذا سكتي راح يتمادي ووايد عليج وراح يستقوي بزياده

ترا انتي موبس قاعد تحلين مشكله بزواجكم لا انتي الحين قاعد تضبطين

حياتج لي جدام عشان لايستهين فيج خلج قويه ياقلبي لان حياتج الزوجيه بخطر

بسً ياقلبي نصيحه اذا اهلج مومن النوع الي ينشد الظهر فيه سوري ع هالكلمه يعني لاتغامرين حلي الامر بشكل ودي يعني خلي

واحد من اهلج يهزه بالمكلام هزه قويه والله المستعان

:rerrerek:

وبعد لو تقولين لخالتك ام زوجك ان متغير وماعاد يهتم لصلاته وسهر الى الفجر
خليها تكلمه وتنصحه وتدعيله :eh_s(2):

وسالفة الحمل اجليها شوي لما تتعدل ظروفكم


الله يسخره لك ويهديه ويوفقكم