إجهاض و أجازه ؟؟ ساعدوني

[ديانا سبنسر]

حتى لوماعطوج اجازة لاتداومين واتني تعبانة الاجهاض ترا العن من الولادة ونفاس الاجهاض ستين يوم مو اربعين يوم يعني ارتاحي ترا انا مومدرسة بس حبيت انصحج والله يعوضج

 

[mi corazon]

سلامات والله يعوضج انشالله
اهو حسب دكتورج شنو يكتبلج و يحدد
بس اذا ما فيها ازعاج ممكن اعرف سبب الاجهاض؟ سامحيني اختي بس لني حامل الحين من عقب سنين و على طول اووسوس و اخاف و اسنغربت انه بالخامس عبااي عقب الثالث خلاص اتطمن و ارتاح

الله يسلمج حبوبه

والله لي الحين ما عرفوا السبب

مالهم خلق فا يقولون لازم ربط بعد الثالث

غلطتي كانت اني ماكنت اسوي سونار داخلي اجيك على عنق الرحم

لانه لو مافيه شي فا لازم اسوي تحاليل معينه لازم كل حامل او مقبله عالمحل تسويها اللي أهي

تحليل تخثر الدم لانه لو ماكانت سيولة الدم مناسبه مايو صل الدم للمشيمه بالتالي يموت البيبي

تحليل الكروموسومات لانه لو كان في خلل بالكروموسومات يسبب تشوه واجهاض

تحليل الاجسام المضاده ... احيانا جسم الام يكون مضادات تعامل البيبي كانه فيروس فا الاجسام المضاده اذا كانت نشطه راح تكافحه وتنزله

تحليل التكسوبلازما للي يربون حيوانات

تحليل الغده


حبيبتي اهم شي حاولي ماتصيبج التهابات ولو حاشتج روحي عالجيها


وبها لفتره اهتمي باكلج وألفوليك أسيد والفيتامينات والكالسيوم وتعرضي للشمس علشان فيتامين دال

اتمنى ما اكون لخبطتج بقرقتي

 

[mi corazon]

تقدرين تاخذين اسبوعين بس



و مايحسبون من ايام المرضي

:eh_s(7):

حتى لوماعطوج اجازة لاتداومين واتني تعبانة الاجهاض ترا العن من الولادة ونفاس الاجهاض ستين يوم مو اربعين يوم يعني ارتاحي ترا انا مومدرسة بس حبيت انصحج والله يعوضج

اي والله قاعده افكر بهالشي

 

[mi corazon]

السلام عليكم

سبحان الله

بنات الموضوع تكررمعاي مره ثانيه

اجهضت هالمره بالرابع

وكنت كله اخذ مرضيات من الخاص ع اسبوعين اسبوعين تقريبا شهرين غياب مرضي

وكنت مسويه مجلس طبي وموعدي عقب الاجازه والكل قال لي ان حالتي تحتاج

الحين اجهضت .. وعطوني اسبوعين اجازه واصلا ما تنحسب لان اجهضت يوم الخميس اخر يوم دوامات

يعني ١٥ يوم اهي عطلة ١٥

الحين انا تعبااااانه اكثر من المره اللي طافت صارلي اسبوع من اجهضت بس حايشني صداع ويتني صخونه وحاليا من اقوم اطيح ومادري شالسبب

المهمالحين شتشورون علي

اقدر اروح للمجلس الطبي اقول لهم يسوون لي الغيابات اللي طافت مجلس طبيعلشان اقدر اخذ اسبوعين مرضي

ولا شسوي صج مو حاسه اني اقدر اداوم وادرس واجابلوانا بعدي بالاربعين

خصوصا انهم لما داومت مره بين اجازاتي وانا حامل مارحموني وعطوني صفوف يالله انا رفضت ولا جان مجهضه صج يومها

شوروا علي

 

[أميره بلا قصور]

الله يعوضج ياحياتي حالتج مقاربه لحالة وحده اعرفها والحمدلله ربي رزقها بعد اجهاضات اذا تبين دكتوره زينه لهالحاله كلميني خاص

مايرحمون هالوزاره مالج الا المرضيات لين تطيبين

المجلس يمكن يحسبون لج ويمكن لا شوفيلج واسطه

 

[mi corazon]

الله يعوضج ياحياتي حالتج مقاربه لحالة وحده اعرفها والحمدلله ربي رزقها بعد اجهاضات اذا تبين دكتوره زينه لهالحاله كلميني خاص

مايرحمون هالوزاره مالج الا المرضيات لين تطيبين

المجلس يمكن يحسبون لج ويمكن لا شوفيلج واسطه

شكله ماكو الا جذي

يسلمو حبيبتي