اشلون انهي العلاقة؟

[orchidia]

بداية أحب أرد على الأخت شوشا ردج مو حل للمشكلة

أستغرب من بعض البنات هني الوحدة تطرح المشكلة تبي الحل وهي للحين تناقشها في سبب المشكلة

يبا ماعندج حل ادعي لها واطلعي

قل خيراً أو اصمت

أختي

أنا بأكلمج وانا بصفج

انتي اعترفتي بالغلط وبنفسج تبين التوبة

اطلعي من حياته واتركيه مو لازم تغيرين خطج فيه شي اسمه بلوك بالواتس

وفيه شي اسمه تجاهل

اتركيه وصديه انا مقدرة موقفج تدرين ليش

لآنج بديتي مشكلتج وكأنج تشكين توقف زواجج للحين

حسيتي بالفراغ بس عبيتي الفراغ بشي غلط

صدقيني صدقيني صدقيني الريال لمن شافج وعلى كلامج كنتي متبرجة ؟؟

خلينا ننظر لها بعين الواقع متبرجة بيشوفج بأي نظرة ؟؟ البنت العاقل الصاينة نفسها وشرفها ؟؟ لا بيشوفج رخيصة وأسمحي لي على الكلمة

لأنج ماقدرتي نفسج وعرضتي عورتج فما بالج بريال تفكيره الأول والآخر على الجنس

أدري كلامي قوي بس يبي لج تصحصحين

مو لازم تغيرين خطج وتبررين له ليش تتركينه

حددي مكانته بحياتج منهووو ؟؟ ولا شي

شخص له بيته وله زوجته وطفله بالطريج وش يبي فيج ؟؟

مجرد تسلية ..

هذي خطتي لج ..

(( تجــــــــــــــــــــــــــــــــــــــــــــــــــــــــــــــاهل ))

وهو مصيره بيمل ويروح ..

وحاولي تتخلصين من الموضوع بسرعة لآني أخاف من دعوة زوجته عليج اذا اكتشفت الموضوع

وأدري هالشي مو غلطتج ولا غلطتها

بس ياليت الكل يصحصح ويشوف مجتمعنا وواقعنا كيف صاير ..

والله يستر عليج ويرزقج بالزوج الصالح ويبعد عنج كل من يحاول يأذيج

والأهم الله يهديج

 

[منيرة خالد]

الله يستر عليج



غيري الرقم اول حطي لرقمه محضور ولا تخافين من تهديده اهو يخاف اكثر منج لانه ما يبي يتورط معاج بالزواج


وتوبي لرب العالمين واكثري من الدعاء بالستر

 

[وردة وطني]

نصيحه لله اتركيه بقوه وبحزم
انتي بديتي حياتج معه بخطاء وراح تنتهي بخطاء البنت سمعا
واهو يبي منج شي واحد وانتي عارفته
صلي ركعتين واندمي ع هالفعله ولاترجعين لاخطاج
ابني لج حياه جديده هو من الأساس مؤ ملكج ملك اهل واللحين اصبح ملك زوجته وعياله
صدقيني مأخذج تسليه بس افهمي عدل مايحبوون البنت اللي جذي
والله راح يعوضج من ترك شي لله عوضه الله
وكلي امرج لله وحده ترى ماخذين الحياه لاطاعه ربنا مؤ علشان نعصيه
الله يسامح

 

[فتاة الإبتسامة]

لحظه لحظه يبا قلنا ارامكو والظهران فرييي وقلنا فيها امريكان وندري فيها حريم يسوقون داخل منطقة العمل بس وندري ارامكو فيها وفيها وفيها بس مو اي واحد يقدر يدخل منطقة العمل هذي خبري تكون كل شخص يشتغل فيها بطاقات خاصه حتى البحر هناك لجينا نروحه ماندخل الا اذا عندج بطاقة احد يشتغل هناك
عندي من اهلي كثيييييييير من يشتغلون بارامكو بس مامره سمعنا عندنا سينما ؟؟؟ متى حطوها .؟ لازم اقول لعمي اجل يوديني اشوف لي فلم :ggdw:
مابي اكذبج بس احنا بالسعوديه رافضين فكرة السينما اصلا كلش مادخلت عقلي هالنقطه
على العموم الله يهديج ويبعد عنج عيال الحرام يارب

 

[اشلون يعني &]

انتي رخصتي نفسج بالبدايه بليز ترفعي نفسج لا ترخصينها معاه
هو لو شافج غاليه كان اخذج
بس بنظره رخيصة وعبيطه وساذجه عفوا من غير زعل قال بقص عليها بالشعر والتفونات

مراح يجي الدوام لانه امثاله يعمل بالخفاء

 

[غنج اهلها]

نصيحه لله اتركيه بقوه وبحزم
انتي بديتي حياتج معه بخطاء وراح تنتهي بخطاء البنت سمعا
واهو يبي منج شي واحد وانتي عارفته
صلي ركعتين واندمي ع هالفعله ولاترجعين لاخطاج
ابني لج حياه جديده هو من الأساس مؤ ملكج ملك اهل واللحين اصبح ملك زوجته وعياله
صدقيني مأخذج تسليه بس افهمي عدل مايحبوون البنت اللي جذي
والله راح يعوضج من ترك شي لله عوضه الله
وكلي امرج لله وحده ترى ماخذين الحياه لاطاعه ربنا مؤ علشان نعصيه
الله يسامح

انتي رخصتي نفسج بالبدايه بليز ترفعي نفسج لا ترخصينها معاه
هو لو شافج غاليه كان اخذج
بس بنظره رخيصة وعبيطه وساذجه عفوا من غير زعل قال بقص عليها بالشعر والتفونات

مراح يجي الدوام لانه امثاله يعمل بالخفاء

ردودهم كلام العقل

 

[مزيونة الخبر]

الا فيه سنما بس عاديه جداً وأفلام قديمه عندي بطاقه صديقتي المهم أخت نوشتا الي تقول بسم الله علينا مافي انسان مايغلط بلحياه لاتصرين مثل الناس الي نشوفهم وانتي فاهمه ينقدون وبس ادري غلط حيل بس كنت طائشة الحين لو شنو مانزل نيقاب أجي عندكم وماكشف بس كان طيش الي بقوله ان الواحد يايرد رد عدل ياسكت أحسن وباقي البنات مشكوره علي ردودكم ريحتوني كان فيني قهر موطبيعي اليوم بروح اكنسل خطي واطلع خط جديد وارتاح والله بيرزقني بالإنسان الي يحبني صدق ويصوني

 

[A.f.a.f]

لحظه لحظه يبا قلنا ارامكو والظهران فرييي وقلنا فيها امريكان وندري فيها حريم يسوقون داخل منطقة العمل بس وندري ارامكو فيها وفيها وفيها بس مو اي واحد يقدر يدخل منطقة العمل هذي خبري تكون كل شخص يشتغل فيها بطاقات خاصه حتى البحر هناك لجينا نروحه ماندخل الا اذا عندج بطاقة احد يشتغل هناك
عندي من اهلي كثيييييييير من يشتغلون بارامكو بس مامره سمعنا عندنا سينما ؟؟؟ متى حطوها .؟ لازم اقول لعمي اجل يوديني اشوف لي فلم :ggdw:
مابي اكذبج بس احنا بالسعوديه رافضين فكرة السينما اصلا كلش مادخلت عقلي هالنقطه
على العموم الله يهديج ويبعد عنج عيال الحرام يارب

.




البنت ذكرت انها تشتغل بـ آرامكو فـ شي طبيعي تقدر تدخل ، وداخل ارامكو في سينمآ ومن زمآن ...
صآحبةةةة الموضوع بيدكِ كل شي غيري رقمكِ احقري اتصلاته ، وبالأخير هو بـ يمل.
ربي يستر عليكِ

 

[#laloo]

قولي له بتزوج وبغير رقميجذي بيستمر معاج وقت فراغه يعني يشبع عواطفه او بمعنى ادق غرائزه منج ومنها
تعوذي من ابليس وحطي نفسج مكان مرته ترضين ريلج عقب يكلم غيرج !!!
حبيبتي بالوقت مافي لا حب ولا عواطف بالعكس الشباب من يبون يتزوجون يروحون لهلهم
وكل العلاقات اللي قبل الزواج عابره خل يشوف منج الشده ويهابج
وعمرج مب مبرر يعلقج بالحرام والعلاقات الي كلش مالها نهاية الا الفضايح وتشويه السمعه
وايد بنات وصلت اعمارهم ل 38 وفوق وربي رزقهم من عنده
الله يستر عليج

 

[فركيته]

بداية أحب أرد على الأخت شوشا ردج مو حل للمشكلة

أستغرب من بعض البنات هني الوحدة تطرح المشكلة تبي الحل وهي للحين تناقشها في سبب المشكلة

يبا ماعندج حل ادعي لها واطلعي

قل خيراً أو اصمت

أختي

أنا بأكلمج وانا بصفج

انتي اعترفتي بالغلط وبنفسج تبين التوبة

اطلعي من حياته واتركيه مو لازم تغيرين خطج فيه شي اسمه بلوك بالواتس

وفيه شي اسمه تجاهل

اتركيه وصديه انا مقدرة موقفج تدرين ليش

لآنج بديتي مشكلتج وكأنج تشكين توقف زواجج للحين

حسيتي بالفراغ بس عبيتي الفراغ بشي غلط

صدقيني صدقيني صدقيني الريال لمن شافج وعلى كلامج كنتي متبرجة ؟؟

خلينا ننظر لها بعين الواقع متبرجة بيشوفج بأي نظرة ؟؟ البنت العاقل الصاينة نفسها وشرفها ؟؟ لا بيشوفج رخيصة وأسمحي لي على الكلمة

لأنج ماقدرتي نفسج وعرضتي عورتج فما بالج بريال تفكيره الأول والآخر على الجنس

أدري كلامي قوي بس يبي لج تصحصحين

مو لازم تغيرين خطج وتبررين له ليش تتركينه

حددي مكانته بحياتج منهووو ؟؟ ولا شي

شخص له بيته وله زوجته وطفله بالطريج وش يبي فيج ؟؟

مجرد تسلية ..

هذي خطتي لج ..

(( تجــــــــــــــــــــــــــــــــــــــــــــــــــــــــــــــاهل ))

وهو مصيره بيمل ويروح ..

وحاولي تتخلصين من الموضوع بسرعة لآني أخاف من دعوة زوجته عليج اذا اكتشفت الموضوع

وأدري هالشي مو غلطتج ولا غلطتها

بس ياليت الكل يصحصح ويشوف مجتمعنا وواقعنا كيف صاير ..

والله يستر عليج ويرزقج بالزوج الصالح ويبعد عنج كل من يحاول يأذيج

والأهم الله يهديج

صح لسانج:eh_s(15):

 

[فديت اثنينه بس]

كان المفروض من البدايه تقوليله ادخل البيت من بابه

ألحين غيري رقمك واذا جى الدوام طنشيه كئنك ماتعرفيه

 

[منال $]

صراحة انا احترت بقصتك
مرة تتكلم مدري تتكلمي على اساس انك شب ومرة بنت
وانتي عارفة بنفسك الي بتعملية حرام وجاية تسالي شو اعمل؟؟؟؟

 

[sh_mashael]

قوليله بتزوج
و غيري رقمج الحين

و صدقيني مايقدر يجيج الدوام

الله يهديج و يفكج منه

 

[al-musk]

نفس ما قالو البنات خلاص قوليله انا انخطبت وبملج ولا تتصل مره ثانيه ولا تدز شي والاحسن غيري خطج

حتى لو جا الدوام ماراح يقدر يسوي شي خصوصا انه حاليا يخاف على سمعته بما انه تزوج

 

[dalalkh]

الله يوففج. يجيب لج الزوج الصالح

 

[noooor2012]

اكبر نصاب ولاتصدقين اي شي يقوله لو يحبج ماخبا عليج سالفه ملجته نصيحه اطلعي من هالعلاقه باقل الخساير هو ماخسر شي عنده حياته ومستقر
انتي الي فكري بسمعتج وسمعه اهلج وفكري بيت وزوج واستقرار واعيال وحياه نضيفه مافيها كذب هذا ماتفرق معاه وصدقيني لو انه محترم جان طق الباب مو يكلمج بالخش ومن ورا اهلج ومافيه شي اسمه حب قبل الزواج خرابيط وكلام فاضي الحب بعد الزواج

 

[نبض قلبي M]

غيري رقمك


وارتاحي والله يرزقج بالزوج

 

[هنا22]

اعتقد انج لازم اتكونين حازمه بتغير رقمج وكل الايملات الي يعرفها وصدقيني لو كان يحبج كان اتزوجك انت موغيرك خصوصا لمل اهله كانو يبزمه يتزوج ليش ما اتزوجك انت توكلي على الله وغيري رقمج وصدقيني هوا الي يخاف من الفضايح وعلى بيته

 

[قَلبڪْ صًخرْ]

الريال قزريها عليج عدل

عمرج 27 تلاحقي شبابج
ترا الله يمكن ماكتب لج زواج بسبب معصيه
قولي يارب لاتمنع خيرك بسبب سوء ماعندنا


تركيه واتق ربج بيفتحها بوجهج

 

[Vouge]

حبيبتي
ما شاء الله عليج شخصيتج قوية و ما ينخاف عليج
و إن كنتي بديتي غلط .. لكن الحلو فيج إنج تعرفين قدرج
ما تبين تصيرين the other woman
خليج أقوى منه


ما فيه ريال يتزوج غصب
و مثل ما قلتي ما كو شي يرده عنج
لا عايلتج ولا مستواج .. والفارق العمري مناسب
هو بختصار يتسلى فيج .. و يلعب بمشاعرج
و عنده حياته المستقرة مع زوجته و أهله

و إنتي على وعي و دراية .. و حمدي ربج على هالنعمة
لأن في بنات عقولهم صغيرة
يصدقون إن اللي يكلمونه مسكين و مغصوب عالزواج
و يستمرون معاه حتى بعد ما تزوج
وهو يكون له بيت و أسره و يهال و يعيش حياته
و هم يضيعون بعد ما تروح سنين شبابهم


لا تخافين .. ما راح يفضحج ولا يهددج
تدرين ليش؟
لأنه الحين هو انسان متزوج .. و عنده بيت بيحفظه
و فضيحتج من فضيحته
بالعكس فضيحته أقوى

إنتي شنو بتخسرين ؟
هو بيخسر بيته و حياته الزوجية
إنتي كلش كلش .. بحوشج شوية طق من أهلج


اللي عليج تخططين صح إذا ما رضى يهدج و يخليج


تجمعين أدلة على إنك ما تبينه بعد ما تزوج
و هو مصر على علاقته معاج و إن كان متزوج

صوري محادثاتكم بالبيبي .. الايملات اللي بينكم

إذا يالج الدوام صوريه بموبايلج وهو بمكتبج

المهم .. أهم شي الأدلة لا تقولين له إنج قاعدة تجمعين أدلة
لا تهددين من أول شي
.. بالأول إنتي صديه .. و إذا استمر يلاحقج .. يمعي أدلتج
و بعدين


تلعبين لعبتج ,, تقطين الكرة بملعبه .. و تهددينه

تقولين له .. أنا أعرف اسمك و أهلك و أقدر أوصل لزوجتك و أوريها
كل الأدلة اللي عندي و أعفس حياتك فوق تحت

و أقدر أتصل على الهيئة .. لأن عندي أدلة إني ما أبيك و إنت تضايقني

و أقدر و أقدر و أقدر ... و خليج قوية



لا تخافين من تهديده
وا تضعفين جدام رجاءه و عذابه و حتى لو بجى جدامج
لأن اهو مو جنتل .. ولا له قلب .. و انسان جذاب و أناني
و ممثل من الدرجة الأولى .. مثل عليج سنين و إنتي صدقتي
خذا أحلى سنين عمرج .. و عشمج .. و خلاج تتأملين
لا تخلينه ياخذ باجي عمرج .. لا تخلينه ياخذ حيز من تفكيرج و قلبج
اهو ما يستاهل

و عقب ما خطب و ملج .. قالج عشان يحطج جدام الأمر الواقع
انسان مثل هذا .. ما تتحسفين عليه

و العمر جدامج .. و توج لي الحين في سن مقبول للزواج
الحين إنتي تعلمتي الدرس .. العلاقات قبل الزواج .. أغلبها جذب

نطري نصيبج يدق الباب
ولا بحثي عن نصيبج بطرق مشروعة
مثلا .. خل يصير عندج ظهور .. و خلي الناس تعرفج
خليهم يتمنونج .. احرصي على شكلج .. و جمالج .. و جسمج
و عنايتج بنفسج
و الأهم خل يصير عندج حضور و شخصية و خلي الناس تتمنى القعدة معاج

إنتي مبين هالأشياء كلها فيج .. بس يبيلها صقل

و في النهاية
التوافيق من رب العالمين
و هي أرزاق
و عسى ربي يرزقج أحسن من اللي تتمنينه
آمين