وفاة الجنين وماطاح

[{الجارحه}]

السلام عليكم

خالتي حامل لها شهرين وطلع الجنين ميت

طبعا الحين صارها 10 وفوق ماطاح واكلت العشبه ماسوت لها

دكتورها يقول لازم طلق وهي كان عندها قيصريتين قبل وخايفه تنفتح العمليه

منو صار لها نفسها وسوت طلق صناعي وماضر العمليه!؟

تكفون اللي تعرف او سامعه تفيدنا

 

[sweet78]

الله يعوض عليها بس شنو اسباب وفاة الجنين ؟؟؟؟
وثانيا انا نفس حالتها مرت علي بس سويت تنظيفات بالصباح والحمدالله على كل حال
والله يقومها بالسلامه ويرزقها

 

[خالتها]

انا كان لي شهرين ونص وقف نبض البيبي وسويت تنظيفات
مع أن كان معاي طلق بس ما نزل كل شي

 

[strawberrry]

انا صارت لي نفس الحالة وانا قيصريتين من قبل والحمدللة جاني الطلق نزل البيبي بروحة مع اني كنت وايد خايفة من كلام الناس اللي يقولي خطر يكون البيبي في بطنج وهو ميت واللي يخوفني من الطلق بعد قيصريتين بس الدكتور كان يقول لي انتظري لانج قيصريتين وانا ما ابي اسوي لج عملية ثالثة عشان اطلع البيبي لان البيبي كان كبير انا كنت في السابع والحمدللة جاني الطلق والولادة كانت سريعة والحمدللة على كل حال وتم البيبي في بطني ميت شهر وانا كنت خايفة وايد ونفسيتي كانت زفت

 

[{الجارحه}]

المشكله خالتي مافيها طلوق والحين صارها ٣اسابيع تقريبا وخايفين عليها

 

[{الجارحه}]

الله يعوض عليها بس شنو اسباب وفاة الجنين ؟؟؟؟
وثانيا انا نفس حالتها مرت علي بس سويت تنظيفات بالصباح والحمدالله على كل حال
والله يقومها بالسلامه ويرزقها

ماندري شنو سبب الوفاه وهذا ثاني واحد يتوفى

كلهم نفس العمر شهرين

 

[أأأميرة الورد]

الله يعوضها ياارب

نفس اختي قيصريات

الخاص حولوها على الحكومه وقالوا افضل لج عند


الحكومه بالحالات هذي لانها قيصريه

وقعدت اسبوع عندهم وكانوا يعطونها طلق صناعي

وسبحان الله نزل برووحه بعد كذا محاوله


اختي نفس خالتج بالضبط كان لها ثلاث شهور وقيصريه


واكلت ادويه واعشاب ومانفع معاها

خل تروح خالتج للحكومه احسن بالحالات هذي

 

[{الجارحه}]

الحمد الله راحت امس المستشفى وعطوها طلق وسوت تنضيفات


الله يعينها ورزقها الذريه الصالحه

 

[ديانا سبنسر]

الله يعوضها