عادي تصيرين مطراش حق ريلج !

[April 29]

السلام عليكم ومساكم الله بالخير
بنات عندي سؤال من زمان ببالي ، ومرات أحدثه صح وأحسنه غلط و ودي اقطع شكي يبقين
عادي لما تكونون بزواره حمولتج وطبعا الزواره مختطله حريم و رياييل وريلج يطلب منج أو بالكويتي يقعد يطرشج طول الزواره وهو قاعد متكي حاط ريل على ريل
امثله ،
قولي هاتي الريموت (للعلم أن الريموت يمين وانتي يسار وهو قريب يم الريموت )
قومي صبيلي ماي
هاتي لي كلينكس
قومي شيلي ولدج حطيه بدراجته

وكل ها لطلبات جدام العالم وبصوت مسموع ، وكل ها لطلبات يقدر يسويهم بروحه ليش يطلب :/
هل يبي يبين حق أهله انه اهو سي السيد اللي مشيني مثلا ؟​

 

[M!ss CoLoRz]

صراحة مادري

إحنا نظامنا العكس بالعكس يعني الريال يشيل المرة في بيت أهله ويداريها والمرة تشيل ريلها في بيت أهلها واتييب له كل شي لعنده

اما تعالي يبي لي ماي هاي واحد كسول .. اكره شي عندي الاوادم الدليعين بنت ولا صبي يقعدون يتأمرون يبوا لي ماي

قوموا فزوا بروحكم يه!!!!

جني شوي طلعت بره الموضوع!!!!!

انا احسه مو عادي وهالشي يرجع لطبع الواحد وتربيته

بس طبعا مو يصير هواش على هالسالفة لالا ما أيد
​

 

[قطوووة]

انا مو متزوجة بس
الاهم من كل هذا

طريقة الطلب

في ناس تطلب بنبرة صوت تنرفز جنج خدامه عندهم

وفي ناس من ادبهم ودج تسوين لهم كل شي

 

[Patcholli]

انا ماحب انه يطلب مني جدام اخوانه ماحب اقوم واقعد واحوس جدامهم
يعني طلب طلب طلبين ميخالف بس كل 5 دقايق امقومني ماحب ويمكن ماروح

 

[طيبة83]

اي عادي

زوجك تخدمينه بعيونج خصوصا جدام اهله

 

[awashamen7asha]

ماد

 

[غلآ نوآف]

قدام اهله مايطلب مني اشياء
لكن لمايكون عند اهلي زواره
احرص اني اسوي له كل شي لان ممكن يستحي يطلب من احد ثاني او انه يقوم يسوي لنفسه
ولان عند اهله يقول ادري فيج ماتعرفين تسوين شي ههههههه
ولاني معرف شي ببيتهم ف يطلب من اخواته
وبرايي كذا اريح بدال لا اقعد كل شوي واقوم
خله يتعلم ياخذ ويجيب لنفسه
يكفي بالشقة ارتب من وراه

 

[رنيم الروح]

بالنسبه لي عادي اطيعه بس مو كل شي اتصير يعني مثل طلب مويه من حقه اقوم اجيب له بس ريموت وشيلي وحطي لا
بس الحمدلله للحين لما اكون مع اهله مايطلب شي مني يخدم نفسه

 

[April 29]

صراحة مادري

إحنا نظامنا العكس بالعكس يعني الريال يشيل المرة في بيت أهله ويداريها والمرة تشيل ريلها في بيت أهلها واتييب له كل شي لعنده

اما تعالي يبي لي ماي هاي واحد كسول .. اكره شي عندي الاوادم الدليعين بنت ولا صبي يقعدون يتأمرون يبوا لي ماي

قوموا فزوا بروحكم يه!!!!

جني شوي طلعت بره الموضوع!!!!!

انا احسه مو عادي وهالشي يرجع لطبع الواحد وتربيته

بس طبعا مو يصير هواش على هالسالفة لالا ما أيد
​

ايييي تصدقين انا ما احب التطرش بعد :eh_s(2):
وانا احسه مو عادي واشوا انج مايدتني عبالي انا حساسه بزياده :eh_s(10):

 

[April 29]

انا مو متزوجة بس
الاهم من كل هذا

طريقة الطلب

في ناس تطلب بنبرة صوت تنرفز جنج خدامه عندهم

وفي ناس من ادبهم ودج تسوين لهم كل شي

اممممم اهوا طريقه الطلب عنده عادي ماكو ري اكشن
يعني لا زينه ولا شينه ، ماكو تعابير بالويهه كلش :d
اي والله صاااجه على موضوع الادب

 

[April 29]

انا ماحب انه يطلب مني جدام اخوانه ماحب اقوم واقعد واحوس جدامهم
يعني طلب طلب طلبين ميخالف بس كل 5 دقايق امقومني ماحب ويمكن ماروح

اييي اكيد مو كل شوي مقومني ، بس بالكثير طلب طلبين
بس انا اتكلم عن هالطلبين احسه مو عادي يقولي قومي هاتي الريموت ولا قومي صبيلي ماي !
ليش ماتسوي هالاشياء بروحك ؟

 

[April 29]

اي عادي

زوجك تخدمينه بعيونج خصوصا جدام اهله

حبيبتي مشكوره على مشاركتج

 

[April 29]

قدام اهله مايطلب مني اشياء
لكن لمايكون عند اهلي زواره
احرص اني اسوي له كل شي لان ممكن يستحي يطلب من احد ثاني او انه يقوم يسوي لنفسه
ولان عند اهله يقول ادري فيج ماتعرفين تسوين شي ههههههه
ولاني معرف شي ببيتهم ف يطلب من اخواته
وبرايي كذا اريح بدال لا اقعد كل شوي واقوم
خله يتعلم ياخذ ويجيب لنفسه
يكفي بالشقة ارتب من وراه

اي زين تسوين تصرفج صح
جان زين يتعلمون يجيبون وياخذون كل شي بنفسهم !

 

[April 29]

بالنسبه لي عادي اطيعه بس مو كل شي اتصير يعني مثل طلب مويه من حقه اقوم اجيب له بس ريموت وشيلي وحطي لا
بس الحمدلله للحين لما اكون مع اهله مايطلب شي مني يخدم نفسه

اي الحمدالله وانشالله يضل على هالحال ويجيب كل شي لنفسه :eh_s(7):

 

[PuPa^^SWeeT]

مادري والله




شلوننن طريقته بنرفزة ولا عادية

 

[جذابه بنت ذيابه]

حسب طريقة الطلب


واذا طلب طلبين عادي اما اكثر اناقشه لا رديت البيت

 

[al-musk]

مفروض الاشياالي مالج لزمه وفيها ويقدر هو يسويها مايتشرط فيها بس عادي مرة مرتين مو كل مرة وبالنهاية الواحد هلة الأسلوب

 

[اميره1980]

اسويله و نص
الريال اذا كان عازني و رازني و مو مقصر وياي و اذا هو طلب مني هالطلبات السخيفة الصغيرة بتعيجز و ما اسويها شنو بكون ؟

 

[دلوعة أبوهآ]

آكره هالنوع من الرجآل ..
يقدر يخدم نفسه بنفسه ..
إذا ع اشياء تسوى اوكي مو مشكله اسويهآ له
أما كل شوي والثاني قومي وجيبي .. خير ..!!!!

,

 

[Mjnont '3lay]

ماعندنا سوالف الخلط @@
يعني الحريم بروح والرياجيل بروح ومايقومني من عند الحريم طالما انا عندهم لو شنو ماكان الطلب ومايناديني ابدا قدام الرياجيل
مدري يعني حنا عاداتنا وتقاليدنا عيب الرجال ينادي مرته او المره تنادي رجالها طالما في ناس وضيوف مثل حمواتي او عماة رجلي وخالاته او حريم اخواني
يعني مايناديني نهااائي الا اذا يبي شي ضرووووري يدز واتس اب واستأذن من الحريم واقوم اشوف شنو يبي

هذي طريقتنا مااعرف بطريقتكم يعني شلون يقومج كل شوي قدام اخوانه ؟؟ هم عيب