الخاله

[الطفلة الحكيمة]

السلام عليكم حبيباتي الغاليات لاحظت ان كله الكلام للكنات عن خالاتهم فبغيت اعرف انتو ياجنات شنو تبون من الخاله علشان تصير خوش بنظركم تبونها تخلي لكم الولد والا شنو عفيه الامر جدي وابي اسمع رايكم يعني اشلون التوافق بين الخاله والجنه

 

[PuPa^^SWeeT]

انا متوافقة ويا خالتي



و خالتي متوافقة وياي




و اساس كل شي احترامي لها

 

[رنيم الروح]

بالنسبه لي خالتي اتوفت بعد زواجي بس الفتره الي قعدت معاها كانت تعاملني مثل بنتها واكثر وماشفت منها الا كل خير
والحين خوات زوجي الحمدلله يعاملوني مثل اختهم وطلعاتنا وقعدتنا مع بعض حتى اسرارنا انقولها البعض
حتى اذا في مشكله بيني وبين زوجي يقفون بصفي ومايرضون علي بشي
وانا احبهم والله لا يغير علينا

 

[عسل حدي]

مانبي شي نبيهاا توخر عن حياتنا الشخصيه بس
ولدها ماراح يقطعها بالعكس انا باخذه من ايده لها تقريبا يوميااا
بس لاتتدخل بحياة بنت الناس لا بكبيره ولا صغيره تخليهم يعيشون مثل ما اهي عاشت حياتها ولا رضت احد يتدخل انا اتكلم عن خالتي الله يهديهاا يارب


مثل ما اهي خذت ريلها من امه اكيد بيي يوم تيي الجنه تاخذ ولدها بس ليش الخاله علبالها بنحرمها من ولدها

 

[ام زهقانه]

اولاغلط ان الام تتدخل بحياة ولدها و تحرش علي امرته
واقول انا اعلم اي علم

 

[Tom ♥ Jerry]

,


1/ تحترم الخصوصيات
2/ ما تتدخل بطريقه تربيتي لعيالي
3/ ما تتكلم عني من ورا ظهري

 

[Smchoocha]

ابي خالتي تظل مثل ماهي
الله لا يغير علينا

 

[جـوود الحب]

الله يهديها .....حبيبتي مافيه انسان كامل لازم نتقبل عيوبهم هاذي عشره سنين مو يوم ولا يومين ....وبس تقبلي مروري

 

[Patcholli]

بالنسبه لي اهم شي تخاف الله فيني وتعاملني مثل ماتعامل بناتها يعني اللي ماترضاه على بناتها ماترضاه علي بالمقابل واللي تتمناه حق بناتها تتمناه حقي
والحمدلله حمولتي خوش ناس ماشفت منهم الا كل خير وطيب وناس متواضعين وعشريين

 

[Um Tuki]

انا علاقتي بأم زوجي الحمدلله طيبة
بس اللي اجوفه ان في ناس يحبون يتدخلون ويسوون مشاكل

المطلوب من ام الزوج مثل ماتعامل بناتها
تعامل بنت الناس


و الجنة بعد المفروض تعاملها مثل امها

 

[You FOR Me Only]

مو مطلوب غير انها تعتبر الجنه بنتها مو وحده غريبه وبهالطريقه ترى بتشتري راحتها

ليش العداوه محد بيخسر بعدين غيرها هي خل تكسبها وخلاص خصوصا اذا الجنه كانت محترمه وتقدرها

ترى الموضوع بسيط مادري ليش يكبرونه

 

[•Brown•Sugar•]

المشاكل كلها تصير لسبب واحد
الأم ماترضى علئ ولدها وتبي مرته تعامله أحسن معامله
وماتزعله وماتقصر معاه وماتحرمها من شوفته
وأذا صارت مشكله بينهم وعرفت فيها
تصف مع ولدها حتى لو كان ولدها غلطان
وتظلم بنت الناس

 

[ضــمــاد]

1: ماتتدخل بخصوصياتي وتفاصيل حياتي

2: تحترمنـي

3: اذا ولدها كان معصب وطلع الحره فيهم او ان صح التعبير فالكل تحسن الظن وماتقول بسبتي
خصوصا انها عارفه ولدها وطناقره اذا عصب :eh_s(14):

 

[امـ خــزامـى]

بالنسبه لي اهم شي تخاف الله فيني وتعاملني مثل ماتعامل بناتها يعني اللي ماترضاه على بناتها ماترضاه علي بالمقابل واللي تتمناه حق بناتها تتمناه حقي
والحمدلله حمولتي خوش ناس ماشفت منهم الا كل خير وطيب وناس متواضعين وعشريين

:eh_s(22):مثلها

 

[البنت المحترمه]

الحمدلله ام زوجي عمتي اخت ابوي وعلاقتي فيها جيده الله يخليهالنا

 

[Arwa AL-O]

مانبي شي نهائيا
كل اللي نبيه انها تتعامل مع الجنه باللي الله يرضى فيه
وتخاف الله في الجنه واللي ما ترضاه لنفسها ولبناتها المفروض ما ترضاه للجنه
لان الجنه هم يت من بيت ناس واهلها مايرضون عليها ولا اهي ترضى على نفسها
المفروض من الخاله ما تتدخل بامور خصوصيه بين الولد وزوجته خلاص انتي زوجتيه
خليه يعيش حياته ويديرون امورهم بروحهم مايصير بكل شي تبي تدخل

وهم ما احط كل شي ع الخاله هم الجنه لازم تحترم الخاله وتعاملها بالمعروف
وتكون دايما حاطه في بالها انهااا ام

والله يوفق الجميع يارب
تقبلي مروري

:eh_s(17):​

 

[om MaRyooM]

اهم نقطة احترام مرت الولد

وثاني نقطة
عدم التدخل بالحياة الخاصة


وثالث نقطة تتمنالها الخير مثل ماتتمنى لبناتها

 

[كويتية بروما]

والله حريم هالوقت مايعجبهم شي
يبون الريل وفلوسه ومنصبه وقلبه
ومايبون اهله ولا امه
الاغلبيه جدي
الله يهدي بس
بس ناقص يقولون خلي خالتنا تبوس ايدينا وريولنا وتوضينا
مافي وحده قالت ابيها ترضى علينا ولا ع زوجي وتدعيله عشان اتوفق ويدش زوجي الجنه لانها تحت اقدامها

 

[نورة حسام]

انا علاقتي معاها طيبه
بس ابيها تحترم خصوصياتي

 

[ديانا سبنسر]

أبيهم يفكوني من شرهم.