عرسج مطول !!! تعالي شاركينا افكارج ( الجزء الثالث )

[م بقئ إلآ القليل !]

خجوول ي قلبي تعوذي من الشيطان اناا متت من الضيقه والتفكير
وزود ع كذا كلام الناسس وحتسسيهم تعببببني لدرجة قلت لاهلي
خلاص م عاد ابيههه واخرتهاا قبل اسبوعينن جتني فصلهه
وليتهاا ع كذا اللي شيشني زياده ابي بدا تراجعع لبئ عينه
كنهه ندم يقول لامي ووراهم مستعجلين وهم محددين لهم ١١ شهر تووه انتبه
الله يطول ب عمررره
وقدامش ععشر شهور جههزي ع رواقة الرواقةة وبيزفش ابيش ان شالله
وبكره تقوليني فلان وينكك عني من زمااان لعنباا حيكك ��

نظام العجز » يلاا عاد بلاا دلع بنات لعبهه هو لعبهه ����
صدق بنات اخرر زممن ��
ومووفقه لبئ عينشش ����

 

[القمر الخجول]

مرحباً صبايا ^_^ انا بعد مات حدد عرسي ممكن على شوال 2013 ياارب
صبايا ليش ما تسون قروب عالواتسب

 

[Huda alotaibi]

حتى اشعار اخر ........

 

[ما يهزك ريح]

خجل الله يطمن قلبج باسمه كلنا مرينا بهالشي عليج بالرقيه القران ماعليج شر حبيبتي

 

[معزوفة عشق&]

^^
مايهزك ريح مَ بققى ششي .. عدادك يخخرع :eh_s(2)::eh_s(2):

الله يوفقك ويحميك ويجملك بعيون زوجك وتطلعين احلى عرووسه بَ الككون يااآآآآرب ...
:eh_s(22)::eh_s(7):

 

[عشرآويه]

مايهزك ،



الله يوفقج ويهنيج ويسعدج .. آخر ٣ ايام وانتي عزبا

 

[عشرآويه]

خجل موضوع جدا عادي ،، فعلا كلنا مرينا بهالشي بس اذا قعدنا وفكرنا كل عنايتج بتروح هباء منثورا

تعوذي من ابليس .. واقري البقره والرقيه الشرعيه ، وادعي ربج يريح قلبج ويطمنج


الله يشرح صدرج ، ويطمن قلبج

 

[ما يهزك ريح]

ياحبيباتي اجمعين:yaaaaaarb: مافيه وحده تبي تبادلني بالعداد

 

[خجل~]

يممممه فديييتكم وربي كلامكم ريحني حييل
والله مانمت الا علئ سورة البقره ححيييل هدت نفسي ،

والحمدلله قالت لي امي كل ماتروحين مكان جهزي علئ راحتج

اخذي قطعه او قطعتين لين يقررب الوقت ،


الله يوفقكم يا رب كلكم ويرزقكم من حيث لا تحتسبون ،

 

[خجل~]

2. خلطة الفازلين قبل الاستحمام لجسمٍ ناعمٍ:
المكونات:
علبه فازلين صغيرة
علبة جليوسيد صغيرة
ملعقة ماء ورد
عصير ليمونة
خمس ملاعق بودرة أطفال
ملعقة كريم فكس

طريقة الإعداد:
- اخلطي الفازلين، الجليوسيد، ماء الورد، الليمون، بودرة الأطفال، وكريم الفكس جيداً.

- ضعي المزيج على جسمك قبل الاستحمام بنصف ساعةٍ.

- ادهني جسمك بعد الاستحمام بزبدة الكاكاو وستلاحظين أن جسمك أصبح غايةً في النعومة.

^ جاري التطبيق



،

بنآت بسألكم منو جربت خلطة ام مسفر للتسمين !

 

[خجل~]

بنات هذي خلطآت طبيعيّـه
لاتطوفكم ،

1) خلطة الحليب والبرتقال لتبييض الجسم

المكونات: مقدار من الحليب، وقشر برتقالة جاف، وملعقة عسل

الطريقة: يُطحن قشر البرتقال حتى يصير على هيئة مسحوق، ثم يُضاف إليه الحليب والعسل تدريجياً إلى أن تحصلي على خليط مثل الكريم. تؤخذ كمية من خليط الحليب والبرتقال والعسل وتفرد على المنطقة المراد تبييضها في الجسم، ويترك الخليط حتى يجف تماماً. يُغسل الجسم بالماء الدافئ لإزالة آثار الكريم. ويٌستعمل هذا الخليط يومياً لمدة شهر، ويمكن وضعه قبل أخذ حمامك اليومي.
تتميز هذه الخلطة باحتوائها على البرتقال الغني بفيتامين ج الذي يعمل أيضاً على حماية الجلد من التجاعيد.

 

[خجل~]

أقوى خلطة لتبييض الوجه والرقبة:
المكونات:
- ملعقة سدر مطحون

- ملعقة عسل طبيعي

- ملعقة لبن زبادي

الطريقة:
• اخلطي ملعقة السدر، مع العسل والزبادي.

• ضعي الخليط على وجهك ورقبتك بعد أن يتحول لما يشبه العجينة لمدة 25 دقيقة.

• اغسلي وجهك ورقبتك بالماء الفاتر.

لا تترددي في أن تسألي طبيبة الجلدية الخاصة بك، فقد يكون لديك حساسية تجاه أي مكون من مكونات هذه الخلطة، ولا تنسي أن تجربيها وتخبرينا بنتائجها.

 

[إيمــآن الكويت]

.
.


بنات الي عرسهم مطول خلوآ عنايتكم بسيطه
ترى والله بتملووون على آخر الاشهر

خجل //
انا كل ما افكر بالعرس والحيآة اليديده ومسؤليـه تصك فيني الدينا
بيت ابوي مدللله لا مسؤليـه ولاهم يحزنون بس الحمد الله هذي سنـــــــــة الحيآة ..​

 

[إيمــآن الكويت]

.
.​

على طاري الرموش اول شي مشكورين على الرد صبآيآ ..
وتأكدت طلع صج الدآئمـــــه حرآم ..
انا رموشي وآيد زينه بس لمه شفت رموش رفيجتي زآغ قلبي :eh_s(22):​

لمه كنت بامريكا وصتني بنت خالتي على منتج اسمه لاتيس
مال رموش يطولهم ويكثفهم ، طبعا الاصلي بس بالعيادات الجلديه الخاصة ..​

ورحت لهم ولقيت العلبه الوحدة بـ 34 دينار لمدة شهر
واساسا تبيعه تاجرة بالكويت بـ 75 دينار ، المنتج رووووعــه وما عليه كلام
يطول الرموش ويكثفها حييييييل ..​

لكن الدكتور الي بامريكا قال هالمنتج صج مفعوله واضح بس خطر !
لآزم ما يطيح شي داخل العين علشان ما تصير شعيرات دمويه
وقالي ترى يسبب سواد بالجفن ملحوووووووظ ..
وفعلا دخلت النت ولقيت في سلبيات ، بس لو تركتي ترى ما اطيح رموشوج ..​

ولمه شفت جذي قلت مآني شآريته خلآص وتالي تحسفت
والحين افكر اطلبه من التاجرة او انطر سفرة اخوي حق امريكا
لاني ابي خمسة علب ولو بطلبه من التاجره بيطلع وآآيد غالي ..​

بالاخير ترى هالمنتج روعـــــــــه للرموش
الي عندها توتير تكتب اسمه لاتيس بالسيرج
واقروا عنه ترى عجيب للرموش :rerrerek:​

 

[إيمــآن الكويت]

.
.


خجـــل //


خجل حبيبتي خلي عنج خلطات تسمين وهالسوالف
ترى اغلبها مكسرات وعسل واتييب لج السكر لا سمح الله ..

نصيحه واللللللللللله اختي قبل عصقوله وشوفيها الحين
المره او الريال الي تكون اجسامهم ضعيفه تكون معدتهم صغيره
يعني لو كليتي وجبة الغدا وشبعتي وهم العشا والرويق و و و ..
وتستغربين ان ما يزيد وزنج ؟!

لانه المعدة عندج صغيره ولآزم تاكلين بعد الشبعه
سبحان الله علشان تتوسع المعدة ، وبجذي المعدة تكبر
وتحتاج حق كمية آكل آكثر وجذي يزيد وزنج .. :rerrerek:

اما اذا كليتي حبوب مشهيه ترى مامنها فايده
فقط للشهيه لا تزيد ولا تنقص صدقيني ..


قلت لج عن الفول + حليب اي نوع مع موزه قبل النوم
بيخلي جسمج زوغــه صحة وجمآل وربي .. :eh_s(21):


طبقي هالشي بس شهر وشوفي النتيجه
وغصبييييييي نفسج على الاكل علشان المعدة تكبر
وان شاء الله بتشوفين الي يرضيج صدقيني ..​

 

[عشرآويه]

اي صح انا سمعت عن لاتيس ، وصج بس اثره يبين بعد ٤ اسابيع لي ٦ اسابيع


ويمدحون بعد زيت الخروع للرموش والحواجب عند الحواج علا شكل رول ،


..


بنات منو جرب او شاف عروس مكيجتها الطاف الخلف ؟!

 

[أنثى تشرين]

لا حول ولاقوة إلا بالله


والله يا بنات مدري شفيني علئ هالضيقه

من اشوف عداد عرسي ، من يتكلمون اهلي
وخواتي عن عرسي

تجيني ضيييقه مو طبيعيه


عاد اليوم جابوا المهر والله يا بنات
احس اني مصدومه
ومن اليوم بغرفتي حدي متضايقه اعوذ بالله
مدري شجاني !


عاد الحين مشغله قرآن
وقريت ايات وادعيّه

تعرفون اللي فيني نوم ومو قادره انام

وحدي بصدري ضيقه قويّـه !





يا رب رحمتك والله اني احس ببجي

يووو خجل انتي نفس حالتي كل يوم اقعد بغرفتي وابجي وتجيني ضيقه مو طبيعيه ، ومن امس مو نايمه ومالي خلق لشي

انا لاني مااعرفه ولا شفته وخايفه ؟ والله اللي تكلم زوجها اريح حيييييل ماتفكر ولا تحاتي :eh_s(2)::eh_s(2):

 

[أنثى تشرين]

اسمحيلي اجاوب


انا اخذتها من وحده بالانستجرام اسمها فناتك وهذا رقمها



90087230


استخدمتها 3 مرات للحين واحس نعمت شعري انا شعري عادي مو كشه


بس رفيجاتي حيل يمدحونها :eh_s(15):

حبيبتي تسلمين ماقصرتي :eh_s(7):

 

[عشرآويه]

يووو خجل انتي نفس حالتي كل يوم اقعد بغرفتي وابجي وتجيني ضيقه مو طبيعيه ، ومن امس مو نايمه ومالي خلق لشي

انا لاني مااعرفه ولا شفته وخايفه ؟ والله اللي تكلم زوجها اريح حيييييل ماتفكر ولا تحاتي :eh_s(2)::eh_s(2):

لاتخافين ولاشي خرعة اول نظره بالعرس حلوه ؛)

وبعدين استغفري ربج وايد بنية الطمئنينه وبيتسهل امرج ان شاء الله

 

[Riema]

خجل

شعوري الحين نفس الي جاج وخاصه عرس شهر ٣ كل محد سالني عن العرس ضاق خلقي واني مابديت اجهز وكل من شافتي هاوشني مابقى شي

الحين بطني تعورني وضايق صدري وراسي ذابحني الصداع

وتدرين انا مريت بالشي هذا اول ماستملت مهر انغثيت وحسيت ان موضوع جد واني ضايقه
الله يعييينا