كويتيات طالبتكم لا تردوني اللي تعرف وين القى مطلبي تسااعدني

[Mjnont '3lay]

السلام عليكم ورحمة الله وبركاته
شلونكم عساكم بخير
لكمممممممممممم وحشه كويتيات من زمان عنكم من حطيت الانستقرام نسيتكم حسبي على ابليسي اللي نساني اياكم :eh_s(22):
المهم فديتكن طالبتكن طلبه تكفوون لا تردووني وتكفون تهز رجآل
قبل يومين شفت عبايه حلوه على رفيجتي لكن النحيييييسه اسالها تقول مدري من وين نسيت !!!!!!
بس قالت لي من الفروانيه الوكاد العبايه حيييل حيييل بخاطري ميته ابيها تكفون اللي شايفتها لا تردني وتدلني عليها وين القاها باي محل بالفروانيه
المهم
نظام العبايه ساااده مافيها شي بس الشغل كله بالقصه المهم قصه صايره نظام كلووووووووش من كل صوب من صوب الخصر ولي تحت يعني مزمووم زم خفيف من عند الصدر والباقي كله كله كلوش من تحت الصدر لي اخر العبايه بس مو كلوش مبهذل لا الكلوش الحلو واحلى مافيها واسعه حدها عجبتني
ونظام الايد سيده مافي قصه بس وعند الكفوف سير مزموم امبيه بنات ميته على العبايه تكفوون اللي تعرف وين القاها باي محل بالفروانيه تدلني عليها لا تردوني واللي تعرف محلات تسوي موديلات جذي نظام ساده بس الشغل كله بالقصه يعني نظام كلوش تدلني امانه بنات
واللي ماتعرف ياليت فضلا وليس امرا ترفع الموضوع
ومشرفات لو سمحتو لا تنقلون موضوعي هذا انسب مكان لموضوعي :eh_s(7):

 

[ليتك هنا]

اب ﺍﺏ

 

[manoooram]

حبيبتي رفيجتي عباتها نفس وصفج لعباية رفيجتج
ماخذتها من آمار بمجمع المغاتير بالفروانية
تقول شافت نفس قصتها عند حراير و محل ثاني نسيت اسمه كلهم بالمغاتير

 

[Mjnont '3lay]

مانورام لا خلا ولا عدمممم فديييييييييييييييييييييييييييييت قلبج الله يخليج لعينن ترجيج قولي امين
دااايما مبرده قلبي بكل موضوع انزله القاج اول وحده تخدمني فدييييتج ياجعلني اردها لج بالافراح يااارب
بس بقولج تقول رفيجتي ماخذتها جاهزه مو تفصال
يعني اللي ماخذتها رفيجتج جاهزه ولا تفصال
والعبايه بين العبي ولا معروضه بالباترينه

 

[Mjnont '3lay]

مانورام حبيبتي بعد ياليت لو تدليني على محلات تسوي قصات حلووووه وكلوش مايهمني يكون فيه دانتيلات وخرابيط انا احب العبايه الساده بس الشغل كله بالقصه

 

[manoooram]

مانورام لا خلا ولا عدمممم فديييييييييييييييييييييييييييييت قلبج الله يخليج لعينن ترجيج قولي امين
دااايما مبرده قلبي بكل موضوع انزله القاج اول وحده تخدمني فدييييتج ياجعلني اردها لج بالافراح يااارب
بس بقولج تقول رفيجتي ماخذتها جاهزه مو تفصال
يعني اللي ماخذتها رفيجتج جاهزه ولا تفصال
والعبايه بين العبي ولا معروضه بالباترينه

يا بعد قلبي تفداج الروح واللهم آمين يخلي لي اللي يحبوني وأحبهم
ولج بالمثل

تسلمين لي على هالدعوة الحلوة والله تكفيني
وبالخدمه ولو :eh_s(17):

عيل ليش مخليني مساعدة بالقسم هني
مو على شان أفيد البنات باللي أعرفه
:eh_s(22):

رفيجتي تقول ان معلقينها وطلبت تفصل نفسها على قياسها
وان شالله تطلع هي اللي تبينها يا رب

واذا تبين قصة مرتبه وخامة حلوة وخياط نظيف
عندج شادو الأفنيوز بالفيز 2
حراير بالمغاتير
والشهد ستايل بالجابرية
وفي وحده تسوي عبي تفصال على الطلب خياطها نظيف ما شالله أشوف لج اياها

 

[عذبة السجآيآ]

عندج مبارك الصيفي مجمع كاااااااامل كله عبي طبي وتخيري

يمكن ان شاءالله تلاقين نفسها

 

[Mjnont '3lay]

بمر المغاتير والصيفي وان عجبني فصلت تسلمون لا خلا ولا عدم :**

 

[خلطات المذهله]

روعه شغل الفروانيه صراحه كل الكويت تفصل فيها

 

[PuPa^^SWeeT]

اب اب اب
اب اب
اب

 

[*الهنوف*]

دزي لي حسابج بالانستغرام عندي مجموعة مشغال عبي يعرضون عبيهم وحلويل
واذا عباة زميلتج ماعليها توقيع معناتها من محل عادي مو من مره