يا ابلات رياض الاطفال بالكويت ابي مساعدتكم القيمة :$

[MiSs_CRaZya]

السلام عليكم يا ابلات .. معاكم ابلة رياض اطفال مستقبلية :eh_s(22):


أبي منكم مساعدة .. عندي مشروع حق الكلية و الدكتورة طلبت منا جم سؤال نسألهم لأبلات الروضة


فاللي ابيه منكم تجاوبوني على هالاسئلة البسيطه جدا الي ما راح تاخذ منكم وقت انشالله .. و ابيها بتفصيل اذا سمحتوا :eh_s(22):

و اكون لكم من الشاكرين :yaaaaaarb:


بسم الله .. نبدي : :ggdw:



1- ابيكم تعددون لي الأركان

2- محتويات الأركان و المهارات التي ينميها كل ركن

3- طريقة توزيع الأطفال على الأركان ( كل معلمة تذكر طريقتها )

4- عدد الأطفال في كل ركن

5- اذا أصر احد الأطفال في التمسك بركن من الأركان طول الوقت .. شلون تتعاملون معاه ؟؟ ( طبعا ادري هالشي يختلف من معلمة لي الثانيه بس انا ابي كل معلمة تقول طريقتها )



و بس هذي اهيا الاسئلة


اسئلة خفيفة لطيفة جدا :eh_s(15):


انتظر تفاعلكم يا ابلات و مشكورين مقدما :eh_s(17):​

 

[MiSs_CRaZya]

توقعت تردون علي اكثر من وحده

بس للاسف يوم كامل ولا وحده ردت !!

ما توقعت تبخلون بجم جواب سهل :|



عموما مشكورين ​

 

[لاتغرك]

تفضلي حبوبه وترا اسئلتج صج شوية بس شرحها طوييل بحاول كثر ما اقدر اجاوب

- ابيكم تعددون لي الأركان
الاركان 9 اركان هي (فنية-المنزل-المطبخ-الالعاب التربوية-المكعبات-الرمل والماء-الحاسوب-المكتبه-العلوم)

2- محتويات الأركان و المهارات التي ينميها كل ركن
هالسؤال اجابته حيييييييييل طويييله لانها متشعبه وبحاول أصورلج الجدول اللي يبين المحتويات( موجود معلقينه بالصف)


3- طريقة توزيع الأطفال على الأركان ( كل معلمة تذكر طريقتها )
من خلال اغنية والطفل له حرية الاختيار بين الاركان

4- عدد الأطفال في كل ركن
على حسب عدد الحضور مثلا اذا كان حضورج20طفل تقسمينهم على 9 اركان وتحطين الاولوية للعدد الاكبر في الاركان اللي تحتاج مشاركة مثل المطبخ المنزل والمكعبات

5- اذا أصر احد الأطفال في التمسك بركن من الأركان طول الوقت .. شلون تتعاملون معاه ؟؟
بهالحاله اقدر الفت انتباهه على ركن ثاني بالمصورات او الالعاب او الاشياء الجديدة اللي احطها بالركن راح يشوف الاطفال يبون هالركن واهو أول واحد بيغيره علطوول(عن تجربة)


واتمنى اكون افدتج

 

[MiSs_CRaZya]

تفضلي حبوبه وترا اسئلتج صج شوية بس شرحها طوييل بحاول كثر ما اقدر اجاوب

- ابيكم تعددون لي الأركان
الاركان 9 اركان هي (فنية-المنزل-المطبخ-الالعاب التربوية-المكعبات-الرمل والماء-الحاسوب-المكتبه-العلوم)

2- محتويات الأركان و المهارات التي ينميها كل ركن
هالسؤال اجابته حيييييييييل طويييله لانها متشعبه وبحاول أصورلج الجدول اللي يبين المحتويات( موجود معلقينه بالصف)


3- طريقة توزيع الأطفال على الأركان ( كل معلمة تذكر طريقتها )
من خلال اغنية والطفل له حرية الاختيار بين الاركان

4- عدد الأطفال في كل ركن
على حسب عدد الحضور مثلا اذا كان حضورج20طفل تقسمينهم على 9 اركان وتحطين الاولوية للعدد الاكبر في الاركان اللي تحتاج مشاركة مثل المطبخ المنزل والمكعبات

5- اذا أصر احد الأطفال في التمسك بركن من الأركان طول الوقت .. شلون تتعاملون معاه ؟؟
بهالحاله اقدر الفت انتباهه على ركن ثاني بالمصورات او الالعاب او الاشياء الجديدة اللي احطها بالركن راح يشوف الاطفال يبون هالركن واهو أول واحد بيغيره علطوول(عن تجربة)


واتمنى اكون افدتج

حبيبتي مشكووورة عالرد .. :eh_s(22):


و لا تنسين تصورين الجدول و اتمنى يكون واضح :eh_s(22):



و مشكورة مره ثانيه عالاقل عبرتيني :eh_s(15):
​

 

[Eva-SS]

السلام عليكم يا ابلات .. معاكم ابلة رياض اطفال مستقبلية :eh_s(22):


أبي منكم مساعدة .. عندي مشروع حق الكلية و الدكتورة طلبت منا جم سؤال نسألهم لأبلات الروضة


فاللي ابيه منكم تجاوبوني على هالاسئلة البسيطه جدا الي ما راح تاخذ منكم وقت انشالله .. و ابيها بتفصيل اذا سمحتوا :eh_s(22):

و اكون لكم من الشاكرين :yaaaaaarb:


بسم الله .. نبدي : :ggdw:



1- ابيكم تعددون لي الأركان

الأركان 9 ( فنية - رمل وماء - مطبخ - منزل - مكعبات - حاسوب - علوم - ألعاب تربوية - مكتبة )

2- محتويات الأركان و المهارات التي ينميها كل ركن

صعبة أشرح هالنقطة لأنه المحتويات واجد والمهارات واجد لكل ركن يعني مثلا ً ركن الالعاب التربوية كل لعبة تنمي مهارة وألعاب كثييرة بس أعتقد بينفعج دفتر تقويم المهارات

3- طريقة توزيع الأطفال على الأركان ( كل معلمة تذكر طريقتها )

أول شي تغذية راجعة بسيطة عن الحلقة بعدين ذكر السلوكيات مثل ( نحافظ على الهدوء نرتب الأركان بعد الأنتهاء منها نلبس الأشارة ) ثم نذكر بعض المهارات اللي بيسوونها اليوم مثل في ركن المطبخ مهارة العجن في ركن المنزل تزرير الملابس في ركن الفنية تلوين حر .. بعدها أغنية الأركان وأكون سائلة الأطفال مسبقًا يعني بفترة الفرصة أو بعد الحلقة كل واحد شنو يبي ركن فمجرد مانغني أغنية الأركان أوزع الأطفال كل واحد محدد ركنه من قبل

4- عدد الأطفال في كل ركن

على حسب عددهم .. يعني وقت الحلقة لو عددهم 17 طفل أحط 18 أشارة بالأركان وتتوزع تقريبا بعدل يعني مو ركن مافيه أحد وركن فيه 5 !! ولازم مايبقى ركن فاضي

5- اذا أصر احد الأطفال في التمسك بركن من الأركان طول الوقت .. شلون تتعاملون معاه ؟؟ ( طبعا ادري هالشي يختلف من معلمة لي الثانيه بس انا ابي كل معلمة تقول طريقتها )





أنا مثل ماقلت مسبقًا مطلعه الإشارات على عدد الأطفال فالطفل يختار بعد مانرجع من الفرصة الركن اللي يبيه لو خلصت أشاراته أنا معلمتهم الإشارات محدوده لكل ركن أحاول أقنع الطفل بركن ثاني ومثلا ً الكل يبي ركن الفنية والمكعبات فأنا متفقه مع الأطفال اللي يدش ركن الفنية اليوم مايصير اليوم اللي وراه يدخل نفس الركن يعطي مجال لغيره .. فيه أركان الأطفال ما يبونها مثل ركن المكتبة كنت حاطه فيه بوكس هدايا كبير وشكله يشووق وقلت للأطفال كل يوم أي طفل يدخل ركن المكتبة يقرا قصة أو يشووف الألبوم أخر الأركان يفتح الصندوق وياخذ الهدية اللي فيه :eh_s(9): طبعًا هدايا بو امية بس نفعت والله مع الأطفال قام الكل يبي يدخل ركن المكتبة عشان ياخذ هدية

و بس هذي اهيا الاسئلة


اسئلة خفيفة لطيفة جدا :eh_s(15):


انتظر تفاعلكم يا ابلات و مشكورين مقدما :eh_s(17):​

وووبس

 

[MiSs_CRaZya]

وووبس

يعطيج العافيه حبيبتي عالرد :ggdw:


اجاباتج فادتني والله بس اتمنى احصل اجابة على السؤال الثاني​

 

[نانا الفايز]

ركن العلوم:تقيسين فيه مهاارة الاستكشاف والتجربة والملاحظة والتصنيف والمقارنة/ المزج
ركن الفنية: مهارة القص التلوين مسك القلم التشكيل
ركن البيت : التمثيل / التزرير/ الربط/ الترتيب
ركن المطبخ: العجن الخلط / التقطيع/ الترتيب/ الاعداد/
ركن المكتبة: التصفح/ التعبير/ الاستماع/السرد
ركن الالعاب: النظم / اللظم/ اللعب/ التشكيل
ركن الرمل والماء: الخلط / التشكيل/
بصراحه اشياء كثيرة وهذا اللي اذكره الحين

 

[MiSs_CRaZya]

ركن العلوم:تقيسين فيه مهاارة الاستكشاف والتجربة والملاحظة والتصنيف والمقارنة/ المزج
ركن الفنية: مهارة القص التلوين مسك القلم التشكيل
ركن البيت : التمثيل / التزرير/ الربط/ الترتيب
ركن المطبخ: العجن الخلط / التقطيع/ الترتيب/ الاعداد/
ركن المكتبة: التصفح/ التعبير/ الاستماع/السرد
ركن الالعاب: النظم / اللظم/ اللعب/ التشكيل
ركن الرمل والماء: الخلط / التشكيل/
بصراحه اشياء كثيرة وهذا اللي اذكره الحين

حبيبتي والله ما قصرتي ساعدتيني :eh_s(22):​