تعالوا. امهات نقاش ووجهة نظر 

[دارسين]

مرحبا امهات مدري شقولكم بصراحه بس لما اتنرفز من عيالي وطريقة تصرفاتهم دايما ودي احد يوجهني للصح

بس. مالي الا الكتب والدكاترة اللمختصين بالنت طبعا كلمتهم وقريت كتب بس من غير فايدة ليما اللحين ماوصلت

للشي اللي ابيه اللحين انا وياكم بنتعاون وبناخذ خبرات كل ام ويانا

احيانا الخبرة احسن من اي قاعدة يكتبها مختص او موجه بخبراتكم زودونا وبتربيتكم وجهونا

بتكلم لكم عن نفسي شويه:

انا عندي 3 بنات اصغرهم 4 واكبرهم 9ونص

مو قادرة اسيطر عليهم طبعا ابي لمن ااتكلم لوحدة فيهم تطالعني وتسمع الكلام مو لمن اكلمها اوك دقايق ويتبخر 
كل شي امي كانت طريقتها انها تفهمنا الغلط بنقاش معقول وعقب تفهمنا شنو تبيًبي

بالظبط بس بناتي نوعهم مايلتفتون لي التفاته جادة مع العلم ابوهم مو من النوع اللي يتدخل بهالامور
كاف خيرة شرة

شرايكم شنو اسوي معاهم وشلون اخلي ابوهم يتصرف معاهم



يالله امهات شاااركوني موضوعي *

 

[طيبة83]

اختي انتي ما عندج بيبي صغير؟؟ ما كنتي في تجمع مواليد مايو ٢٠١٢؟؟ ولا هذيج عضوه ثانيه؟؟

 

[دارسين]

امبلا عندي وكنا في تجمع مايو ٢٠١٢

 

[ديانا سبنسر]

اب اب

 

[اخت خالتهم]

انا امي ما تكلمنا جدام بعض كل وحده بروح وبالدار وماندري شقالت للثانيه
مو تطقنا هههه لا تخافون فديتها
لا بس اذا تبي شغله تحسسني اني كبيره و في خصوصية بيني وبينها

 

[دارسين]

يسلمو ديانا عالرفع

اخت خالتهم تشابه طريقة امي تقريبا ً حلوة الطريقة
بس ياليت تعطينا تفاصيل اكثر

ومنورين الموضوع وننطر الخبرات الباقيه

 

[PuPa^^SWeeT]

الجييل اليديييد مبين علييه مو بسرعة يستوعب المخاطر


يبيلج اتعيدين علييه


لين يحصل موقف ينقرص منه و مايعييده

 

[اخت خالتهم]

يعني قصدي تكلمني جني وحده عمري ٢٠ مو ٧ او ٨ سنين تطلب مني الشغله جني كبيره
وتقولي عن اللي يضايقها وتسولف


مثلا مره ما انساها كله اشرب من قلاصها الي بالدار وما ارده دارها مثلا توها بتنام او تقعد من النوم
ما تلقاه تطلع تشرب ماي من برا


عاد مره قالت راسي يعورني كل ما اقعد من النوم ما القى القلاص مالي
ما انام نومه متواصله كل يوم لازم اطلع و اروح المطبخ اشرب ماي
قمت ما اخذه منها حسيت بتانيب الضمير


وجذي تفهمج و تشرح همها حقج

 

[لميس نفسي]

اختي دارسين


موضوعج جدا رائع


واعرفي وثقي تماما ان مشكله عن مشكله تهون

وان المشكله اللي انتي فيها كل البيوت تعاني منها


الجيل الحين متفتح وصعب مونفس قبل لاطلعات ولا اجهزه وولا خرابيط


فانتي اول شي اصبري

وثاني شي حاولي ان شخصيتج ماتكون مهزوده عند بناتج

مثلا اذا بنتج قلتييلها شغله وخواتها موجودات وماطاعتج وانتي مااعطيتيها جزاءها اكيد الخوات بيمشون مثل الكبيره


لازم اول باول تصرفين


مثال حبيبتي نوره كتبي واجبك بسرعه لان نبي نطلع

لا مابي

شويه نطري بلعب بروح


عطيها مره مرتين ثلاث

بعدها هدديها


بعدها اخذي خواتها واطلعي وخليها


علموووهم الحرماااااااان عشان يعرفون


اذكر امي قبل كانت تحرمنااااا

بس طبعا لمن نغلط وماشاء الله حيل كانت الطريقه حلوه حتي مره اذكر غلطت واحرمتني من الاب توب اسبوع مع ان كان عندي شغل و مع ان كنت بالجامعه وكبيره لكن كان درس وان انا مهما كبرت احتاج لتربيه ...



خليج جااازمه بالقرارات

 

[دارسين]

اهلين بوبا منورة الموضوع وكلامج صح جييل صعب

اخت خالتهم امج حكيمة وانتوا تفهمون الحكمة ماشالله

لميس نفسي روعه طريقتج يبلنا نتمسك بالعقاب اكثر ونجزم عالحرمان

منورين بنات وننطر الباقي

 

[دارسين]

شدعوا مافي وجهات نظر اخرئ


يالله تعااللو

 

[أم رهوفاا]

العقاااب والحرماااان هوو الحل بهالزمن بس هاا لازم ماترجعين بقراراتج حتى لو كانت تافه وصغيره

مثلاً انا بنتي باجر يصير عمرها ثلاث سنوات الله يخليها لي ويحفظها

من اول ما تقعد من النوووم على طووووووول ع باب الشقه تبي تنزل لجدتها وعمانها كنت الحقها ااكلها وامشط شعرها تحت لين خذت قرار

اول ما اقعد اروح اصك باب الشقه بعدين اقعدها لا قعدت راحت للباب ع طول الا هو مقفل تبجي اقول لها. روحي الحمام (عزكن الله) وتريقي وبدلي ومشطي شعرج بعددين تنزلين يوم يومين وبجي لين شافتني ما اعطيها اي اهتمام تعلمت صارت ع طول الحمام وتتريق وتبدل عشان تنزل

وخاصه لما تسمع صوت عيال عمها وعمتها تتحلطم وتبجي وانا اقول كيفج تبين تنزلين خلصي

فخلاص تعودت صح تعبت بالبدايه بس الحمدالله الله عاني وخاصه لما يشوفها ابوها تبجي يقول بس هالمره خليها تتريق تحت كنت اقول لا

طولت عليج بس ابي اوصل المعلومة

والشي الثاني اذا نزلت وأذتني ولا سمعت كلامي احذرها اصعدها للشقه مرة مرتين ماسمعت انا الخدامه تشيلها توديها فوق واصعد فصارت لا قلت بوديج فوق وانا الخدامه ع طول تسمع كلامي

 

[أم رهوفاا]

انا=انادي

 

[a7la_7b]

انا بعد ابي استفيد بنتي اهددها مني لي باااجر ماترد علي ههههههههههههههه
بس انا اقول بنتي صغيره عمرها سنه و11 شهر
لما تكبر شوي استخدم قانون الحرمان
الله كريم والله يعيننا على التربيه

 

[لميس نفسي]

انا بعد ابي استفيد بنتي اهددها مني لي باااجر ماترد علي ههههههههههههههه
بس انا اقول بنتي صغيره عمرها سنه و11 شهر
لما تكبر شوي استخدم قانون الحرمان
الله كريم والله يعيننا على التربيه

اي والله الله يعينا علئ التربيه


لا توها ماتعرف العقاب صغينووونه

 

[ناتشوو]

لا صدقوني تعرف العقاب
بالخز
والاجبار
حتى لو تبجي طنشيها


ام رهوفا كلامج صح ١٠٠٪

 

[دارسين]

حياكم الله بنات
النتيجة وحدة لحد الآن العقاب والحرمان وسيلة الأغلب

للتربيه الصح

مشكورين فديتكم وننطر الباقي 