بنات ساعدوني مهمومه

[حزينة الهم]

السلام عليكم بنات
انا عندي هم معذبني مررررره هو وسواس يمكن بس ذابحني
الخوف من عدم النوم يوم اقرا في المواقع أن عدم النوم يسبب الموت يرتعب قلبي مره وخاف أني اموت تعبانه مره صحيح هذي القصص اووف مره مهمومه والدنيا كئيبه لي

 

[ديانا سبنسر]

شوفي استشاري نفسي

 

[نسكآفيه !]

حبيبتي
كثيرآعرف بنآت كذآ

آقرآئي قرآن قبل مآتنآمين والآذكآر
وجربي كلمي آستشآري نفسيي


وإن شأءءءء الله فتره وتعددي

 

[توته النعومه]

يمكن انتي تجلسين تفكرين وماتنامين
لكن بقلك طريقه
1- اقري الاذكار قبل النوم
2- حاولي ماتفكرين استغفري الين تنامين
3- شغلي رقيه وانتي نايمه او سوره البقره خليها تتكرر
باذن الله بتنامين براحه
ولا توسوسين كذا بتتعبين زياده
وكل ما وسوستي اتعوذي من الشيطان واذكري الله

 

[granted]

اتوقع الشعب الوحيد الي مستحيل ينصاب بعدم النوم احنا
اصلاً احنا مو شاطرين الا بالنوم. العالم وصلت للقمر واحنا نايمين بالعسل. لاتحاتين حبيبتي.

 

[روجَ آحمرَ ..×]

الله يريح قلبك

 

[ايمان الغساني]

الله يريح قلبج
اقري القران والاذكــار واستغفري وايد

 

[بنت النوخذا]

انا عندي هم معذبني هو وسواس
و خاف أني اموت
والدنيا كئيبه لي

عزيزتي
انتي جاوبتي بنفسك
مشكلتك الوسواس

ان سكتي اكثر بيصير وســواس قهري

مشكلتك انتي متشــائمه كثيرت التذمر و و و و

انصحج واضبي علي صلاتك
اكثري الاستغفار
ضرورررري جدا متابعة الحاله مع استشاري نفسي

لانه حالتك لها ســـبب


عندج
مكتب النماء الاجتماعي
المرقاب بجابن سوق الصفاة
http://www.sdo.gov.kw/

 

[(حكاية قلب )]

حبيبتي مابي اخرعج السهر بالليل والنوم الصبح مو زين
حق صحتج وحق نفسيتج
اذا تبين تعدلين نومج حاولي يووم كامل تواصلين ما تنامين كلش كلش واشربي كوفي او جاي
اي شي يسهر عشان ما تنامين واذا جات الساعة 9 بالليل نامي وقعدي الساعة
8 ونص بالكثير عشان نومج يتعدل

​

 

[Shooggaa]

استعيني بالله وكثري من الاستغفار
وحاولي تراجعين استشاري نفسي

 

[VET-Nour]

عدم النوم يسبب الموت؟

يقولج كثرة النوم تذبح الانسان < من كثر مااسمعها حفظتها هههههههههه

انتي الحين ماتقدرين تنامين؟ وله تنامين واجد ؟ بس تخافين تموتين وانتي نايمه؟

يعني استغفر الله ملك الموت ينطر الناس لين ينامون عشان ياخذ روحهم؟؟؟ لا طبعا
توقعي بأي مكان ممكن تموتين
مو بس لمن تنامين
والانسان نهايته موت وآخره وحسآب يعني الكل بيموت حتإ انتي نهايتج موت
آبني آخرتج ولا تهدمينها بسبب هالوسواس

 

[دلوعة أبوهآ]

آلله يفرج همك

 

[سلاسل الذهب]

شوفي حبيبتي شي مجرب وياب نتيجه في كل صلاة وفي كل سجده تقولين اللهم اني مسني الضر وانت ارحم الراحمين ثلاث مرات في مل سجده راح تحسين براحه والله معاج

 

[Alias]

نصيحه روحي ادكتور نفسي. والله يفرج همج