اختكم من دبي في خدمتكم

[سارونة ksa]

اهلين أختي لؤلؤة دبي

بعد اذنك حابة تساعدني هذي الماركات موجودة بدبي وياليت تعطيني عناوينهم بالضبط اذا ماعليك كلافة


VICTORIA BECKHAM


ROLAND MOURET


EMILIO PUCCI



tom ford

ومشكورة على تعاونك ومساعدتك

 

[لؤلؤة دبي]

جزاج الله خير عالافاده سفرتي قربت

بغيت اعرف شنو البخور اللي تنصحين انه نشتري منه وسعره يكون زين مو اوفر يعني توله ٨٠ ٩٠ لا ابي اقل !! اي محل ؟؟ لان يمدحون البخور عندكم

محل انفاسك دخون- الياس - محلات اجمل

 

[لؤلؤة دبي]

السلام عليكم ورحمة الله وبركاته

مشكوووره اختي على هالموضوع ربي يجزاك الجنه ما قصرتي على هالخدمه

بغيت منك مساعده لا هنتي

انا اول مره اجي الامارات وابي اغطي اغلب الأماكن البارزة

الرحله لمدة اسبوع باذن الله عايلتين

خلاص السكن حجزناه والحمدلله

باقي ابغى ترتيب جدول سياحي ابغاه على فترتين مثلا الصباح شي والعصر شي

ابغى أسأل عن هذي الرحله اللي بالبحر مع عشاء وش اسمها ومن وين وكم اسعارها ومتى احجز وابغاها بدون موسيقى

وربي ينور لك دربك

حبيبتي الاماكن السياحية في دبي كثيرة منها دبي مول يباله يوم كامل وامارات مول والجي بي ار والقرية العالمية والاسواق الشعبية مثل نايف والوصل ومرشد وعكاظ وفاستيفال سيتي ومردف سيتي سنتر
والرحلة البحرية اتروحين قرية البوم السياحية

 

[لؤلؤة دبي]

يعطيكم العافيه

بسالج ،، بقعد بدبي ٤ ايام " ٣ ليالي " اتهقين جم يكلفني كويتي؟

احاتي المصرف

جم يكلف المصرف تقريبا ،، بس مصرف من غير السكن والتذاكر ؟ :d

حبيبتي المصرف على حسب مشترياتج اذا بتشترين طبعا لازم الميزانية اكبر واذا لاا اقل جي يعني
والمواصلات في دبي غالية والمطاعم بعد

 

[لؤلؤة دبي]

شكرا لمساعدتج
موضوعج مفيييد
شي حلو انج تقدرين تسالين مواطن عن موطنه
عشان يدليج عدل


المهم اختي
بنييكم انا واختي وامي وابوي
في اجازة العيد من تاريخ 24 الاربعا العصر الى 28 الاحد المغرب
ابي اروح سكي دبي
و المقهى الثلجي (جيل اوت كافي)
والقرية العالمية
وعالم فراري
ودراغون مول
واهم شي ابي اروح برج خليفه اطالع الدنيا من فوق
وابي اجوف النافورة الراقصه

بغيت بس طلب بسيط منج
وهوه انه ترتبين الاماكن حسب الطريج والايام
وابي احجز حق برج خليفه بس تقريبا من الظهر الى العشا كله محجوز
ابي احجز قبل ما يخلص واتحسف اني مارحته

واذا عندج فكره جم يكلف كل مكان وخصوصا التاكسي الى ابوظبي ان شاء الله مايطلع غالي وماتسوي الروحه حق الفراريات

واذا تقدرين تقترحين اماكن ثانيه بالدرجه الاولي تمشي وناسه والدرجه الثانيه تسوق

وشكرا مقدما

اختي انتي ذكرتي كل الاماكن السياحية
دبي مول يباله يوم كامل
الامارات مول الصبح والعصر المقهى الثلجي والفليل الجي بي ار
دراقون مول وعقب مردف سيتي سنتر او فاستيفال سيتي
القرية العالمية يبالها من العصر لين الفليل
وابوظبي بعيدة عن دبي تقريبا ساعتين

 

[لؤلؤة دبي]

مبروووووووووك التثبيت

ها لما ثبتو موضوعج مايينتي عههههه

المهم انا كنت اسأل كذا مره واقولج ماتقصرين رديت من السفر والحمدالله استانسنا وديره حلوه ومرتبه ومنظمه ماشاءالله ورحت شكثر اماكن ماشاءالله

الامارات مول دبي مول ابن بطوطه التنين شارع مرين دبي اللي جنه شانز ورحت القريه العالميه رفيستفال ومارينا مول ورحله عاليخت ومجمع ذيزاينه ايطالي

بس اللي مخربها الانجليز والهنود شكثرهم والاجانب بشكل عام وايد لما اروح مكان قليل اشوف اماراتين بس بشارع اللي فيه كافيهات وتمشي هذا شفت فيه اماراتين وايد

الله يبارك فيج تسلمين حبيبتي

 

[مرايــــــــم]

مرحبا حبيبتي
غاليتي ان شاء الله بنجيكم يوم الاربعا
وارد الجمعه

ابي محلات دراريع وعبي رخيصه
وزينه

وهل تنصحيني باوت لت مول
يستاهل اتعنى له ولا عادي


والله يعطيج العافيه ياقلبي
وطبعا اكيد بروح مول دبي والسوق الصيني

 

[monmon-52]

السلام عليكم حبيبتى الله يخليج فى محل فى دبى مول يبيع شمع على كاكاو شنو أسمة

 

[عسوله معسوله]

السلام عليكم
حبيبتي وين أحصل مكياج ماركة kiko بدبي ؟؟

 

[flanah]

مرحبا حبيبتي عندي سؤال سريع هل السوق الصيني في الشارقه حلى من دبي ؟؟ انا ابي ملابس ناويه اروح الصين بس قلت دام انه فيه سوق صيني بالامارات اقرب ...
انا شقت سوق دبي مافيه ملابس وايد قلت اسال عن الشارق والسوق الصيني فيها ..

تسلمين يالغاليه

 

[لؤلؤة دبي]

مرحبا حبيبتي
غاليتي ان شاء الله بنجيكم يوم الاربعا
وارد الجمعه

ابي محلات دراريع وعبي رخيصه
وزينه

وهل تنصحيني باوت لت مول
يستاهل اتعنى له ولا عادي


والله يعطيج العافيه ياقلبي
وطبعا اكيد بروح مول دبي والسوق الصيني

اختي انصحج اتروحين مصانع عجمان شي درارييع
بالنسبة للعبى روحي مركز ابوهيل في دبي

اوت ليت قريب من السوق الصيني اذا عندج وقت مري عليه بس مدام بتروحين دبي موول يكفي عن الاوتليت

 

[لؤلؤة دبي]

السلام عليكم حبيبتى الله يخليج فى محل فى دبى مول يبيع شمع على كاكاو شنو أسمة

ما عندي فكرة حبيبتي اسمحيلي

 

[لؤلؤة دبي]

مرحبا حبيبتي عندي سؤال سريع هل السوق الصيني في الشارقه حلى من دبي ؟؟ انا ابي ملابس ناويه اروح الصين بس قلت دام انه فيه سوق صيني بالامارات اقرب ...
انا شقت سوق دبي مافيه ملابس وايد قلت اسال عن الشارق والسوق الصيني فيها ..

تسلمين يالغاليه

اختي الي دبي اكبر واحلى وفي بضائع اكثر عن امارة اخرى

 

[الجوري الحلوووه]

السلام عليكم اختي
كيف حالك ؟
حبيت اسالك في القريه العالميه ..
ايش لاقسـام الجديده
وكمان سمعت انو فيه قسم كوريا الجنوبيه
ربي يعافيك قوليلي كل شي يخص القريه ..​

 

[لؤلؤة دبي]

السلام عليكم اختي​

كيف حالك ؟
حبيت اسالك في القريه العالميه ..
ايش لاقسـام الجديده
وكمان سمعت انو فيه قسم كوريا الجنوبيه ​

ربي يعافيك قوليلي كل شي يخص القريه ..​

القرية العالمية من أبرز الوجهات السياحية في دبي لتنوع فعاليتها وهي تستمرّ في استقطاب ملايين الأشخاص من مختلف أنحاء الإمارات ودول الخليج العربي والدول العربية والاجنبية وفيها العديد من الاجنحة لمختلف دول العالم .بالاضافة الى العروض الفلكلورية والاستعراضات الحية الرائعة والألعاب النارية والاستمتاع بتناول تشكيلة متنوعة من المأكولات العالمية واقتناء وشراء أروع أصناف السلع والبضائع والمنتوجات من جميع أنحاء العالم فانصحج ما تفوتينه

 

[حصة2010]

ابى احلا فندق

 

[يحلموؤوؤن]

يعطيج العافيه اختي بغيت اسألج عطورات احمد المغربي سمعت انها موجوده بمركز ابو الهيل حق العبايات ممكن توصفين لي مكانه وبغيت اسألج القريه العالميه الحين فاتحه وهل فيها قسم حق نقش الحنه لان ناويه انقش

 

[الجوري الحلوووه]

مشكوره حبيبتي

بس فيه كوري

 

[نور العسل]

حبيبتي باروح انا وعائلتي في نصف يناير وحابه جدول مرتب لسبع ايام يشمل اغلب المناطق ماعدا الكرامه ونايف ومرشد ماراح اروح لهم او رتبيلي الاماكن حسب قربها من بعض عشان ارتب جدولي فمثلا الامارات مول جنبه ايش دبي مول جمبه ايش وهكدا اريد ترتيب الجول واستغلال الساعات بدل ما تروح في المشاوير
انا بادن الله حوصل دبي على الساعه 7 طبعا على ما اسوي اجرءات الدخول وكدا 8ونص فين تنصحوني اروح اتعشى او اروح فين ؟

 

[Roozlin]

جزاااااااج الله الف خير معلومات رائعه
انا بزور دبي قريب ابي اسال عن سوق نايف
عكاظ حق شنو بالضبط فيها جلابيات
والسوق صيني جم يبعد من شارع الشيخ زايد والاوتليت يستاهل اروح ومتى يسكر سوق صيني
القريه العالميه حلاتها عصر او ليل وشنو مول قريب منها
مركز البستان وين بالضبط شنو مولات قريب منه
وشرايج شنو احسن القوارب ف فستيفال سنتر او قريه البوم
ادري اسألتي وايد بس ماتقصرين فديتج
جاوبيني بليز بسرعه