السلام عليكم ورحمه الله وبركاته انا طالبه اول سنه بالجامعه
لما كنت بالثانوي امتحنت القدرات مرتين
اهو اول شي يعتمد ع معرفتج وخبرتج السابقه بالانجلش
لان اهو عباره عن كل شي عام
الامتحان من١٠٠ والنجاح من ستين وفوق
الامتحان فيه ٨٥ سؤال
٣٥ سؤال قواعد و ٣٥ سوال كلمات (( كل سؤال عليه درجه ))
وفي ٣ قطع عليها اسئلها كل قطعه عليها خمس اسئله وكل سؤال عليه درجتين
ااول مره امتحنت انا وثنتين من رفيجاتي
وحده امتياز اخذت ٣٤ من ميه سقطت ))) بس اهي مو شاطره بالانجليزي حيل
وحده ماتعرف شي رايحه تستعبط هههههه وخلصت الامتحان بعشر دقايق كله تشيير ماتقرا الاسئله جابت ٢٦ من ميه
انا شاطره بالانجليزي الحمدلله بس رحت ومادرست ولا ولا شي والقطع اللي عليها اسئله كانت حيل صعبه جبت )) ٥٥ من ميه وسقطت لان النجاح من ستين
المره الثانيه امتحنت وجبت ٦٨ من ميه ونجحت الحمدلله ووحده معاي اخذت ٧٦ من ميه
الامتحان الثاني ماكان سهل لكن كان اسهل من الاول بواجد )) اتكلم عن القطع
بالامتحان الثاني دشيت على موقع الجامعه وامتحنت امتحان تجريبي قسم القواعد بس وحححيل فادني هللشي لان تكون القواعد تقريبا على نفس الشكل
بالاخير اذا انتي تعرفين انجليزي انصحج تقدمين عليه واهو فيه نسبه من الحظ نسبه قليله جدا يعني مرات يكون ححححيل صعب ومرات يكون صعب
الامتحان مدته ساعه حق الانجليزي
كل اللي قلته فوق حق الانجليزي بس
اذا انتي ادبي بس تمتحنين انجليزي
اما اذا انتي علمي في بعد اختبارين زياده اهم رياضيات وكيميا )) ع كلام بنت خالتي الكيميا سهل اما الرياضيات صعب والجامعه تقدم دوره مدتها ثلاث ايام حق اختبار قدرات الرياضيات
اي سؤال انا حاضر
مشكووره حبيبتي وايد
الله يوفقج انشالله
بالنسبة لي
انا محتاجة اختباين انجليزي ورباضيات
لانه انا مو مستجده لا انا اكمل عرفتي
فمن زمان مو دراسة رياضيات وانجليزي
الله يستر
انزين عندي سؤالين اذا ماعليج امر
بالنسبة للاختبار شلون اعرف انه في فرص ثانيه بعد ؟
يعني كل مايبطلون تسجيل اسجل وادفع لهم
ولا خلاص انا مسجله اروح امتحن ؟
والاختبار اذا لاسمح الله ماعديته
يقبلوني واخذ تمهيدي ؟ ولا مايصير قبول ؟
وممكن اعرف انتي اي كليه
ومشكورة وايد :**
