نداء الى الحقوقيات لو ماعليكم امر

[قدوتي رسولي]

السلام عليكم
بنات اشلونكم
بستفسر عن شغله وشاكره لكم تعاونكم
انه متخرجه من الحقوق من مصر واحين شهادتي بالمعادله بالتعليم العالي
انه بطلع كرنيه من جمعيه المحامين
وسمعت ان لازم اختبار
يعني الاختبار يكون بشنو بالضبط بالدراسه الي درستها بمصر ولا بمواد دستور الكريت مثلا
ياليت الي عندها فكره عن اشلون اطلع الكرنيه تفيدني واكون شاكره للجميع

 

[e7liwa]

السلام عليكم
بنات اشلونكم
بستفسر عن شغله وشاكره لكم تعاونكم
انه متخرجه من الحقوق من مصر واحين شهادتي بالمعادله بالتعليم العالي
انه بطلع كرنيه من جمعيه المحامين
وسمعت ان لازم اختبار
يعني الاختبار يكون بشنو بالضبط بالدراسه الي درستها بمصر ولا بمواد دستور الكريت مثلا
ياليت الي عندها فكره عن اشلون اطلع الكرنيه تفيدني واكون شاكره للجميع

اذا ممكن بسالج عن الدراسه في مصر كنتي انتساب ولا لا

 

[قدوتي رسولي]

اي حبيبتي كنت انتساب
انتي تسجلين بالتعليم العالي وبمصر علا انج انتظام ولاكن اهم هناك يسمحونلج بالانتساب

 

[shea butter]

لا اختي مو صحيح سالفة الاختبار كلش

بس راح ياخذون منج رسوم قيمتها 229 دينار كويتي تقريبا

والتسجيل بالجمعيه يكون مدته سنه ويتجدد كل سنه وبعدين تدفعين مبلغ اقل يمكن 50 مو متاكده

المهم انه التسجيل بجمعيه المحامين سهالات وماكو شروط كلش غير المبلغ اللي قتلج عنه

وبعدين يعطونج ورقه وتروحين قصر العدل عند القاضي بس تقولين القسم عنده, يكتبونلج الجمله بورقه وعادي تقرينها جدام القاضي ماكو اي مشاكل

وبعدين اذا استلمتي كرنيه المحاماه تشوفينلج اي مكتب محامي تسجلين عنده

وبعدين المحامي يعطيج ورقه عشان تودينها حق دعم العماله وراح يمشونلج دعم العماله تقريبا 738 دينار

واغلب المكاتب يعطون المتدرب 200 دينار اقل شي

يعني المجموع بيكون 938 دينار غير القضايا اللي تكسبينهم

وهم اغلب مكاتب المحاماه نظامهم نص بالنص عالقضيه لانج اول سنتين متدربه

يعني كل قضيه تكسبينها لج 50% منها

وتقريبا اقل قضيه تكلف صاحبها الف دينار يعني قولي لج 500 دينار

يعني لو بالسنه تكسبين ثلاث قضايا هذي فيهم 1500 دينار

وطبعا لما تخلصين السنتين يحق لج تبطلين مكتب محاماه لكن الافضل تكملين عند المحامي وتشتغلين باسم مكتبه لكن كل شي حقج

وايظا المحامي درجات وكل درجة يترافع امام محكمه معينه

واتمنى اني فدتج اختي بالي اعرفه

 

[shea butter]

ونسيت اقولج ترا اغلبهم الدوام الصبح والمغرب

الصبح بالمحكمه من 8 لي 11 او لي 1

والمغرب من 5 لي 8 تكونين بالمكتب لمقابله الموكلين وترتيب الاوراق والدعاوي

 

[قدوتي رسولي]

الصراحه
ماااااقصرتي صج
يعطيج اللللف عافيه اختي وفيتي وكفيتي
وعساج سالمه يارب
مادري شقولج اختي يزاج الله خير

 

[قدوتي رسولي]

بس بقولج عن شي
اروح لهم عقب ما يعادلون شهادتي التعليم العالي
ولا اخذ النسخه الي عندي واوديها لهم

 

[قدوتي رسولي]

طبعا هالسؤال لان المعادلات بالتعليم العالي اتطوا اشهر وييمكن سنه
انه معاملتي ليمن الحين قيد الدراسه كل يوم ادش سايتهم والمعامله قيد الدراسه
مادري ليمتا
عشان جي اقول يصير اخذ شهادتي الي يايبتها من الملحقيه الثقافيه بمصر

 

[shea butter]

ما سوينا الا الواجب اختي

اختي اعتقد التعليم العالي يعطونج ورقه اسمها افاده على ما تخلص معادلتج

عن طريق هالورقة تقدرين تتوظفين بأي مكان

وبعدين الحين جمعيه المحاميه قريبه على مكان التعليم العالي اليديد يعني انشالله ماكو تعب مري عليهم الاثنين وجيكي

وماشاءالله الحين من عقب ما زادوا دعم العماله وايد حقوقيين اطلعوا من القطاع الحكومي وردوا للمحاماه

وترا مهنه ممتعه وما تملين منها

موفقه خير

 

[shea butter]

للعلم مكان جمعيه المحامين خلف قصر دسمان بالضبط يعني نهاية بنيد القار

وطبعا التعليم العالي مكانهم ببرج البابطين مقابل شئون القصر بمنطقة شرق من دوار دسمان تاخذين يسار وكله سيده اول دوار يصير البرج يمينج, وبظهره يكون مستشفى الاميري

 

[lebanon night]

انا على حسب معرفتي بتاخدي افادة و بتعملي اللي قالته العزيزة shea butter بعد ما تطلعي كارنييه بيصير فيكي تتدربي عند محامي صحيح الدوام صعب شوي بس حلوة المهنة و على المدى الطويل ممكن كمان تشتغلي بوزارة العدل موثقة أو باحثة قانونية

 

[قدوتي رسولي]

يعطيكم الللللللف عافيه ياخواتي الحلوين
فدييييتكم والله
عسى ربي يسخر لكم كل الناس ياااارب

 

[shea butter]

شهادة الحقوق مجالها جدا واسع

وبالاخص مهنه المحامي فيها رزقة كبيرة

لانه بعد سنين لما تصيرلج خبره خنقول 5 سنين ممكن تصيرين مستشاره او محاميه لاحدى الشركات او البنوك وغيرهم ويمشونلج راتب شهري ثابت غير الاستشارات والقضايا بقلوس

يعني لو تلاحظين اغلب المحامين الكبار يحطون بالسي في مالهم انهم محامين كمثال لدى المستشفى الفلاني او الشركه او البنك وغيرها

والمحامي مو بس يفيد الناس لا يفيد نفسه بعد يصير ملم بكل القوانين ومحد يتجرأ يكلمه ياكله بلسانه ويخوفه بعد ههههههههههه

موفقه خير ان شاء الله