زوجي ما يقيني اصير مريضه

[همسه]

السلام عليكم ورحمة الله وبركاته اخبار يا الغاليات قصتي حيل حزينه انا طلع لي انتفاخ. برقبه وسويت تحاليل دم الحمدلله سليمه. بس مشكلتي خايفه واحس بالالام بالرأس وآذني و رقبه. وعدم الاحساس باللمس وأفكر واجد وصرت بالاكتئاب لدرجة جاني قولون و ايدي اليسار الكف ينمل وعروق جسمي ترجف و زوجي. مستحيل يخليني اروح لمستشفي واذا. اشتكيت او مرضت عصب. و زعل ويهدد حتي. مع أهلي. لاتروحين لمستشفي ويتطنز انتي عجزتي والله تعبت. من نغزات. القلب. ما يعلم بحال الا الله سبحانه وتعالي يارب تفرجها يارب. دعووواتكم انا خايفه افقد. طفلي. حيل تعبت يارب تفرجها

 

[ناتشوو]

معقول
الوضع مثل ماتقولين !
ولا انت تبالغين
وهوالة حريم؟
مايبيج تروحين الطبيب
وحامل
ولا يشوفج موسوسة
شنو تفسير رفضه؟

ع العموم
ابدى ماعلى الوحدة صحتها
روحي حتى لو مع اهلج
والحمدلله حتى الحكومي
بيسوون الفحوصات وسهالات
ماتشوفين شر

 

[خالتي قموش]

يعني لو حضرته مرض
معناها عجز
الزم ما عليج صحتج
ريلج سخيف
روحي مع اهلج وتعالجي
مالج شغل فيه

 

[ديانا سبنسر]

روحي من ورآه عالجي روحج

انزين الحمل يبي متابعة ماتابعين ؟وإذا ولدتي شلون ؟

 

[همسه]

الله يوووفقكم دنيا واخره اهلي ماعندي خوات وإخواني مع ححريمهم كلمتهم يقولون مشغولين والله قمت اوسوس واحس بآلام وهو ماشالله اذا تعب سيدا لمستشفي خاص. الله يرحم الحال لا شكيت يتطنز ويزغل ويقولي كلام مايقال خلوها علي الله بفرجها يارب

 

[خالتي قموش]

الالم ما يوجع الا صاحبه
عالجي روحج
نفسج اولى
انا وبعدي الطوفان

 

[منال $]

لازم تروحين عالمستشفى انتي حامل وغير هيك هذة صحتك
الصراحة زوجك مالة داعي بهالحركات يعني غريبة ليش مابدو اياكي تروحي عالمستشفى يمكن ما بدو دكتور يفحصك بغار عليكي مثلا ادت هيك احجزي عند دكتورة ويروح معك
روحي مع امك مع خواتك
مع وحدة من صحباتك اطمني على نفسك
وما قداك الا العافية

 

[أروح فدوه لك]

ماعليج شر حبيبتي الغالية روحي ولا تهملين نفسج انتي مريضة وتعبانة وحاااااامل ماعليج من زوجج

افضل شي اخذي اختج ولا اخوج او امج روحي المستشفىى

 

[حبيبي مالكني]

ماعليج شر ياقلبي
لازم تروحين المستشفى ماعليج من احد الزم ماعليج صحتج

 

[a7la_7b]

اذا صار فيج شي ماراح ينفعج اذا هو بحزة المرض يتطنز
روحي الطبيب

 

[M!SS.LOBY]

معقول
الوضع مثل ماتقولين !
ولا انت تبالغين
وهوالة حريم؟
مايبيج تروحين الطبيب
وحامل
ولا يشوفج موسوسة
شنو تفسير رفضه؟

ع العموم
ابدى ماعلى الوحدة صحتها
روحي حتى لو مع اهلج
والحمدلله حتى الحكومي
بيسوون الفحوصات وسهالات
ماتشوفين شر

كلا مه صح

 

[رنيم الروح]

حبيبتي اهم ماعليك صحتك وماعليك منه لا تسمعين له
وسمعيني:
اذا ماعندك مشكله بالقلب النغزات هذي اذا تحسين فيها تتجه الى الجنب فهذا شي عادي مو خطير بس اذا تحسين فيها تتجه حق الاسفل بتجاه البطن في هالحاله شوفي عيادة متخصصه
و انتي عندك احتمال كبير مشكله بالغده الجار درقيه والغده هذي اي خلل فيها تسبب الاكتئاب +نقص الكالسيوم الي يسوي تنامل بالاطراف او احدها وخاصة الاصابع +الام في بعض اعضاء الجسم مثل القلب او مثل الاطراف +فقدان الشهيه والنسيان هذا جزء بسيط من اعراضها ومابي اخوفك اكثر بس الطبيب والتحاليل بتبين الصحيح لانه قلت هالشي على كلامك انتي الي ذكرتيه

 

[زوجة عزيز]

ماله اي حق يرفض علاجج وخاصة انج حامل ومحتاجه متابعه روحي من وراه ولا تصبرين على المرض مااتشوفين شر الله يشفيج

 

[PuPa^^SWeeT]

مالج شغل فيه


روحي الطبيب



روحي ويا اهلج ولا صديقتج ولا سايق


ولا اي وحدة مقربة

 

[نشيج الروح]

ما تشوفين شر حبيبتي ،،، الله يفرجها،،،،، لا باس طهور إن شال الله

 

[سندس 90]

الله يشفيج
وروحي تعالجي والله ماراح يفيدج لي طحتي صج
بيتركج
وانتي ساعتها تحطين ايد على ايد
الله لا يجيب هاليوم وربي يشفيج

 

[manoooram]

حبيبتي ألف سلامة عليج
بس شنو سبب رفضه وعصبيته اللي مالها معنى !!!!!
الحين مو معقوله كل هالأعراض فيج والآلام ويرفض
أبدى ما عليج صحتج وعافيتج والصحه ما تتعوض
روحي مع أهلج او اللي تقدرين تروحين معاه
وما عليج منه

 

[نبنوبه.!]

منعدم الاحساس هذا ولا شنو ؟؟

 

[عسل حدي]

لاَ يُكَلِّفُ اللّهُ نَفْسًا إِلاَّ وُسْعَهَا لَهَا مَا كَسَبَتْ وَعَلَيْهَا مَا اكْتَسَبَتْ رَبَّنَا لاَ تُؤَاخِذْنَا إِن نَّسِينَا أَوْ أَخْطَأْنَا رَبَّنَا وَلاَ تَحْمِلْ عَلَيْنَا إِصْرًا كَمَا حَمَلْتَهُ عَلَى الَّذِينَ مِن قَبْلِنَا رَبَّنَا وَلاَ تُحَمِّلْنَا مَا لاَ طَاقَةَ لَنَا بِهِ وَاعْفُ عَنَّا وَاغْفِرْ لَنَا وَارْحَمْنَآ أَنتَ مَوْلاَنَا فَانصُرْنَا عَلَى الْقَوْمِ الْكَافِرِينَ

 

[لسووعه]

ياعمتي خل يستريح يعني ينطرج تموتين مثلاً بعيد الشر عنج ، خل يستريح روحي برضاه ولا بدونه حمدلله والشكر والله مانطره يرضى او مايرضى على حساب صحتي

الطاعه لها حدود مو خبال اي شي يقولي لا?رياجيل آخر زمن