اللي بـ السبعينات ويبون الستينات حياكم ، خلونا نشجع بعض ^_^

[مفرفشه عالاخر]

الرشاقة هدفي صاجة مالعب فينا الا الاختيارات الغلط للسعرات والبدايل

 

[الرشاقه هدفي]

فديتك مفرفشه على الاخر عاد الله يعينا ننحف كلنا انا زواج اخوي بعد شهر عساني انحف لو 4 كيلو نعمه وزين الحمدالله​

 

[نشميه]

انا ودي ادخل وياكم بس مشكلتي صايره التزم يومين واخربط عشر ايام الحمدالله :yaaaaaarb:ان وزني ثابت تقريبا يعني ما يزيد المهم انا يبيلي جم كيلو ودي اضعفهم علشان عقبها ابي احمل اذا الله كتب ومابي احمل علي متن

اول حمل لي حملت ووزني كان 66 ويوم والولاده وصلت 88 يعني بصراحه لا تعليق :eh_s(2):

والحين وزني 70.9 يعني لو الله كتب وحملت وزني بيوصل 54455:botetoo: فلازم لازم لاااااااااااااااااااااااااااااازم اضعف اولا علشان نفسي وثانيا علشان اصير خفيفه بالحمل



وايد قرقت عليكم



اهم شي

الوزن : 70.9
الطول : 164
الهدف : 65 واذا اقل ما عندي مانع
الرياضه : للاسف ماعندي وقت بس بحاول قد ما اقدر امشي واتحرك
النظام : رجيم طالب الشمري اللي مسكين احس بيصير فيه شي بسببي كل ما اروحله نفس الوزن ما ادري ليش اتعب نفسي واروح بس يالله الحمدالله اني ما اروح وانا زايده

 

[happy girl]

بنات اليوم ثالث يوم وللحين ملتزمه وتو قعدت اكلت بيضه مسلوقه وخس ونسكافيه وملعقه لبنه بس معزومه شوي علا زواره والله يستر ماابي اخرب نظامي حددي متحمسه اكمل هالاسبوع بس ودي اسوي رياضه بس احس ادوخ مافيني حيل من الريجيم

 

[happy girl]

ههههههه نشميه نفس الحاله حتا انا ودي احمل ومابي احمل علا وزني الحين اصير كارثه

 

[شقيقة النعمان]

مسائكم رشاقه
الى متى هالشحوم واللحوم
صح اننا مانتعبر سمان مرة لكن اذا تركنا انفسنا راح نوصل لل 80 وبعدها لل 90
مشكلتنا بس اذا سوينا رجيم سوينا رياضه وهذا اكبر غلط
المفروض 3 مرات بالاسبوع نسوي رياضه


انا بكمل اسبوع تمر ولبن احسه نزل وزني وبعدها بدش بمرحله ثانيه والاهم اني لازم كل يوم امشي نص ساعه ع السير
وبعدها اسوي تمارين للبطن

 

[Madrideya ~]

هاي بنات الحمدالله للي الحين ملتزمه بس الرياضه. مأ أسوي كلش
ما عندي وقت نهائي للأسف وايد مشغوله بس أن شاء الله الويك اند أفضا واسوي



~

 

[ReemAR]

طريق السعاده ماشاءالله يومك حلو اذا مشيتي كذ راح تنحفين 5 او4 كيلو بشهر لان يصير كل اسبوع كيلو تنزلين واذا جسمك يتقبل الرجيم يمكن تنزلين اكثر وفيه بنات بعد شادين حليهم الله ينحفنا ريمار ان شاءالله قلت اسمك صح مشكوره على التعليق حياتي موووه على خدك فديتك يومي الاثنين يفشل حيل خربطت بس بكتبه عشان اكون ملتزمه باليوميات واتحمس معاكم

حبيبتيييي فداااج اي صح :**

وبالنسبه لشسمه يومج اللي خربطتي في سوي تعويض

ماتتعشين اليوم اللي بعده اذا كلش جوعانه حطي روب قليل الدسم مع خيار وليمون وبالعافيه ياحلوه؛$

شدوا حيلكم

 

[ReemAR]

شقيقة النعمان صح كلامج

لو نترك اعمارنا رحنا فوق

بس يارب ننزل بصحه وعافيه :**

/

اليوم تريقت عال 11 الصبح
2 بيضه مسلوقه وشربت ماي !

بعدين رحت الكليه خذيتلي عصير برتقال فرش
وخذيتلي سيزر سلاد من غير دجاج اخليها حق الغدا
لان متأخر اتغدا عال4 وﻻ ماينفع ؟

جم سعره حراريه فيها؟

 

[ReemAR]

مدريديه اهم شي ملتزمه

وميخالف صح الرياضه خليها عالويكند

:**

 

[ReemAR]

غداي كان
السلطة كليتها بعد اشتهيتها حدي مع الصوص عال4 ونص
وبس الحين بشرب زنجبيل واوقف اكل

وطبعا الرياضه مشيت اليوم ساعتين
وبعد شوي بسوي تمارين ..

 

[طريق السعاده]

الرشاقه هدفي يسعد قلبك ع هالتشجيع يارب عاد استمر وننحف ان شاء الله كلنا بصحه وعافيه ..


يومي صحيت شربت كاس مويا وفطرت تمره حبه غمستها ف قشطه وكاس مويا

بعد ساعتين نمت لين وحده صحيت تغديت 3 ملاعق رز وصحن سلطه نتفت عليه قطع من صدر دجاج

العصر مشيت تقريبا ساعه الا عشر بتعشى توست وجبن ورح اكمل يومي ماي لاني اسهر تقريبا للفجر اذاكر ف لو حسيت جوع رح اكل زبادي وخيار بسويها سلطه ..

 

[احبك يايمه]

يومياتي
الفطور كودو وعصير
تمرةونص مع فنجال قهوة
الغداسفن اب دايت ماشربت الاشوي وشطه مع نص باكيت اندومي بالخضار الباقي ماكلته
العشاء شوي تونه مع نص خياره مع حبة توست بر


هذا سادس يوم ملخبطه من يوم الخميس

بس ابشركن الازمه عدت الحمدلله ايعني راح اقيس وزني هالحين حتى لو اكله وابي اشوف كم زدت وراح ابدا من بكرا ريجيم صح يالله اهم شي ارجع امشي مثل اول

 

[شقيقة النعمان]

بنات وش رايكم نسوي تحدي مين توصل لل الستينات بسرعه
كلنا هدفنا نكسر حاجز السبعينات
انا عندي مشروع حمل بعد شهرين ودي احمل وانا بال 60 واحافظ على نفسي
وبعد تقريبا 40 يوم عندي مناسبه ولازم يكون جسمي مضبوط بدون مطبات بالظهر هههههههههه

هالمرة غير ودي انحف علشان نفسي واذا نحفت بستمر لاني صدق كل مرة يكون هدفي علشان شئ معين اول مايخلص الشي ارجع لعاداتي الغلط
وعندي عاده سيئه اول ماافكر اني قاعده اسوي رجيم القى بطني يقرقر واحس نفسي جوعانه
اليوم رابع يوم لي برجيم يعتبر قاسي نوعا ما بس احاول انسى واشغل نفسي
وحطيت السير قدام التلفزيون كلها نص ساعه وانا مخلصه
وهم بديت احط اشياء على ويهي
اليوم حطيت زبادي مع عسل
وشعري حطيت فيه زيت حشيش خلطته مع زيت دابر املا



خلونا نشجع بعض رجيم وعنايه باانفسنا شعر وبشره وش رايكم

 

[نشميه]

بنات وش رايكم نسوي تحدي مين توصل لل الستينات بسرعه
كلنا هدفنا نكسر حاجز السبعينات
انا عندي مشروع حمل بعد شهرين ودي احمل وانا بال 60 واحافظ على نفسي
وبعد تقريبا 40 يوم عندي مناسبه ولازم يكون جسمي مضبوط بدون مطبات بالظهر هههههههههه

هالمرة غير ودي انحف علشان نفسي واذا نحفت بستمر لاني صدق كل مرة يكون هدفي علشان شئ معين اول مايخلص الشي ارجع لعاداتي الغلط
وعندي عاده سيئه اول ماافكر اني قاعده اسوي رجيم القى بطني يقرقر واحس نفسي جوعانه
اليوم رابع يوم لي برجيم يعتبر قاسي نوعا ما بس احاول انسى واشغل نفسي
وحطيت السير قدام التلفزيون كلها نص ساعه وانا مخلصه
وهم بديت احط اشياء على ويهي
اليوم حطيت زبادي مع عسل
وشعري حطيت فيه زيت حشيش خلطته مع زيت دابر املا



خلونا نشجع بعض رجيم وعنايه باانفسنا شعر وبشره وش رايكم

انا بعد ودي احمل اذا ربي كتبلي وودي وزني يكون بالستينات طبعا انا الصبح ما اخربط واكون ملتزمه بس الغدا والعشا اخبص فيهم

 

[شقيقة النعمان]

افا يانشميه
تخيلي تحملين وانتي سمينه
اولا اشكالنا بتصير كننا بط وبقر ههههههههه
غير التعب الي يجينا من الثقل واملاح وبلاوي
والسمينه اكثر عرضه للاصابه بسكر الحمل

بس تخيلي تحملين وانتي نحفيه بتحافظين على نفسك وتنتهبين لاكلك ويصير اكل صحي
انا بحملي الاخير حافظت على نفسي وكنت اسوي رياضه واكل صحي كان كل شئ تمام
بس مشكلتي بعدين قعدت اخبص ووصل وزني لل 74
ولا قبل كان 67 من فتره ووزني الاساسي 65
مربربه لاني مو طويله 158
يعني الوزن المثالي يكون اقل من الطول بس الشرقيين يحبون المربربه يعني لو اوصل لل 60 بيطلع جميل
قدامي الحين 12 كيلو ان شاء الله بسحقهاااااااااااااااااااااااا قريب

 

[نشميه]

اي ادري انا الحمدالله ان الطول راحمني شوي ١٦٤ وكان قبل وزني ٦٥ وبيرفكت كنت رشيقه بس بالحمل وصلت ٨٨ صرت باب متحرك والحين وزني ٧٠ باقيلي ٥ كيلوات واصير بيرفكت مره ثانيه

 

[ابي قربك]

امم هااااي بناااات

امم احس اني مو مسويه رجييم مدري ليه يمكن لاني اخربط شويات

ع العموم .. اليوم ما فطرت ولا تغديت .. والعشاء تعشيت تونة مصفاة من الزيت بدون خبز + عصير اناناس

 

[احبك يايمه]

افا رحت لاسوق ورجعت جوعانه واكلت بطاطس مقلي ومقبلات و2لبنه بالعسل وكوكتيل عصير بدون سكر
بس من بكرا راح التزم وقبل السبت الا انا نحفانه يمكن اغيب هالايام بس لي عودة وقت الميزان السبت

 

[happy girl]

بنات ثالث وهم ماخربطت يالله متحمسه بس ودي اسوي رياضه لو عشرين دقيقه او ربع ساعه بس منا احسن وقت للرياضه