اللي بـ السبعينات ويبون الستينات حياكم ، خلونا نشجع بعض ^_^

[happy girl]

بنات ان الاحد بقيس وانشللله ٧٣ 

 

[مفرفشه عالاخر]

فديتك مفرفشه على الاخر عاد الله يعينا ننحف كلنا انا زواج اخوي بعد شهر عساني انحف لو 4 كيلو نعمه وزين الحمدالله​

جربي الرجيم الي حطيته 6 ايام تنزلين كل يوم كيلو وبعدها ارجعي لرجيمج عشان مايزيد

 

[مفرفشه عالاخر]

بنات وش رايكم نسوي تحدي مين توصل لل الستينات بسرعه
كلنا هدفنا نكسر حاجز السبعينات
انا عندي مشروع حمل بعد شهرين ودي احمل وانا بال 60 واحافظ على نفسي
وبعد تقريبا 40 يوم عندي مناسبه ولازم يكون جسمي مضبوط بدون مطبات بالظهر هههههههههه

هالمرة غير ودي انحف علشان نفسي واذا نحفت بستمر لاني صدق كل مرة يكون هدفي علشان شئ معين اول مايخلص الشي ارجع لعاداتي الغلط
وعندي عاده سيئه اول ماافكر اني قاعده اسوي رجيم القى بطني يقرقر واحس نفسي جوعانه
اليوم رابع يوم لي برجيم يعتبر قاسي نوعا ما بس احاول انسى واشغل نفسي
وحطيت السير قدام التلفزيون كلها نص ساعه وانا مخلصه
وهم بديت احط اشياء على ويهي
اليوم حطيت زبادي مع عسل
وشعري حطيت فيه زيت حشيش خلطته مع زيت دابر املا



خلونا بعض رجيم وعنايه باانفسنا شعر وبشره وش رايكم

نفس الشي انا بادية ببشرتي مع الرجيم بس هاليومين حاسة بعوار وكسل لان اعتمد على نوع واحد طول اليوم

 

[مفرفشه عالاخر]

اليوم اول يوم برجيم ال 6 ايام قبلها كنت تخفيف بس قررت اكسر وزني وابي الميزان يتحرك اكثر واشوف نسبة الحرق جسمي يتقبل ولالا

واوول يومين لازم بس برتقال الكمية مفتوحة واخترت افندي بدال البرتقال لان احلا والحمدلله للحين ماحسيت بجوع وانشالله يعدي اليوم بدون ماخبص

ونتيجتي للايام الي طافت احس بطني بدا يصغر مع بذر الكتان ولبن اكتيفيا لايت بس امس خربتها غداي مكرونيا وعشاي من قريت ستيك كان ثقيل وحلو من لوفات ههههههههههه فزاد وزني كيلو تقريبا

 

[شقيقة النعمان]

يالله ياعسولات خلونا نشد حيلنا
ولاتنسون السبت الميزان
خلو اجسامنا تصير جميله ونلبس زي العالم والناس

 

[شقيقة النعمان]

اي ادري انا الحمدالله ان الطول راحمني شوي ١٦٤ وكان قبل وزني ٦٥ وبيرفكت كنت رشيقه بس بالحمل وصلت ٨٨ صرت باب متحرك والحين وزني ٧٠ باقيلي ٥ كيلوات واصير بيرفكت مره ثانيه

حلووو 5 مقدور عليها ان شاء الله شدي حيلك
وخلينا نتفق نحمل سوا هههههههه بنفس الليله

 

[شقيقة النعمان]

بنات جربو هالخلطه للبشره مرة جميله
حبه بطاطس وحبه تفاحه تسلوقنها
وبعدين بالخلاط علبه زبادي
وعصير ليمونه
نخلطهم كلهم زين ونحطهم بعلبه بالثلاجه ونحط القناع 20 دقيقه ع البشره

 

[نشميه]

حلووو 5 مقدور عليها ان شاء الله شدي حيلك
وخلينا نتفق نحمل سوا هههههههه بنفس الليله

ههههههههههه ان شاء الله الله يكتب لنا الحمل ويرزقنا بالطفل السليم المعافى ويرزق كل وحده تتمنى

 

[happy girl]

هاي بنات توني قعدت رابع يوم نفس الوجبه ههههههههههه علقت بيضه مسلوقه وخس ونسكافيه بس اليوم ناويه اسوي رياضه عشان انزل بسرعه

 

[شقيقة النعمان]

لازم رياضه
الي تبي جسم مشدود بدون ترهل لازم تسوي رياااااااضه
الرياضه تشد وتخلي جسمج يحرق الدهون

 

[شقيقة النعمان]

اليوم حسيت اني خربطت
الفطور كان 7 حبات تمر وكوب لبن
والغداء 7 حبات وكوب لبن
والعشاء كنت عند اختي اكلت 4 ملاعق رز ابيض قفشه صغيره مع حبه خيياره
ورديت البيت اكلت تمراتي مع كوب لبن


اخاف اكون حست الدنيا
مشيت نص ساعه مع تمارين البطن وبرد امشي 20 دقيقه علشان احرق ال 4 ملاعق الرز الي اكلتها

 

[طريق السعاده]

اليوم جبت العيد

صحيت متاخر ع 1 ف ما افطرت وكنت جوعانه ف تغديت وكثرت فالغدا طبعا من غدا البيت كان رز ودجاج

ع 4 العصر شربت كاس شاي اخضر ماحليته طبعا

تقهويت ع سته فنجان قهوه وحبه ميني معمول تمر الجاهزه هذي وكليت كم حبه فوشار تقريبا قد ملئ اليد

عشان التخبيص ماتعشيت اكتفيت بالحوسه الي اليوم وجنبي حاليا ماي رح اشرب طول الليل ماي


مامشيت ولا سويت رياضه ..!

 

[شقيقة النعمان]

طيب دامك جبتي العيد قومي الحين احرقي الدهون
امشي نص ساعه بالبيت باي مكان سوي تمارين بطن احرقي اللي سويتيه

انا علشان الكم ملعقه الرز
سويت نص ساعه ثانيه مشي
وشربت زنجبيل

 

[مفرفشه عالاخر]

للاسف السوم كلش مالتزمت وبطني ذابحني ولوعة الظاهر باخذ برد:eh_s(2):

 

[شقيقة النعمان]

صباحكم رشاقه
ودي ادخل الستينات بسرعه
باقي لي 2 كيلو و 700 جرام
يارب هالاسبوع اخلص منها
بكرا يوم مفتوح الجمعه
ودي من السبت اسوي رجيم 6 كيلو ب 6 ايام فيه احد جربه؟؟؟

 

[happy girl]

بنات امس الساعه ثنتين اكلت وجبه ماكدونالدز  كانت نفسيتي زيرووو واليوم مخربه السستم بعد عاد كنت ماشيه اوكي وضاعفه وايد بس انا اذا عصبت وزعلت وايد احط حرني بالاكل 

 

[ايمان الغساني]

موفقات بنات .

 

[شقيقة النعمان]

انتي مثلي وش وصلنا للسمنه اذا طفشا حطينا حرتنا بالاكل
ماندري اننا بهالطريقه نعدم انفسنا
لازم ننتبه ويكون عندنا وعي اكثر

الله ينحفنا من غير شر يارب

 

[طريق السعاده]

صباح الليل ههههههههه اليوم توني راده البيت من الساعه ست فالسوق فراره خخخ

يومي كان ملتزم لابعد حد صراحه ههههههه اصلا احس مدري كيف مر هاليوم

ع 1 الظهر فطرت شريحتين توست وسطهم جبن وكاس شاي

ع 2 ذاكرت شوي وشربت كاس شاي

ع 7 طلعت للسوق ومشي لين 12 ههههههههه حسيت اني بموت من التعب اليوم بس استانست اني قدرت اقاوم
اليوم اختي مستغربه ان ماقلت ابي شوكليت او موكا او شيء هم طلبو وانا صامت خخخ

رجعت البيت سويت لي شوربه وجالسه اشربها ع الساعه 2 وربع بالليل .. ادري متاخر بس ان شاء الله ماياثر تاخيري دام بس اليوم ...


اييي بعد في شيء يونسس حييللل كل اللبسات الي شريتها طلعت جميله علي ومبينه نحفي بسم الله علي هههههه لا جد طلعت روعه واحس بين فيني اني نحفت

متحمسسه ليوم السبت انتظر الميزان ع احرر من الجمر:yaaaaaarb:
:eh_s(9)::eh_s(9)::eh_s(9)::eh_s(9)::eh_s(9)::eh_s(9)::eh_s(9)::eh_s(9)::eh_s(9):

 

[ابي قربك]

سوووري بنات بس اختي ولدت وما قدرت ادخل هاليومين .. خبصت مرررا .. بسبب انوا كنا بالمستشفى واطريت اكل .. وبعدين ضيوووف ولويه فجعت .. ان شاء الله بحاااول امسسك نفسي ما ازيد ..