انا اكلم خطيبي بس المشكله،،،،

[قلبي99]

السلام عليكم
شلونكم حبايبي انا اول مره اكتب بالمنتدى:yaaaaaarb:


انا موضوعي عن خطيبي انا ملجت قبل فتره بس المشكله ان بعض المرات يصير
مافي احلى منه و اما الوقت الثاني يصير مدري شلون يغثني وخاصه اذا طلب شي
و عارضته
يعني اذا ماسويت الي يبي يقولي ليش متغيره ؟شفيج علي:eh_s(2):
ليش اسلوبج صاير جذي مع ان والله ماتغيرت معاه بس اذا رفضت شي ع طول
يحطني انا الغلطانه وانا المتغيره
انا والله اول مره افضفض لاحد ابي رايكم ي الغوالي:eh_s(15)::eh_s(16):

 

[منار 22]

نفس الحالة وما ادري شسوي

وازيد على كلامج احس ساعات عنده لامبالاة بعد

ياريت احد يفيدنا شلون نتصرف

 

[Perfume]

قوليله الاختلاف بالرأي لا يفسد للود قضية
شي طبيعي تختلفون
مو معناها انكم اعداء او ضد بعض
واذا الامور تافهة سايريه ولا تعارضين
الا اذا شي مصيري

 

[manoooram]

بيني له ان مو بالضرورة نتفق بالرأي
لكن ضروري تكون لغة الحوار بينا مبنيه على احترام وتقبل وجهات النظر
ونسمع من بعض حتى لو ما نتفق
ومثل ما قالت perfume اذا بالأمور التافهه سايريه
الا اذا مصيري

 

[سندس 90]

عااااادي مااشوفها مشكله
ربي يسعدج

 

[om MaRyooM]

عادي . فهميه ان لازم يكون اختلاف بالاراء ..

ولو شي عادي وتافه راظيه .. اما لو شي يزعل ومو محترمج او شي يغضب ربج لا طبعا خل يستريح احسن

 

[حلآوهـ حلوهـ]

عادي حبيبتي مب مشكله
بس يوم بترفضين شي ارفضييه باسلوب وباقناع
لآزم تعرفين كيف تقنعين الواحد بدون مشآكل او ضرابه
وقوليله الحياه فيها توافق وفيها اختلاف ولازم تتحاورون وتتناقشون
وانا خطيبي مثلآ يطلب الشي مره او مرتين كحد اقصصى
واذا رفضت خلاص مايطلبه مره ثانيه ويجلب علي
بس الحين عرفت اتعامل معاه

الخلاصه مرات لازم تتنازلين حبيبتي لان الريال مثل اليهال اذا ماحصل على الشي اللي يباه يزعل
وبنفس الوقت لا تتكونين دايما اللي تتنازل ,, يعني شوي جي وشوي جي =)

 

[قلبي99]

قوليله الاختلاف بالرأي لا يفسد للود قضية
شي طبيعي تختلفون
مو معناها انكم اعداء او ضد بعض
واذا الامور تافهة سايريه ولا تعارضين
الا اذا شي مصيري

انا قلت لهوالله بس كل شوي يقول لازم بكل شي نتفق ولازم تسمعين كلامي

مااقولج انه مايتفاهم بالعكس انا ووياه الحمدلله متفاهمين
بس لااختلفنا دوم اطلع انا الغلطانه:eh_s(2)::eh_s(16):

 

[بنوته ستايل]

عادي حبيبتي لاتحكمين ع الشخصيه قبل الزواج..
لان كلهم يتغيرون بعد الزواج..


الي مافيه عيوب ايام الخطبه هذا ينخاف منه لان قاعد يتصنع معناته بعد الزواج راح تطلع عيوبه..بس الي فيه عيوب حطي ف بالج ان الزواج يغيره ويغير شخصيته..


لان المكالمات بالفون غير عن العيشه بالواقع..

وانا اقرب مثال زوجي كان شخص قبل الزواج وصار شخص ثاني للاحسسسسسن طبعا..كنت نفسج احاتي شلون راح اتعايش معاه وهو فيه هالعيوب بس الحمدلله من تزوجت تغيييير حيييييل..


اهم شي انتي هالفتره اهتمي بنفسج وبتجهيزج وفكري بيوم عرسج وحاولي ماتكثرين مكالمات عشان ماتزيد المشاكل ..

 

[قلبي99]

عادي حبيبتي لاتحكمين ع الشخصيه قبل الزواج..
لان كلهم يتغيرون بعد الزواج..


الي مافيه عيوب ايام الخطبه هذا ينخاف منه لان قاعد يتصنع معناته بعد الزواج راح تطلع عيوبه..بس الي فيه عيوب حطي ف بالج ان الزواج يغيره ويغير شخصيته..


لان المكالمات بالفون غير عن العيشه بالواقع..

وانا اقرب مثال زوجي كان شخص قبل الزواج وصار شخص ثاني للاحسسسسسن طبعا..كنت نفسج احاتي شلون راح اتعايش معاه وهو فيه هالعيوب بس الحمدلله من تزوجت تغيييير حيييييل..


اهم شي انتي هالفتره اهتمي بنفسج وبتجهيزج وفكري بيوم عرسج وحاولي ماتكثرين مكالمات عشان ماتزيد المشاكل ..

كلامج حيل حلو بالعكس انا حيل متفاهمه معاه بس انا حياتي بتكون غير لاني راح اسافر ادرس معاه
وهذا الي مخوفني حيل اما عالمكالمات انا وياه دوم نتكلم حيل مو شوي بالعكس لها ايجابيات وسلبيات
انا الحين احس اني فهمته90/، فهمت كل شي فيه
واجذب عليج اذا قلتلج اني مو حيل تعلقت فيه انا صرت اشوف دنيتي فيه

 

[M!SS.LOBY]

ان شاءالله ربي يهديه حقج وبعد الزواج راح تتغير أمور عديده

 

[امـ خــزامـى]

واجذب عليج اذا قلتلج اني مو حيل تعلقت فيه انا صرت اشوف دنيتي فيه

^^^
الله يكون بعونننننننننك موحلو ابدا تتعلقين بشخص ترى بتتعبين وتتعبينه

حاول تلهين شوي عنه وتستقلين
ودائما وابدا اقول خير الامور اووووووووووووووسطها
لا افراط ولا تفريط بالحب

ومشكلة سهله بعد الزواج كل شي يغير وان شاءالله للاحسن

 

[اميره^_^بحلآها]

الله يهديهه لج ي رب

 

[وردة وطني]

بيني له ان مو بالضرورة نتفق بالرأي
لكن ضروري تكون لغة الحوار بينا مبنيه على احترام وتقبل وجهات النظر
ونسمع من بعض حتى لو ما نتفق
ومثل ما قالت perfume اذا بالأمور التافهه سايريه
الا اذا مصيري

مع كلام مانوراما الله يسلم قلبه

 

[قلبي99]

لبى قلوبكم عسى ربي يحقق لكم ماتتمنون يارب
الله يوفق الجميع لكل خير يارب
وشكرا للكل ع النصائح♡♡♡♡

 

[قلبي99]

الله يهديهه لج ي رب

اللهم امين ياقلبي
ويحقق لج ماتتمنين:eh_s(17)::eh_s(17):

 

[قلبي99]

واجذب عليج اذا قلتلج اني مو حيل تعلقت فيه انا صرت اشوف دنيتي فيه

^^^
الله يكون بعونننننننننك موحلو ابدا تتعلقين بشخص ترى بتتعبين وتتعبينه

حاول تلهين شوي عنه وتستقلين
ودائما وابدا اقول خير الامور اووووووووووووووسطها
لا افراط ولا تفريط بالحب

ومشكلة سهله بعد الزواج كل شي يغير وان شاءالله للاحسن

لبى قلبجج تعلقت خلاص. وهو نفس الشي بعض المرات
احاول انشغل بس صعبه والله لاتعودتي علي شي
يبيلج وقت ليما تغيرينه:eh_s(22):

 

[عسل حدي]

قُلْ هُوَاللَّهُ أَحَدٌ * اللَّهُ الصَّمَدُ * لَمْ يَلِدْ وَلَمْ يُولَدْ * وَلَمْ يَكُنْلَهُ كُفُواً أَحَدٌ }


قُلْ أَعُوذُ بِرَبِّ الْفَلَقِ * مِنْ شَرِّ مَاخَلَقَ * وَمِنْ شَرِّ غَاسِقٍ إِذَا وَقَبَ * وَمِنْشَرِّ النَّفَّاثَاتِ فِيالْعُقَدِ * وَمِنْ شَرِّ حَاسِدٍ إِذَا حَسَدَ }


قُلْ أَعُوذُ بِرَبِّالنَّاسِ * مَلِكِ النَّاسِ * إِلَهِ النَّاسِ * مِنْ شَرِّ الْوَسْوَاسِالْخَنَّاسِ * الَّذِي يُوَسْوِسُ فِي صُدُورِ النَّاسِ * مِنْ الْجِنَّةِوَالنَّاسِ }

 

[دلوعهـ ع الصامت]

الله يهديه ويهدي شباب المسلمين ي رب

 

[al-musk]

لاتحاتين طبيعي ولازم تبينيله ان كل واحد منكم له شخصيته وبيئته وطبيعي في اشيا راح تختلفون فيها بس الأهم الإحترام ويكون الرفض لسبب منطقي _
الاشيا الأساسية والي تنبني عليها حياة كامله لاتتنازلين فيها وخلي موقفج واضح فيها بس السوالف التافهه والاختلافات العادية حاولي تمشينها مرة جذي ومرة جذي يعني مرة شدي مرة ارخي ..