:eh_s(22):
السلاام عليكم ورحمه الله وبركاته
طبعا الحين اغلب العرايس اول ماتملج او تنخطب تفكر تسوي ليزر
واكيييد سمعتي كلاام واجد الي تمدح والي تسب والي احترقت والي طلعت لها ريحه وزاد العرق
انا من تجربتي 3 عيادات وصارلي سنه اسوي ليزر بنصحكم بكذا شغله وان شاءالله افيييدكم
اذا فكرتي تسوين ليزر اسألي عن عياده نظيفه ومنو دكتور الي مشرف ع الليزر
لان الحين صار الليزر تجاره وكل العيادات تسويه لكن اغلبهم ماتعرف طبيعه الجهاز بس تعرف شلون تشغله وشلون تمشيه ع الجسم
انا ليش قلت جذي لان معروف جهاز ليزر في درجات وكل بشره لها درجه. مثلا صاحبه البشره البيضه تختلف عن البشره السمراء ومثل البشره السميكه والبشره الخفيفه الي انا اشوفه بكل عياده قاعدين يسوون نفس درجه بدون مايهتمون لتفاصيل البشره
طبعا راح تعرفين التفاصيل اكثر اول ماتدخلين ع الدكتور قبل جلسات الليزر
انتباااه ؛؛
اذا تبين تسوين ليزر لازم توقفين حمام بخار وسنفره قبل الجلسه باسبوع وبعدها باسبوع
قبل جلسه الليزر الافضل يكون غاسله جسمج بماي فقط بدون صابون وماتحطين الديودرنت قبل الجلسه وبعدها 3 ايام
بعد الجلسه تستخدمين كريم ميبو لمده 3 ايام مرتين باليوم
ولتفادي رائحه العرق وهذا خاص يلي سوو ليزر الاباط لاتستخدم اي صابون عادي استخدمي فقط صابون طبي مثل الي تستخدمينه للمنطقه الحساسه لان بعد الليزر يصير لخبطه لمسامات المفرزه للعرق وتكون مسامات مفتوحه وانتي تستخدمين صابون عادي تزيد البكتيريا وتزيد رائحه العرق الكريهة
الحيين بطرق لموضوع مشكلات بعد جلسات الليزر
اذا حدث حروق او احمرار بالجلد وكملي استخدمي كريم ميبو لين يختفي الحرق
اذا حسيتي بحكه وخاصه المنطقه الحساسه سيده اخذي دش بارد وتجنبي الحك يزيد اسمرار لون البشره
نصييحه اخييره
اذا بديتي تسوين ليزر حاولي استمرار بالجلسات والالتزام بالمواعيد حتى انتهاء من الشعر
لان اذا قطعتي مده بعدين رديتي كانج ماسويتي من قبل وهذا الي صار معاي غلطت وقفت بعطله الصيف والحين رديت اكمل عقب مازاد الشعر المفروض كل 30 يوم جلسه ولازم جلسات متتابعه
وان شاءالله ماكون طولت علييكم وع فكره هذا اول موضوع لي بالمنتدى
:eh_s(7): تحياتي
التعديل الأخير بواسطة المشرف:
