نصيحه للعرايس

[Riema]

حبيباتي

وخواتي العرايس


طبعا الكل يحب العروس تكون مميزه بطلتها ومشيتها وحياهاا:eh_s(22): وتكون خجوله

طبعا انا اتكلم عن الحيا ء المعقول غير المبالغ فيييه :wqedqw::wqedqw::wqedqw:



لاحظت بالفتره الاخيره كل ماحضر عرس اشوف العروسه داخله وشاقه الضحكه :ggdw: شكلها مو حلو وهي مبطله حلجها واسمع الي حولي يقولون ماصدقت :eh_s(10):

وغيرها من حركات تنفزني اذا شفت العروس تسويها مثلا تنادي رفيجاتها بصوت عالي او تاشر بايدها وشاده حيلها :eh_s(9):

والي تلفت تدر فلانه وعلانه

والي تسولف وتاشر بايدها تعرف صديقاتها ع العايله :friends::friends:

والي انصدمت فيها وحده حضرت عرسها ولما دخلت الصاله بططتها ضحك ماقدرت تصكر حلجها :krkrkr: احس امها وخواتها ورفيجاتها انحرجو


انا وحده استانس اذا شفت العروس ذابحها الحياا
وهذا رايي الشخصي ونصيحه احبيت انقلها لكم وياليت الي مايعجبها رايي تنتقد باسلوب محترم


وشكرااا​

 

[*مطبخ الذواقة*]

ترى مرات الارتباك هو يكون السبب ببعض المواقف


يعطيج العافيه

 

[دلوعة ماماتي 88]

عن نفسي اذا استحيت يا اضحگ يا ابچي ماعندي حل وسط ههههههه
الله يستر شبسوي بالعرس



الله يوفق عرايسنا ويعدي هاليوم ع خير ان شاءالله

 

[S0 WHat]

والله مادري
بس ترى تلقين اهيا مو جذي طبعها ولا انها مشفوحة وما صدقت
تلقين من الخوف والخرعه خلاها جذي تتصرف
يت عكسية عليها هههههههههههههههه

انا احب العروسه اللي تدش مثل الطاووس بمشيتها ومثل الحمامه لافة راسها على تحت
تعجججججججججججججججججججججججججبني

 

[Riema]

ترى مرات الارتباك هو يكون السبب ببعض المواقف


يعطيج العافيه

صح كلامج ممكن من الارتباك بس هم في بعضهم تعمد تسوي

 

[Riema]

عن نفسي اذا استحيت يا اضحگ يا ابچي ماعندي حل وسط ههههههه
الله يستر شبسوي بالعرس



الله يوفق عرايسنا ويعدي هاليوم ع خير ان شاءالله

اجمعييين يارب :yaaaaaarb:

 

[Riema]

والله مادري
بس ترى تلقين اهيا مو جذي طبعها ولا انها مشفوحة وما صدقت
تلقين من الخوف والخرعه خلاها جذي تتصرف
يت عكسية عليها هههههههههههههههه

انا احب العروسه اللي تدش مثل الطاووس بمشيتها ومثل الحمامه لافة راسها على تحت
تعجججججججججججججججججججججججججبني

انا معاج احب العروس الي واثقه من نفسها ومن طلتها وع قولتج تمشي مثل الطاووس

 

[Fyonkita]

اصلا الحياء راح يزيدها جمال بعيون الحضور

 

[حبيبة قلبي]

صحيح ما احب العروس الخفيفه بالعرس ولا احب اللي ذابحها الثقل لدرجه ان ماتنشاف اسنانها وماده البوز كان المعرس ذابح لها احد من اهلها .

 

[ElRaZaH]

صاجه والله هالايام العرايس شاقين الحلج هههههه



الله يستر انا احس نفسي من الخرعه بطق السق واردمن كثر ما ارجف ههههههه

 

[اميره^_^بحلآها]

صح كلاامج إنا لحد الحين ماشفت عرايس الا و شاقيين الحلج بالثقههه جنها خفيفهه سستغفر الله ..~ << بس كان في عروس كانت تبجي حييل جد كسرت خاطري
الله يوفقها إنشالله
<< إهوا حلوو الوحدهه تضحگ بس شوي عاد مو العكس يعني ( إبتسمهه ) فقط ..~
والله يوفقنا إنشالله ..~

 

[حساس القلب]

يعطيك العافيه