أنثى (( دعوة للتغيير )) ..

[طـفولية]

السلام عليكم ورحمة الله و بركاته ..

فكرت وايد وين أحط موضوعي لقيت إن هذا أنسب مكان ..

كلامي للـ ( أُنثى ) ..

بسئلج سؤال .. انتي مرتاحة ؟ شنو هدفج بالحياة ؟ انزين اذا عندج هدف كلام وشعارات ولا ماشية بتحقيقه فعلا ؟

أغلبية الناس تقيس نجاحها الاجتماعي بعلاقتها مع الناس .. كثرة الصداقات !!

بس الحقيقة (( شلون علاقتج مع نفسج ؟ ))

تعرفين نفسج شنو تبي ؟ شنو تحب ؟ غذيتي نفسج بلي تبيه ؟

للأسف سواء احنا بنات او متزوجات ، أمهات ، موظفات ..

الكثير منا تدفن ذاتها بزوجها باعيالها بوظيفتها .. وللآسف في بنات يدفنون نفسهم بالفراغ .. مشغوله بفضاوة باختصار !


حبيبتي صح أنا معاج انج تشوفين نجاحج بنجاح أسرتج و تفوق عيالج و نجاحج بوظبفتج بس هذا مو كافي
هذا جزء بسيط من الي تحتاجه ذاتج ..

حبيبتي البنية توفقج بدراستج هذا مو كافي .. النجاح الدراسي وسيلة لشي أكبر .. شنو طموحج !!؟ شنو تبين ؟


أنا ما راح أييب أمثله بعيده عن الخيال .. راح أييب أمثله من مشاكلكم إلي أقراها يومياً سواء بالمنتدى الزوجي أو الاجتماعي .. أو اسمعها بحياتي عموماً ..



" زوجة تلعب دور الضحية مسكينة زوجها حارمها من رفيجاتها .. ممنوع تطلع بدون عيالها .. ممنوع ممنوع .. تصرف من معاشها على نفسها .. وتطور الموضوع انها تصرف على عيالها "

مو وحدة ولا ثنتين يعيشون معاي وحولي وسمعت عنهم واهيا صابرة ومتحملة ..

أرجع بالصفحات ورااا ،، أيام الملجة و أول حياتهم الزوجية أكتشف ان اهيا الي تخلت عن ذاتها .. توقعت ان حبها لزوجها انهى تتخلى عن نفسها وعن هواياتها وتصير كللللللها له وبسسس ..

بينتله ان الصديقات شي مو مهم بحياتها وان اهو اهمم شي و ( بس ) ..

ما فكرت تناقشه وتحاوره بعقل .. ان الصداقة جزء مهم .. انت حبيبي و أهم شي بحياتي بس صديقاتي الي اعرفهم من سنييين و حبيباتي لهم جزء من وقتي مو كل يوم ..

مرة كل اسبوعين ميخالف .. !

حبيبي أنا عندي معاش بس انت لك حق القوامة و أنا احس برجولتك لمن تصرف علي و على بيتك ..

ريلج على ما تعودينه .. الملجة و أول سنة زواج اهيا حجر الأساس ..

اذا كان حجر الأساس مو مضبوط ما راح يكون بيت مضبوط وما راح ترتاحين ..

والبنات إلي ما تزوجوا خيحطون هالموضوع ببالهم ..


شفتوا هالمشكلة : أساسها ان البنت ما احترمت ذاتها وفكرها و الأكيد انها ما كانت تعرف ذاتها شنو تبي



مثال ثاني :

بنت متفوقة جداً .. وصل رابعة ثانوي ويابت نسبة عااالية ،،

لمن تسئلينها شنو خاطرج تدخلين !

ما تدري شنو الجواب ! أو تقولج امي قالتلي .. ابوي قالي ..

معقولة بنت وصلت هالعمر ما تعرف تحدد شنو اهيا تبي وشنو طموحها ..

التفوق والنجاح وسيله لهدف ونجاح أكبر ،،

شنو فايدة انج متفوقة وتتنقلين بين الكليات ما تعرفين شنو تبين !

و الأهم من جذي .. ذاتج شنو تبي ؟


غلط أكبر غلط نسبتج تحددلج الي تبينه .. تحبين الديكور والتصميم وتموتييين فيه ؟ بس نسبتج 95 وتدخلج حقوق ولا طب ،، و الطب و الحقوق بنظرج ونظر الي حولج أكشخ وتعيشين حياتج بجحيم عشان اهلج و الناس ويمكن نفسيتج تتعب وما تكملين ..

وين ذاتج ؟ وين أحلامج وطموحج ؟


لا تلومين أحد على أي غلط بحياتج ،، انتي مسؤولة عن نفسج ..

فكروا بالكلام إلي قلته و باذن الله


جاوبي على هالأسئلة مع نفسج وقيسيها على حياتج ..

تذكري المواقف و المشاكل إلي بحياتج ..

حتى الناس الي حسيتي انهم ظلموج او خذلوج او جرحوج راح تكتشفين ان كان لج دور .. يمكن لأنج ما قدرتي ذاتج باسم العطاء والكرم .. يمكن لأنج اهملتي ذاتج ..


الموضوع ما انتهى هذي مجرد عصف ذهني ..

وجزء بسيط من مقدمة موضوعي (( دعوة للتغيير )) ..​

 

[لمى الهاجري]

كلامج درر انا طموحي اكون اسرة سعيدة ويكون لي ذكر بالمجمتع وشهرة واكون اكبر تاجرة بالعالم

 

[princess meriam]

موضووووع روووووووووعه
ليا باك مع الموضوع
​

 

[M!SS.LOBY]

موضوع راائع

 

[((البرنسيسا))]

موضوع رائع بجد أحسنتي

 

[طـفولية]

بسم الله الرحمن الرحيم .. و الصلاة و السلام على أشرف خلق الله و على آل بيته وصحابته الغر الميامين وبعد

السلام عليكم ورحمة الله و بركاته ..


أشكر كل وحدة دخلت موضوعي .. وتفاعلت معاي سواء بالردود الحلوة أو مجرد قراءتها للموضوع

وقبل لا أبدي أدعي بأن ربي ينفعكم بالكلمات الياية ..


شعار اليوم وكل يوم (( سأتخذ قرار التغيير )) ..

حبيبتي الأنثى .. مهما كانت حياتج ومشاكلج وووو إلخ اخذي ألحين معاي قرار بالتغيير ..

ونصيحة : لا تفكرين بأسباب المشكلة وااايد .. وفري تفكيرج بالحل ،، لأن أغلب المشاكل إذا مو كلها معرفة السبب ما راح يصلح شي من الواقع ..

>> الحل اهوا الأهم <<



كل يوم باذن الله عز وجل راح أتكلم عن عن موضوع .. وكل وحدة فينا تعرض نفسها عرض شفاااف أمام هالموضوع
هل أنا أعاني مشكلة بهالجانب ؟
هل أنا محتاجة أتغير بهالجانب ؟

أدري من أصعب المواجهات مواجهة الذات بس ميخالف عشان تتغيرين لازم تمشين بخطة لمن باذن الله تعالى يحصل تغيير يفيدج ويسعدج يا رب

وعلى فكرة .. أنا معاكم خطوة بخطوة .. وايد أشياء غيرتها بفضل الله ووايد أشياء خاطري أغيرها ..

ما في أحد كامل فعلاً .. بس أكون أفضل كل يوم ..

يتبع بالرد القادم ​

 

[princess meriam]

الله رووووووووووووعه متابعه يا جمييييله بحب المواضيع دى اوووووى
​

 

[طـفولية]

بسم الله الرحمن الرحيم

رسالتي اليوم

إلى كل (( أُنثى بدينة )) ..


يلفت انتباهي في الأسواق ( السمنة ) المتفشية بالكويت للأسف .. وعموماً موضوع السمنة موضوع يعور القلب !

و فكرت بالموضوع واايد .. و أتوقع لو الأُنثى السمينة تحب ذاتها وتقدرها ما تركتها ..


كلامي للأُنثى السمينة ..

كم مرة رحتي السوق وعجبتج قطعة وما قدرتي تشترينها لأن ما فيه مقاسج ؟!

كم مرة عجبج ستايل وما تقدين تسوينه لأنج سمينة ؟!

كم مرة اخترتي ملابس وموديلات ما تحبينها ومو ذوقج بس لأنها قياسج ؟!

كم مرة اخترتي قطعة بس عشان تغطي إلى ما يتغطى بس خيالج توقع إن هالقطعة من الملابس راح تخش شوي من هالسمنة ؟!

البنت السمينة .. كم مرة رحتي يمعة بنات وحسيتي إنج أكبر من عمرج وااايد و إن إلي بعمرج أشكال و استايلات ثانية و انتي تتحسرين على نفسج من داخل ؟

صح نصيب .. و الزواج بيد ربي ما له علاقة بالشكل .. بس انكون واقعيين أكثر .. لو رحتي تخطبين حق اخوج زوجة بتفضلين يكون من ضمن مواصفاتها انها سمينة ؟!!!!

الرشيقة عليها العين .. تلفت الأنظار .. كم وحدة جمالها عادي بس رشاقتها ما شاء الله و اهتمامها بأناقتها خلاها أجمل و أجمل ..

البنات إلي لهم حضور و العين عليهم بالحفلات والمناسبات ( بالاضافة إلى الشخصية و الأخلاق اكيد مهمين ) بس الرشاقة الرشاقة من صفاتهم ..

ليش حارمة نفسج و بيدج الحل ؟!

اذا ما لبستي و انتي بنت و اسمتعتي بحياتج متى بعد ؟

اني أكون جميلة بعين نفسي .. و أشوفني جميلة بعين الناس شي يرضي غروري كأُنثى .. صح ما أكون مهووسة و ياخذ كلللل اهتمامي ..

بس شي مهم ولازم أخليه من أولوياتي ..


المتزوجة .. السمنة تأثر على حياتج الزوجية .. على أوساطج الاجتماعية .. حركتج و روحتج و ردتج ..

مو عشان الزوج و اني أرضيه لا !

عشان ترضين على نفسج .. و تثقين فيها .. وتحبين نفسج ..

نظرتج لنفسج بجمال وحب مهمة


تأكدي شلون اتشوفين نفسج ؟ ترا الناس اتشوفج !

اتشوفج بعينج ..

لي متى ما أقدر أصبر على الأكل ؟ لي متى الأكل أهم من نفسي و راحتي وجمالي و ثقتي بنفسي ؟!

صيري قوية ..



بالرد الياي باذن الله راح اكتب خطة كاملة حق ألي قررت فعلاً تغير حياتها من ( سمنة ) إلى (رشااااقة ) ..

من اهمال لنفسها إلى حب وثقة وجمال ..

انتظروني

 

[طـفولية]

أ

ول شي غيري تفكيرج .. أنا ما راح أسوي رجيم لا لا أبدا ..

أنا راح أغير حياتي .. ( كلها )

أنا راح أحب نفسي و أعطيها الأكل اللذيذ و المفييد إلي تستاهله نفسي ..

أنا بعيش أميرة .. بدلل نفسي ..


الصبح لمن أقعد من النوم أشرب بطلين ماي حق صحتي وجمالي و عشان أطلع السموم من جسمي .. و أشد بشرتي ..

بعدها أشرب كوب شاي ينسون و أحط معاه قفشة عسل طبيعية حق صحتي وعافيتي ودمي ..

أمشي ساعة بالمكان إلي يريحني .. مجمع - على البحر - بالفريج - بجهازي بالبيت .. لأن المشي يعدل نفسيتي و يعطيني طاقة وقوة و راحة طول اليوم .. و يقوي قلبي و يقيني الأمراض باذن الله .. ويشد جسمي

بعدها أتريق

ريوقي : كوب حليب دافي ومهيل أحط معاه تي باق شاي ليبتون + زوج من التوست الأسمر أحط داخلهم إلي أحبه و أحمصه .. أحطلي قطعة صغيييرة رهش احلي ريجي فيها ..

ريوقي مفيد و أستاهله أنا .. حليبي في كالسيوم حق عظامي .. و التوست الأسمر حبوبة الكاملة تشبعني مدة ومفيدة حق دمي .. و الرهش أستمتع بطعمه ومفيد حق بشرتي وجمالي ..

أنا أستاهل هالريوق .. معدتي كافي عليها هالكمية .. أنا أحبها ما أبي أثقل على نفسي ..


بعدها أخذ سناك فاكهة كل يوم أنوع مرة تفاحة ومرة برتقالة ومرة توت ومرة موز .. كل يوم راح أنوع حق نفسي عشان أفيد جسمي ..

غداي : من أكل البيت أحطلي 6 قفشان عيش مع قطعة لحم أو سمج أو دياي أو ربيان .. وسلطة ولبن قليل الدسم

عشان نفسي تستاهل اني أغذيها و ما أحرمها من إلي تحبه .. ما أتنازل عن السلطة الخضراء الي متروسة فيتامينات حق دمي وجسمي وبشرتي وشعري .. وقفشة زيت الزيتون .. وعن لبني إلي فيه كالسيوم .. و البروتين إلي بوجبتي ..


بعد الغدا بساعة أشرب شاي أخضر منعنع أقوي فيه قلبي و أحرق كم سعرة حرارية ..

سناكي الثاني : مكسرات قليييلة ( جوز حبتين + حبتين لوز + حبتين كازو + حبة مشمش مجفف ) حق ذاكرتي وعقلي ودمي مفييييد !
و اذا بغير مثلا اخذ مقدار كف ايدي حب شمسي بدون ملح ..

بعدها بساعتين أمشي نص ساعة أو ألعب تمارين .. و أشجع نفسي ..

عشاي خفييف : فلفل أخضر مقطع على جنب + فردة توست أحط فيها لبنة - مرتديلا - بيض أي شي خفيف ومفيد + شوربة دافية وخفيفة


وما أنسى قبل نومتي بساعة آكل روب قليل الدسم لأن مفيييييييد حق صحتي ..


أنا أُنثى أثقف نفسي و أقرى في مجالات الصحة و الرشاقة .. و أشتري أماعين حلوة وجميلة أونس فيهم روحي و أدلل نفسي ..




أنا كتبتها بصيغة ( أنا ) بدل طريقة النقاط و السرد عشان الوحدة واهيا تقرى تستمتع وتعيش الجو ان اهيا فعلا تستاهل ان تكون جذي حياتها ..


و ان شاء الله أرجع لكم بموضوع جديد ومفيد باذن الله تعالى


استودعتكم بحفظ الله و رعايته .. :eh_s(17):​

 

[lebanon night]

مممممممممممممم
ممممممممممممممممممممممممممم
مممممممممممممممممممممممممممممممممممممم

حالة يجب دراستها و بتعمق
طفولية لو طلبت اني انضم لحملتك و ساعدك بتقبلي
انت صاحبة الموضوع و من حقك الرد أو الصد
القبول و الرفض
و لكني أريد أن أنضم لكي فلعام 2013 سيكون عام التغير
العام الذي سأبدأ فيه أن أعيش نفسي و ليس أحد أخر

 

[princess meriam]

مممممممممممممم
ممممممممممممممممممممممممممم
مممممممممممممممممممممممممممممممممممممم

حالة يجب دراستها و بتعمق
طفولية لو طلبت اني انضم لحملتك و ساعدك بتقبلي
انت صاحبة الموضوع و من حقك الرد أو الصد
القبول و الرفض
و لكني أريد أن أنضم لكي فلعام 2013 سيكون عام التغير
العام الذي سأبدأ فيه أن أعيش نفسي و ليس أحد أخر

:eh_s(15):

 

[ضــمــاد]

طفوليــه وينج


كملي حمستيني *.^

 

[rose2012]

كملي الموضوع يضعف

 

[M!SS.LOBY]

موضووع رووووعة

 

[Mnawi 3ōŌōba]

صح السانج

 

[اوتار الحياه]

تابعي موضوع مميز

 

[Pinky -cat]

نايس وايد حلو موضوعج قريته كله ، كلمه كلمه وسطر سطر وزنقة زنقة ، ههههههه لا حيل حلو عجبني
دلع الروح والعقل والنفس والجسم ، عجبتني الراحة والهدوء والرقي بالتعامل مع النفس

فعلا ضغوط الحياة واي منها تنسينا روحنا وحياتنا ، مسكينة حواء ما بين بيت وطباخ وغيره وغيره


حبوبه موضوعج صار بالمفضلة مالتي غذاء لروحي يوميا

كل الشكر لج