تـــجـــمع الحوامـــــل اللي عندهم قصـــر بعنـــق الرحم

[قـــمـــرهم]

مساء الخيييير

شلووونكم حوامل ؟

عساكم بخييير ؟

وشلون الحمل معاكم ...؟


انا قاعده ادور مواضيع عن قصر عنق الرحم والبنات اللي سوو

عملية ربط عنق الرحم..

بس مالقيت مواضيع وااااجد

وابي اشووووف منو عندها هالمشكله ؟ اللي اهي قصر بعنق الرحم ..

او سامعين عن احد ...

وبعد يشووف منو سوت عملية ربط ؟ وشلون الولاده بعد الربط؟



يالله بنات ياليت القى مشاركات

لاني مسويه ربط ونفسيتي بدت تتعب منه

وابشوف اللي عندها خبره..ابيها تفيدني..


ويعطييييكم العافيه

 

[قـــمـــرهم]

بنات

اللي ماتعرف

ترفع الموضوع بليز

 

[روزماري]

خوووووش تجمع

ياليت نستفيد من خبرة البنات

 

[روزماري]

اللي عندهم قصر عنق الرحم معرضين للولادة المبكرة
و الفحص يكون بالاسبوع ١٢ لي الاسبوع ١٤

وفي معلومه توني اعرفها ان ممكن ببدايه الحمل يكون طول عنق الرحم طبيعي و بعد فتره يقصر
مادري اذا صح هالمعلومه ولا لا

لان قريت وحده كاتبه ان بدايه حملها طبيعي طول عنق الرحم و بالشهر الخامس اكتشفوا القصر

 

[قـــمـــرهم]

يعطيج العافيه روز ماري ع المشاركه

اي صح فحص عنق الرحم اللي اعرفه لازم يكون

تقريبا بالاسبوع ال ١٢ او ١٣


و يفضل انه اللي بتسويها حدها حدها الاسبوع ال١٤ او قبلها

انا سويتها بالاسبوع ال١٥ وكان حييييييل متاخر

ودكتورتي تقولي وانا اسويلج العمليه عنق الرحم كان مفتوح الله ستر


وسالفة انه طول عنق الرحم ممكن يكون طبيعي بعدين يقصر

ماعندي معلومه

 

[قـــمـــرهم]

روز مااااري

شلون عرفتي انها بنووووته

والا عشان خاطرج ابنوته

 

[قـــمـــرهم]

اب
اب

 

[gmar al-kuwait]

انا الدكتور قالي عندج قصر عنق الرحم وقالي بالشهر الثالث بسويلج ربط

وسؤالي بنات هل الحامل الي رابطه تمارس حياتها طبيعيه يعني اقدر اداوم اصعد درج لاني بالثاني ساكنه

واذا بحملي هذا سويت ربط عل كل حمالاتي الي بعدها لازم بعد ربط لاني بجر

الله يجزاها خير الي ترد علي

 

[قـــمـــرهم]

امس وحده قالتلي انها بكل حمل تربط وعندها يمكن ٦ عيال

تقول انه بس اول ربط متعب ولازم تنسدح ع ظهرها طول فتره الحمل

اما باجي الحمايل مع الربط عااادي الوضع طبيعي تروح وتجي

وكل ولاداتها طبيعي الحمدلله


والله ريحتني حيل الله يجزاها خير

 

[قـــمـــرهم]

انا الدكتور قالي عندج قصر عنق الرحم وقالي بالشهر الثالث بسويلج ربط

وسؤالي بنات هل الحامل الي رابطه تمارس حياتها طبيعيه يعني اقدر اداوم اصعد درج لاني بالثاني ساكنه

واذا بحملي هذا سويت ربط عل كل حمالاتي الي بعدها لازم بعد ربط لاني بجر

الله يجزاها خير الي ترد علي

هلا قمر الكويت


انا دكتورتي قالتلي عندي قصر بعنق الرحم

واللي عرفته انه مع كل حمل لازم ربط

يعني مثل ماتقولين عيب خلقي بس حل هالمشكله بسيطه

اللي هي الربط ..


وانا صارلي شهر بالضبط مسوية عملية الربط

ممنوووووووع الدرج لاتصعدين الدرج لو شنووو ..

الجماع ممنوع ..

دايما انسدحي على ظهرج ولا تجهدين نفسج ..

لاتشيلين شي ثقيل ابدا ابدا ..


انا اول حمل طاح والسبه انه دكتورتي. ماتاكدت من عنق الرحم
الله يسامحها

وهالحمل رحت لدكتوره ثانيه وقالتلي عن مشكلتي


قوووولي الحمدلله انج عرفتي مشكلتج من اول حمل
عشان اتفادين الاجهاض ...


والله يثبت حملج يارب

 

[gmar al-kuwait]

الحمدلله يارب العالمين

مشكوره قمرهم ياقلبي ماقصرتي بس شسوي اذا بيتي بالدور الثاني:eh_s(2):

 

[قـــمـــرهم]

قمر الكويت ..

ماعندج اصنصير ؟؟؟


اذا ماعندج اقعدي ابيت اهلج

انا صارلي شهرين ابيت اهلي مارحت لشقتي

و دكتورتج راح تقولج هالكلام ممنوووع الدرج

 

[روزماري]

روز مااااري

شلون عرفتي انها بنووووته

والا عشان خاطرج ابنوته

عشان حاطه التوقيع وردي يعني
عجبني الوردي احس ذرب شكله :eh_s(22):

بس للحين ما عرفت الجنس
ولد و لا بنت اهم شي الصحه و العافيه

 

[روزماري]

قمر الكويت

انتي بالاسبوع السابع شلون عرف الدكتور ان عندج قصر بعنق الرحم
لان الفحص يكون بالاسبوع ١٢لي ١٤ هني يبين عنق الرحم

 

[قـــمـــرهم]

هلا روز ماري


عبالي عرفتي .. قاعده اقول حده مبجر شلون !!!!


احمدي ربج بغيت احتر منج ههههههههه

تخيلي انا لي الحين ماااعرفت هههههههه

ماااايبي يورينا اهو شنوووووو كله مايبين ههههه


وصج الوردي حدددده ذرب




بنااااااات

اليوم وحده قالتلي اللي تربط ما اتطول بالولاده

تولد اول التاسع معروفه

عاد ما ادري صحيح هالكلام او لا

 

[ABEER FLOWER]

ربي يثبّت مافي أرحامكم

ويحفظ أجنتكم

: )​

 

[قـــمـــرهم]

اللهم اميييييييين


و


جزاااج الله خير يارب

 

[gmar al-kuwait]

قمر الكويت

انتي بالاسبوع السابع شلون عرف الدكتور ان عندج قصر بعنق الرحم
لان الفحص يكون بالاسبوع 12لي 14 هني يبين عنق الرحم

لاني حامل بطفل الانابيب والدكتور لما سوالي العمليه قالي عندج قصر بالعنق

 

[قـــمـــرهم]

قمر الكويت

الله يثبت مافي رحمج ويقر عينج بشوفته سليم كامل

الحمدلله انج عرفتي هالشي مبجر عشان تسوين العمليه

بس اذا سويتيها وعندج اي استفسار

اسئليني لا تنحرجين

توني مسويتها ومعلوماتي فررررش هههههههه

 

[أميرة 22]

قمرهم

شلون طريقة كشف عن طول عنق رحم ؟

سونار او كشف داخلي او شلون بالضبط ؟!

ومتى يبين حق حامل بجر ..
توني بدش ثاني وبروح افتح ملف عند خاص لأول مرة
وحيل خايفه من كب شىء !!!